хормони – Вистина.мк

Мешаница во главата: Тамара Тодевска во фаза на општ хаос, а решението го најде така што побегна од сите (фото)

Слободанка Илиева — Fri, 23 Feb 2024 09:11:13 +0000

Хормони плафон, мешаница во главата и апетит или аверзија на одредени нешта – период со кој е соочува секоја жена во одреден дел од месецот. Припадничките на понежниот пол многу добро знаат за каква фаза се работи, а името на ова, накусо кажано се вика ПМС или предменструелен синдром. На оваа тема не така често се зборува, можеби меѓу женски муабети онака меѓу редови и чисто за опис на моменталната хаотична психолошка состојба. Тамара Тодевска немаше проблем да каже дека е токму во оваа ПМС фаза, па за да најде решение од својата умствена мешаница и напонатост, спасот го најде во трошење калории и кардио вежби со трчање и пешачење. Не и беше доволно само ваквото празнење, па заврши во теретана. Оттаму со приложената фотографија и илустрација покажа дека хаосот во глава се уште трае, но со вежбањето малку расчистен. Сигнал за бегство од сите овој пат беше нејзиното решение. Така беше сега и така се по ред, повторно и повторно со сите женски бубачки во глава. фото:Instagram printscreen/ tamaratodevska

Љуба Перуќица ја раскажа агонијата низ која поминале тој и Катарина за време на бременоста: „Резултатите од тестот беа лоши!“ (фото)

Слаѓана Атанасова — Thu, 11 Jan 2024 09:05:30 +0000

Љуба Перучица си ја отвори душата и раскажа како тој и Катарина преживеале вистинска драма бидејќи првите три месеци не знаеле дека неговата сопруга е бремена. Пејачот Љуба Перуќица и неговата сопруга, водителката Катарина Колозеус, неодамна станаа родители на момче кое го нарекоа Алексеј. Љуба сега проговори за борбата за потомство што ја имаа тој и Катарина. Како што раскажа пејачот, неговата сопруга оперирала бениген тумор, а вистинската драма настанала по операцијата. - Оперираше бениген тумор, циста на јајниците. Сето тоа е направено на време, намалени се шансите за забременување, но лекарите велат дека ако се оперира во тој прв период, жените се поплодни. Таа мораше да прими хормон по операцијата, тој хормон да не се зема ако е бремена, не се дава, но на консултацијата рекле дека мора да го земе. Докторот така нареди, иако не сакаше, имаше чувство дека не треба да го прави тоа. Овој хормон нормално влијае на жената во смисла дека кога таа ќе почне да го прима хормонот, жената влегува во менопауза и не може да забремени. Фала богу, баш во тој период кога го примила првиот хормон забременила и гледате како се случуваат чуда. На луѓето би им рекол никогаш да не се откажуваат, со години ни велеа да одиме на вештачко оплодување, а ние бегавме од тоа, знаевме дека не треба да ги форсираме работите, дека се треба да биде природно. Докторите ни рекоа дека старееме, размислувавме кога не убедија, но не сакавме. Кога се случувало сето тоа останала бремена и на секоја консултација се жалела на разни работи, а докторите и велеле: „ма ајде“. Им кажа дека не се чувствува добро, подуена, стомакот и расте, и рекоа дека е поради хормони. Така беше и првиот, вториот и третиот месец и после три месеци на конзилијарно се пожали, им кажа дека се чувствува лошо, а доктор и рече дека јаде многу, таа им кажала дека два дена ништо не јадела, само пиела вода- рекол тој. Перуќица потоа откри какви коментари добиле од лекарите. - Каќа го покажа стомакот и една докторка рече дека сака да ја погледне. Каќа им кажала дека нешто расте во неа, дека ако не го прими хормонот ќе помисли дека е бремена, но се плашела дека не е тумор. Докторот ја прегледал и рекол дека во неа расте бебе, големо, четири и пол месеци. Таму почнала да плаче и да вреска, на сите им се лутела што не ги провериле резултатите. Бевме многу загрижени бидејќи овој хормон не смее да се зема кога жената е бремена. Никому не кажавме, ги направивме сите можни и невозможни тестови, тоа беше страшен стрес. На крајот од третата доза на хормони што таа ги прими, требаше да видат што да прават понатаму. Мислеле дека мора да се лекува од стерилитет, или вонтелесно, а девојката била трудна пред нив. Не би сакал никому да му се случи тоа искуство, тоа е стресно. Здрава жена, трудна, и ја колваш со нешто што оди право во стомакот. Резултатите од наталниот тест биле лоши, па таа го прави тоа повторно. Беше огромен стрес, поради тоа и двајцата изгубивме половина коса. Жена ми додека не се породи секој ден се молеше на Бога, постевме во среда и петок. Секоја вечер плачеше и се молеше на Бога да биде добро. Кога видовме дека се роди здрав и исправен, на среќата и немаше крај - изјави Љуба. Фото: Printskrin/Instagram/ljubaperucica

Антониа Гиговска расте во стомакот, ама и во усните: Пејачката вбризга нов волумен или се хормони во прашање? (фото)

Слободанка Илиева — Thu, 08 Jun 2023 08:20:36 +0000

На Антониа Гиговска и остана уште некоја недела до крајот на бременоста, така што за голем дел трудници ова се едни од потешките денови од третиот триместар. Пејачката решила да „удри“ на песна, па така видно расположена се снимаше за да им прати поздрав на следбениците пеејќи го хитот на Тамара Тодевска, „Нијагара“. Облечена во тесно црно фустанче со стомакот до заби, Антониа не му се дава на лежерниот изглед и комоцијата, за која многу трудници во таа фаза се’ би дале. Но не и Антониа. Таа сака да биде секси, а провокацијата се уште е нејзин избор, додека бременоста дополнителен момент за истакнување на женственоста. Познато е дека Гиговска ги зголеми усните кои се прилично поралични од она какви беа природни. Поради хормоните и тежината на плодот во утробата, кај мајката може да се јават отоци, кај Антониа поголеми, односно поволуменозни изгледаат усните, е сега дали е хормонална реакција или повторно вбризга волумен, знае самата. Но,видливо е, а нејзе и тоа и се допаѓа. Најважниот момет- да се чувствуваш удобно во своја кожа. За потсетување, Антониа Гиговска носи машко, а породувањето треба да се случи во една приватна болница во Скопје. фото:Инстаграм принтскрин/Антониа Гиговска

Пет промени во телото кои многумина ги игнорираат, а се симптоми на хормонски пореметувања

Слободанка Илиева — Mon, 20 Mar 2023 12:32:26 +0000

Сува кожа или нагло губење на косата се црвени знамиња. Рускиот ендокринолог и нутриционистка, Оксана Михалева, предупреди на некои симптоми кои сосема сигурно укажуваат дека страдате од хормонски дисбаланс. Губење на косата Докторката вели дека опаѓањето на косата е еден од главните знаци на ендокрино заболување во кое се нарушува производството на хормони. Сува кожа Сувата кожа може да укаже и на хипотироидизам, заболувања на надбубрежната жлезда и дијабетес. Покрај тоа, симптомите се придружени со сувост на слузокожата на очите и често мокрење. Зголемување на телесната тежина Докторката нагласува дека зголемувањето на телесната тежина не секогаш укажува на хормонални промени. Сепак, дебелеењето може да се случи поради недоволна активност на тироидната жлезда, недостаток на „женски“ хормони кај жените или „машки“ хормони кај мажите, тумори на надбубрежната жлезда или хипофизата или болест на панкреасот. Висок крвен притисок Високиот крвен притисок и отекувањето на лицето се знак дека имате проблеми со регулирањето на производството на хормони. Исто така, проширувањето на предниот дел на вратот е карактеристично и за болестите на тироидната жлезда. Нередовен циклус Нередовните циклуси кај жени од 45 години може да укажуваат на хормонални промени, како што се болести на јајниците, хипофизата и надбубрежните жлезди. Докторката апелира да внимавате и на исцедокот од млечните жлезди (градите), и кај жените и кај мажите, што може да биде симптом на хормонално пореметување. извор:курир.мк

Тие се главните „виновници“: Четири хормони кои најмногу влијаат на нашиот љубовен живот и среќата

Слаѓана Атанасова — Tue, 21 Feb 2023 13:08:02 +0000

Хормоните ја играат најважната улога во љубовната врска, тврди американската професорка по антропологија Хелен Фишер. Иако врските се создаваат под влијание на нашите навики, зрелост и животни околности, емоциите, како што вели, се резултат на работата на одредени хормони, но најдоминантните одредуваат каков ќе ни биде љубовниот живот, какви сме како љубовници. Допаминот е одговорен за емоциите и менталните реакции. Луѓето кај кои доминира допаминот имаат страсна и љубовна природа, но не се за долги врски. Серотонинот создава чувство на среќа и позитивно расположение. „Љубовниците на серотонин“ се сигурни, посветени на врската, а партнерот може да се потпре на нив. Естрогенот е одговорен за нежноста. Овие типови се емотивни, нежни и романтични, но сепак, посесивни и склони кон љубомора, како и изливи на плачење. Тестостеронот ја зголемува страста и желбата за секс. А оние во кои е најактивен се одлични љубовници, но доста себични во врската. Интересно е што тие се повеќе насочени кон создавање семејство од другите. Бракот ги менува навиките По една деценија брачен живот, според американските истражувања, најмногу промени се во навиките. Во првата година од бракот, партнерите се гушкаат до осум пати на ден, а по 10 години тоа го прават помалку од пет пати на ден. По венчавката 83 отсто од паровите се држат за рака, а по 10 години брак тој процент паѓа на 38 отсто. Околу 55 отсто од мажените жени не се дотеруваат додека се дома, а седум од десет сопрузи ги оставаат своите валкани чорапи и долна облека расфрлани низ куќата по првите десет години од бракот. Извор: Попара.мк

Очи в очи со Адријана Кеш: Додека „очите зборуваат“, хормоните и адреналинот, заеднички „збудалуваат“! (ФОТО)

Антонио Димитриевски — Sat, 04 Feb 2023 09:11:16 +0000

Фолк пејачката Адријана Ацевска попозната како Адријана Кеш не е од оние јавни личности кои постојано бомбардираат со објави на социјалните мрежи, но кога го прави тоа е толку впечатливо, што го надополнува времето кога ја нема. Атрактивна, стројна, бујна, надарена со раскошни телесни квалитети и атрибути, Адријана кога ќе сподели фотографија, дава се' од себе за да го истакне најдоброто на себе. Она што мајката природа го дала, естетската хирургија го надградила, а козметиката го „исполирала“, па со текот на годините Адријана Кеш станува се' посексапилна и попривлечна, поатрактивна и попровокативна, речиси неодолива... Особено за „гладните“ машките погледи! А кога сме веќе кај погледите, не само атрибутите на фолкерката се нејзиниот најсилен адут. Напротив, убавото лице на кое доминираат крупните сино-зеленкасти очи и влажниот поглед на срна ја прават фолкерката магнет за машките очи уште на прв поглед! Убавата фолкерка долго време е во шоубизнисот и како искусна во работата, добро си го знае редот дека треба да понуди и мерак за очи, а не само за уши, но при тоа погледот е првото нешто кое привлекува. Не попусто се вели: „Пушти очите нека говорат“, ама кога ќе се најдете „очи в очи“ со вакви како нејзините, говорот најчесто занемува! Зборовите исчезнуваат, ама затоа очите почнуваат „магично да зборуваат“... Барем нејзините, како што самата фолк дама напишала покрај една споделена фотографија: „Моите очи се омилениот дел од мене, но не како изгледаат, туку како гледаат“. Како гледаат нејзините, само фолкерката знае, ама како ја гледаат сите останати, особено оние на вистинските мажи, можете само да претпоставите! А како и поинаку би гледале, кога и покрај вакви очи какви што има Адријана Кеш, впечатокот од бујните атрибути е толку силен, впечатлив и свеж, што тешко дека некој може да ја гледа в очи и да одолее погледот да не му падне... малку подолу! Зашто погледот е можеби тој што привлекува, мами, милува и гали, ама телесниот раскош е она што најмногу предизвикува и пали! А кај Адријана - машала, отсекогаш го имало доволно, па дури и вишок, она што на прва „крева“... притисок! Затоа, ако погледите макар и случано ви се сретнат, има нешто што ве „кочи“ Адријана Кеш долго да ја гледате само в очи! Без оглед нејзините колку убаво и да изгледаат или како тие тебе те гледаат! Впрочем неретко се случува додека „очите зборуваат“, хормоните и адреналинот, заеднички „да збудалуваат“! А естрогенот и тестостеронот... да го „пробијат“ плафонот!

View this post on Instagram

A post shared by 🎼𝐴.𝐴𝑐𝑒𝑣𝑠𝑘𝑎🎵🎶 (@adrijana_acevska)

Фото: Инстаграм принтскрин/adrijana_acevska

Овие хормони се виновни за опаѓањето на вашата коса

Слаѓана Атанасова — Tue, 24 Jan 2023 11:19:22 +0000

Опаѓањето на косата кај некого зависи од генетскиот фактор, кај некого може да биде последица од лоша грижа, а кај некого последица на болест, а сè почесто сме сведоци дека е поврзано и со хормоналниот дисбаланс. Сите оние кои страдале од хормонални нарушувања, знаат дека губењето на косата е еден од најчестите симптоми или последици на нарушувањето. Ова се четирите хормони кои се најмногу поврзани со опаѓањето на косата: Тестостерон Тестостеронот често е поврзан со ќелавоста кај мажите. Ова поточно важи за типот дихидротестостерон, кој предизвикува заслабнување на фоликулите и опаѓање на влакната. Покачувањето на тестостеронот кај жените исто резултира со опаѓање на косата со различни интензитети. Тироидни хормони Тироидните хормони се одговорни за метаболизмот, но и се тесно поврзани со квалитетот на влакната на косата, особено кај жените. Најчести симптоми на хипотироидизам се сувата кожа, кршливите нокти и губењето на косата. Инсулин Покаченото ниво на инсулин, а без дијагностициран дијабетес, е симптом на синдромот на полицистични јајници, кој е една од најчестите хормонални абнормалности кај жените. Покачениот инсулин, односно хиперинсулинемијата, предизвикува губење на коса, создавање акни и зголемена телесна тежина. Кај мажите хиперинсулинемијата исто така предизвикува опаѓање на косата. Естроген Нарушувања во балансот на естрогенот е исто така причина за опаѓање на косата. Многу жени се соочуваат со ваков проблем во текот на бременоста, кој се враќа во нормала неколку месеци по породувањето. Слично се случува и со жените во почетокот на менопаузата. Извор: Курир.мк

Овие намирници помагаат при хормонален дисбаланс

Слободанка Илиева — Mon, 16 Jan 2023 13:22:17 +0000

Од денот на раѓањето, хормоните го диктираат нашиот апетит, начинот на спиење, како реагираме на стресот, нашето либидо, дали сме среќни или загрижени. Хормоните кои најчесто први стануваат неурамнотежени се кортизолот и инсулинот – хормоните на „стресот“ и „шеќерот во крвта“. Тие се наречени „алфа хормони“ затоа што имаат стимулирачки ефект врз другите хормони – тироидната жлезда, јајниците и спиењето. Кога се надвор од рамнотежа, тие го попречуваат нормалното лачење на тироидните хормони, естроген, прогестерон, тестостерон и мелатонин. Многу жени страдаат од хормонална нерамнотежа, што може да доведе до разни здравствени проблеми, од нарушувања на спиењето до проблеми со варењето. Првите симптоми се: – тешки, болни или неправилни менструации – губење на либидото – несоница – зголемување на телесната тежина без очигледна причина – проблеми со кожата проблеми со плодноста – главоболка Ви носиме три намирници кои ќе ви помогнат да го регулирате вашиот хормонален дисбаланс. Смокви Помагаат за регулирање на хормоналните процеси, се препорачува редовно да се јадат за време на менопаузата. Можете да ги јадете свежи или суви, да ги додадете во житарки, смути или јогурт. Сепак, на дебелите луѓе им се препорачува да ги јадат само наутро и не повеќе од две овошки дневно. Пивски квасец Содржи цинк кој делува како природен регулатор на хормони, а исто така ја промовира синтезата на неколку хормони: тироидна жлезда, прогестерон и тестостерон. Можете да додадете пивски квасец во оброк, јогурт, салата, да го земате во прав или како додаток во таблети. Босилек Тоа е ефикасен „лек“ кој помага при хронични болести како што се дијабетес, метаболички синдром и стрес, кои директно влијаат на тироидната жлезда, јајниците и панкреасот и други органи. Најпознат и најефикасен е кога го земате во форма на чај, а можете да го додадете и како зачин во многу јадења. извор:попара.мк

Пејачката Џеси Џеј имаше спонтан абортус, сега повторно е бремена, но и овој пат е со солзи во очите (видео)

Слободанка Илиева — Wed, 11 Jan 2023 11:51:25 +0000

Џеси Џеј сподели видео на Инстаграм во кое ги покажала деталите од своето прво тримесечје од бременоста. „Не можам да ви опишам колку лошо се чувствувам“, открила пејачката во видеото на кое се гледа како плаче во кревет и повеќе пати повраќа. „Првото тримесечје е најлошо, со среќа другото да биде многу полесно“, „Сочувствувам, се сеќавам колку беше мачно, но доаѓањето на бебето засенува сè“, „Се надевам дека брзо ќе пројде“, се дел од коментарите од нејзините обожаватели под објавата.

View this post on Instagram

A post shared by Jessie J (@jessiej)

За потсетување, откако пред 13 месеци го загуби бебето во спонтан абортус, Џеси Џеј откри дека е повторно бремена. „Во истовреме сум и среќна и преплашена што го споделувам ова. Ве молам, бидете нежни кон мене“, напишала Џеси во описот на видеото на Инстаграм во кое покажала фотографии од позитивниот тест за бременост и трудничкото стомаче.

View this post on Instagram

A post shared by Jessie J (@jessiej)

Џеси Џеј пред повеќе од една година ја сподели веста за загубата на бебето на Инстаграм. Не откри колку месеци била бремена, но откри дека на третиот ултразвук дознала дека отчукувањата на срцето на бебето повеќе не се слушале. Пејачката додаде и дека „одлучила сама да има дете“ бидејќи тоа ѝ било „животен сон и бидејќи животот е прекраток“. фото:Инстаграм/Џеси Џеј

Експертите потврдија: Жените блескаат во бременоста – тајната е во хормоните

Слободанка Илиева — Wed, 12 Oct 2022 12:04:20 +0000

Често слушаме дека жените блескаат во бременоста, а се чини дека не се работи само за комплименти од околината. Имено, експертите сега потврдија дека бременоста сјај постои и објаснија зошто и како настанува. – Исто како и самата бременост, сјајот на бременоста може да изгледа различно од трудница до трудница. Иако изгледа дека подобрувањето на тенот за време на бременоста се случило случајно, работата е всушност многу едноставна. Имено, хормоналните промени се одговорни за зголемување на производството на маснотии, што ја прави кожата на трудниците посјајна, објаснува дерматологот Мариса Гаршик за Very Well Family. – Исто така, за време на бременоста, крвните садови се шират за да се обезбеди подобар проток на крв до бебето, а зголемената циркулација на крвта може да придонесе за посветол тен, додава тој. Со нејзината изјава се согласуваат и гинеколозите. Зголемување на протокот на крв во телото – За време на бременоста промената на волуменот на крвта е значајна. Кај трудниците, протокот на крв може да се зголеми за 50 проценти или повеќе, што е навистина многу. Целиот тој дополнителен волумен може да придонесе за сјајот на кожата, а бидејќи естрогенот ги прави крвните садови попропустливи кај трудниците, тие можат да бидат уште поизразени на лицето и образите, објаснува гинекологот Натаниел ДеНикола. Сепак, сјајот за време на бременоста не е правило, па затоа голем број трудници забележуваат влошување на состојбата на кожата на лицето, појава на мозолчиња и акни, па дури и појава на розацеа токму како резултат на претходно споменатите масти. на кожата. Некои трудници може да добијат и хиперпигментација, односно големи кафени дамки на лицето предизвикани од зголеменото влијание на хормоните. Добрата вест, нагласуваат дерматолозите, е што оваа состојба поминува со бременоста и не се повторува по породувањето. извор:курир.мк