хормон – Вистина.мк

„Првите симптоми ме натераа веднаш да се јавам на лекар“: Цеца отворено проговори за здравствениот проблем со кој се соочила

Слободанка Илиева — Wed, 05 Oct 2022 09:11:39 +0000

Покрај бојата на гласот и вокалните способности на кои многумина можат да и позавидат, балканската дива важи за една од најубавите дами на српската јавна сцена, а својата линија со години успешно ја одржува и благодарение, меѓу другото, и на здравата исхрана. Меѓутоа, пред неколку години здравјето на Цеца Ражнатовиќ беше сериозно загрозено и изгледаше како да качила некој килограм повеќе. Виновни беа хормоналните проблеми, за кои таа отворено зборуваше.

View this post on Instagram

A post shared by C E C A (@cecaraznatovic)

- Изгледаше дека многу се здебелив. Откако се погрижив за тој здравствен проблем, телото ми се врати и сите ми велеа дека сум преполовена. Имам нерамнотежа на женски хормони. Моето тело сигнализираше дека нешто не е во ред. Кога ги забележав симптомите, веднаш се консултирав со лекар. Регулирав се и повеќе не отекував. Тој оток ми беше најголемиот проблем - изјави тогаш Цеца, која со совет на лекар и соодветна терапија си го врати здравјето и фигурата. Здравствената состојба на Цеца Ражнатовиќ сега е во најдобар ред, изгледа подобро од било кога, многу настапува, па нема страв дека проблемите ќе се вратат.Пејачката се труди и да ја подигне свеста кај жените и секогаш кога има можност, таа советува секоја дама навреме да изврши превентивни прегледи. фото:Инстаграм/Цеца Ражнатовиќ

Хормонот за задоволство најдобро ќе го стимулирате со музика

Слободанка Илиева — Thu, 05 Dec 2019 14:08:25 +0000

Музиката предизвикува чувство на задоволство како омилената храна, тврдат истражувачите од Универзитетот во Монтреал. Тие одбраа осум доброволци од 19 до 24 години, ги приклучија на специјален скенер и ја мереа количината на хормонот допамин, како и отчукувањата на срцето, температурата на телото и дишењето. Се возпостави дека мозокот на луѓето кои кои паѓаат во еуфорија додека слушаат музика, го лачи токму овој хормон на задоволство, а слична реакција предизвикува и храната која ја сакаат. Додека уживаат во нивните омилени песни, кај испитаниците е забележано зголемено лачење на допамин т.н. striatum, во предниот дел на мозокот. Овие промени не се случуваат доколку музиката не им се допаѓа. Допаминот се лачи интензивно додека јадеме, така што тогаш посебно уживаме. Сепак, музиката е посебна загатка, а научниците истакнуваат дека музиката на Моцарт има особено позитивен ефект врз мозокот. Испитаниците кои ја слушаат покажале повисок степен на интелигенција во тестовите од оние кои претпочитаат најмодерна музика. Научниците веруваат дека ова е затоа што музиката на Моцарт има уникатни математички обрасци, кои го активираат логичкиот дел од мозокот. извор:попара.мк

Окситоцин: Хормон кој поттикнува зависност од секс

Христина Ѓоргиевска — Thu, 26 Sep 2019 13:40:02 +0000

Зависноста од секс навистина постои, а научниците за ова го обвинуваат хормонот окситоцин. Спротивно на тврдењето дека еден од 10 мажи и една од 12 жени се зависни од секс, многумина одбиваат да поверуваат дека тоа навистина е еден облик на зависност и дека навистина постои. Научниците открија дека оваа зависност е поради хормонот окситоцин. Овој хормон е виновен зошто луѓето чувствуваат потреба да остварат близина еден со друг. „Оние кои имаат зголемено ниво на хормонот окситоцин во телото чувствуваат привлечност кон неколку луѓе во исто време, што ја зголемува потребата од секс“, пишува Daily Мail. Хормонот прави да имаме повозбудлив секс. Истражувањето спроведено на Универзитетот во Шведска опфати 60 возрасни луѓе, воглавно мажи кои се „лечат“ од сексуална зависност. „Многу зависници не можат да го контролираат своето однесување и тоа може да има негативно влијание на нивните животи, од растурени врски и бракови, па сè до депресија и анксиозност“, вели професорот Јуши Јокинен. Според неговите зборови, сексуалната зависност е медицинска дијагноза која има невробиолошка причина. Минатата година Светската здравствена организација ја прогласи зависноста од секс како ментално пореметување. „Ова истражување има за цел да покаже како со терапија може да им се помогне на „зависниците“ од секс да го контролираат овој проблематичен хормон“. извор: кајгана