хонорари – Вистина.мк

„Од пиле млеко“ и “забава до бесвест“: Лила веќе го најави и ќе го води Ромскиот бал, а освен Цеца и Теа еве кој се’ ќе пее и за колкав хонорар (ФОТО)

Антонио Димитриевски — Tue, 09 Jan 2024 09:35:42 +0000

Среде бел ден во свечен провиден фустан на високи потпетици, наметната со бунда Лила Филиповска беше уловена како танцува, игра, меша… И тоа чочек со жива блех музика. Околу неа ечеа руби, саксофони, силно чукаше тапанот, а водителката не престана да се врти, се извива, ниша со колкови, меша со бокови, лула карлица… Небаре е некоја балканска турбо фолк убавица од Србија, од оние налик на Цеца или Теа... Односно токму оние кои и ќе бидат главните ѕвезди на претстојниот Cветски Ромски бал 2024, кој ќе се одржи на 18 февруари во еден елитен скопски хотел, а Лила ќе биде водителка, паа оттаму и ваквата најава во вид на божемна подготовка за вечерта која велета ќе се памети по многу работи. Од влезниците кои воопшто не се евтини па така, т.н. „коњопој“ за шест лица со вклучено шише алкохолен пијалок чини 300 евра, односно по 50 евра од лице. За оние пак, кои сакаат мени и столче на маса за седење, ќе мора да платат по 150 евра од лице. Арно ама, влезницата велат „вреди за сите пари“, за кои гостите добиваат „од пиле млеко и забава до бесвест“. Менито нуди неограничена храна, картата на пијалоци содржи познати алкохолни брендови, од виски до скапи вина и секако врвно приготвени специјалитети. Музичките гости секогаш се со особено внимание избрани, па така и годинава ќе настапуваат ултрапопуларни имиња од регионалната естрада кои ќе ги кренат расположението и атмосверата на манифестацијата до плафон. Зашто имињата на балканската фолк дива Цеца Ражнатовиќ и регионалната „кралица на бакшишот“ Теа Таировиќ тоа и го гарантираат. Но нема да бидат само тие двете кои, како што се очекува ќе направат таа вечер „да гори Балкан“, туку покрај нив најавени се уште некои познати и врвни музички изведувачи и еминентни фолк ѕвезди од регионот како неодминливиот Муарем Сербезовски, Сара Рељиќ од “Ѕвездите на Гранд”, групата “Ѓогани”, а покрај нив ќе настапат и многу познатите ромски пејачи како Бернат, Ервин, Џефрина, Цита... но и Таркан од Белгија. Официјален оркестар на балот ќе биде “Оркестарот на млади таленти” од Скопје, а на балот исто така ќе се одбира Мис најубава Ромка. Програмата ветувачка и мошне богата, ама богати се и хонорарите на пејачите, особено оние на главните ѕвезди, кои покрај солидната заработка се очекува дома да си заминат накитени и со дебел бакшиш! Како што се дознава, на Цеца за овој настап ќе и бидат искеширани 50.000 евра, додека Теа се задоволила со цифрата од 20.000 евра. „Ѓогани“ ќе настапат за 10.000 евра, а Сара Рељиќ ќе добие 5.000 евра. Бакшишот секако никој не може да го предвиди, но секако дека нема да биде ниту незначителен ниту скромен, особено кога се во прашање двете главни ѕвезди на вечерта. Останатите хонорари се „незначителни“ во однос на споменатите, но пејачите и музичарите секогаш „се крстат“ во дарежливоста на гостите кои се очекува и овој пат да имаат „лесна рака“, без што прославите од ваков тип никогаш не поминуваат! Фото: Инстаграм/djoganivesna/lilafilipovska/sara.reljic_worklife/cecaraznatovic/tea_tairovic

Се збогати само од една улога: Лидија Вукиќевиќ после оваа серија изгради куќа и купи два автомобили (фото)

Слаѓана Атанасова — Tue, 24 Jan 2023 10:25:23 +0000

Иако во кариерата одигра многу улоги, Лидија Вукиќевиќ засекогаш ќе остане запаметена како Виолета од култната „Бољи живот“. >Оваа улога и отвори многу врати на српската јавна сцена, а не крие дека е благодарна на тогашниот хонорар.

- Изградив куќа во Голупац од хонорарите во серијата „Бољи живот“ – признала актерката во една ТВ емисија. - Благодарение на серијата купив два автомобили само од рекламите.Едниот беше за мене, другиот беше за тато - додаде во една прилика Лидија. Инаку, многумина коментираат дека актерката не се променила многу од емитувањето на серијата, со оглед на тоа што изгледа многу младо.Лидија во неколку наврати потенцираше дека никогаш не отишла „под нож“, односно не ги посетила пластичните хирурзи.

- Водам здрав живот, не пијам, не пушам, се хранам поздраво и сето тоа резултира со мојот ваков изглед - изјавила неодамна таа. Фото: Принтскрин/Инстаграм/Лидија Вукиќевиќ

Познатите веќе закажаа новогодишни настапи, а еве колку изнесуваат нивните хонорари

Христина Ѓоргиевска — Mon, 18 Oct 2021 08:29:58 +0000

Многу естрадни уметници од српската јавна сцена веќе ги закажаа своите настапи за Нова година. Иако не сакаат да откриваат колку ќе заработат, познатите во 2022 ќе влезат побогати за неколку илјадници евра. Меѓутоа, како што пишуваат српските медиуми, наводно Саша Матиќ ќе заработи 50 000 евра. Како што тврди извор близок на пејачот, Саша ќе настапи во еден лускузен хотел во Белград, а настапот го закажал уштре претходната година. „Точно е дека Саша ќе пее во Белград, веруваме дека се ќе биде во ред кога станува збор за епидимиолошката ситуација и дека нема да има откажувања. Закажаваме настап уште претходната година, но не е вкусно да зборуваме за цифри. Никогаш не зборувавме за тоа, па нема ни сега“, вели менаџерот на Матиќ. Рада Манојловиќ и Пеѓа Меденица ќе пејат на еден сплав во Белград каде требаше да настпат претходната година. Двајцата заедно тогаш треба да заработат 50 000 евра. Радиша Трајковиќ Ѓани ќе настапи во еден хотел во кој требаше да настапува претходната година. Иако не зборуваше за хонорарот, Ѓани наводно за навогодишната ноќ ќе земе 35 000 евра. фото: ата имагес/ марко јовановиќ/инстаграм/саша матиќ/радаманјловиќ

Хонорарите во култната серија „Подобар живот“ биле толкави што Лидија Вукиќевиќ си купила куќа: Колку заработеа нашите актери од „Преспав“?

Антонио Димитриевски — Sat, 06 Feb 2021 07:31:16 +0000

Серијата „Подобар живот“ премиерно се прикажуваше на домашните телевизии во периодот од 1987 до 1991 година, а бројни репризни изданија го обезбедија култниот статус. Во последното интервју, Лидија Вукиќевиќ, која го играше ликот на тогаш младата Виолета Попадиќ, откри колку пари можеле да се заработат од овој проект. „Се сеќавам на сè како да беше вчера. Многу ми е драго што гледам дека серијалот сè уште се гледа денес, како и фактот дека на помладите генерации им се допаѓа. Јас ја купив мојата куќа во Голубац од хонорарот што ги заработив на снимањето на оваа серија.Тоа беше совет на мајка ми, која ми кажа дека немам постојана работа и плата, така што ова е најдобриот начин да се осигурам и се радувам што ја послушав“ - ќе изјави страктивната актерка за „Ало!“ Македонските актери кои играат во една вака популарна ТВ серија, како што е во последно време „Преспав“ да речеме, своите хонорари не ги кажуваат. Нивната зароботка останува во доменот на „деловна тајна“ на продукцијата.

„Преспав“ е прва серија што е одржлива. Пред МРТВ да влезе како партнер на проектот, втората сезона на „Преспав“ беше комплетно економски исплатлива, така што „Преспав“ покажа дека кај нас има простор на комерцијална основа да се работат добри телевизиски проекти“ - ќе изјави во едно свое интервју во 2020 год. за порталот „Опсервер“ продуцентот на серијата Пеце Талески, потенцирајќи дека успехот на „Преспав“ се должи на мултиталентираните актери, при тоа без да спомене колку нивниот мултиталент е валоризиран... во пари, секако! Иако, барем според посочената „исплатливост и самоодржливост“ на проектот, веројатно и нашите како и српските актери, можеби не баш за куќа, ама сепак, добро заработиле... Ако не за друго, барем за... „подобар живот“!

Организиран дочек во Србија, нема да има: Музичките ѕвезди ги откажаа своите настапи за новогодишната ноќ

Антонио Димитриевски — Wed, 30 Dec 2020 09:36:43 +0000

Во соседна Србија организирани дочеци на Новата Година дефинитивно нема да има. По ставот на Кризниот штаб дека не треба да има организиран дочек на Новата година, откажани се најавените гостувања на музичките ѕвезди во ноќните клубови, хотелите, кафуклињата, рестораните, на сплавовите... и останатите локали и угостителски објекти . И покрај тоа што настапите на многу од нив веќе биле распродадени и покрај пандемијата, а ѕвездите или земале капар или целиот хонорар однапред, пејачите и музичарите без негодување ја прифатиле одлуката, со цел сепак да се зачува јавното здравје, како врвен приоритет на нацијата. Хонорарите сега ќе мораат сепак да ги вратат, како што им стои во договорите, доколку нема настап за Нова Година. https://arhiva.vistina.com.mk/radio-mileva/vo-srbija-kako-da-nema-korona-pejachite-zemale-ogromni-pari-za-nova-godina-narodot-nagolemo-se-podgotvuva-za-dochek/ Рада Манојловиќ, Катарина Грујиќ, Слоба Радановиќ, Пеѓа Меденица, Дејан и Саша Матиќ, Слаѓа -Алегро, Ѓани, Александра Пријовиќ, Наташа Беквалац... и многу други пејачи чии гостувања беа договорени и рекламирани уште од пред еден месец, за тамошните медиуми изјавија дека ќе има време за забави, и како сега е период кога треба да се почитуваат мерките, за побргу да се надмине лошата состојба со вирусот. „Како за сите, така и за нас. Жал ми е, но штом се мора, ќе ги почитуваме мерките. Ќе има време за забави“ – изјавил Саша Матиќ. Голем број на српски музички ѕвезди изминатиот период јавно изјавуваа дека поради пандемијата се пред банкрот. Во центарот на вниманието се најде тврдењето на Мирослав Илиќ, дека месечно му се потребни најмалку 3.000 евра, за да може да преживее, кое наиде на осуда и обвинувања од страна на јавноста, поради неговата нескромност, кога многу семејства преживуваат со минимални примања. Естрадата и кај нас разочарано реагираше поради забраната за организиран дочек на новогодишната ноќ, надевајќи се дека можеби сепак тој ќе одобрен според утврдени протоколи, а тие и угостителите ќе можат да остварат каква-таква заработка. Но, остана ставот на Комисијата за здравство и одлуката на Владата дека и на 31 декември угостителските локали ќе бидат затворени во 18 часот.

„Задруга 4“ ќе биде најскапата досега: Издвоени дури 2 милиони евра за хонорари на учесниците!

Слободанка Илиева — Tue, 18 Aug 2020 09:19:56 +0000

Новата сезона на „Задруга“ ќе има атрактивни ликови, па затоа финансиски ќе ги надмине рекордите во фондот поставен за хонорари. Според српските медиуми, продукцијата е подготвена да издвои до два милиони евра. Цената на Станија Добројевиќ скокна - во втората сезона, таа зеде хонорар од две илјади евра неделно, а сега бара уште илјада повеќе. Доколку Добројевиќ остане во Шимановци до крајот на реалното шоу, таа ќе биде побогата за околу 120.000 евра. Кристијан Голубовиќ потпиша договор за шест месеци, за кој ќе добие 150.000 евра, а 50.000 наводно однапред. После тоа, тој ќе може да го продолжи договорот за уште три или четири месеци. Мики Ѓуришиќ успеа да преговара за хонорар од 1.500 евра неделно, што значи дека откако ќе излезе во џеб тој ќе има 60.000 евра, ако издржи. Миљана Кулиќ се прецени, па затоа бара 250.000 евра од продукцијата за десет месеци. Сепак, таа ќе добие 2.500 евра неделно, па ако остане до крајот, ќе има сто илјади евра. На тоа треба да се додаде и надоместокот на нејзиниот син Жељко, кој добивал 500 евра неделно, како и мајка и Марија Кулиќ, доколку таа исто така одлучи да учествува. Марија ќе има 2.500 неделно. Сашка Каран изјави дека и нудат дури 400,000 евра за влез. Но, според локалните медиуми, Сашка ќе заработи „само“ 150.000 евра. Менсур Ајдарпашиќ влегува во четвртата сезона на реалното шоу, но со неговиот брат Адријан. Дечкото на Мина Врбашки ќе има надоместок од 1.500 евра на неделна основа, а доколку се наметне до крај, тој ќе биде побогат за 60.000 евра. Стефан Шебез ќе зема 1.200 евра неделно, а доколку остане десет месеци, тој ќе стане побогат за околу 50.000 евра. Луѓето од продукцијата преговараат и со Анабела Атијас и Луна Ѓогани. Мајката и ќерката се мајстори на шоуто, така што тие воопшто не се ефтини. Ѓогани не се согласува да влезе за помалку од 200.000 евра, додекаАнабела бара „само“ 170.000. Романа Паниќ исто така доби понуда да влезе во „Задруга 4“. Наводно, и биле понудени 50 000 евра за шест месеци. Сепак, бидејќи се разгледува, многу е веројатно дека понудата ќе скокне на 70 000 евра.

Нула динари: Стигна до финалето на „Задруга“, а излезе со празни џебови!

Слободанка Илиева — Tue, 28 Jul 2020 09:23:14 +0000

Поранешната учесничка на последната сезона на реалното шоу „Задруга“, Ермина Пашовиќ излезе од шоу тобез динар заработка. Иако стигна до финалето, таа не заработи пари заради висината на казните и прекршувања на пропишаните правила за време на реалното шоу. Имаше многу шпекулации за овој случај на социјалните мрежи, а сега Ермина се огласи и призна сè. „Ги изгубив сите мои хонорари, тоа е сигурно. Сама падна, сама се уби. Не е важно што би рекол Едо Фетиќ:„ Да сме живи и здрави “, рече таа.

View this post on Instagram

???

A post shared by Ermi Ermina Pasovic (@ermi.bolan) on Jun 11, 2020 at 1:51pm PDT

Ѓогани „реалната сапуница“ во „Задруга 3“ чини грдни пари: Анабела, Гаги, Луна, и Марко се продале за 333.000 евра!?

Антонио Димитриевски — Mon, 04 May 2020 07:47:25 +0000

Анабела, Гаги, Луна и Марко Миљковиќ покажаа дека сè може да се уновчи, и тоа за дебела цена. Семејството Ѓогани во последниве месеци го привлече сето внимание на јавноста, но во негативен контекст. Поранешната брачна двојка Анабела Атиас и Гаги Ѓогани, како и нивната ќерка Луна, заедно со нејзиното, сега веќе поранешно момче Марко Миљковиќ, покажаа дека за нив сè има цена, па затоа решија во „Задруга 3“ да ги продадат сите свои валканици и најдлабоки семејни тајни. Жолчни кавги, бурни расправии, жестоко изнесување на најдлабоките тајни, но и срамни физички пресметки. Тие го прават сето тоа за високи хонорари, па многумина коментираат дека Ѓогани се продале за големи пари. Во сето ова, најдобар профит остварува Анабела, која последна влезе во „Задруга 3“ и зеде 70.000 евра. Како еден од фаворитите, можно е пејачката да го освои првото место и да заработи дополнителни 50.000 евра. Ова значи дека, доколку таа победи во финалето на 6-ти јули, ќе заработи вкупно 120.000 евра. Тоа ќе биде голема финансиска инјекција за неа, со оглед дека таа се задолжила 40. 000 евра, што и самата го призна. Трета последователна сезона, Луна е учесник во „Задруга“, а во текот на секоја од нив играше впечатлива улога. Оваа сезона, доминантни се кавгите со нејзината мајка и нервните сломови што ги доживеа по секоја расправија со Марко. Нејзиното ментално здравје чини околу 3.000 евра неделно, а до 6 јули ќе заработи околу 50 000 евра. Неодамна откри дека и таа е финансиски заглавена. Луна рече дека се што заработила инвестирала во недвижнини и пејачката кариера и дека дури и влегла во долг од 25.000 евра. Поранешното момче на Луна, Марко Миљковиќ е одличен учесник, па од својата поранешна девојка и нејзината мајка научи како подобро да се продаде. Ова е причината зошто, покрај Анабела, тој е еден од фаворитите за победа. Марко е еден од најплатените учесници во еланото шоу и заработува 3000 евра неделно, што значи декаќе заработи околу 63 000 евра до јули. Доколку победи, неговата сметка ќе биде зголемена за 113.000 евра. Таткото на Луна, Гаги исто така нема финансиски да помине лошо до јули. Танчарот е во ова ријалити уште од почетокот, точно од 6 септември, а неговиот хонорар е околу 2.500 евра неделно. Ова значи дека тој заработува околу 10 000 евра на месечна основа, а кога тоа ќе се помножи со десет месеци, тој излегува од „Задруга 3“ со 100.000 евра. Со оглед на тоа што Гаги е исто така еден од фаворитите за победа, веднаш по Анабела и Марко, можно е тој да замине дома со дополнителни 50.000 евра. Дали е малку?