Јана Бурческа и се врати на музиката со – „Home alone” (ВИДЕО)

Антонио Димитриевски — Wed, 12 Apr 2023 11:58:37 +0000

Шест години по учеството на Евровизија, македонската поп пејачка и ТВ водителка Јана Бурческа ја изненади јавноста со нова песна – темата „Home alone”, отпеана на англиски јазик. Како автори на музиката се потпишуваат Драги Иванов и самата Јана, која исто така го напиша текстот за песната. Звукот на „Home alone” е финиширан со мастеринг од германскиот платинест инженер на звук Рој Реклиз. Песната доби и свој видеоспот, режиран и реализиран од Ѓорги Вацев и како што вели Бурческа: „збир на млади ентузијасти и креативци” како дизајнерот Митко Занов, мејкап артистката Ивана Деловска, стилистот Елена Николовска – Social Hair Salon, фотографите Лазар Зафировски и Петар Петковски, а свој автентичен придонес во креативата имаа и Елена Василева, Ангела Димитрова и Димитар Бабков. Видео спотот за “Home Alone” беше промовиран во највпечатливиот простор наменет за аудиофилите во Скопје и земјата - „Аудиокултура“. Движечка сила зад проектот е реномираната компанија Gulf Macedonia, како Smart Living и KARE Macedonia кои дадоа исклучително значајна поддршка во контекст на сценографијата за видеото. Бурческа вели дека конечно се чувствува подготвено да и се врати на музиката, а до следниот проект останува посветена на поддршка и промоција на своите колеги од сцената преку програмата на Македонската Телевизија. Како звучи и изгледа која Јана Бурче(ска) е „Home alone” , проследете од видеото во продолжение (КЛИКНИ ТУКА):

Тамара Тодевска е „опседната“ со Јана Бурче, а за тоа јавно и укажа (видео)

Слободанка Илиева — Wed, 12 Apr 2023 08:14:47 +0000

За еден пејач нема поголема сатисфакција од тоа штотуку издадената песна истантно да стане хит, публиката да ја пее од стих до стих, а особено задоволството е на врвот ако истата е и лично – авторско дело. Еден таков пример е најновата песна на Тамара Тодевска „Нијагара“, која стана заразна за слушање, брои се повеќе прегледи на интернет и споделувања на социјалните мрежи. Тамара, оправдано од среќна посреќна. Тргнувајќи од себе, таа несебично, без его и суета, реши јавно да и поласка на својата колешка, пејачката и водителка Јана Бурче, која ја промовира својата „Home alone“ заедно со спот. Музиката и аранжманот се на Драги Иванов, додека текстот на самата Бурче. Тамара стави јасно до знаење дека несебично ги поддржува и ги следите новините кај своите колеги. „Опседната“, напиша во описот на кусото „стори“ од новата песна на Бурче. Освен Тамара за „Home alone“ на Јана и поласкаа и Калиопи, ПолинаТасева, Мијата... Инаку, станува збор за електронска песна во модерен ритам која потсетува на стилот на англискиот бенд „Портисхед’ отпеана на англиски јазик. Истата е комплетирана и со видео спот кој е драматично театрален во совршен спој со музичкото парче. фото:Инстагграм принтскрин/тамара тодевска/јана бурче

home alone – Вистина.мк

Јана Бурческа и се врати на музиката со – „Home alone” (ВИДЕО)

Тамара Тодевска е „опседната“ со Јана Бурче, а за тоа јавно и укажа (видео)