Страшна трагедија во семејството на Никола Којо: Неговиот брат Владимир почина на бизарен начин

Антонио Димитриевски — Tue, 04 Jul 2023 11:18:34 +0000

Во четвртокот трагично почина братот на актерот Никола Којо, Владимир Којо (59), а погребот ќе биде извршен денеска во 14 часот на Новите гробишта во Белград. Трагедијата, според неофицијални информации, се случила во четвртокот кога на хиподром го удрил коњ. Според извештаите, коњот го фрлил јавачот, а Којо истрчал да го запре животното. Во тој момент коњот го удрил и тешко го повредил. Екипите на итната помош пристигнале на местото на несреќата, Владимир Којо наводно се уште давал знаци на живот, но починал во болница. Никола Којо со емотивна порака се прости од Владимир.

– Последен поздрав до мојот драг брат.

Цеце Георгиев – од мисица и манекенка до џокејка: Некогаш освојуваше дијадеми на модната писта додека парадира, денес награди додека јавајќи прескокнува препреки и галопира! (ФОТО)

Антонио Димитриевски — Fri, 08 Oct 2021 07:43:29 +0000

Оние што паметат малку подолго ја познаваат како Цеце Орешкова, манекенка, мисица, топ модел. Беше една од првите македонски манекенки и топ модели, која имаше храброст да се соблече, што во она време кај нас и не беше баш така „едноставно“… Особено ако прва топлес се прошеташ по модната писта. Потоа се омажи за тогаш својот колега, манекенот и машки модел Кристијан Георгиев, го зема неговото презиме и исчезна од модниот свет. Јавноста, одново ја запозна како разголена трудница на Инстаграм, а непосредно потоа и како мајка на денес прекрасната ќеркичка која го доби името Кара Розмари. Од една љубов се роди друга, како во приватниот живот, така и кога се хобито и професијата се во прашање. И таму се чини една љубов замина, ама во меѓувреме се роди друга. Цеце Георгиев се подалеку од изборите за мис, модните писти и ревии, манекенството и моделството, себе си се пронајде во љубовта кон животните, особено кон коњите. Можеби заради студиите по ветерина или обратно, сеедно, на манекнката коњите, јавањето и џокејството и станаа повеќе од пасија...Или поточно речено, втора љубов! А, љубовта кон нејзините најверни четвороножни пријатели и стана повеќе од обично хоби... Опсесија, која како тргнало лесно може да и прерасне и во нова професија, ако јавањето и статусот да се биде женски џокеј, тоа може да значи.Така некогашната манекенка стана џокејка... Се „прешалта“ од модната писта на хиподром! Од обично, рекреативно- аматерско хоби, Цеце полека почна да навлегува и да ги открива и професионалните тајни на јавањето, за потоа да почне да оди и на натпревари. Неодамна таа беше на Меѓународен натпревар во јавање во Хрватска, каде го освои второто место. Дузина фотографии осаммнаа на нејзините профили на социјалните мрежи и секско една голема посвета на сите заслужни за нејзинатата награда и успехот што го постигна, но и онаие што допрва следат. Од нејзиниот миленик и најверен другар, коњот Чарли до луѓето кои со неа работеле, како и оние, како што вели „неколку вистински човечки срца“ на кои без да им го спомене името, само со една насмевка ќе сфатат дека се однесува на нив: „Покрај сите подеми кои ме следеа од почетокот на јавачката сезона конечно успеав да го подигнам знамето на победа и да се радувам на девет успешно завршени паркури и едно второ место на меѓународните турнири во Загреб и Осијек… Прво ќе му се заблагодарам на Чарли , на ова четириножно суштество што уште еднаш ми покажа дека е мој најверен другар и никогаш нема да ме остави на цедило и дека кога е најтешко човек не треба да го изгуби еланот за остварување на своите соништа…Потоа ќе им кажам Благодарам на Јордан Јарчевски и Зоран Јовановиќ кои секогаш со трпение работеа со мене и Чарли и никогаш не се посомневаа во нашиот талент…. И на крај ќе им кажам Благодарам на неколку вистински човечки срца кои во ниеден момент не ме оставија сама и беа покрај мене. Без да ги именувам знам дека ќе се насмевнат и ќе знаат дека ова се однесува на нив… и Да , Вистина е дека има пријатели кои се повеќе од семејство“ - сподели Цеце на социјалните мрежи. Како што е вистина и дека животот е чуден и непредвидлив во своите текови.... Те носи од еден крај на друг, од една на друга страна, те соочува со разни предизвици, подеми и падови, се' додека не се осознаеш себе си, не се пронајдеш, не го трасираш својот пат кон среќата, успехот, задоволството, не ја откриеш и научиш да уживаш во убавината на истиот тој живот кој го живееме. Фото: Инстаграм принтскрин/cecegeorgiev

Меѓународен коњички турнир

Антонио Димитриевски — Sat, 21 Oct 2017 07:47:11 +0000

Меѓународен октомврски коњички турнир, Мини лига и Куп на Република Македонија ќе се одржи викендов на скокалиштето на хиподромот во Маџари, во организација на Федерација за коњички спорт на Република Македонија.

Дводневниот „Меѓународен октомврски коњички турнир“ е според план-календарот на Федерацијата за коњички спорт на Република Македонија, а во заедничка организација на клубовите за коњички спорт „Илинден“ и „Процес“.

На турнирот, како што е најавено, ќе учествуваат екипи од Албанија, Бугарија, Србија и Македонија. На програмата се вкупно шест натпревари во прескокнување на пречки со височина на пречките од 0,95 метри до 1,25 метри.

хиподром – Вистина.мк

Страшна трагедија во семејството на Никола Којо: Неговиот брат Владимир почина на бизарен начин

Меѓународен коњички турнир