Зошто Хималајската сол е подобра од обичната?

Слаѓана Атанасова — Wed, 07 Sep 2022 12:07:51 +0000

Голем дел од луѓето не можат да ја замислат својата храна без сол. На нашето тело му е потребна солта, односно минералот содиум поради тоа што таа го одржува крвниот притисок, ги релаксира мускулите и ги уништува бактериите. Но, додека слушаме колку е штетна белата сол, истовремено слушаме за добрите страни на хималајската сол. Зошто? Розовата хималајска сол е најчиста форма на сол која може да се најде на земјата, недопрена и заштитена од загадувањето. Таа доаѓа во кристализирана форма која е покриена со лава, во близина на Хималаите во регионот Пунџаб во Пакистан. Таа денес се користи во исхраната, бањите, па дури се користат и солени хималајски ламби.

Зошто е подобра од обичната бела сол?

Го подобрува системот на дишење Како антибактериска сол, таа може да се користи во терапијата со сол. Инхалацијата со хималајска сол е особено добар метод кој ги чисти синусите, помага кај кашлиците, астма, бронхитис. Го чисти телото Таа ја помага детоксикацијата. Може да се додаде во бањата, со што го чисти телото од токсини. Дава чувство на освежување. Го подобрува варењето Помага кај проблемите со гасови и лош метаболизам. Освен ова, хималајската сол го подобрува либидото, ги јакне коските, одлична е за црвените крвни зрнца и ја подобрува циркулацијата.

Како е различна од обичната сол?

Таа е поприродна Хималајската сол е рачно преработена и е помалку преработена од белата сол, а содржи помалку адитици. Побогата е со минерали Таа содржи 84 минерали, од кои цинк, магнезиум и железо. Полесно се апсорбира во телото е природно богата со јод. Кај белата сод, јодот е вештачки додаден. Содржи помали количини содиум Содиумот ни е потребен во нашето тело, но само 2300 мг во текот на денот. Премногу содиум може да има негативен ефект на нашето здравје, односно да придонесе кон покачен крвен притисок, деменција, проблеми со бубрезите, па и срцеви заболувања. Додека, белата сол содржи 97.5-99.99% содиум, хималајската содржи 87%.

Кои се придобивките од домашна бања со хималајска сол?

Слободанка Илиева — Fri, 06 Sep 2019 13:15:36 +0000

Иако хималајската сол постои со векови, таа неодамна се прослави ширум светот. Во моментов се користи како редовен зачин во исхраната, како дел од спа третманите, па дури и во домашните декоративни предмети (како на пример, солени ламби!) Поголемиот дел од солта што се наоѓа ширум маркетите доаѓа од регионот Панџаб во Пакистан, на дното на Хималајските планини, каде што има солени површини околу 200 милиони години. Природната сол има карактеристично розова боја поради одредени минерали, како магнезиум, калиум и железо. Кои се здравствените придобивки од хималајската сол? Во зависност од тоа како е користена, хималајската сол може да помогне со многу здравствени проблеми, од респираторни состојби како алергии и астма, до подобрување на циркулацијата, смирување на воспаленијата на кожата и ослободување од тензијата и стресот на вашето тело. Таа исто така се препорачува повеќе од готварската или морската сол затоа што има помалку натриум. Како да направите домашна бања со хималајска сол? За да ги смирите стапалата, ставете околу 20 грама хималајска сол на секои 4 литри вода. Потопете ги уморните стапала за инстантно опуштање и омекнување на кожата. За да направите пилинг за тело, сè што треба да направите е да измешате 60 милилитри маслиново масло со 270 грама хималајска сол и неколку капки од вашето омилено есенцијално масло. Добро измешајте и потоа измасирајте ја кожата со мали, кружни движења, фокусирајќи се деловите што изгледаат најсуво, како лактите, колената и стапалата. Најдобриот начин да ја користите хималајската сол е во бањата! Не само што солта има микробски состојки (што може да биде од голема помош за акните на телото), таа исто така може и да ја намали иритацијата и воспаленијата. Да не заборавиме на фактот дека ќе ви го опушти целото тело кога ќе го потопите во топла, солена вода. Па како да ја подготвите хималајската бања во вашиот дом? Најпрво погрижете се темелно да го измиете телото пред да влезете во кадата. Погрижете се да нема остатоци од шампон, лосиони за тело или парфем. Така ќе го постигнете максимумот од искуството. По туширањето, време е да ја подготвите вашата бања, а еве како да го постигнете тоа чекор по чекор: 1. Наполнете ја кадата со топла (не жешка) вода. Потребно е водата да биде малку над телесната температура за да ви биде удобно. 2. Полека истурајте ја хималајската сол, лажица по лажица. Во зависност од големината на бањата, доволни ќе ви бидат од 2 до 3 супени лажици. Дозволете ѝ на солта целосно да се стопи пред да влезете. 3. Пуштете ја вашата омилена музичка плејлиста и легнете во кадата. Погрижете се да се ослободите од секакви мисли во следните 30-тина минути. Добро е да имате чаша вода во близина за да се одржувате хидрирани за време на бањата. 4. Полека излезете од бањата и со нежни допири со пешкир исушете ја кожата. Потоа испијте уште малку вода и легнете да спиете. 5. И за крај добро е да го имате ова на ум. Бањата со хималајска сол е исклучително опуштачка, но истовремено и интензивна па немојте да ја практикувате повеќе од 1-2 неделно. извор:кафепеуза.мк

хималајска сол – Вистина.мк

Зошто Хималајската сол е подобра од обичната?

Зошто е подобра од обичната бела сол?

Како е различна од обичната сол?

Кои се придобивките од домашна бања со хималајска сол?