На Хималајската вијагра и се закануваат климатските промени

Горан Силјановски — Sat, 27 Oct 2018 10:11:28 +0000

Многу ценетата тибетанска печурка, повредна од злато и позната под прекарот – Хималајска вијагра, која во Азија ја сметаат за чудотворен лек, се потешко може да се најде поради климатските промени. Луѓе во Кина и во Непал знаеле да се убијат меѓусебно поради ретката паразитска печурка што на латински се вика Ophiocordyceps sinensis. Иако нема научни докази за тоа, луѓето веруваат дека лекува се – од импотенција до рак. – Тоа е еден од највредните биолошки производи кои на илјадиници собирачи им е клучен извор на приходи, наведуваат научници во списанието Proceedings of the National Academy of Sciences. Последните децении популарнсота на таа печурка нагло се зголеми, а цените скокнаа до небо. Во Пекинг наводно за неа знаеле луѓе да платат трипати повеќе од злато. Меѓутоа, во последните години се помалку ја има. Дел сметаат дека е поради прекумерната берба, но научници наведуваат дека печурката не е само чувствителна на прекумерна берба туку и многуповеќе на климатските промени. Таа долгнавеста паразитска печурка може да се пронајде единствено на висини над 3.000 метри. – Тоа значи дека печурките, дури и кога луѓето би намалиле берба, и понатаму би ги имало се помалку поради постоечките климатски промени, вели Кели Хопинг, шеф на студија од Универзитет во Ајдахо. За живот на таа печурка треба температура под нула и тло кое не е трајно смрзнато. – БИдејќи зимските температури вопоследните децении се значително зголемени, особено во Бутан, тоа има негативно влијание на нивната бројност, вели Хопинг.

„Тие се Кејт и Вилијам од Хималаите“, a Џецун Пема Вангчук e најмладата кралица на светот

Љупчо Најчевски — Fri, 23 Mar 2018 09:52:11 +0000

Џецун Пема Вангчук моментално е најмладата кралица во светот. Сопругата на кралот на Бутан, Џигме Кесар Намѓел Вангчук, застана на тронот во 2011 кога имаше само 21 година. Џецун ги освои срцата на жителите на Бутан со скромноста, доброто срце, шармот и убавината. 27-годишната кралица постојано се вклучува во хуманитарни активности и се залага за зачувување на животната средина.

Џецун и Џигме неретко се нарекувани „Кејт и Вилијам од Хималаите“, па затоа нивната средба со војвотката Кетрин и принцот Вилијам го привлече светското внимание.

„Чекав подолго време за да се оженам. Но, не е важно кога ќе стапиш во брак, сè дури тоа го правиш со вистинската личност. Јас сум сигурен дека се оженив со правилната личност“ – изјавил Кралот за својата сакана.Пред да седне на тронот, Џецун студирала во Лондон. Таа и нејзиниот сопруг се големи љубители на уметноста. „Таа е прекрасно човечко суштество, интелигентна е. Јас и Џецун имаме едно големо нешто заедничко: љубов и страст кон ументноста“ – вели кралот Џигме.

хималаи – Вистина.мк

На Хималајската вијагра и се закануваат климатските промени

„Тие се Кејт и Вилијам од Хималаите“, a Џецун Пема Вангчук e најмладата кралица на светот