херпес – Вистина.мк

Еве како да се ослободите од херпесот за еден ден: Неколку народни лекови кои делуваат

Слаѓана Атанасова — Wed, 04 Oct 2023 10:21:39 +0000

Херпесот е една од најподмолните болести. Дури и ако оваа болест е блага и ве мачи само еднаш во шест месеци, има мало задоволство во тоа. Особено непријатен е карактеристичниот осип на усните, кој не само што многу чеша, туку и изгледа едноставно одвратно, принудувајќи да се криете од љубопитните очи неколку дена. 7 ефективни народни лекови против херпес: Млеко Намачкајте памучна крпа со млеко со 1,5% млечна маст и нанесете ја на погодената област со херпес (ако немате млеко со потребната содржина на маснотии, можете да користите кое било). Не обезмастете го млекото додека не се исуши. Повторувајте ја оваа постапка на секои 2-3 часа и херпесот треба да исчезне до вечер. Сладунец Коренот на сладунец е одличен лек за херпес. Сомелете го во прав, додадете зовриена вода за да добиете кашеста маса и нанесете директно на осип. Најдобро е оваа постапка да ја правите пред спиење и само наутро за да ги измиете остатоците од сладунец од лицето. Водород Ако плускавците веќе ви се појавиле на усните, најдобро е да ги премачкате со водород пероксид. Правете го ова на секои 2-3 часа и до вечер вашето лице повторно ќе биде чисто. Лук Лукот е одличен и за херпес. Исцедете едно чешне лук и добиената каша нанесете ја на болното место. Овој метод е погоден само за домашно лекување, но е исклучително ефикасен! Етерично масло од нане За разлика од лукот, есенцијалното масло од нане не само што лекува херпес осип, туку и мириса одлично. Се нанесува на воспалената површина на кожата три пати на ден. Ова е најдобриот лек за херпес на усните! Алое Исто така, сокот од алое е одличен за херпес. Нанесете го на болното место на секои 2 часа или само нанесете свежо скршен лист. Лед Мразот е одличен за првите симптоми на херпес. Веднаш штом почувствувате дека усните ви се отечени, нанесете парче мраз на нив. Ова ќе го ублажи отокот и ќе го забави развојот на болеста, што ќе му помогне на телото брзо да се справи со инфекцијата. Извор: Попара.мк

На проблемот му нема крај: Снеже Велков којзнае по кој пат се соочува со здравствен проблем кој особено и прави саботажа за пред камери (фото)

Слободанка Илиева — Fri, 03 Mar 2023 08:17:30 +0000

Здрав живот, здрава храна, многу вежбање или едноставно стил на живот кој е примарен во животот на ТВ водителката Снеже Велков, но дури и со такво здраво темпо, организмот не е челик и знае да потфрли. Снеже очигледно е кревка по прашање на имунитет, па тешко глава да крене од вируси и херпеси кои ја напаѓаат. Сега, повторно којзнае по кој пат таа се пофали на социјалните мрежи дека ја нападнал вирус, а со него и херперс. Нашата архива вели дека на Снеже херпесот и е чест гостин, само менува позиција на кој дел од усните ќе реши да нападне. Сепак, овој непријател не успева во својата саботажа, па водителката не дозволува работата да трпи. Имуно стимулански, разни масти и секако шминка изведена од вешт професионалец, се решението за да може таа да се појави пред камери. Откако направија успешна камуфлажа, Снеже се снајде во хаосот од високи потпетици, камерите се вклучија, а „Нешто конкретно“ можеше да започне со снимање. Веруваме дека Снеже ќе си го најде чарето и вистинскиот лек кој ќе ја поштеди од оваа болна непријатност. фото:Инстаграм принтскрин/Снеже Велков

Непријатно е и долго трае: Како да ја спречите појавата на херпес?

Слаѓана Атанасова — Wed, 17 Aug 2022 12:30:56 +0000

Херпесот на усните е многу непријатна појава. Освен тоа што ни создава естетски проблем и тешко може да се сокрие, тој долго трае, пецка и чеша. Вирусот на херпесот е карактристичен по тоа што кога еднаш ќе навлезе во нашиот организам тешко можеме да го излекуваме во потполност. Со одредена терапија, крема и други медицински препарати само го доведуваме во состојба на мирување и во зависност од нашиот имунолошки систем неговата повторна појава е неизбежна. Најчести причинители на херпесот се стресот, исцрпеноста на организмот, грипот, како и други вирусни инфекции кои го погодуваат нашиот организам. Не треба да се заборави дека појавата на херпес за време на летото не е ретка појава, бидејќи високите температури и силното сонце можат да доведат до побуна на вирусот на херпесот и негова појава на кожата. Појавата на херпес е проследена со мали пликчиња исполнети со течност кои можат да чешаат, пецкаат или болат. Пликовите по некое време пукаат, преминуваат во краста, а кога таа созрева отпаѓа и не остава лузна. Основно правило за заштита од сите вирусни инфекции е обидот да се избегнува изворот без разлика дали се работи за пиење од иста чаша од која пиела и личноста која има херпес, бакнеж или користење на ист пешкир по туширање. Херпесот не може да исчезне за два дена доколку веќе се појавил на кожата. Важно е на време да се препознаат симптомите. Постојат разни препарати за лекување на херпесот, но ви советуваме да пробате со коцка мраз. Доколку почуствувате чешање, пецкање или црвенило, земете коцка мраз и ставете ја во таа регија. Со тоа ќе ја спречите појавата на херпес.

Снеже Велков доби „напумпани“ усни какви најмалку посакуваше!(фото)

Слободанка Илиева — Tue, 27 Aug 2019 07:08:09 +0000

Во денешно време се повеќе припаднички на понежниот пол сакаат да имаат зголемени или народски кажано „напумпани“ усни со филери, силикон или што и да е од модерната естетска козметика. Иако за овој тренд има се повеќе негативни коментари како тоа изгледа вештачи и лошо за око, сепак, оние што тоа го наумиле, тешко кој може да ги разубеди, па дури и со негативна критика. ТВ водителкта и фитнес инструкторака, Снеже Велков, иако е посветена на емисијата „Вип на еден ден“, каде промената на физичкиот изглед на учесниците е приоритет, Снеже барем засега е задоволна од својот изглед и не подлегнала на третман или зафат за промена на својот личен опис.

Но по некое непишано правило, некогаш она што не го посакауваш, баш тебе ќе те снајде. Снеже иако не сака „напумпани“ усни, тоа го доби без пари и на болен начин. Имено, таа објави фотографија на која нејзината горна усна е значително поголема, па на прв поглед ќе помислите дека и Снеже не му одолеала на трендот. Сепак, станува збор за херпес кој така ја „нападнал“ водителката што изгледа токму како да ги коригирала во усни на модерното време. -Кога животот ти дава херпеси ти глуми дека си ставила силикони на усните, пишува Снеже во описот на фотографијата.

Снеже си ги доби „напумпаните“ усни за без пари кои сме сигурни дека сака што побрзо да заминат во заборав и да останат само како еден непријатен спомен на фотографија.

Имате проблем со херпес? Внимавајте, ова е причината!

Моника Манасиевска — Sun, 09 Sep 2018 11:42:29 +0000

Појавата на херпес на усните значи дека вашиот имунитет е брзо опаднат или е резултат на друга болест или состојба. Може да се случи како реакција на телото од ПМС, голем страв, стрес или нервоза. Исто така, може да биде придружен дел од некои вирусни инфекции или температури, па затоа народот вели “температурата е виновна”. Херпесот всушност е вирусна инфекција, обично за прв пат од детството, но исто така може да се случи многу пати во текот на животот. По првата инфекција, вирусот останува во нервните клетки, а во зависност од состојбата на имунитетот и болеста, може да се реактивира. Најчесто се појавува на истото или приближно на истото место. Треба да се биде исклучиво внимателен бидејќи херпесот е заразен. Затоа, ако го имате, никогаш не бакнувајте мали бебиња, особено новороденчиња, бидејќи може да дејствуваат деструктивно на нив.

Не споделувајте чаши и ноктарица Ако другите во вашиот дом веќе имаат херпес на усните, избегнувајте да делите чаши и да се бакнувате за да не се заразите. Бидете внимателни ако повеќе пати јадете со рацете од ист сад, на пр. чипс и други закуски, бидејќи тоа е еден од начините за повторно активирање на вирусот. Како се развива? Еден или два дена пред појавата на херпес, местото каде што ќе се појави може да ве пецка и да биде чувствително. Потоа, настануваа меури кои пукаат со време, а потоа жолти красти и рани. Заедно од појава до исчезнување трае 7-10 дена. Одмарајте и што повеќе одбегнувајте стресни ситуации. Смеата, исто така, ќе делува како херпес лек, бидејќи го стимулира имуноглобулинот А, протеин кој му помага на организмот да се бори против инфекции.

Како да се ослободите од болниот херпес?

Слободанка Илиева — Thu, 18 Jan 2018 10:13:46 +0000

Иако речиси секој од нас во некој период од животот може да го добие вирусот на херпесот, тој не кај секого се развива како клиничка инфекција. Со зајакнувањето на имунолошкиот систем, значајно може да се спречи појавата на херпеси. Ако некој кој е еднаш заразен со вирусот херпес симплекс, останува носител целиот свој живот.

Херпес симплекс: Симптоми Вирусот создава мали, болни меурчиња на усните. Овој вирус е заразен. Тој се пренесува со бакнување или со друг личен контакт со личноста која е заразена од вирусот или со предмети кои се во допир со вирусот – крпи, цевки за пиење, прибор за јадење). Херпес симплекс предизвикува низа симптоми кои траат помеѓу една и три недели пред да се појават меурчињата. Личноста може да се пожали на болка во грлото или да забележа отечени лимфни жлезди. Можна е и појава на тешкотии во голтањето или треска. Во некои случаи, постои пецкање во подрачјето каде што меурчињата ќе се појават или чешање на кожата. Иако меурчињата кои се појавуваат како херпес изчезнуваат за од два до десет дена, вирусот останува „успиен“ во телото. Тој ќе живее во нервните клетки и може да избие повторно кога нешто ќе го активира. Тие активатори може да бидат стрес, болест како настинка или грип, замор. Некои луѓе чувствуваат трнење во областа каде ќе се појави херпесот. Симптомите на херпес може да се појавуваат често: дури и еднаш месечно. Секое новоизбивање на херпес ќе биде полесно и поблаго како што времето поминува, но и понатаму ќе се појавува на истото место. Вирусот херпес симплекс не може да се излекува со никакви лекови. Антибактериските кремови може да помогнат да се запре инфекцијата која може да се појави кога меурчињата пукаат и кога кожата е оштетена. Раната не треба да ја допирате. Алтернативни решенија кои можат да го олеснат проблемот: 1) Ладно-топли облози на погодените подрачја. Ако имате меурчиња на усните, пробајте наизменично да ставате мраз и топоп чај. 2) Измијте ја устата со топла вода, помешана со морска сол 3) Избегнувајте многу зачинете храна, цитрони или која било храна која може да ви предизвика печење на местото 4) Антивирусните лекови можат да ви ги препише вашиот лекар, но би требало да ги употребувате откако ќе се појават првите знаци на херпес Природни лекови против херпес симплекс Ехинацеа Многубројни студии покажале дека ехинацеата влијае врз факторите кои предизвикуваат воспалителни процеси. Таа влијае врз лекувањето на ткивото и спречува создавање белези. Клинички е докажано дека влијае антивирусно против херпес сиплекс. Масло од чајно дрво Маслото од чајно дрво делува антимикробско против вирусот хепрес симплекс. Студиите покажале дека го намалува времетрањето од 12 на 9 дена на херпесот. Прополис Прополисот има антибактериски дејства, антивирусни и антифунгални својства. Се верува дека има и антисептичко дејство, а исто така го зајакнува имунитетот, но и дејствува локално. WebMD препорачува користење на прополис маст пет пати дневно на зафатените области. Магазинот „Израелска медицинска асоцијација“ вели дека флавоноидите во пчелниот прополис дејствуваат антиоксидативно и помагаат во борбата против инфекции и го зајакнуваат имунитетот. Цинк и витамин Ц Клиничките истражувања покажуваат дека земањето на цинкот и витаминот Ц орално, може да ги намали симптомите за херпесот. Витаминот Ц го зголемува нивото на глутатион, протеин кој служи за формирање на аминокиселини кои делуваат против вируси. Надворешната примена на цинкот исто така се покажало како ефикасно во ублажувањето на симптомите и го спречува повторното појавување на херпес. извор:скопје24.мк