херој – Вистина.мк

Милан Станковиќ објави фотографија од сестра му со трогателна порака: „Таа е мојот херој…“ (ФОТО)

Антонио Димитриевски — Tue, 07 Apr 2020 08:20:19 +0000

Милан Станковиќ објави трогателна порака во врска со неговата родена сестра Настасија, која е медицинско лице и како што тој вели, спасува заболени пациенти од коронавирусот. Пејачот објавил фотографија од неговата сестра облечена во заштитно одело налик на скафандер и покрај фотографијата напишал дека таа е неговиот херој и идол. „Ова е мојот херој и идол, мојата родена сестра Настасија... Душа и најхуманата личност што ја познавам ... Таа е на должност вечерва. Тие ги спасуваат животите на оние што страдаат од КОВИД 19 ... Те сака батоо“ - напиша Милан покрај фотографијата која ја споделил на Инстаграм.

Не е за оние со слабо срце: Ако се осмелите да пливате во овој базен, вие заслужувате награда

Христина Ѓоргиевска — Tue, 06 Aug 2019 12:45:35 +0000

Еден турски архитект дизајнирал хотел кој ѝ пркоси на гравитацијата. Хотелот е дизајниран за да “виси” од работ на една карпа во Норвешка, но тоа не е најстрашниот детаљ. Во понудата е вклучен и базен со стаклено дно. Хотелот кој дефинитивно не е за оние со слабо срце, треба да биде вграден во Преикестолен, карпа во јужна Норвешка која станала популарна туристичка атракција.

Хајри Атак го дизајнирал предложениот концепт на хотелот со базен со провидно дно кој стои закачен за карпата. Објектот кој сè уште не добил дозвола за градба, би имал поглед кон фјордот Лисефјорден. Во склоп на хотелот би се наоѓала голема платформа која ќе се издигнува од врвот на карпата над трите катови со соби за гостите – сите со испакнати балкони. Над овие катови би се наоѓал и самиот базен, кој на пливачите би им овозможил магичен поглед кон фјордот и под него. извор: Пулс24

Младиот Антонио од Кавадарци е херој на денот, од неговиот гест ќе се расплачете

Ивана Стојанова — Fri, 27 Apr 2018 13:23:41 +0000

Шеснаесет годишниот Антонио од Кавадарци е момчето кое ги разбранува социјалните мрежи. Антонио е гордост на родителите и најблиските, а од денес и на сите оние кои не го познаваат лично, но неговиот гест ги воодушеви. Антонио со својата добрина, хуманост потврди дека човечноста кај младите се уште постои. Корисниците на социјалните мрежи пишуваат дека младото момче е херој и посакуваат што повеќе млади луѓе да се како него. За нештата да бидат појасни накусо ќе напишеме дека 16 годишниот Антонио по објавен апел за помош, се понудил и инсистирал да ги донира неговите 700 денари кои му биле заштедени. Целиот разговор кој е објавен на социјалните мрежи може да го погледнете во продолжение.

Викторија Лоба го опеа својот – „Херој“ (ВИДЕО)

Антонио Димитриевски — Mon, 26 Mar 2018 10:13:34 +0000

Македонската поп пејачка Викторија Лоба има нова песна и видеоспот за неа. Овој пат се работи за една поинаква балада, која иако е спакувана во модерен аранжман и современа продукција, во себе содржи доволна доза на етно елементи, па стилизираниот фолклор провејува низ звуците на традиционалните инструменти низ неа, боејќи го модерниот саунд со звуците на изворот.

Сите оние кои очекува нов хит од типот на „Дојди“ на Русинката со македонска душа можеби помалку и ќе бидат разочарани од новата песна на Лоба, која на моменти звучи на она што една Јелена Томашевиќ да речеме го изведуваше на своите почетоци, само се разбира, звуците на изворот се поинакви... наши, автентични.

Со оваа нејзина песна Роберт Билбилов уште еднаш покажал дека е зрел и разновиден автор и продуцент, која својето мајсторство го крунисал со една ваква необична тема, која бара многу повеќе знаење, вештина и аранжерско-продуцентско мајсторство, отколку само голото лепење готови пачови со музички фрази и ритмови купени на Интернет. На сето негово мајсторство, изведбата на Лоба пак, му дава душа, чудна експресија која иако исполнета со патина во интерпретацијата и стиховите, како да ви ги „милува ушите“ додека ја слушате. Едноставно, болна, а сепак нежна! Едноставното, но доволно ефектно видео во зимска идила кое го изработил Даниел Јовески е полно со симболика, па белилото и студот целосно и комплетно кореспондираат со музиката и текстот, поткрепувајќи го аудиоефектот со визуелен.

Се' на се', „Херој“ е тема која покажува дека Викторија Лоба има и поинаков капацитет отколку да биде само привлечна секси русокоса изведувачка на инстант хитчиња. И како што самата вели, наскоро ќе можеме да очекувате многу нови песни од "новата" Лоба, кои ќе се најдат на албумот на материјалот кој го работеше заедно со Роберт Билбилов и Марга Сол изминативе месеци. Во меѓувреме проследете како таа го доживува својот „Херој“: https://www.youtube.com/watch?time_continue=24&v=uzEqTyoTvFc