хемија – Вистина.мк

Кога Мелита ќе се заљуби, само штиклите и страста се задолжителни! (ФОТО)

Антонио Димитриевски — Sat, 04 Nov 2023 08:30:43 +0000

Позната по својот живот „на висока нога“ исполнет со луксуз, гламур и раскош, меѓу кои составен дел е и престојот на разни егзотични дестинации и скапите подароци, некогашната многу популарна ТВ водителка, денес можеби најпознатата скопска трендсетерка Мелита Ракичевиќ меѓу другото е позната и по споделувањето неизмерна љубов. Кога е вљубена - е вљубена, кога некого сака, очигледно го сака... „до балчак“! И не се труди тоа да го сокрие, напротив... Подготвена е да ги сподели сите убави моменти, дури и оние подискретните, што за многумина се во доменот на нивната интима. Така е и овој пат кога изгледа повеќе од јасно дека Мелита е одново вљубена. Нејзиниот рецепт за совршена љубов го знае само таа, но очигледно е првокласен, зашто атрактивната скопска трендсетерка секогаш го добива она што го посакува. Така е кога е побарувачката во прашање, ама што е со понудата, е следното прашање? И покрај тоа што е во „зрели“ години, Мелита изгледа како да доживува „втора младост“. Се' уште привлечна, пожелна секси, со бујни атрибути и заводлив шарм на кој тешко некој може да му одолее. Ако и фати око, речиси со сигурност умее да направи се' за тој да влета во нејзината дискретно фрлена „љубовна мрежа“! Само што некогаш „уловот“ бргу станува „потрошена жртва“, а некогаш „ловецот“ не може да престане да мисли на она што го „уловил“. Како во последниов случај на Мелита, во кој љубовната теорија вели дека има хемија дури и преку телепатија... „Доколку не можете да престанете да мислите на на таа, една личност, тоа е затоа што и таа постојано мисли на вас“! - споделила расната скопска убавица. А кога веќе љубовта е обострана, за истата „да се бетонира“ потребно е блискоста да се сподели на многу различни начини... Помалку или повеќе омилени! Мелита откри која и е омилената поза... Барем за старт на она што следува. Во седечка положба со едната нога подсвиткана во колено, а другата до крај испружена. И тоа во секоја прилика... И кога само позира како филмска дива и кога е подготвена до крај да ужива! Аутфитот може да го има, а може и да го нема. Само штиклите и страста се задолжителни!

@melita_mel7 ♬ Sex and the City (Main Theme) - TV Sounds Unlimited

Фото: Инстаграм/melitameli Видео: TikTok/melita_mel7

Знаци дека помеѓу вас и некоја личност има силна хемија: Толкувајте ги гестовите

Слободанка Илиева — Fri, 18 Nov 2022 14:12:46 +0000

Да се биде во можност со некого да се дели пријатна тишина е еден од знаците дека постои хемија… Ви откриваме уште пет сигурни знаци дека меѓу вас и вашиот партнер го има „она нешто“. Тишината е пријатна Сите сме воделе разговори, кои во одреден момент преминуваат во тишина, поради што често би паничеле дека на лицето спроти нас му е здодевно во нашето друштво. Но да се биде во можност со некого да се дели пријатна тишина е еден од знаците дека има хемија. Вие сте среќна што сте таму со него и знаете дека тоа чувство е обострано. Се разбирате Кога ќе кажете нешто, повеќето луѓе веднаш не би сфатиле, но тој точно знае за што зборувате. И обратно. Допири Едноставно е: кога ќе ве допре некој што не ви се допаѓа, вие сте сосема свесни за тоа и сакате да престане. Но кога ќе ве допре некој со кого чувствувате хемија, понекогаш тоа можеби нема ни да го забележите, бидејќи тие допири ќе ви изгледаат толку природни што нема причина за тоа да ве изненади. Телепатија Тоа е она чувство кога со само еден поглед, без зборови, можете да сфатите што мисли вашиот партнер, па соодветно на тоа се насмевнувате или правите друга мимика за да му покажете дека знаете што точно мисли. Времето лета Само со лицето со кое имате хемија часовите ви изгледаат како минути и имате чувство деко со него би можеле така засекогаш бидејќи секогаш ви е интересно. Кога и на дружењето ќе му дојде крај, едвај го чекате идното бидејќи тој ве усреќува и не сакате да бидете раздвоени. Како да се знаете отсекогаш Хемијата секако може да се развие со текот на времето, но таа главно се појавува штом запознаете некого. Ако со некого разговарате првпат, а чувстувате како веќе да го знаете, да, тоа е хемија. извор:попара.мк

Кои 3 видови хемија се неопходни за да имате вистинска љубов?

Слободанка Илиева — Fri, 23 Sep 2022 11:49:47 +0000

На сите нам ни е добро познато дека хемијата е клучниот елемент за секоја љубовна врска. Но, дали знаевте дека постојат 3 типа хемија кои се обележје на вистинската љубов? Проверете за кои видови хемија се работи во продолжение. 1. Физичка хемија Станува збор за наједноставната хемија што може да постои меѓу двајца кои меѓусебно физички си се привлекуваат. Ова е неопходен елемент за да се развие љубовта, но не е доволен. Физичката хемија ги буди кај вас првичните искри на љубовта, ништо повеќе. Така, честопати го предизвикува и чувството на незадоволство кај вас бидејќи сметате дека има нешто што навистина вреди да го сакате, а во моментот ви е недостижно. 2. Интелектуална хемија Оваа хемија постои меѓу две индивидуи кои можат да разговараат со часови. Разговорот им тече природно и тие самите ментално се стимулираат и надополнуваат еден со друг. Длабоката интелектуална хемија се случува кога туѓиот ум ви постанува нов дом. Меѓу другото, вообичаено голем дел од комуникацијата е невербална и честопати премногу суптилна за да се одреди нејзината вистинска природа. Кога ќе пронајдете некој со кој имате интелектуална хемија разговорот си тече природно и дури и тишината е удобна. 3. Спиритуална хемија Спиритуалната хемија е синоним за усогласување на карактерите на двете индивидуи. Таа ги надминува однапред поставените ставови и верувања и има трансцендентна природа. Се одвива кога и двајцата партнери ги ценат истите работи како добрина, лојалност, пријателство и дарежливост. Меѓу другото, овде нема простор за неизвесност бидејќи и двете индивидуи се сигурни во своите чувства и двајцата подеднакво ја ценат врската. Извор: themindsjournal.com/кафепауза

Мистеријата разрешена: Врвниот љубовник ги има овие 10 особини

Слободанка Илиева — Mon, 01 Aug 2022 13:02:55 +0000

Што го прави љубовникот добар? Сексот е пред се во главата, а за да биде добар, најважна е хемијата меѓу двајца, но и овие 10 квалитети, пренесува „Your Tango“: – Подготвени сте да учите. – Разиграни сте и страствени. – Партнерот се чувствува секси со вас. – Самоуверени сте и не се плашите да бидете ранливи. – Вие сте авантуристички тип и спремни сте за експериментирање. – Уживате да давате задоволство колку и да го добивате. – Поддржувате и не осудувате. – Во тие моменти сте целосно присутни. – Ги кажувате вашите потреби и ја слушате другата страна. – Имате време и не избрзувате со сексот. Техниката, добрата хигиена, карактерот и хемијата меѓу двајца се важни фактори, но сексуалната интимност која го прави сексот фантастичен е многу повеќе од тоа. Таа расте и се множи со добро, споделено искуство, разговор и работа на себе. извор:попара.мк

Хемија или компатибилност: Што е поважно за успешна врска?

Слободанка Илиева — Tue, 22 Mar 2022 15:00:44 +0000

Уште како деца наоѓаме луѓе кои ни одговараат, но и оние за кои мислиме дека е подобро да се држат настрана од нас. Се сеќавате ли на сите оние љубовни калкулатори и тестови за компатибилност што ги правевме и се надевавме на најдобри резултати? Меѓутоа, најчесто бевме разочарани од отрезнувачкиот резултат. Сепак, дали можат да бидат среќни само оние парови кои се меѓусебно компатибилни и затоа имаат многу заеднички работи? Што е со таа прекрасна хемија што мора да постои за да се заљубите еден во друг? Хемија и компатибилност Според Симон Саундерс, експерт за односи и психотерапевт, треба да се фокусираме на два клучни фактори за да одредиме дали врската може да биде успешна или не. Тоа се хемијата и компатибилноста. Која е разликата? Хемијата е, иако е тешко да се дефинира, непосредно чувство што можеме да го доживееме физички, емоционално или ментално. Тоа се пеперутки во стомакот кои се појавуваат при првиот флерт или искри кои летаат кога се бакнуваме за прв пат. Компатибилноста, од друга страна, бара време и размислување. Таа е изградена на заеднички вредности и интереси. По неколку состаноци откривате сличности кои ви дозволуваат подлабоко да навлезете во личноста на партнерот. Што е поважно за успешна врска? Компатибилноста се заснова на заедничко разбирање на приоритетите, таа создава здрава основа за долгорочна, здрава врска. Тоа е уште поважно од физичката привлечност. Хемија, од друга страна, може да се појави иако партнерите генерално се разликуваат. Привлечноста е важна за почеток, но сама по себе не може да обезбеди цврста основа за среќна врска, пишува „Klix.ba“. Идеално, се разбира, и двете треба да бидат присутни и избалансирани, но слабата врска на почетокот или малку заеднички основи не е показател дека врската е осудена на неуспех. Најдоброто можеби допрва доаѓа. Откријте на што се заснова вашата врска Експертите за врски советуваат, особено во почетната фаза, да не се врши притисок врз партнерот за да се воспостави компатибилност. Не обидувајте се да присилувате емоции. Нека работите се одвиваат по својот пат и уверете се дали ќе се појави компатибилност. И на крајот, секој пар има различна динамика и важно е само она што вам ви одговара. Затоа, одолејте на нагонот да претерано го анализирате секое чувство и изјава. Запомнете, секогаш најдобро се чувствува со срцето. извор:попара.мк

Кристина Димитриевска „раскомотена“ на „интимна дужба“ со ДЈ Боно, кој прво ја гушкаше, па ја праша: „Имаш дечко“? (ФОТО)

Антонио Димитриевски — Thu, 09 Dec 2021 10:16:12 +0000

На Кристина Димитриевска по неодамнешниот севте јавен музички настап во Велес, по се' изгледа дека и тргна... Соработката со некои „нови деца“ од музичката Ди-Џеј и (т)рап сцена очигледно полека и го трасира патото кон музичкиот успех. Ако ништо друго, барем поголем од оној што на музички план го имаше досега... По нејзиниот деби клубски настап со ДЈ Боно ( Бојан Илковски) и Тони и Алек на ред по се изгледа дојде и музичката соработка со некои од нив. Барем такви се најавите на Инстаграм профилот на атрактивната тетовчанка која објави нова тура фотографии, овој пат во друштво со споменатиот соработник. Кристина и ДЈ Боно фотографирани прилично опуштени и „раскомотени“, онака „разгаќени“, на блиска средба во топла прегратка, во домашна атмосфера?!

View this post on Instagram

A post shared by KRISTINA DIMITRY (@kristina.dimitry)

На прв поглед прилично романтично, а и загадочно: Од кога тоа мисицата и ДЈ-от преку ноќ станаа така блиски? Директното интимно прашањето што ДЈ Боно јавно и го поставил на својата згодна пријателка дополнително ја заскокотка љубопитноста... Впрочем, како целата нивна интимна комуникација: - „Имаш дечко“? -„Ме остави после сликиве...“ -„Ќути, исто и јас“... А кога две сродни души ќе се најдат на исто место, во исто време, па уште и со исти љубовни јадови, „меѓусебното тешење“ е неминовно... Ќе прерасне во интимно или ќе остане само работно...? Тоа е веќе прашања на „хемија“... и по малку физика! А можеби се' ќе се сведе само на... музика!? Бидете така или што би рекеле - Stay tuned и ќе видите! Фото: Инстаграм принтскрин/kristina.dimitry

Милица Павловиќ и Вук Костиќ се „муваат“: Пејачката и актерот заминаа сами на планина, ќе се вратат ли како нова љубовна двојка? (ФОТО)

Антонио Димитриевски — Tue, 12 Jan 2021 09:23:41 +0000

Милица Павловиќ и Вук Костиќ последниве денови се неразделни! Пејачката и актерот отпатуваа на Мокра Гора, каде изнајмија куќа во природа, покрај реката. Ова веднаш ги подгреа гласините дека атрактивната „Гранд ѕвезда“ и херојот од серијата „Убијците на мојот татко“ се „во шема“?! Или барем дека се „муваат“?! „Милица и Вук минуваат многу време заедно и се многу блиски. Тие заминаа на одмор на планина, на Мокра Гора, но ним им се придружија и неколку пријатели. Сите велат дека има искра меѓу нив двајца и дека се сакаат, но бидејќи и двајцата ги кријат своите приватни животи и врски, не знам дали веќе се забавувале или сè уште само флертуваат“ - изјави извор близок на двајцата за српски Информер. Потсетува дека Костиќ беше главен гостин на 29-от роденден на пејачката лани во август, кој таа го прослави во еден познат белградски хотел. „Таа вечер, сите ја забележаа хемијата меѓу нив! Не се разделија, дури и пееја допрени образ на образ“ - вели соговорникот. Милица Павловиќ не крие дека е блиска со познатиот актер: „Вук и јас се знаеме со години, наши заеднички пријатели не запознаа и имаме одлични релации. Пред две години, се сликавме за еден едиторијал, потоа се запознавме подобро и продолживме да ја градиме нашата пријателска врска. Вук ме подготвуваше за улогата во серијата „Пејачка“. Тој ми беше голема поддршка и ми помагаше со знаење и совети“ - вели пејачката, без да навлегува во детали за длабочината на нивното пријателство и близина.

Се раѓа ли нова селебрити љубовна двојка: Спејко (ќе) ја замени Љупка со Елеонора? (ФОТО)

Антонио Димитриевски — Wed, 10 Jul 2019 07:33:59 +0000

Млади, згодни, убави, преку ноќ од тотални анонимуси стануваат познати, популарни, сакани, па дури и обожавани од дел од нацијата... А не се ниту пејач(к)и, актер(к)и, водител(к)и, спортисти, манекен(к)и... Едноставно се ултрапоупуларни, а немаат јавна професија, па дури некои од нив и никаква. Така отприлика изгледа „производот“ од таканаречените реални шоуа, што се многу популарни и кои покрај турските серии и музичките талент натпревари, станаа најгледаните ТВ програми во целиот регион.

Македонија не е ништо покусо од останатите држави, па дури имавме и свои победници, како кумановецот Дарко - „Спејко“ пред неколку години во „Голоемиот Брат“, кој потоа стана познат моден блогер и инфлуенсер...

Особено откако влезе во шема, апотоа и во врска со својата колешка по „занает, само без ријалити искуство“, сексапилната струмичанка Љупка Митрова.

Обајцата како Бони и Клајд, беа нераздвојни и приватно и професионално, па важеа за најуспешната македонска „комерцијално-емоционална“ двојка. Секако, додека на нивната љубов не и измина рокот на траење.

Потоа секој на своја страна. И приватно и профи - соло! Љупка некако, како подобро да се снаоѓа во „рекламно-модните кампањи“ сама, додека Спејко се чини поуспешно функционира кога е во пар!

Во тукушто завршената втора сезона на регионалното реално шоу „Задруга 2“ пак, влезе и остана до пред самиот крај и една Македонка. Сексапилната скопјанка Елеонора Миљковиќ, претходно речиси пошироко непозната, сега исто толку популарна како и Спејко.

Особено откако во „Задруга 2“ покажа што имаше да покаже: И карактерот и дружељубивоста и талентот и убавината и сексапилот...

Елеонора откри ама баш се'... Особено извајаното голо тело под тушот, сосе сите свои бујни атрибути... И одзади и однапред!

Сепак не успеа да победи, што покрај една Луна, Станија, Ана Кораќ... и останатите старлети е навистина тешко, зашто конкуренцијата беше жестока! Сеедно... Елеонора се врати дома, побогата за искуство плус и популарност со која високо ќе котира, барем некое време.

А, токму ТАА - Елеонора и ТОЈ - Спејко се сретнаа на исто место. Во емисија, само што овој пат наша, на домашна телевизија и не е реално шоу. Обајцата ги раскажаа своите „реални“ искуства во неколку минути, а реално и разменија, погледи, два реда муабет и телефонски броеви. Од страна гледано, може да се каже и понекоја искричка во очите, па којзнае... Можеби „хемијата проработе“, па ќе имаат толку многу да си кажат и разменат искуства и зад камерите.

Впрочем, чаршијата веќе почна да шпекулира дека новата селебрити љубовна двојка е родена. Останува да видиме дали Спејко ќе ја замени Љупка со Елеонора или поточно, Елеонора ќе ја замени Љупка кај Спејко?

„Задругарката“ предиспозиции, секако има... Особено природни... И однапред и одзади...

Останува само да ги усогласат карактерите. Секако, доколку навистина „хемијата проработела“?

Имате силна хемија, а одеднаш тој го губи интересот: Каде лежи проблемот?

Христина Ѓоргиевска — Thu, 25 Apr 2019 13:00:40 +0000

Хемијата е силна, чувствувате поврзаност. Почнувате да чувствувате возбуда и мислите дека конечно сте го нашле вистинскиот. И одеднаш нешто се менува. Мажите се програмирани да ловат. Тие уживаат кога нова девојка ги смета за атрактивни, забавни, паметни. Тие прават сѐ што можат за да си докажат себеси дека можат да ја освојат таа жена. Но, еднаш кога ќе покаже интерес и ќе ја освојат девојката, тука нема ништо за докажување. Нивниот страв од посветеност се појавува и нивниот прв инстинкт е бегство. Така се префрлуваат на следното освојување за повторно да си го набилдаат егото. На мажите на кои постојано им се потребни нови освојувања за да си го набилдаат егото всушност се несигурни. Тие губат интерес во моментот кога жената ќе покаже интерес, затоа што на некој начин се чувствуваат недостојни. Тие мораат да одат во лов по нова жена, за повторно да го вратат чувството на достојност и вредност. Познавам еден дечко кој еднаш ми кажа дека секојпат кога ќе почувствувал дека ѝ се допаѓа на некоја девојка, веднаш си помислувал дека сигурно не е нешто во ред со неа. Неговата несигурност во себеси го натерала да ја изгуби секоја потенцијална љубов, затоа што не се чувствувал достоен. Мажите кои влегуваат во оваа категорија се емоционално недостапни и никогаш не ни биле заинтересирани да бидат во врска. Па како можете да ги избегнете тие мажи и да привлечете мажи кои се сигурни во себе и кои сакаат да имаат стабилна и нормална врска? Не паѓајте на маж кој веднаш ви ветува врвови и долини. На вистинскиот, сигурен маж, тоа не му е потребно. Барајте грижлив маж, маж кој е навистина сериозен и кој одвојува време за да ве запознае. Како да ја градите привлечноста? Мажите се заљубуваат на основа на тоа како се чувствуваат со жената. Ако постојано го гушите и го прашувате каде е, нема да се чувствува добро. Бидете самоуверени, разиграни и сигурни во себе. Забавувајте се. Смејте се. Направете да се чувствува добро во ваше друштво. Бидете девојката која знае да се опушти со пријателите и да се забавува. Немојте да бидете луда, несигурна верзија од себе која постојано прашува каде е и што прави. Важно Ако премногу размислувате за иднината и ако прерано сте пресериозни, тоа ќе го исплаши. Ако загуби интерес и се повлече, оставете го. Не влегувајте во драми. Сфатете дека не можете никого со сила да терате да остане.. извор: скопјеинфо

Со кои хороспкопки знаци имате најсилна еротска хемија?

Ивана Стојанова — Sun, 13 Jan 2019 12:30:29 +0000

Иако навидум, некои карактери се неспоиви, но често еротската енергија е многу силна. Тоа што е непознато и мистериозно, во многу ситуации ни носи привлечна моќ. Што вели хороскопот? Меѓу кои хороскопски знаци има најсилна хемија? На Овните највеќе им одговараат Девиците и Шкорпиите. Биковите се најкомпатибилни со Стрелците и Вагите. За Близнаците најдобра сексуална енергија носат Шкорпиите и Јарците, додека пак за Раковите тоа се Стрелците и Водолиите. Лавовите имаат најмоќна сексуална поврзаност со Јарците и Рибите. Девиците се често силно привлечени од Овните и Водолиите, додека пак за Вагите тоа се Рибите и Бикот. Шкорпиите носат најсилна сексуална енергија кон Близнаците и Овните. Стрелците највеќе си одговараат со Биковите и Ракот, додека пак Јарците со Лавовите и Близнаците. За Водолиите најсилна сексуална енергија носат Раковите и Девиците. Рибите најдобро се сложуваат сексуално со Лавовите и Вагите.