„Hello World“ – промоција на деби албумот на „Stoned Hedge“ во МКЦ

Антонио Димитриевски — Thu, 27 May 2021 10:56:25 +0000

Македонскиот инди-рок бенд „Stoned Hedge“ го промовира својот прв албум на платото пред МКЦ. Албумот насловен како „Hello World“ е продуциран во Студио 1060 на Дени Крстев а како издавач се запишува Password Production. Настанот е планиран во формат на слушачка промоција со многу дружење и слушање на албумот во лабава атмосфера. „Доколку ви се допаѓа нивната музика, ќе имате можност да го поддржите бендот преку купување на merch-от кој што ќе биде изложен на настанот. Дојдете, поддржете македонска авторска музика и уживајте во убавата енергија на овој нов бенд“ - порачуваат промотерите. Бендот „Stoned Hedge“ го сочинуваат Ангела Маринковска – вокал, Исмаил Камбери – гитара, Дејан Томовски – бас и Марко Стојчевски – тапани. Тие успеаја за само 4 месеци и тоа среде корона епидемија да го создадат својот деби албум и тоа во манир на веќе искусен бенд, небаре ова е нивната трета хит плоча. >„Она што овие млади луѓе го направија во тој краток период е навистина за восхит, а тоа се големи и неверојатно мелодични песни кои лесно ќе ве заведат со својата питкост и искреност и ќе ве однесат во светот и борбата на убавите, чесните и младите. Станува збор за една борба со силен и невидлив противник, но Stoned Hedge во стил на искусни борци со неверојатна леснотија на сите нас ни покажаа дека со талент и чисто срце може да звучиш и изгледаш светски. Во нивните песни можете да најдете многу убави и неочекувани нешта како: прекрасни и меланхолични вокали, волшебни и ненаметливи гитари, сонливи и сугестивни бас делници, разбивачки и нежни тапани... и искрени зборови!“ - стои во рецензијата на песните на нивното дебитантско остварување.

Hello World“ – Вистина.мк

„Hello World“ – промоција на деби албумот на „Stoned Hedge“ во МКЦ