хасан дудиќ – Вистина.мк

„Воопшто не личи на него“ – Хасан Дудиќ разочаран од споменикот на Шабан Шаулиќ (фото)

Слаѓана Атанасова — Wed, 07 Sep 2022 06:17:50 +0000

Во Шабац беше откриен споменикот на Шабан Шаулиќ, а на церемонијата присуствуваше семејството Шаулиќ, бројни колеги и пријатели, но и жители на Шабац. Но, големиот пријател и брат на Шабан, Хасан Дудиќ, сепак е разочаран од она што го видел. Овој споменик, висок околу четири метри, се наоѓа на аголот на улиците Краља Милана и Мачванска во Шабац. Најголем дел од средствата ги обезбеди семејството Шаулиќ со поддршка од пријатели, додека градот Шабац го финансираше поставувањето на постаментот и уредувањето на непосредната околина на споменикот, кој симболично беше поставен на самото место од каде што Шабан „со намерна отиде во големиот град“, како што се вели во текстот на неговиот легендарен хит. - Чувствувам длабока тага, брат ми не е жив, би бил најсреќниот човек да беше жив. Да беше жив, ќе дадов уште половина од мојот живот, ако треба се, само тој да беше жив - изјавил Хасан Дудиќ, а потоа призна дека воопшто не е задоволен од изгледот на споменикот. - Не сум задоволен од тоа како го направија ликот, малку се брзаа, а стварно имаше убава глава за правење и мал нос, слушам и коментари, а штом видов така помислив и јас. Претпоставувам дека ќе го поправат - искрен е Хасан. Фото: Принтскрин/Пинк.рс

Српскиот фолк пејач со тешки последици по Ковид -19: „Короната ми ги разори бубрезите, срцето, панкреасот, главата…“ (ФОТО)

Антонио Димитриевски — Thu, 18 Nov 2021 11:09:33 +0000

Седум месеци по големите проблеми со корона вирусот, кога со билатерална пневмонија заврши на кислород и лежеше 11 дена во болница, пејачот Хасан Дудиќ мораше повторно да биде хоспитализиран. За среќа, сега е многу пократко. „Долго време имам невролошки и срцеви проблеми, хипертензија“ - почна Дудиќ за Новости, па продолжи: „Отидов на прегледи во Институтот за кардиоваскуларни заболувања на Дедиње, кој е најдобар во Европа, под раководство на господинот Милован Бојиќ. Тие се толку љубезни и добри лекари, секогаш подготвени да помогнат. Јас сум импресиониран. Кога ќе влезете во нив, како да сте во вселенски брод. Толку гостопримство, па се грижат за болните, секој дел од нив. Ништо не ни почувствував, а завршивме одлична работа. Хасан Дудиќ два дена беше во болница. Лекарите, вели, му констатирале маснотии, ги исчистиле и ги отстраниле проблемите: - Нема потреба од операција. Ќе ми го снимаат делот кај вратот на 13 декември, па ќе носам холтер, има цела програма. Запрашан дали и колку сето ова има врска со сето она што му се случи минатата пролет, Хасан вели: - Во ова сега, сигурно, има удел короната. Верувам во медицината, вакцините отсекогаш биле тука за да ги заштитат луѓето. Короната ми ги уништи бубрезите, срцето, панкреасот, уринарниот тракт, главата... Ми рекоа дека, некое време, срцето ми било во критична фаза, но, фала богу, некако се смирило“ - раскажа пејачот.

Пејачот „распали“ по Саша Поповиќ и Жика Јакшиќ: „Гранд и Миле Бас ми должат 500 000 евра, ако не ми исплатат ќе ги тужам“

Христина Ѓоргиевска — Thu, 28 Oct 2021 07:59:06 +0000

Пејачот Хасан Дудиќ тврди дека „Гранд продукција“ и Миле Бас кој е сопственик на „Јужни ветар“ му должат пари и тој долг изнесува 500 000 евра. Тој вели дека се обидел да го реши проблемот преку директорот на Гранд, Горан Шљивиќ, но е сигурен дека зад исплатата на парите стои Саша Поповиќ. -Откако се појави тој Јутуб, ми должат многу пари. Не сум експерт, па не знам колку ми должат, но пријателите кои се занимаваат со тие работи тврдат дека Гранд и Поповиќ ми должат колку и другите. Откако започна тој интернет канал сите ги објавуваат моите песни од кои заработуваат, а јас кога си го барам својот дел, тие ме одложуваат. Сигурно ми должат околу 500 000 евра, а може и повеќе“ тврди фолкерот за „Курир“. Тој откри кој се уште му должи пари. -И Миле Бас ми должи пари, но тоа е друга приказна. Многу пати се обидев да наплатам, прашував...но ништо. Жика Јакшиќ и јас се познаваме 100 години, отсекогаш бевме добри, но тој сега е друга личност, дури и ме чуди што не ми помогна кога можеше. Жика откако стана „голем“ тој не се јавува, нема време....Човекот многу работи, се ќе пропадне без него, го разбирам“, вели Хасан. Тој откри зошто го контактирал Жика. - Неколку пати му понудив соработка, му испратив снимки и понудив некои од моите песни, но одговор не добив. Се збогатија и ја уништија оваа музика, ако сме реални. Им земаат се на пејачите, мизерно е тоа што им остана, а паричниците им се сė пополни и пополни. Жика не се мешаше во проблемот околу парите што ми ги должи Гранд продукција, туку дипломатски ме пренасочи кај директорот Горан Шљивиќ. Шљивиќ е коректен човек, и во една прилика се договоривме, но неговата реализација и исплата на моите пари се уште не се случи, дури и ако помина повеќе од година и пол од нашиот разговор - рече тој, и откри што му Горан Шљивиќ. -Тогаш ми рече да донесам список со сите мои песни и дека ќе ми се исплати разлика од досегашните прегледи, а во иднина автоматски ќе добивам дел од тој приход од моите хитови. Планирам повторно да одам на разговор за да видам што ќе се случи. Морам да бидам искрен, не можам да му забележам на Шљивиќ што не се реализираше договорот, сето тоа го направија Жика и Саша. Хасан се уште не знае дали ќе го тужи Гранд. -Не знам. Се надевам на Шљивиќ за кој мислам дека е добар човек. Но, ако не ги добијам своите пари, ќе го тужам и Гранд и Миле Бас“ вели пејачот.