гушкање – Вистина.мк

Снеже Велков има да ви каже еден муабет, ама… : „Некои муабети се само за во паркирани автомобили“ (ФОТО)

Антонио Димитриевски — Mon, 17 Jan 2022 09:53:03 +0000

Најпознатата македонска пилатес инструкторка и ТВ водителка за празнициве прошетала надвор од Македонија. Не многу далеку, во соседството на север, до Ниш. Сеедно дали по работа или само онака, заради прошетка, забава и рекреација, Снеже Велков токму таму наишла на посебна инспирација. На нешто што можеби и ги разбуди спомените и сеќавањата или само и побуди инспирација за бујна имагинација, па откако налета на „музеј на отворено“ на паркирани „олдтајмери од социјализмот“, веднаш доби идеја за приказна за автомобилизмот. Само што нејзината приказна е малку поинаква... Еротска или романтична, во секој случај моше симпатична, а Бога ми и возбудлива... Зависи од муабетот или работата, зашто поедини нешта не трпат многу муабет - туку сакаат „работа“... Некои муабети се само за во четири очи, а Снеже ќе ви раскаже и за каде:

View this post on Instagram

A post shared by Velkov Sneze (@velkovsneze)

„Некои муабети се само за во паркирани автомобили. Така паркирај си и збори си. Ако е ладно пушти греење. Ако е топло пушти ладење. И збориш и не се дозборува.. и гушкаш и не се догушкува. А некогаш и плачеш и не се доплакува. До душа има и други работи што се прават во паркирани автомобили, нели... Овие автомобили ги најдов паркирани во Ниш, да знаеа да зборат кој знае какви приказни ќе ми раскажеа нивните предни, а Бога ми и задни седишта“ - порачала русокосата убавица, онака фотографрана седната или потпрена на неколку екс -југословенски олдтајмера. Буба, Фичо, Спачек или Трабант, не важно, важно е да ти се погоди муабетот... А и соговорникот, ако ти е до муабетење... Или евентуално до гушкање и тоа на возачкото или совозачкото седиште, најчесто. Ако пак, не ти е до муабет, пушти „очите нека зборуваат“... Додека „мижиш и буткаш“! Најчесто на задните седишта од твоето или нејзното/неговото ауто. До душа, може и на предните, освен што Снеже Велков заборавила да ви каже во тој случај да внимавате... Најмногу - на менувачот... А и шофершајбната. Од безбедносни причини! Да не се случи ептен „да се замуабетите“, па да заборавите да „кренете рачна“... навреме! Епа, вози Мишко... во лер! Фото: Инстаграм принтскрин/velkovsneze/ unknown принтскрин

Весна – „Бејби“ на „трофазно“ подмладување: Умна и здрвена, прво на боцкање, па на гушкање! (ФОТО)

Антонио Димитриевски — Fri, 02 Oct 2020 07:19:24 +0000

Има една светска максима, која гласи: „Убавината ќе го спаси светот“... Како контра на неа, една стара скопска поговорка пак, вели: „Убавината е минлива, а глупоста останува“! И не дека не биле во право и едниот и другиот што ги измислиле и кажале, ама за аналогно на двете, излегува дека за глупоста да не преовладее, убавината постојано треба да доминира! И не само заради тоа. Што е убаво и на Бога му е драго, што би рекле браќа Срби, па затоа од убавина - никогаш доста! Годините си врват, па ако животното искуство по дифолт ти прави „корекција на умот“, ќе мораш или самиот, или со туѓа помош да се погрижиш за корекција на ликот. Македонската актерка, водителка, писателка, драмски педагог... што ли уште не е, Весна „Бејби“ Петрушевска, која неодамна ја раситни и „шестата банка“ од животот, поучена токму од туѓото искуство сублимирано во сето она што претходно го наведовме, побара помош за разубавување. И тоа стручна и не било чија, туку, како што и самата таа, а и многумина други велат, од најдобрите. Бејби реши да се подмлади и разубави или барем да престане да старее однадвор, зашто одвнатре ионака е евергрин. „Форевер јанг“, што би рекле, па налетот на мајката природа на надворешната естетика, препушти естетските стручњаци да ја „замрзнат и коригираат“! И тоа не во една или две, туку во три фази! Прва фаза - да те здрват! И ја здрвија... Тоа помалку наликува како Бејби да е во сцена од некој „хорор-трилер“, ама само навидум. „Процедурално“, зашто таква е процедурата, оти за се си има себап! После па, коа ќе ти кажат: „Леле, шо убаво старееш“, а тебе ти иде една милина, саде мераци и ќефои си од напливот на комплименти, ти текнуе? Затоа седи, ќути, трај и зевај... во таванот, вообичаено! Втора фаза - боцкање! Со филери и ботокс! Бејби пет години ја убедувале, додека не ја кандисале... Зашто за некои работи Бејби има „срце како планина“, ама од боцкање- „прпа“! Плачка голема... Се' додека и самата не се убедила дека навистина не боли... Не барем, толку! Трета фаза - опсервација на резултатот. А резултатот - за гушкање! До душа со короната, не е баш време за прегратки, ама на некои нешта, Бејби едноставно не може да им одолее! Екипата естетски мајстори од најпознатата ординација врвна, Весна „Бејби“ - умна и подмладена! И ајде сега да ве видам некој нека и фати кусур, дека „Бејби“ изгледа за 50 и кусур? Фото: Инстаграм принтскрин/vesnapetrushevska

Еве зошто некои луѓе мразат да се гушкаат и допираат

Слободанка Илиева — Wed, 29 Jul 2020 13:20:36 +0000

Американски научници се обидоа стручно да објаснат зошто некои луѓе не сакаат да се гушкаат и имаат одбојност од физички допир. Тие тврдат дека во најголем број случаи проблемот е во одгледувањето и дека несклоноста на возрасни луѓе да се гушкаат во најголем дел потекнува од детството. Професорка на Универзитетот Северен Илиноис, Сузане Дегес Вајт, вели дека „склоноста за физички допир без оглед али се работи за прегратка, милување по глава или рамена, или за ракување често е последица од искуствата на лицето од најрано детство. Струдијата упатува на тоа дека лицата кои растеле со родители кои ги гушкале и мазеле, продолжиле со истра пракса и веројатнста е голема тоа да го применат и кај своите деца. Резултатите од студијата велат дека „гушкањата се важен дел од емоционалниот развој на детето“. Таа додава дека аверзијата кон гушкањето може да се совалда, но тоа не е нужно. извор:попара.мк

Емотивна прегратка: Ѓоковиќ го освои Вимблдон, а синот Стефан вака му ја честиташе победата (ФОТО)

Антонио Димитриевски — Mon, 16 Jul 2018 09:55:01 +0000

Новак Ѓоковиќ, по четврти пат го освои Вимблдон. Тој го порази Кевин Андерсон од Јужна Африка во финалето на отвореното првенство на Англија, а по натпреварот откри по што оваа победа се разликува од претходните.

„За прв пат во животот има некој кој вика "Тато, тато". Дојде, иако правилата се такви што деца помали од пет години, не можат да го гледаат натпреварот, но ако во иднина уште еднаш имам можност да играм финале, знам дека тој ќе биде тука.Ова е многу емотивен триумф за мене“ - рече Ѓоковиќ видливо возбуден што на трибината го пречекаа неговата сопруга Јелена и синот Стефан.

По натпреварот, додека Ѓоковиќ давал интервју малиот Стефан му се приближил на татко си и фрлајќи му се во прегратки силно го гушнал, по што Новак за миг го прекинал интервуто. Заедно со малиот Стефан во прегратки Ѓоковиќ и пришол на сопругата Јелена и сите заедно завршиле цврсто гушнати!

Оваа емотивна сцена го обиколи светот и воодушеви многумина.