гурмански муабети – Вистина.мк

Драган Вучиќ во „Гурмански муабети“ прв го угости Здравко Чолиќ кој откри ретко пoзнати детали од животот (видео)

Христина Ѓоргиевска — Thu, 24 Oct 2019 08:15:09 +0000

Македонскиот водител Драган Вучиќ знае како да си направи емисија и дека ги руши рекордите, па од „Возење со Вучиќ“ каде јавните личности и водителот се возеа во автобус, сега се префрли на емисија „Гурмански муабети“. Токму во оваа нова емисија која се емитува на „Телма“, Драган и гостите разговараат за храната, начинот на исхрана, здравиот живот.... За тие потреби, водителот ги спакува куферите и опремата, па замина малку во Македонија, малку во соседство да ги сними емисиите. Од Здравко Чолиќ до Ана Бекута, Нивес Целзиус ќе се најдат во емисијата. https://arhiva.vistina.com.mk/radio-mileva/na-bujnata-nives-celzius-prvo-i-ispadnaa-gradite-pri-snimanjeto-a-potoa-zavrshi-vo-pregratkite-na-makedonskiot-voditel-foto/ Така, прв гост во „Гурмански муабети“ беше една од најголемите ѕвезди во регионот Здравко Чолиќ. Иако сме навикнати Чолиќ пред камерите секогаш да зборува за својата кариера, своите успеси, концерти, новитети во музичката кариера и некои други работи, но многу поретко зборува за својот приватен живот, за начинот на исхрана, како се храни, дали готви...се работи кои се малку познати на јавноста. Драган како „водител – мајстор“ успеа да ги извлече и овие информации од балканската ѕвезда, па фановите на Здравко сега ќе имаат плус информации за пејачот. На почетокот на рaзговорот Здравко проговори за неговите настапи во Македонија, но и за тоа дека во текот на 80тите живеел во Скопје. „Се сеќаваш, во текот на 80тите живеев подолго време во Скопје. Работев некои концерти и бев сместен во Континетал и во Гранд. Кога си 30 дена во Скопје, тогаш почнуваш да зборуваш македонски“ вели Чолиќ. Дали Здравко Чолиќ е гурман? „Јас можам да кажам дека сум хедонист, а за мене гурмани се луѓе кои сакаат се да пробаат во краток период. Мислам дека сум хедонист кој сака да ужива додека јаде. Бидејќи секогаш се е во брзање, патувања, спорт, па не размислуваш за тоа, кога си гладен јадеш, кога не си гладен не јадеш. Кога ја запознав цела Југолсавија и кога почнав да патувам, каде доаѓаш како вокален солист, луѓето сакат да те угостат, па тогаш човекот сака да ужива. Особено тоа се однесува на рибата. На турнеите по Јадранот, ја сакам риби и морски специјалитети. Многу сакав рибни ресторани, особено на Јадранот или во Охрид, охридската пастрмка“ вели пејачот.

Тој вели дека со македонската кујна се запознал одамна кога се појавил на еден настан каде имало македонската храна. „Тука ја видов македонската кујна која претходно немав прилика да ја видам, различна подготовка на јагнешко месо, готвени јадења кои ги нема по рестораните“ вели Чолиќ. Во емисијата, Чолиќ не влезе во кујната да готви, но влезе Вучиќ за да провери како течат подготовките и готвењето на специјалитетите. Чолиќ откри како и изгледа неговиот појадок. „Што се однесува до појадокот, тоа е неодредено. Се зависи дали сум вечерал или не. Често го прескокнувам појадокот, ќе испијам цеден сок или нешто што има во моментот и сакам да пијам едно кафе, може домашно кафе или експресо. Потоа може да биде лесен појадок, овошје.Но, кога сум гладен сакам јајца, сирење, класичен појадок“ вели пејачот. Чолиќ откри дека сака да има и викендичка во Охрид бидејќи во Охрид има клима која е убава за живот и одмор. Здравко вели дека му дозволува на неговата сопруга да биде шеф во куќата, а на прашањето како се носат девојките со презимето Чолиќ, пејачот вели: „Децата не се во тој филм. Прво, мојата музика се слуша. Ги сакаат моите песни, но не се фанови. Музикални се, но не верувам дека ќе се занимаваат музика. Лара е многу талентирана, но не гледам дека ќе се замнимава со музика. Кога станува збор за презимето, во училиште тие не го потенцираат тоа, не се деца кои ќе направат испад. Татко е татко, училиште е училиште“ вели пејачот. Целата емисија може да ја погледнате во продолжение. https://www.youtube.com/watch?v=7XEzELR51Iw&feature=share&fbclid=IwAR2TWN_hei_QbqI1Re-EfXNRVZWrV956sX-QJ2qKIzzB69YKYBeEm9eljwc

На бујната Нивес Целзиус прво и испаднаа градите при снимањето, а потоа заврши во прегратките на македонскиот водител (ФОТО)

Антонио Димитриевски — Thu, 26 Sep 2019 07:14:34 +0000

Некогашната хрватската старлета, денес пејачка, а во последно време и актерка Нивес Целзиус, иако во средни години се уште изгледа повеќе од атрактивно. Особено кога ќе го истакне својот сексапил, а тоа го прави речиси секојдневно покажувајќи ги своите бујни облини... И однапред и одзади, со секоја нова тура провокативни фотографии на Инстаграм. Деновиве Нивес имаше серија снимања. Што за реклами, што за домаќински работи... Така, таа најпрвин се појави во едно од најсекси изданијата во кои до сега сме ја виделе. Но, при снимањето на рекламата во која разголената Хрватица беше облечена во нешто што едвај и ја покриваше интимата, доживеа пех, па откако танцувајќи во клечечка поза падна, нејзините гигантски гради кои ионака беа немирни при танцот, излетаа од предвиденото лежиште.

View this post on Instagram

A post shared by Nives Celsius (@nivescelsius) on Sep 19, 2019 at 3:17am PDT

Иако Нивес се обиде на Инстаграм со емотикони да ги покрие, за да го „прикрие моментот“, очигледно не најде доволно големи емотикони за нејзините бујни сифони!

View this post on Instagram

Što je pad?! Ništa što prikladan emotikon ne može sakriti ?? #wettpunktgirl #samoveselo #odjebando #fall #greatestfallever

A post shared by Nives Celsius (@nivescelsius) on Sep 18, 2019 at 5:06am PDT

Но, веднаш потоа раскошната нимфа имаше и второ снимање... Овој пат домаќинско, зашто на гости во Загреб и дојде македонскиот водител Драган Вучиќ. Тој е е на турнеја низ регионот каде со познатите естрадни личности ги снима епизодите од своите „Гурмански муабети“ - неговата нова емисија на ТВ Телма. Дека Нивес е секс бомба е оддамна познато, ама дека е жена домаќинка... покажа кај Вучиќ. Откако претходно покажа дека одлично знае се' живо да пегла, на снимањето кај нашиот Вуле покажа дека умее да зготви и понекој специјалитет... по нејзин рецепт. Патем, случајно или намерно, ќе му ја „зготвеше манџата“, зашто расната Хрватица не пропушти и да заврши во прегратките на македонскиот водител. Од она што може да се види на фотографијата, муабетите не ќе да биле само гурмански?

Од возење на готвење со Вучиќ: Автобусот го замени со кујната, а воланот со сукало и кутлача (ФОТО)

Антонио Димитриевски — Tue, 17 Sep 2019 07:21:11 +0000

Драган Вучиќ дефинитивно е феномен! Додека едни со потсмев констатираат дека неговите ТВ емисии имаат „ниско естетско и уметничко ниво“, други му се восхитуваат зашто Вучиќ како ТВ водител трае колку и независна и самостојна Македонија, а како музичар и години пред тоа!Вакви или такви, едно е сигурно: што и да направи, емисиите му се секогаш гледани. Та биле нискобуџетни проекти, наменети на социјалната структура на македонскиот ТВ аудиториум. Сеедно, Драган Вучиќ и натаму „вози“ во македонскиот ТВ етер, долго како никој друг машки ТВ водител. Зашто Вуле има „чувство за осет“, а Бога ми и сенс да го погоди „вкусот на народот“! Или што би рекле некои, на водителот и публиката им се поклопуваат „нивоата на желби, вкусови и размислување... па успехот, што се огледа во гледаноста е неминовен! Освен тоа Вучиќ секогаш има спонзори. Можеби од „поситните“, ама ги има и тоа повеќе... Жаре - „1 на 1“ дури и се обиде да му ја разоткрие тајната на успехот на феноменот: „Двесте години ги има најдобрите спонзори: кафе, сокче, чоколатце“…

„…Одиш на квиз кај Вучиќ и… спремен си за задушница!“

Можеби... Ама затоа Драган Вучиќ е подготвен на се'... па и да влезе во кујна! Така новото шоу на „феноменот“ Вучиќ е всушност кулинарско. Автобусот го замени со кујната, шоферската шапка со готвачка престилка, а воланот и менувачот Вуле ги замени со сукало и кутлача... И со уште многу други готвачки реквизити и кулинарски рецепти кои ќе ги видиме во новата емисија на новата ТВ ферквенција, зашто Вучиќ кога менува, менува „од корен“, па така ја смени и телевизијата. Отсега неговите „Гурмански муабети“ ќе одат на ТВ Телма... Уште таму не бил. А, во нив, најголемите балкански ѕвезди ќе ги готват своите специјалитети... Само уште не знаеме дали Здравко Чолиќ, Цеца, Сергеј Ќетковиќ, Ана Бекута... ...И останатата ѕвездена елита ќе се докажува во кујната по теркот на македонскиот ТВ феномен - Драган Вучиќ или тој по нивните рецепти?!