гуми – Вистина.мк

На колку време треба да се менуваат гумите: На секои четири години или поретко?

Слободанка Илиева — Wed, 25 Oct 2023 11:50:00 +0000

Со доаѓањето на постудените денови, неопходнo е да се заменат летните гуми со зимски, а законот вели дека тоа мора да се направи најдоцна до 15 ноември. Автомобилот и неговото одржување е се поскапо, па многу луѓе се трудат да заштедат пари. Секако, безбедноста е на прво место, а многу возачи одговорно ја следат препораката 4х4х4, што значи дека возилото мора да има четири идентични гуми кои мора да се менуваат на секои четири години, а тие (без разлика на староста) да имаат минимум 4 милиметри шари. Меѓутоа, како што индустријата за гуми напредуваше многу во последните години, Автомото сојузот на Словенија (AMZS) ја промени својата препорака и сега го продолжува периодот на безбедно користење на 6 до 8 години. Секако, менувањето гуми не може да се одложува на неодредено време, бидејќи гумите постари од 10 години губат флексибилност и со тоа држат поради хемиските промени поради стареење, пишува N1 Словенија. Правилниот притисок во гумите е клучен Правилниот притисок во гумите е директно поврзан со својствата на гумата при возење. Важно е да ги следите препораките на производителот, кои обично можете да ги најдете на налепницата на столбот на вратата од возачката страна или на капачето на резервоарот за гориво. Исто така, пред патувањето, кога планирате дополнително да го оптоварите автомобилот, важно е да го поправите притисокот во гумите. Зимски гуми во зима и летни гуми во лето Покрај изгледот и длабочината на шарата, зимските и летните гуми се разликуваат и по составот на самата гума. Зимските гуми се помеки при пониски температури, а производителите на пневматици советуваат да се постават на температури пониски од 7 Целзиусови степени. Накратко, дури и најлошите зимски гуми се подобри од новите летни гуми кога се вози на ниски температури. извор:курир.мк

Наследникот на Елена Миленковска по се’ изгледа нема да живее од музика: Секоја чест Максиме, алал вера „мајсторе“, брзо сфаќаш како е! (ФОТО)

Антонио Димитриевски — Tue, 26 Oct 2021 07:22:34 +0000

Македонската пејачка Елена Миленковска го живее својот сон. Откако се реализираа како родители со нејзиниот сопруг и колега Гуте Маринковиќ кого го запозна и во него вљуби во „Ѕвездите на Гранд“, животот им доби сосема нова димензија. Сега светот се врти околу малиот Максим и речиси се' е подредено на него, целиот живот на семејството чија среќа навистина е може да се гледа низ розови очила. Во моментов обоен во илјада златно - жолти и кафени бои, боите на есента во која Максим и мама Елена покажаа како се ужива. Валкање во паднатото лисје како приказна за среќата во неколку есенски фотографии... за среќа до бескрај! А штом дојде есента, разбирлио времето застудува, а зимата е во најава... Кога е зима, се менуваат многу нешта. Се менува времето, температурите, се менуваат гардербата и обувките во зимски... Арно ама, се менува и уште нешто и тоа не само на себе туку и на автомобилот. Претпоставувате, во прашање е вообичаената замена на летните гуми со зимски. И тоа додека е време, пред сериозно да застуди, да фати првиот мраз или падне првиот снег. Тоа го знае секој совесен возач, ама и тој... Иако не вози, туку засега само го возат! Ама тоа не значи дека нема да оди да ѕирне, да види, ако треба и да се помачи, за уште отсега да научи, како тоа се прави... Малку од од желба и тој да помогне, многу повеќе од љубопитност, но како и да е тука е, во гаражата... Како во боксот на Формула 1. Малиот Максимфатил ги стекнува работните навики уште отсега, а и фатил да го учи занаетот на време. Можеби бандажот и гумата за него сега се претешки, ама затоа раткапната може да ја носи и пешки. А потоа „мајсторот“ да ѕирне дали е се во ред со полуосовините, спојките, летвата, дисковите, шепата, плочките... комплетната предница сосе системот за кочење. Безбедноста отсекогаш била на прво место нели, а потоа штом „мајстор“ Максим процени дека добро е, дај друго дете... Да ја монтира зимската гума... Ма и двете! Гледа дете дека од музика се' потешко се живее, па за да заработат некој денар/динар/евро... мама, тато, музичарите, се' повеќе „се козат“, а коли се возеле и уште долго ќе се возат. Епа, секоја чест Максиме, алал вера мајсторе... брзо сфаќаш како е! Фото: Инстаграм принтскрин/elenamilenkovskaa

Гога Секулиќ отиде на „ремонт“: Пејачката фатена „на пумпање“ по сите основи (ФОТО)

Антонио Димитриевски — Thu, 29 Apr 2021 11:04:08 +0000

Иако пејачката Гога Секулиќ сега живее на релација Србија-Швајцарија, екипата на познатото шоу „Папарацо лов“ ја улови во српската престолнина како вози бел џип со швајцарски регистарски ознаки. <Папараците ја следеа познатата пејачка низ Белград, која отиде во една приватна клиника за естетска хирургија каде според шпекулациите се подготвувала за „ремонт“. <Имено, Гога ќе ги замени старите импланти на грво градите за нови.>На враќање, Гога застана кај еден вулканизер за да ги надува гумите на нејзиниот луксузен автомобил. Или што би рекле, пејачката фатена на „пумпање“ по сите основи... Тазе “напумпана“ предница со силикони, ама и со тазе напумпани гуми.