гроб – Вистина.мк

Отстрането цвеќето од гробот на Метју Пери: Семејството неочекувано реагираше вака, а еве ја и причината за тоа (фото)

Слободанка Илиева — Fri, 10 Nov 2023 11:12:47 +0000

Познатиот холивудски актер Метју Пери беше погребан минатиот петок опкружен со семејството и најблиските пријатели, а цвеќињата оставени на неговиот гроб беа отстранети завчера. Овој потег изненади многумина, а познато е и зошто семејството го направи тоа. Најблиските членови на семејството го направија тоа доколку тоа би ја спречило јавноста да се собере на гробот на Метју, поточно, фановите и јавноста сè уште да не ја знаат точната локација на неговиот гроб. Метју Пери е погребан во „Светилиштето на скапоцената љубов“, приватен дел од гробиштата кој е затворен и изолиран. На погребот на Метју Пери присуствуваа неговите колеги и пријатели од култната серија „Пријатели“. Холивудскиот актер беше погребан покрај Кери Фишер, Деби Рејнолдс, Мајкл Кларк Данкан и Рони Џејмс Ди, па можеби ова е една од причините за приватноста. Да потсетиме, Метју Пери почина на 28 октомври во Лос Анџелес, на 54-годишна возраст. Тој бил пронајден мртов во неговото џакузи. Причината за смртта на познатиот актер ќе биде објавена по сите токсиколошки анализи. фото:Profimedia

Стравот и депресијата го натераа славниот пејач да го ископа сопствениот гроб

Слободанка Илиева — Mon, 09 Oct 2023 08:37:21 +0000

Славниот пејач Еди Ширан веќе има план каде ќе биде погребано неговото тело по смртта, а местото е неговиот неговиот двор. Откако започнаа гласините дека пејачот изградил гробница во неговата куќа, тој во неодамнешното интервју за GQ откри дека тоа всушност е гробница направена специјално за него. – Тоа е дупка ископана во земјата, а над неа е камен, па кога и да дојде тој ден ќе одам таму – рече тој. Тој ги изненади своите фанови со ова признание. Многумина се прашуваат зошто размислува за смртта кога штотуку навлезе во третата деценија од животот.

View this post on Instagram

A post shared by Ed Sheeran (@teddysphotos)

– Луѓето мислат дека тоа е многу чудно и навистина морбидно, но имав пријатели кои умреа без тестамент, па никој не знаеше што да прави – изјави Ширан. Неговиот најдобар пријател Џамал Едвардс почина на 31-годишна возраст. Го загуби и својот сакан ментор Мајкл Гудински, а потоа и неговиот колега Шејн Вејн. Најтешкиот удар дошол кога неговата сопруга Чери Сиборн се борела со тумор додека била бремена со една од нивните две ќерки, па ѝ било дозволено да се лекува само по породувањето. – Поминував низ страв, депресија и анксиозност. Се чувствував како да се давам, со главата под површината, гледајќи нагоре, но не можев да земам воздух – изјави претходно пејачот. фото:Instagram printskrin

Денеска ќе наполнеше 72 години: Семејството на неговиот роденден отиде на гробот на Шабан (фото)

Слаѓана Атанасова — Wed, 06 Sep 2023 10:40:57 +0000

Фолк пејачот Шабан Шаулиќ трагично го загуби животот пред 4 години во Германија, а семејството денеска отиде на гробишта, на денот кога тој ќе наполнеше 72 години. Вдовицата Гоца Шаулиќ, ќерките Илда и Санел, како и внукот на Шабан Лука беа меѓу првите кои дојдоа на гробиштата каде почива пејачот. По нив пристигнаа пријателите на пејачката и братучедот Хасан Дудиќ. Откако го положи цвеќето, Гоца запали свеќа, а потоа плачеше додека членовите на семејството ја тешеа. Да потсетиме, Шабан на 17 февруари 2019 година загина во сообраќајна несреќа на автопатот кај Билефелд во Германија. На враќање од настап, автомобилот во кој се наоѓале пејачот, неговиот кум Слободан Стојадиновиќ и клавијатуристот Мирсад Кериќ, со голема брзина бил удрен од автомобил управуван од Турчинот Алсин Левент под дејство на алкохол. Шабан доживеа срцев удар и почина во болница, додека неговиот клавијатурист ден подоцна ја загуби битката за живот поради тешки повреди на главата. Фото: Принтскрин/Марко Јовановиќ/Телеграф

За Саша Поповиќ роденденот е најтажниот ден: Екс-директорот на „Гранд“ купува громно место

Слободанка Илиева — Tue, 25 Apr 2023 10:50:52 +0000

Саша Поповиќ ги изненади сите со изјавата дека повеќе не го слави роденденот, бидејќи тоа е неговиот најтажен ден откако наполни 50 години, а потоа откри и дека планира да купи гробница. Поранешниот директор на „Гранд“, Саша Поповиќ го слави својот 69-ти роденден. Поповиќ пред снимањето на емисијата „Ѕвезда Гранда“ откри дека повеќе не слави роденден, а потоа шокираше со изјавата дека планира да купи гробница, што голем дел од членовите во шоуто веќе го направиле. - Не славам роденден, бидејќи повеќе не го славам од педесеттиот. Последен пат славев кога имав 50 години. Сега ова е најтажниот ден за мене, бидејќи секоја година на 24 април сум една година постар и сум поблиску до парцела што сега ќе ја купам за три лица - изјави Саша Поповиќ. Оваа негова изјава ги изненади сите, па го прашаа зошто размислува така и зошто не очекува да доживее 100 години. - Тешко, тој што доживее 100 години не работи во „Гранд“ и не работел со пејачи. Не беше лесно – изјави Саша Поповиќ. Да потсетиме, поранешниот директор на „Гранд“, Саша Поповиќ неодамна откри дека најмногу ја мразел хармониката која на крајот му донела милиони низ музичката индустрија. - Татко ми на 10 години ме запиша во музичко училиште, бев 4-то одделение и го мразев тоа од дното на душата! Ако има нешто што мразев и не ми се допаѓа во животот, тоа беше хармоника - призна Саша, кој заработи милиони благодарение на тој инструмент. фото:Инстаграм принтскрин/Саша Поповиќ

„Со едната нога сум во гроб“ – Рада Манојловиќ си ја отвори душата и призна како се чувствува (фото)

Слаѓана Атанасова — Wed, 19 Apr 2023 08:24:31 +0000

Пејачката Рада Манојловиќ откри дека тоа што има 38 години неизмерно и пречи, и дека поради својата „возраст“ се „понижува психофизички “. Иако многумина веруваат дека годините на фолкерката не и можат ништо, и дека му пркоси на времето, таа, пак, поинаку гледа на моменталната животна ситуација. - Со едната нога сум во гроб! Пола живот ми помина, смеј се ! Имам таков страв од годините, од минливоста... За мене сето тоа е готово, готово, готово - извикала Рада низ смеа, а потоа признала: - Си додавам години, психофизички се понижувам... Страшно ми е. Не можам да се помирам со фактот дека имам 38 години. А колкав е животниот век во Србија?! Времето лета... Кога одам во село и не работам, денот и животот ми трае подолго. Фото: Принтскрин/Инстаграм/Ата Имаџес

На овој ден, 16 март, се навршуваат 13 години откако пејачката беше брутално убиена: Денес на гробот на Ксенија Пајчин никој не дојде (ФОТО)

Антонио Димитриевски — Thu, 16 Mar 2023 13:17:37 +0000

Пејачката Ксенија Пајчин трагично го загуби животот на 16 март 2010 година кога нејзиното тогашно момче Филип Каписода од засега непознати причини ја застрела со пиштол, а потоа се самоуби. Денеска се навршуваат 13 години од нејзината смрт, но никој од нејзините блиски луѓе не се појавил на Новите гробишта во Белград. Не барем претпладнето. Да потсетиме, Пајчин во екот на својата популарност во 2008 година падна на шармот на десет години помладиот манекен Филип Каписода и со него започна љубовна врска која не ја криеше од очите на јавноста, а на самиот на почетокот таа блескаше од среќа. Врската на оваа љубовна двојка стануваше се побурна, а тие извесно време раскинаа, кога Каписода влезе во реалното шоу „Големиот брат“, додека во медиумите изјави дека не им љубомори на девојките кои беа околу него, туку дека тие беа во врска на која ставија точка засекогаш. Така беше се' додека манекенката не го напушти реалното шоу, кога ја обновија врската и започнаа заеднички живот. Во медиумите почнаа шпекулациите за нивните чести кавги, а соседите се огласија и зборуваа за врескањето што го слушнале од заедничкиот стан, но тие ги демантираат тврдењата и велат дека тоа е обична кавга низ која поминува секој пар. Нејзиното последно појавување во медиумите предизвика многу коментари, кога Филип упадна во студио пред камерите и и подари букет цвеќе како вистински џентлмен, но најострото око на фановите не го пропушти детаљот кога и ја оттурна од себе, што многумина го сфатија како „предвесник“ на трагедија во која никој дотогаш не ја претчувствуваше.

View this post on Instagram

A post shared by Ksenija Pajčin (@ksenija_pajcin)

Фото: Инстаграм принтскрин/ksenija_pajcin/Youtube/Estock

Елегантно, едноставно и без титула: Вака изгледа вечното почивалиште на кралицата Елизабета Втора (фото)

Слободанка Илиева — Tue, 27 Sep 2022 10:33:51 +0000

Кралицата Елизабета Втора беше погребана во понеделникот, а последното нешто што го видовме беше нејзиниот ковчег спуштен во криптата на капелата Свети Џорџ во Виндзор. Семејството се прости од неа вечерта, на интимна церемонија. Големата владетелка почива покрај нејзиниот татко, кралот Џорџ Шести, мајката Елизабета и сопругот Филип. Нивните имиња, без никакви наслови, се издлабени со златни букви на правоаголна плоча од црн мермер. Само години на раѓање и смрт. Џорџ, па Елизабет, па нивната ќерка и зет. Едноставно и елегантно. Помеѓу двата пара стои амблемот на витешкиот ред, најстариот и најблагородниот во кралството, чии членови биле сите. На фотографијата која ја објави „Дејли мејл“ се гледаат неколку венци. Меѓу нив е и оној што го красеше ковчегот на Елизабета на денот на нејзиниот погреб, направен по наредба на нејзиниот син Чарлс. Фото: Jane Bown/Getty Images

Синот на Аки во Крушево: Кристијан Рахимовски ги посети гробот и спомен куќата на Тоше (ФОТО)

Антонио Димитриевски — Wed, 02 Feb 2022 07:48:06 +0000

Кристијан Рахимовски, синот на неодамна починатиот пејач Аки Рахимовски, допатува во Македонија. Штом стапна на скопскиот аеродром како што самиот рече, пристигнал во земјата на неговото потекло, во татковината на неговиот татко, Аки: „Боже јас си дојдов дома, во земјата на мојот татко“! Дојде за да ја посети неговата тешко болна баба, за која неговиот татко Аки толку се грижеше до последниот ден од својот живот, но и да го запознае поблиското и пошироко семејство, Скопје и Македонија, во кои неговиот татко израсна и ја започна својата музичка афирмација, се' додека подоцна не се вивна високо во естрадните височини во Загреб станувајчи познат, признат, ценет, сакан и популарен целиот регион на бивша Југославија. Кристијан вчера, 01 јануари 2022 во Крушево заедно со министерката за култура на Република Македонија, Бисера Костадиновска-Стојчевскаго и крушевскиот градоначалник, Томе Христоски го посети гробот на и спомен куќата на Тоше Проески. „Со министерката за култура Бисера Костадиновска Стојчевска и синот на покојниот Аки Ракимовски во посета на спомен куќата „Тодор Проески“. Заедно положивме свеќе на гробното место на Тоше и оддадовме почит на големиот пејач, а не изоставивме да поразговараме и за Аки Ракимовски кој го почитуваше нашиот Тоше и постхумно посвети неколку песни“, напиша меѓудругото Христовски на Фејсбук. Кристијан, кој и самиот музичар, ги запозна министерката и крушевскиот градоначалник со својата професионална кариера, која, како што рече тој, е под силно влијание од неговиот татко. Во татковината на Аки, Кристијан доаѓа по 35 години, и освен во Крушево, престојува и во Скопје, запознавајќи ги градот и улиците од детството на неговиот татко, како и неговите пријатели. Министерката Костадиновска-Стојчевска изрази жалење за смртта на Аки и порача дека тој и неговиот „Парни ваљак“ одамна го пробија патот до незаборавот. Таа додаде дека нашата држава секогаш ќе биде благодарна и ќе ја негува почитта кон неговото дело и кон сето она што тој со својата енергија и полудецениската кариера го направи за промоција на културата на нашата држава и на македонската музика. „Крушево, 1 февруари 2022 година - Македонија вчера на свој начин му оддаде почит на никогаш непрежалениот „македонски славеј“ - Тоше Проески (кој на 25 јануари ќе го прославеше својот 41 роденден, а почина на 16 октомври. 2007 година). Имено, дојдов на иницијатива и на покана на министерската за култура на Република С. Македонија и градоначалникот на Крушево да ја посетиме спомен куќата на Тоше Проески во Крушево и таму да запалиме свеќи за никогаш непрежалените (над) национлен музички херој. Во интимна и многу достоинствена атмосфера, со молитви на гробот на Тоше, заедно се потсетивме на ликот и делата на вистински музички великан од нашите краишта, кого со години и години ќе го славиме и оплакуваме слушајќи и пеејќи ги неговите песни. Овој крајно неочекуван гест на министерот за култура на Македонија - дека по само неколку дена откако се простив во Алејата на великаните во загребски Мирогој и го погребав мојот единствен „татко“ - особено ме трогна веста која ја дознав при посетата: дека веќе постои иницијатива да се именува една улица во Скопје, главниот град на Македонија по името на татко ми. Затоа, во име на целото семејство Рахимовски, сакам да им се заблагодарам на градоначалничката на Скопје, Данела Арсовска и на Република С. Македонија за оваа исклучителна чест“ - напиша на својот инстаграм профил синот на Аки, Кристијан Кики Рахимовски за кого многумина веќе тврдт и очекуваат, дека токму тој ќе го замени неговиот татко на местото пејач во „Парни Ваљак“?!

View this post on Instagram

A post shared by Kristijan Rahimovski (@kiki_rahimovski)

Фото: Инстаграм и Фејсбук принтскрин/kiki_rahimovski/Томе Христоски/Danela Arsovska

Дарко Лазиќ се огласи по пожарот на гробот на неговиот татко и откри што всушност се случило

Слободанка Илиева — Thu, 06 May 2021 07:32:32 +0000

Дарко Лазиќ зборуваше откако беше запален гробот на неговиот татко Милан Лазиќ, кој почина во декември минатата година. Гробното место на гробиштата во Брестац беше скоро целосно изгорено, пожарот ја уништи рамката со вештачка трева, но и долниот дел од крстот на надгробната плоча, додека венците што стоеја таму од декември, кога беше погребан Милан, не беа зафатени од огнот. Пејачот сега вели дека пожарот избувнал кога неговата баба запалила свеќа покрај гробот. - Баба запали свеќа и ја остави да гори, а бидејќи е вештачка трева, се појави оган - рече Лазиќ за „Ало.рс“.

View this post on Instagram

A post shared by DARKO LAZIĆ (@darkolazicofficial)

Да потсетиме, Милан Лазиќ почина во декември 2020 година, по компликациите што следеа по операцијата за намалување на желудникот, а деновиве се пишуваше дека гробот го запалиле лихвари на кои им должи Дарко.

Дарко Лазиќ потресен: Лихвари го запалиле гробот на неговиот татко (фото)

Слободанка Илиева — Wed, 05 May 2021 12:02:45 +0000

Гробот на таткото на Дарко Лазиќ, Милан Лазиќ бил запален во пожар, пренесуваат српските медиуми. Имено мештаните на селото Брестаќ се згрозени од глетката на гробиштата каде во пожар изгоре гробот на таткото на пејачот. Поради запалениот гроб Дарко е со денови во агонија, сведоци се мештаните на ова село велејќи дека во пожарот изгорела вештачката трева која го покривала гробот од месец декември кога и е погребан тој. -Тој плачеше и лелекаше на цел глас кога ја виде глетката на гробиштата. Прво мислеше дека случајно бил запален гробот, но потоа селаните му укажале дека сето тоа било намерно, велат извори блиски до пејачот.

View this post on Instagram

A post shared by DARKO LAZIĆ (@darkolazicofficial)

Според изворите гробот го запалиле луѓето на кого Лазиќ им должи пари. -Тие знаеле што најмногу ќе го повреди пејачот, па го направиле овој грозоморен чин, додава изворот.