гриз – Вистина.мк

Мек и сочен колач со вишни и гриз: Лесно се подготвува, а ќе го обожува целото семејство

Слободанка Илиева — Tue, 13 Feb 2024 14:00:54 +0000

Овој колач од вишни брзо и лесно се подготвува, а потребни ви се едноставни состојки кои најчесто ги имате во кујната. Главните состојки покрај вишни се јогурт и гриз, што гарантира дека колачот ќе биде мек и сочен. Рецептот е идеален за периодот кога имаме свежи вишни на пазарот, но можете да го направите во било кое доба од годината со замрзнати вишни. Потребни состојки: - 5 јајца - 120 гр. шеќер - 200 мл. јогурт - 100 мл. масло за јадење - 200 гр. брашно - 150 гр. гриз - половина ќесичка прашок за печиво - 500 гр. измиени и исчистени вишни - шеќер во прав за посипување (по желба) Начин на подготовка: Белките изматете ги во цврст снег. Во жолчките додајте го шеќерот и матете додека не се соединат. Потоа, во жолчките додајте го маслото и јогуртот и кратко изматете со миксер. Во смесата додајте го брашното помешано со прашокот за печиво и гризот и соединете. Потоа, додека мешате со шпатула додавајте го шлагот од белките. Намастете еден сад за печење и распоредете ја подготвената смеса во него, а одозгора ставете ги измиените и исчистени вишни. Колачот печете го во рерна загреана на 180 степени, 40 минути. По желба, пред сечењето посипете шеќер во прав одозгора. извор:точка.ком.мк

Вкус кој веднаш ве враќа во детството: Како да зготвите гриз?

Слаѓана Атанасова — Thu, 16 Nov 2023 13:18:31 +0000

Рецептот за гриз е еден од оние кои се подготвуваат многу брзо и многу лесно,а е и многу евтин. Следете ги овие неколку едноставни чекори и уживајте во кремасто,евтино задоволство.Кога ќе го истурите гризот во млекото, задолжително мешајте постојано за да не се формираат грутчиња.Еве како и вие да станете мајстор за гриз. СОСТОЈКИ: млеко – половина литар гриз – пет лажици шеќер – доза по ваш вкус ПОДГОТОВКА: Прво ставете го садот со млеко на шпорет и почекајте да зоврие.После тоа,малку намалете ја моќноста на шпоретот, а потоа додадете гриз и шеќер. Мешајте додека смесата не стане доволно густа и не исчезнат сите грутки.Ако сакате,одозгора можете да ставите рендано чоколадо,некое овошје или нешто друго што ви се допаѓа. Извор: Попара

Коцки од гриз и пудинг: Освежителен десерт кој лесно се подготвува

Слободанка Илиева — Wed, 10 May 2023 12:15:17 +0000

Коцки од гриз и пудинг со вкус на јагода се едноставен десерт за кој е потребен само 15 минути за да се подготви. Поради освежителниот вкус, идеален е за топлите денови кои претстојат. Состојки: 6 рамни лажици гриз 200 милилитри вода 2 кеси пудинг од јагоди (може и од малини) 800 милилитри вода за пудингот 14 лажици шеќер (за пудинг) кокос за посипување Подготовка: Во тенџере ставете 600 милилитри вода. Потоа измешајте шест лажици гриз со 200 милилитри вода. Во друг сад измешајте две кесички пудинг со 200 милилитри вода и додадете 14 лажици шеќер. Кога водата ќе зоврие додадете ја смесата со гриз. Внимателно измешајте да не останат грутчиња. Кога смесата ќе се згусне, додадете го пудингот и повторно мешајте додека не добиете густа, розова смеса. Колачот можете да го истурите во тавче во кое претходно сте додале кокос или пак смесата да ја истурте без претходно ставен кокос. Кога смесата ќе се згусне и ќе се олади, исечете ја на коцки. Секоја коцка извалкајте ја во кокос. Послужете го десертот изладен.

Се топи во уста: Колач од гриз и пекмез

Моника Пејоска — Wed, 25 Oct 2017 09:34:40 +0000

Направете мек и вкусен кола, со гриз и пекмез. Подготовката е лесна и е прикажана во видеото, не ви треба многу труд, а вкусот е сензационален.

Извор: Готви.мк