грип – Вистина.мк

Кога сте настинати или имате грип, овие намирници не смеете да ги конзумирате

Слободанка Илиева — Mon, 18 Dec 2023 13:20:12 +0000

Некои намирници се дел од нашата секојдневна исхрана и не сме свесни дека претставуваат извесна опасност за нас, особено кога ги јадеме во период кога сме настинати или имаме грип. Еве за кои се работи: Рафинирани шеќери Диететичарите советуваат дека кога организмот е болен, не треба да се внесуваат шеќери бидејќи го стимулираат воспалителниот процес во телото. Алкохол Алкохолот го дехидрира телото, а тоа воопшто не оди во прилог кога сте болни и настинати. Кофеин Кофеинот е диуретик и исто како и за алкохолот, така и во овој случај важи дека не ви треба ништо што стимулира зголемено исфрлање на течности од телото. Ако сепак не можете без кафе, обидете се да го ограничите на само една шолја во денот, без додавање млеко. Закиселени намирници Дигестивниот систем кога сме настинати исто така е доста надразнет, па би требало да избегнувате намирници кои се кисели, како што се туршија, кечап, салати со оцет… Солени намирници Кога имате желудочни тегоби, избегнувајте да јадете солени крекери. Наместо тоа, земете двопек или оризови галети, бидејќи солта го надразнува и болното грло и дигестивниот систем. Тост или препечен леб Ако имате воспаление на грлото, избегнувајте да јадете тврди, препечени намирници, чии ронки лесно се лепат кога ги голтате. Тоа дополнително го надразнува грлото. Наместо суви, јадете ги со јогурт или супа. Млечни производи Млечните производи придонесуваат за згустување на секретот и негово потешко исфрлање од организмот. извор:курир.мк фото:Freepik

Четката за заби треба да се смени по настинка или грип

Слаѓана Атанасова — Wed, 17 May 2023 11:04:48 +0000

Лекарите советуваат дека е добро да се исчисти целата куќа по времето минато со настинка. Препораките се однесуваат на менување на постелнината, перење на алиштата, пребришување на сите површини во домот – сѐ со цел да се отстранат непожелните бактерии. Но, истото важи и за четката за заби. Четката за заби е еден од оние предмети што биле во директен контакт со микроорганизмите на настинката. Според американскиот стоматолог Гери Лиу, особено е важно да се земе нова четка, при присуство на заболувања како херпес, грип, болки во грлото, па тука спаѓа и обичната настинка. Бактериите можат да живеат на четката и до неколку седмици, зависно од видот на микроорганизмот. Затоа, важно е четката да се смени, просто поради можноста од нова зараза. Зошто не треба да се менува четката додека човекот е болен? Користењето на истата четка додека сте болни нема да ја продолжи лошата здравствена состојба. Исто така, погрешно е и да се покрива четката, бидејќи бактериите умираат во присуство на кислород. Извор: Курир.мк

Настинати сте или имате грип? Избегнувајте ги овие намирници, ги влошуваат симптомите

Слободанка Илиева — Thu, 02 Feb 2023 13:05:32 +0000

Изненадувачки е како некои намирници можат да ги влошат или подобрат симптомите на грип или настинка, а да не сте ни свесни за тоа. Грипот често го отежнува консумирањето храна бидејќи предизвикува мачнини или болки во стомакот. Мачнините најчесто го намалуваат апетитот, а гастроинтестиналните симптоми како повраќање и дијареја можат да станат почести доколку се консумира храна која не е соодветна за состојбата. Внесот на храна богата со хранливи материи е корисен без оглед на видот на болеста, но со одредени намирници треба особено да бидеме претпазливи. Кога сте настинати или чувствувате малаксаност, обидете се да ја избегнувате следнава храна: Пијалаци со кофеин и алкохол Кофеинот и алкохолот можат да ги влошат симптомите, особено оние кои се поврзани со стомачни тегоби, и од таа причина се препорачува да пиете вода и да внесувате други бистри течности во текот на денот. На тој начин ќе спречите дехидратација на организмот. Масна храна Кога ве мачат стомачни проблеми, но и кога имате покачена телесна температура, обидете се да избегнувате храна која тешко се разградува и која ја отежнува работата на гастроинтестиналниот систем. Тука спаѓа храната богата со заситени масти како и пржената и масна храна. Тешко сварливи житарици Кога имате грип, се препорачува да консумирате едноставни/рафинирани јаглехидрати. Намирниците како суви солени крекери, двопек и переци се лесни за вашиот стомак. Од друга страна, избегнувајте ја храната која содржи повеќе влакна бидејќи истата е тешко сварлива. Слатка храна или пијалаци Можеби мислите дека купечките овошни сокови збогатени со витамин Ц се најдобриот избор кога сте болни, но повеќето од нив се полни со вештачки шеќери. Затоа избегнувајте ги, како и слатката храна, и пијте вода и одмарајте за вашето тело побрзо да закрепне. фото:точка.ком.мк

Лековита смеса за деца која штити од грип и болести

Слаѓана Атанасова — Tue, 27 Dec 2022 13:30:01 +0000

Смесата содржи само природни состојки кои изобилуваат со витамини и минерали, а покрај тоа е вкусна. Треба точно да се дозира и редовно да се консумира. Со помош на овој препарат ќе го изградите и зајакнете вашиот имун систем и ќе направите заштитна бариера од вирусни инфекции. Доколку сакате да го подобрите имунитетот на вашите деца, ви го предлагаме овој рецепт: 100 грама суво грозје 150 грама ореви 100 грама бадеми Кора од два лимони Сок од два лимони 100 грама суви кајсии 100 грама суви сливи 250-300 милилитри мед Смелете го јаткастото овошје и изрендајте ја лимоновата кора. Во мешавината додадете го сокот од лимоните, измешајте, па потоа додадете го сувото овошје кое претходно сте го исечкале. На крај, додадете го медот и повторно измешајте. Смесата складирајте ја во стаклени тегли. Оставете да отстои 1-2 дена на темно и суво место. Потоа чувајте во фрижидер. На деца од 3 до 5 години давајте по една чајна лажичка дневно пред било кој оброк, а најдобро пред појадок. На деца постари од 5 години давајте по две лажички дневно, пред оброк.

Кија Коцкар минала низ вистинска агонија: „Ми идеше да излезам од кожа“ (ФОТО)

Антонио Димитриевски — Fri, 20 Nov 2020 09:20:57 +0000

Пред една недела, Кија Коцкар објави дека е болна, по што ја снема и воопшто не се огласи на социјалните мрежи, а сега откри дека поминала низ вистинска агонија. Кија напиша дека со денови се чувствувала многу лошо, како и дека била тестирана на коронавирусот, но дека тестот покажал негативен резултат. „Им благодарам на сите што беа со мене и на сите што ме извлекоа од оваа агонија на некаков грип, поради кој сакав да излезам од кожа. Бев сама во станот, се' додека не ги добив резултатите дека немам Корона. Со големи маки и помош успеав да ги снимам белите дробови бидејќи едвај дишев, но сè е во ред“ - напишала Коцкар. „Морам да се одморам и ги молам сите, дури и моите пријатели, да ме разберат, затоа што не им одговорив, затоа што не можев да ја кренам главата (да не навлегувам во детали). Но, тоа не е сè, најдобрата другарка ми откри денес дека има Ковид 19... зошто животот да биде лесен?“ - ќе заклучи Кристина.

Грип и секс: Да или не?

Слободанка Илиева — Thu, 12 Nov 2020 12:45:27 +0000

Лекарите велат дека прво треба да обрнете внимание на тоа како се пренесува грипот, а најчесто се пренесува преку воздухот, односно преку кивање, кашлање, дишење, ракување и бакнување. Вирусот живее до 24 часа на површини како што е бирото, на чаршафи 1-2 часа, а на рацете живее 15-30 минути. Една недела без контакт Правилото вели дека треба да бидете на растојание од 2 метри од некој што има грип, па бидејќи сексот бара многу блискост, дефинитивно треба да го избегнувате за време на грипот. Шансите дека ќе имате секс без партнерот да дише, да кива и да кашла во вас се многу мали, па ако едниот од вас е заразен, немојте да имате односи. Ова важи и за случаи кога сте вакцинирани, бидејќи вакцината само го намалува ризикот од инфекција, но не ја елиминира целосно можноста за заболување. Дали хируршките маски помагаат во борбата против грипот? Личноста што има грип не може да ги воочи симптомите и е заразна една недела, а тоа значи дека може да се заразите дури и ако вашиот партнер изгледа потполно здрав. Во тој случај не можете да си помогнете, но ако веќе знаете дека сте имале грип, воздржете се од секс најмалку една недела откако ќе поминат сите симптоми. извор:нетпрес.ком.мк

Руски доктор по медицински науки ја објасни разликата помеѓу грип и коронавирус

Слободанка Илиева — Mon, 27 Jul 2020 13:40:57 +0000

Специјалистот доктор забележал дека инфекцијата коронавирус може да се појави кај луѓето на многу различни начини. „Болеста Ковид-19 кај човекот, како правило, не почнува со зголемена телесна температура“ - изјавил докторот по медицински науки Андреј Тјажељников. Според неговото мислење, наглиот скок на телесната температура е една од основните одлики на обичниот грип. „Доколку забележите дека телесната температура нагло се зголемува до 40 степени, покрај тоа ги имате и сите останати други симптоми, како што е на пример омалаксаноста, тогаш тоа најверојатно е грип“ - смета рускиот доктор. Кај коронавирусот најчестите симптоми се губењето на сетилото за мирис и вкус. Специјалистот исто така забележал дека коронавирусот кај човекот може да се појави на различни начини. „Оваа болест до крајот не е проучена. Видовме апсолутно асимптоматски пациенти на кои што сериозно им беше оштетено белодробното ткиво, а видовме и луѓе кои што беа сериозно болни, но немаа воспаление на белите дробови“ - навел докторот. извор:точка.ком.мк

Грип и секс: Да или не?

Слободанка Илиева — Wed, 19 Feb 2020 14:15:33 +0000

Грип и секс: Да или не?

Христина Ѓоргиевска — Mon, 27 Jan 2020 13:15:35 +0000

Една недела без контакт

Правилото вели дека треба да бидете на растојание од 2 метри од некој што има грип, па бидејќи сексот бара многу блискост, дефинитивно треба да го избегнувате за време на грипот. Шансите дека ќе имате секс без партнерот да дише, да кива и да кашла во вас се многу мали, па ако едниот од вас е заразен, немојте да имате односи. Ова важи и за случаи кога сте вакцинирани, бидејќи вакцината само го намалува ризикот од инфекција, но не ја елиминира целосно можноста за заболување.

Дали хируршките маски помагаат во борбата против грипот?

Личноста што има грип не може да ги воочи симптомите и е заразна една недела, а тоа значи дека може да се заразите дури и ако вашиот партнер изгледа потполно здрав. Во тој случај не можете да си помогнете, но ако веќе знаете дека сте имале грип, воздржете се од секс најмалку една недела откако ќе поминат сите симптоми. извор: кафепауза

Kолку треба да сте оддалечени од луѓето што имаат грип за да не се разболите?

Моника Манасиевска — Wed, 30 Jan 2019 13:45:43 +0000

Ако сте загрижени дека можете да се заразите со грип од некој колега или член на семејството, важно е да знаете колку треба да сте оддалечени од болниот за да не ја закачите инфекцијата. Американскиот официјален Центар за превенција и контрола на болестите изјави дека треба да се тргнете на растојание од 182 сантиметра од заразеното лице. Многу експерти тврдат дека вирусот на грип се пренесува по капков пат од устата на болни луѓе додека кашлаат, киваат или зборуваат, па затоа треба да се оддалечите од нив. Поретко може да се заразите со допирање предмети што претходно го допирал болен човек, па потоа да се допирате по устата, носот или очите, но внимавајте и на тоа. Луѓето со грип се најзаразни во првите три-четири дена откако ќе се разболат. Повеќето возрасни може да го пренесат вирусот еден ден пред да почнат да се појавуваат симптомите на грип и пет-седум дена подоцна, а како што наведува Центарот за превенција и контрола на болестите, децата и луѓето со помал имунитет заразата ја пренесуваат за седум дена.