греми – Вистина.мк

Доделени „Греми“ наградите: Тејлор Свифт го сруши рекордот, а нејзината појава предизвика хаос (фото)

Слаѓана Атанасова — Mon, 05 Feb 2024 11:42:41 +0000

Престижните Греми награди беа доделени по 66-ти пат, а церемонијата одржана синоќа во Лос Анџелес не помина без скандали. Тејлор Свифт се истакна и за нејзиниот албум „Midnights“ освои „Греми“ во категоријата албум на годината, што и ја донесе четвртата победа во таа категорија во текот на нејзината кариера. Со ова познатата пејачка го собори рекордот бидејќи стана првата изведувачка која четири пати ја освоила Греми. Свифт го освои и најдобриот поп вокален албум и ја изненади публиката со најавата дека на 19 април ќе го објави својот следен албум The Tortured Poets Department. „Знам дека начинот на кој гласаше Академијата е директен одраз на страста на фановите, па затоа сакам да им се заблагодарам на нив со откривање на тајната што ја чував од вас во последните две години“, им порача Свифт на воодушевените обожаватели. „Што значи дека мојот сосема нов албум ќе биде објавен на 19 април. Се вика „The Tortured Poets Department“, рече таа. Со тоа изненади многумина кои очекуваа и шпекулираа дека Свифт ќе објави реиздание на нејзиниот албум „Reputation“ од 2017 година на Греми и на тој начин ќе продолжи да ја презема контролата врз нејзината музика, која ја купи Скутер Браун во 2019 година, без нејзина дозвола. Непосредно пред доделувањето на Греми, таа ја смени и својата фотографија на профилот во црно-бела верзија на претходната (црно-бела е бојата на албумот Reputation), поради што најавата за новиот албум ги изненади нејзините фанови уште повеќе.

View this post on Instagram

A post shared by Taylor Swift (@taylorswift)

На социјалните мрежи го објави и визуелниот изглед на новиот албум. Во љубовта и поезијата се е дозволено“, напиша таа покрај објавата. Фото: printskrin/instagram/Tejlor Svift

Доста и беше: Џеј Ло се огласи по невкусните коментари за неа и Бен Афлек (видео)

Слободанка Илиева — Wed, 08 Feb 2023 09:59:21 +0000

Џенифер Лопез се огласи на Инстаграм откако на социјалните мрежи започна да се шири видео од непријатниот момент помеѓу неа и сопругот Бен Афлек на доделувањето на Греми наградите. Имено, камерата ги фатила Џеј Ло и Бен додека имале кратка расправија, а подоцна се огласи и читач од усни коj изјавил за „Daily Mail“ дека пејачката му кажала на сопругот „да се потруди да делува посимпатично и да изгледа мотивирано“.

Jennifer Lopez se ve que trae cortito a Ben Affleck ya me lo andaba puteando a media premiación 😂 Casi pude escuchar el Ya ves te dije que … bla bla bla ahorita ni me hables Ben no quiero pelear no me hables te lo digo enserio pic.twitter.com/gvJeHLPYSt
— Danydrugs (@DanydrugSS) February 6, 2023

Сепак, се чини дека Џенифер со последната објава на Инстаграм одлучи да стави крај на гласините дека нешто не е во ред со нејзиниот однос со Афлек. „Најдоброто време е со мојот сопруг, мојата љубов“, напишала пејачката покрај видеото на кое се гледа како таа и актерот се забавуваат и се бакнуваат пред камерите на церемонијата на Греми.

View this post on Instagram

A post shared by Jennifer Lopez (@jlo)

Снимката има повеќе од 1 милион лајкови и мноштво коментари од фановите. „Прекрасни сте“, „Не дозволувајте хејтерите да ви го уништат бракот“, „Бенифер засекогаш“, пишувале едни, додека други признале дека сè уште сметаат дека сето ова е фарса. „Не можеш никого да прелажеш со ова. Дефинитивно нешто не е во ред помеѓу вас“, „Бен изгледа многу несреќно“, „Не си требала да го тераш да дојде со тебе“, гласат другите коментари. фото:Instagram

Џастин Бибер се бакнуваше со сопругата Хејли на црвениот тепих на Греми, доби критики за стајлингот

Riste Zdravkov — Mon, 04 Apr 2022 09:00:14 +0000

Џастин и Хејли Бибер ги насочија кон себе сите објективи на фоторепортерите додека позираа на 64-тото издание на Греми. Славниот пар се бакнуваше и прегрнуваше на црвениот тепих. 25-годишниот модел носеше минималистички фустан од Saint Laurent, додека 28-годишниот пејач се појави во широк сив костум од Balenciaga, розова капа и обувки од заедничката колекција на Balenciaga и Croc. Џастин доби многу критики за изгледот. „Бибер ги носи алиштата на татко му“, „Неговиот аутфит ме насмеа, би сакал да можев да ги слушнам коментарите од другите гости за неговиот костум“, „Дали искрено се погледна во огледало пред да излезе и си рече ‘навистина изгледам убаво’“ и „Има толку многу пари и не може да си доволи облека која му прилега“ – се дел од коментарите. Хејли неодамна беше хоспитализирана поради симптоми на мозочен удар, предизвикани поради мало згрутчување на крв во нејзиниот мозок. За среќа, нејзиното тело брзо се изборило и сега е во добра здравствена состојба. Џастин беше номиниран во осум категории, но си замина дома со празни раце. фото: elle.com

Ова беше неговиот дом: На доделувањето на Греми наградите со едноминутно молчење се збогуваа од Коби Брајант (видео)

Слободанка Илиева — Mon, 27 Jan 2020 11:25:32 +0000

Најпознатиот кошаркар на светот, Коби Брајант, го изгуби животот во стравична несреќа при пад на хеликоптер. Со него беше и неговата тринаесет годишна ќерка, која исто така го изгуби животот. Од славниот спортист се простуваат бројни светски ѕвезди, а на церемонијата „Греми“, која се одржа синоќа во Стејпл центарот, домот на Лос Анџелес Лејкерс, тимот во кој Коби ја помина целата своја кариера, почна со едноминутно молчење за Брајант. На присутните им се обрати Харви Мејсон Џуниор, шефот на Рекординг академијата, која ги доделува Греми наградите. -Како што сите знаете, го изгубивме Коби Брајант во трагична хеликоптерска несреќа денес. Бидејќи ова е негов дом (Стејпл центар), молам да ми се придружите во моментот на молчење, кажа Мејсон Џуниор, а тогаш сите и оддадоа почит на починатата кошаркарска леганда.

the grammys honoring kobe bryant at the premiere show pic.twitter.com/W3WBR8NQyN
— mike (@mikeyswrld) January 26, 2020

Мораа да му го исклучат микрофонот: Се појави на сцената на Греми и направи хаос (видео)

Слободанка Илиева — Tue, 12 Feb 2019 12:42:34 +0000

Раперот Дрејк до последен момент не сакал да го потврди своето присуство на доделувањето на Греми наградите, но во последен момент одлучил да се појави. Тој доби Греми за најдобра рап-песна, а со тоа доби прилика да говори пред микрофонот, но тоа што го кажа не им се допадна на организаторите. “Она со кое се занимаваме е втемелено на мислење, не на факти. Сакам да кажам дека веќе сте победиле ако луѓето знаат да ги пеат вашите песни, ако сте станале херој во својот роден град. Ако постојат луѓе кои ја работат својата работа на дожд и снег, а се спремни да ги потрошат тие пари на карта за вашиот настап, тогаш оваа награда не ви е потребна, веќе сте победиле”, изјавил раперот. По тоа, тој сакал да продолжи со говорот, но неговиот микрофон бил исклучен и набрзо биле пуштени реклами. https://www.youtube.com/watch?time_continue=40&v=57AqIJLId-0

Џенифер Лопез модно си поигра, па заврши на листата на најлошо облечените на „Греми“ (фото)

Слободанка Илиева — Mon, 11 Feb 2019 11:17:40 +0000

Џенифер Лопез се појави на Греми наградите, но благодарение на кич комбинацијата успеа неславно да заврши на листата на најлошо облечените ѕвезди на вечерта. На црвениот килим во Лос Анџелес пополарната Јел Ло се обиде модно да доминира во раскошна бела тоалета украсена со сваткави камења и со широк впечатлив шешир.

Нејзината раскошна комбинација е дело на лондонскиот моден двоец Ралф и Русо, а благодарение на неа, славната латино дива не успеа да добие пофалби.

Јавноста најмногу и забележа за шеширот, а за дополниотелен кич предизвика накитот од брендот Niwakia, а според повеќето не и требаше ниту драматичните долги екстензии во косата. Пренатрупано,кич и несвојствено за Џеј Ло.

Објавени номинациите за јубилејното 60-то „Греми“

Антонио Димитриевски — Wed, 29 Nov 2017 12:34:00 +0000

Како што привршува годинава, полека започнуваат подоготовките за сезоната на награди, па така денеска беа објавени номинациите за јубилејното, 60. по ред доделување на најпрестижните музички награди Греми, во чии рамки ќе бидат наградени најдобрите музички автори, изведувачи и дела што ја одбележаа оваа 2017 година. Овој пат, најмногу номинации доби Џеј Зи, кој е во трка за 8 златни грамофони, вклучувајќи ги албум на годината, песна на годината, снимка на годината и најдобар рап албум. Веднаш зад него, со седум номинации е колегата Кендрик Ламар, а во шест категории ќе се натпреварува Бруно Марс. По пет номинации добија Сиза, Калид, Чајлдиш Гамбино и продуцентот Ноу Ај-Ди. Џеј Зи на доделувањето во 2013 година Сосема очекувано за публиката, но малку изненадувачки за познавачите на историјата на Греми, латино-хитот „Despacito“ е номиниран во три категории, вклучувајќи ги главните за песна и снимка на годината, како и за најдобра изведба од поп-дуо или група. Како што пишува „Билборд“, латино-песните, особено оние отпеани претежно на шпански јазик, ретко биле номинирани во овие категории, а последен пат слична ситуација имаше во 2000 година, кога за песна и снимка на годината биле номинирани „Smooth“ од Карлос Сантана и Роб Томас и „Livin’ La Vida Loca“ од Рики Мартин. Имајќи го предвид сево ова, станува збор за навистина историски момент за оваа манифестација. Златните грамофони по 60. пат ќе бидат доделени на 28 јануари 2018 година, во „Медисон сквер гарден“ во Њујорк, а во улога на водител по вторпат ќе го видиме популарниот британски актер и водител Џејмс Корден, кој одлично си ја заврши работата и на годинашното издание на манифестацијата. Главните категории Ве очекуваат во продолжение, додека сите номинации можете да ги погледнете на официјалната веб-страна на Греми.

Снимка на годината

„Redbone“ – Чајлдиш Гамбино

„Despacito“ – Луис Фонси и Деди Јенки со Џастин Бибер

„The Story of O.J.“ – Џеј Зи

„HUMBLE.“ – Кендрик Ламар

„24K Magic“ – Бруно Марс

Албум на годината

„Awaken, My Love!“ – Чајлдиш Гамбино

„4:44“ – Џеј Зи

„DAMN.“ – Кендрик Ламар

„Melodrama“ – Лорд

„24K Magic“ – Бруно Марс

Песна на годината

„Despacito“ – Луис Фонси и Деди Јенки со Џастин Бибер

„4:44“ – Џеј Зи

„Issues“ – Џулија Мајклс

„1-800-273-8255“ – Лоџик со Алесија Кара и Калид

„That’s What I Like“ – Бруно Марс

Најдобар нов уметник

Алесија Кара

Калид

Лил Узи Верт

Џулија Мајклс

Сиза

Извор:радиоМК