грција – Вистина.мк

Оваа пита доаѓа од Грција, ќе ви ги згрее душата и телото, освојува со вкусот

Слаѓана Атанасова — Fri, 12 Jan 2024 13:35:35 +0000

Загрејте ја рерната на 180 степени. Спанаќот, празот и младиот кромид исечкајте ги ситно. Измешајте сè и додадете магдонос, копар, презла и масло, а потоа издробете го кравјото сирење. Добро комбинирајте. Истурете го маслото во тавата и ставете три кори. Потребно е: 400 g кора за пита 350 g кравјо сирење 300 гр спанаќ 2 млади кромидчиња 1 лажица магдонос 1 лажица копар 1 праз 2 лажици презла 4 супени лажици маслиново масло За премачкување: 1 јајце масло Подготовка: Загрејте ја рерната на 180 степени. Спанаќот, празот и младиот кромид исечкајте ги ситно. Измешајте сè и додадете магдонос, копар, презла и масло, а потоа издробете го кравјото сирење. Добро комбинирајте. Истурете го маслото во тавата и ставете три кори. Потоа попрскајте ги со масло и ставете го филот, па повторно испрскајте со масло и додајте го филот. Повторете ја постапката додека не го потрошите целиот материјал. Како последен слој ставете три кори кои ќе ги премачкате со масло и изматено јајце. Спанакопитата се пече околу 40 минути во рерна загреана на 180 степени. Извор: Курир

Горд и благодарен на Бога: Ѓоко Танески се пофали со своето најголемо богатство (фото)

Слободанка Илиева — Fri, 22 Sep 2023 08:00:32 +0000

За Ѓоко Танески не така често може да се прочита нешто во медиумите, освен кога има нова песна, но затоа пак на социјалните мрежи, Ѓоле е меѓу поактивните и тоа со најави за настапи. Кариерата не му стагнира, туку напротив, познатиот пејач работи под полна пареа. Живееме во скапо време кога пари секогаш требаат повеќе, особено кога си фамилијарен човек, токму како него. Па така, Ѓоко иако знаеме дека нема намера да заплови во фолк водите, тој почна да не бира настап и место каде бараат да го слушнат. Свадбената сезона беше и веројатно се уште е исполнета и за Ѓоко Танески кој заедно со бенд знае да им направи мерак на младите и гостите, па и да го собере бакшишот. Го бива и ваму и траму, од настапи со филхармонија, па се до рок свирка, свадби и разни прослави. За неговиот моќен и уникатен вокал е излишно да се коментира, па токму оттука Ѓоко за оние кои знаат што значи добар глас, едноставно е меѓу незаменливите. Се уште е лето, па и нему како и на сите им треба одмор, плажа, вода, сонце. Иако го имаат својот Охрид, Танески и семејството овој август беа во Грција од каде преку социјалните мрежи се пријавија со фотофрафии пред своите следбеници. „Д фиш“ како што многумина знаат да го наречат, посака морска, а не езерска вода, се распосла на плажа и ги покажа своите две убавици, ќерките Анастасија(15) и помалата Михаела (11). Ред работа, ред задоволство и тоа со најголемото богатство од Бога дадено, Ѓоко Танески гордо се пофали со своите наследнички кои се на возраст кога се уште сакаат на одмор со мама и тато. фото:Фејсбук/Инстаграм/ Ѓоко Танески

Фолкерката Анета Наковска направи една промена на себе од која ќе се запрашате дали е таа или не (фото)

Слободанка Илиева — Thu, 14 Sep 2023 07:45:57 +0000

Фолк пејачката Анета Наковска го ужива последниот топол летен бран на море. Ред ребота со микрофонот во рака, ред сончање за совршен летен баланс од крајот на летото. За разлика од порано Наковска не е така активна по социјалните мрежи, но овој пат изненади со серија фотографии каде позира во бикини распослана на морскиот брег. Бујните гради беа во прв план, но една промена која на себе ја направила и дава сосема поинаков визуелен приказ. Многумина сакаат да имаат очи со сина боја, па и Анета која по природа е темноока. Леќите за очи се лесно достапна варијанта за промена до посакуваната боја, а пејачката избра впечатлива небесно сина која со поглед те замрзнува. Леден поглед и чоколаден тен, комбинација која остава силен впечаток кој очигледно на пејачката и се допаѓа. Инаку, неодамна се шпекулираше дека се разведува од бизнисменот Спиро Крлевски, што таа остро демантираше преку социјалните мрежи. фото: Фејсбук/Анета Наковска

Татјана Лазаревска од прв ред ја снимаше Дара Бубамара на настап во Будва, а од глетката реалната слика за српската пејачка стана многу појасна (видео)

Слободанка Илиева — Wed, 16 Aug 2023 08:55:41 +0000

Брачната фолк двојка Татјана Лазаревска и Новица Василевски пред три недели од Австралија решиаја да си дадат пауза за летен одмор и тоа на Балканот. Направија густа агенда, спакуваа куфери и насмеани заедно со синовите го фатија летот за родната Македонија.

View this post on Instagram

A post shared by Tatjana Lazarevska (@tatjanalazarevska_official)

Музиката е составен дел од нивниот живот, па така дури и кога се на одмор, време без музика мора да има.

View this post on Instagram

A post shared by Tatjana Lazarevska (@tatjanalazarevska_official)

Но најпрвин топлите денови ги поминуваа на Егејско море, за потоа така релаксирани да влезат во студио и да снимаат песна за претстојниот „Охрид Фест“ каде ќе настапат.

View this post on Instagram

A post shared by Tatjana Lazarevska (@tatjanalazarevska_official)

Следна станица им беше и се уште им е Црна Гора, па од Егеј заминаа на Јадран, а таму не пееја,туку решија да одат на настап на српската колешка Дара Бубамара. Татјана се намести во прв ред, ја вклучи камерата на мобилниот и почна да ја снима Дара одблизу. Ако за српската пејачка постојано се пишува дека користи многу фотошоп на фотографиите, еве ја реалната слика за вистинската Дара. Дали е навистина така тенка и згодна како на Инстаграм, пресудете сами.

View this post on Instagram

A post shared by Tatjana Lazarevska (@tatjanalazarevska_official)

А Тања и Новица дефинитивно знаат како да се забавуваат и да си го направат меракот за сите пари. фото:Инстаграм принтскрин/Татјана Лазаревска

Иако морето е „бања“, на пејачката и смрзна… снагата: Марија Луиса Тодоровска што и да прави, колку и да се обидува да нурне, не може да потоне, а ни да се удави (ВИДЕО)

Антонио Димитриевски — Thu, 20 Jul 2023 08:41:35 +0000

По напорната сезона, преполна со ангажмани и речиси секојдневни настапи до раните утрински часови по скопските и македонските меани и ноќни клубови, но и оние надвор од Македонија, фолкерката Марија Луиса Тодоровска реши да одмара! Впрочем, лето е, жештините пеколни, па има ли поубаво местоза полнење на батериите, оддишка на душата и телото, темнеење на тенот, разладување и воопшто уживање по сите основи од престој на море. Изборот на пејачката падна на Егејот, кај нашиот јужен сосед, но не и на вообичаените места како Халкидики, Паралилија, Платамона, Неа Пори, Лептокарија... туку Марија се качи на тарект и фати сосема друга траекторија. Токму во правец на грчките острови, но повторно не оние на кои најчесто летуваат Балканците, како: Тасос, Скијатос, Миконос... Туку на еден од најпознатите и тоа по две основи, по грчката митологија од која подоцна произлегол и називот на жените кои ги љубат оние од сопствениот пол и најпознатиот грчки алкохолен пијалак - узото! Кој знае историја и географија, погодува дека марија Луиса летува на Лезбос! Познатиот остров по првата жена на грчката античка поезија, која напишала лирска поезија позната по својата интензивна страст и опис на љубовта... Особено кон сопствениот пол и хомоеротизмот. Но Лезбос е познат и по најпознатиот грчки алкохолен пијалак - узото. Особено местото во кое пејачката решила да одмора - Пломари, чиј назив го носи и етикетата на најпознатиот бренд на пијалак кој совршено „лизга“ со салата и грчко мезе. Растоварена од обврските Марија Луиса ужива на летното сонце, онака опуштена и испружена на лежалка со освежителен пијалак в рака. А кога жештината ќе го достигне максимумот, а сонцето својот зенит, пејачката оди на разладување. Водата кристално чиста, топла - „бања“, арно ама... И покрај тоа Марија да ти била некако зимурлива... Влезе во морето до препони, па се пожали дека и студи... Иако морето е „бања“, на пејачката и смрзна... снагата! Веројатно оти не и беше уште навлажнета!? Затоа следниот пат Марија Луиса реши да примени поинаква тактика кога влегува во вода... Чекор - два назаечки и фрлање во вода сосе сончевите очила, кои и не мора да ги вади. А и не се секира деке ќе ги изгуби, зашто што и да прави, колку и да се обидува да се нурне, фолкерката никако не може да потоне. Што е своевиден проблем кога ќе посака да нурка, ама и голема предност, зашто пејачката како и да плива во водата, што и да прави, никако не може да се удави! Впрочем, бујната силконска предница на битолската убавица во случајов не е само заради убавина, туку и е корисна, зашто постојано ја држи над површина... Та пливала во плиткото или во длабокото, силиконските гради за Марија Луиса Тодоровска се жива згода... Доволна гаранција дека на пејачката не и треба спасител на вода! Фото и видео: Инстаграм/luisa.todorovska

Наташа Малинкова ужива во Грција: Можеби не е совршена, ама затоа има совршен живот… а Бога ми и наследнички (ФОТО)

Антонио Димитриевски — Tue, 11 Jul 2023 07:42:20 +0000

Летото е сезона кога естрадните уметници имаат зголемен обем на работа и тоа најчесто за викендите, а помеѓу два викенда знаат да украдат неколку дена за сопствен одмор, мала релаксација и полнење на батериите. Наташа Малинкова иако е активна, пејачката не е од оние кои постојано „висат“ на социјалните мрежи и нон стоп објавуваат фотографии од секојдневието. Но, не е и од оние другите кои освен насловната, на својот Фејсбук или Инстаграм имаат две слики за цел живот. Токму деновите кои успеала да ги одвои за себе и своето семејство згодната кавадарчанка ги минува на море. Разбирливо, онаму каде што е најблиску, на Егејот кај јужниот сосед. Иако не е од оние „нарциси“ кои постојано уживаат во своите селфи или какви веќе фото-пози, туку кога се фотографира најчесто тоа го прави наменски со некаква профи фотосесија, Малинкова сепак осамна на неколку фотографии од Халкидики. Пејачата на плажата крај брегот, испружена на душекот од меката софа, во мастило сини бикини, ужива впивајќи го сејој зрак од жешкото сонце. Иако пејачката оддамна е сопруга и мајка на две ќерки, Султана и Емилија, од кои постарата има цели 20 години, Малинкова и понтаму изгледа како од насловница на модно списание. Долгите нозе, витото тело и секако бујните облини сместени во летните бикини, прават пејачката и понатаму да изглед речиси совршено. И тоа без филтри и ефекти на фотографиите иако самата е прилично скромна кога е во прашање делењето на комплимените на сметка на нејзиниот изглед. „Можеби не сум совршена, ама затоа имам совршен живот“ - порача пејачката од песочната плажа, па онака исправена на колена, покажа колку е се уште згодна. А фотографиите и фотосесијата никако не биле направени за пејачката со својата вита става да се пофали, туку како што тврди самата јас фатиле на „измама“... Онака апансас, додека уживала нејзината ќерка кришум ја сликала во папарацо пози. Веројатно онаа помалата, Емилија, зашто поголемата Султана сигурно оддамна летува сама... Всушност, не сама, ама без тато и мама, сто посто! Погледнете и зошто и погодете од кога Султана ги наследила својот сексапил и убавина?

View this post on Instagram

A post shared by Sultana Malinkova (@sultana.malinkova)

Фото: Инстаграм/sultana.malinkova/natasamalinkova

„Засекогаш ќе те сакам“: Елена Најдоски во прегратка на сопругот покрај плажа ја прослави брачната годишнина (фото)

Слаѓана Атанасова — Mon, 10 Jul 2023 06:48:28 +0000

Поранешната ТВ водителка Елена Најдоски, ужива во луксузниот летен одмор каде замина заедно со својот сопруг Бојан, а од таму редовно објавува на социјалните мрежи како го поминува нејзиното секојдневие. Елена и нејзиниот сопруг честопати имаат повод за забава, но овој пат поводот беше голем, а со најновите објави на социјалната мрежа Инстаграм ги воодушеви нејзините следбеници. Имено, таа сподели нови романтични фотографии на кои позира во прегратка на нејзиниот избраник додека во описот на фотографијата напиша: - Една година зад нас и засекогаш да одиме напред! Среќна годишнина Љубов моја - стоеше во објавата. По повод годишнината од бракот таа откри дека прославила и наздравиле на интимната вечера во Сани ресорт на местото каде што моментално престојуваат: - На здравје за уште многу години - напиша таа. Веднаш потоа следбениците ги потсети и на венчавката која ја направија минатата година, а таа заблеска во раскошната бела венчаница. - Среќна една година од најдобрата забава - се потсети и уште еднаш додаде дека засекогаш ќе го сака.

View this post on Instagram

A post shared by Elena Najdoski 🌸 (@elena_zivotsostil)

Нивните следбеници им ја честитаа годишнината и им посакаа да дочекаат и златна свадба, засекогаш вака насмеани и заљубени. Фото: Принтскрин/Инстаграм/Елена Најдовски

Музичкиот менаџер вмешан во меѓународен криминал: Кристијан Стефановски – Кико уапсен во Грција?

Антонио Димитриевски — Tue, 27 Jun 2023 12:05:52 +0000

Уште од средината на месец јуни во македонските естрадни кругови срамежливо почна да се врти веста дека музичкиот менаџер Кристијан Стефановски - Кико е уапсен во Грција! Чаршијата и музичките кулоари како првична вест наведуваа дека се работи за некакво „перење на пари“, но без конкретна потврда дали информацијата е точна, како и причината доколку е тоа навистина така. Ден - два подоцна шпекулативен статус со ваква содржина осамна на Фејсбук профилот на новинарот Зоран „Буре весник“ Божиновски. Веќе во наредните 24 часа проструи веста дека ненадејно починал токму таткото на споменатиот менаџер, што уште повеќе ги подгреа сомнежите дека нешто сепак тука можеби и има. Токму оние кои биле на неговиот погреб и последнито испраќање до вечното почивалиште потврдуваат дека неговиот син Кристијан не се појавил на погребот на својот татко, што повеќе од јасно укажува дека шпекулациите се сепак вистинити. Редакцијата на Вистина.ком.мк тргнувајќи по патот до вистината се обиде да добие и официјални информации. Упатувајќи се на вистинската адреса од извори на Министерството за надворешни работи на С. Македонија (МНР), информацијата неофицијално е потврдена, иако од таму тврдат дека се уште не добиле никаков писмен допис од надлежните институции на јужниот сосед, па затоа до сега и не излегле со целосна информација за случајот. Сепак, според нивно кажување, усно, односно телефонски е потврдено дека лицето К.С. од Скопје на 13 јуни е лишено од слобода во Република Грција, по меѓународна потерница заради сомнеж за вмешаност во меѓународен криминал и во моментов истото се наоѓа во притвор. Официјалните информации за јавноста допрва се очекуваат. Инаку менаџерот Кристијан Стефановски е познат како организатор на мноштво концерти на најголемите регионални музички имиња и во Скопје и ширум Македонија. Од Здравко Чолиќ, Жељко Јоксимовиќ, Владо Георгиев, Саша Ковачевиќ, Жељко Самарџиќ, Мирослав Илиќ, Ацо Пејовиќ... и уште многу други поголеми и помали музички ѕвезди. За него се шпекулираше уште во 2014 година дека е директно вмешан во местењето на тогаш „Скопскиот фестивал“ со фамозното телевоутинг гласање со СМС пораки, односно телефонски картички, но случајот како што беше отворен, така преку ноќ и се заташка и за тоа кривично никој не одговараше. Во 2018 година на менаџерот Стефановски му беше запален скапиот автомобил марка BMW непосредно по концертот на Здравко Чолиќ во Скопје, но сторителите не беа пронајдени. И тогаш чаршијата шпекулираше дека во прашање е долг за ветен, но неплатен рекет, но ништо не се докажа, ниту пак некој беше обвинет и изнесен пред лицето на правдата. Инаку за Кристијан Стефановски се смета дека е исклучително близок со актуелната власт на СДСМ преку неговата сопруга Ана, односно нејзината сестра, ракометарката Ива Стојковска. На нејзината свадба во септември 2019 година гостин беше и тогашниот премиер и лидер на СДСМ, Зоран Заев. Фото: Инстаграм и Фејсбук принтскрин

Придружбата ќе ја засени: Накова замина на ран летен одмор во луксузен ресорт, но овој пат покажа и во чие друштво (фото)

Слободанка Илиева — Tue, 23 May 2023 07:32:36 +0000

Календарски летото се уште не почнало, но за гевгелиската трендсетерка и модел Александра Накова официјален летен старт не е потребен, таа самата си го одреди. Имено, Накова на својот Инстаграм профил започна да ги реди своите жешки и секси разголени фотографии во костим за капење, а со тоа најави дека за неа бикини сезоната е отворена. Црно ултра минјатурно бикини кое едвај ја собра бујната предница, потоа зелено, па шарено со детали, Александра Накова блесна посилно од ова мајско сонце. Дестинацијата е во Грција во еден луксузен ресорт за кој не пропушти да се пофали. Расната гевгелиска убавица ја гледаме не ретко вака разголена, а од објавите на нејзиниот профил може да помислите дека постојано е лето. Жешко, жешко, постојано температурата е висока, така што овие секси фотки се само една дополнета и обновена епизода. Она што е поразлично овој пат е тоа што Накова покажа во чие друштво ужива сега, а ако мислевте дека тоа е нејзината нова љубов, се лажете. Оваа љубовна врска е цврста и нераскинлива – мајка и ќерка во морска авантура. Малечката долгокоса ужива покрај и во морето, а веруваме дека рака за рака со мама се атракција таму, па подледите се магнетски залепени за нив. Едно е сигурно, внманието е украдено, а овој пат дефинитивно само мама нема да биде во фокус. фото:Инстаграм принтскрин/Александра Накова

Една од главните атракции на шармантниот остров – медитеранскиот базен на богови

Слаѓана Атанасова — Wed, 05 Oct 2022 10:42:00 +0000

Грчкиот остров Тасос го крие еден од најубавите природни базени којшто е споен со морето. Плажата Гиола освен што ја нарекуваат природен базен, исто така ја нарекуваат и природна морска лагуна во карпи, а оние кои ја посетиле велат дека тоа е природно џакузи на Тасос. Со зборови не може да се опише убавината која ја формираат брановите, карпите и природниот базен во облик на солза којшто се нарекува Гиола, познат и како „солзата на Венера“.

View this post on Instagram

A post shared by Travel tips & trips ✈️🎒😉 (@extramilers)

Според митологијата, природниот базен го создал Зевс за Афродита, божицата на убавина и љубовта во него да се капе, а според древните приказни, Тасос бил и остров на сирените од кој жените со опашка на риба и со прекрасен глас ги повикувале и ги мамеле морнарите. Базенот којшто е еден од посебните атракции на Тасос е долг околу 20 метри и со тесен премин е поврзан со морето. Околу базенот нема песок, а ниту сенка поради што најдобро време за капење во него е наутро или пак во попладневните часови.

View this post on Instagram

A post shared by Thassos Island Destinations (@my_thassos)

Доколку сакате да го избегнете метежот, најдобро е да појдете таму во околу осум часот наутро, а веќе еден час подоцна околу базенот едвај се наоѓа место. Многумина скокаат во базенот од околните карпи кои се високи до осум метри, што е една од омилените активности. А, доколку огладнете во близина на базенот ќе најдете мала таверна со разумни цени каде може да изберете некое традиционално, медитеранско јадење.

View this post on Instagram

A post shared by k.chr.geo_ (@k.georg.29)

View this post on Instagram

A post shared by Łukasz Leder (@fotkizdrona_pl)

View this post on Instagram

A post shared by Gaby Blondu (@blondu84)

Извор: Точка.мк