гранд продукција – Вистина.мк

„Гранд продукција“ се јави со демант: Јелена Карлеуша ја (из)мами јавноста дека нејзиниот концерт е погледан од „Ѕвездите на Гранд“!

Антонио Димитриевски — Mon, 25 Sep 2023 10:29:49 +0000

„Првата емисија од новата сезона на популарното музичко натпреварување „Ѕвездите на Гранд“ започна, како и сите претходни сезони, победнички!“ - со овие зборови „Гранд продукција“ го започнува својот демант на објавата на Јелена Карлеуша дека нејзиниот концерт кој во исто време одеше во ТВ етерот само на различни телевизии, бил погледан од премиерното издание во новата сезона на најгледаното регионално музичко талент шоу, од кое и самата беше дел некогаш. „Од самиот почеток на емитувањето на емисијата, ТВ Пинк се позиционираше како најгледана телевизија, вклучувајќи ги сите други комерцијални радиодифузери, како и Јавниот сервис. За жал, добиените податоци и послужија на пејачката Јелена Карлеуша, која емитуваше солистички концерт на ТВ Прва, со фотошоп да го смени графикот, а со тоа да ја измами нацијата тврдејќи дека нејзиниот настап на споменатата телевизија е најгледан. Во прилог на фактите ги доставуваме графиконите на агенцијата Орион, која ја мери моменталната гледаност, каде јасно се гледа дека „Ѕвезде Гранда“ е убедливо најгледаната емисија, а сите останати ги оставиле далеку зад себе! Исто така, утринава прелиминарно пристигна графиконот на агенцијата за мерење публика АГБ Нилсен, на кој јасно се гледа дека „Ѕвезде Гранда“ забележала удел од 23, додека Јелена Карлеуша на ТВ Прва остварила едвај 5 отсто и, што ќе се случи утре, на прв работен ден, да биде официјално објавен. Очекуваме телевизија Прва да одговори на оваа грозоморна лага, да постапи чесно и по шифрата што ја бара новинарската професија и да ги демантира наводите на пејачката и да ја информира јавноста со вистината“ - пишува во објавеното соопштение на “Гранд продукција“! Што има по ова да каже Карлеуша, допрва следува да видиме?! Фото: Инстаграм/karleusastar/zvezdegranda

Новата 2023-та ќе донсе големи промени за позицијата на Саша Поповиќ во „Гранд“

Слободанка Илиева — Fri, 30 Dec 2022 09:59:28 +0000

Според пророштвото на баба Ванѓа, субината на Саша Поповиќ требало да стане главен човек во музичкиот свет, да го формира „Гранд“ со Лепа Брен и Боба Живојиновиќ, да ги преземе режисерските должности и да ги води сите емисии од „Ѕвезде Гранда“, преку „Гранд народ пита“, до „Гранд специјал“. Откако следела презаситеност, Саша пред неколку години решил на убедување на сопругата Сузана Јовановиќ да направи пауза и дел од споменатите обврски да ги префрли на друг. Со таа цел тој и Брена го продадоа прво еден, па другиот дел од компанијата, додека Поповиќ ја задржа директорската функција. Со новите сезони на музичкото натпреварување „Ѕвезде Гранда“, ставот на Саша малку по малку се смени, а се очекуваше од есен целосно да ја напушти компанијата која ја градеше од темел. Сепак, тој им призна на медиумите дека ќе остане во улога на водител, но без можност да одлучува повеќе за ништо. - И следната година останувам на Гранд. Членовите на жирито нема да се менуваат, додека јас не одлучувам повеќе за цифрите и платите – објасни кратко Поповиќ, оставајќи ја јавноста да се прашува дали промените ги дочекал со насмевка или тага. Едно е сигурно, Саша сега ќе има многу повеќе време за семејството и да поминува време во својата вила во Опатија. фото:Пинк принтскрин/Ало.рс

Младиот дует „Гранд ѕвезди“, Алекс и Белма со српска верзија и видеоспот за наградената песна на „Охрид фест“ – „Воли ме ко себе“ (ВИДЕО)

Антонио Димитриевски — Mon, 03 Oct 2022 11:59:40 +0000

Еден месец по завршувањето на фестивалот „Охрид фест 2022“, песната „Глупаво е да си сам“ која ги освои сите симпатии и освои две награди доби и српска верзија, како и свој видеозапис. Фантастичното македонско-босанско „Гранд“ дуо од соништата: Александар Јосифовски - Белма Хасанефендиќ ја снимија „Воли ме ко себе“, на музиката на Горан Шарац, за која стиховите одново го напиша македонскиот лиричар Огнен Неделковски, а песната премиерно својата промоција ја доживеа викендов на Јутјуб каналот на „Гранд продукција“. Спотот го режирал талентираниот Кристијан Љушев, кој решил да снима во Охрид и Скопје и успеал на многу оригинален начин да ги пренесе возбудата, енергијата и заразниот ритам. Веројатно и не му било многу тешко да ја оствари задачата, зашто Александар и Белма се еден од оние дуети кои се создаваат спонтано и остануваат запаметени за цел живот. Инаку, додека се промовира оваа песна, Александар ќе настапува низ САД како специјален гостин на американската турнеја на Лепа Брена, а наскоро ќе има своја турнеја низ Америка и Австралија, каде што неговиот бенд ќе го придружува на настапите. Во меѓувреме уживајте во видеото за „Воли ме ко себе“ на Александар и Белма (Кликни ТУКА):

„Одлуката ја донесовме со жалење“: Се огласија од „Гранд“ откако ја отстранија кандидатката од натпреварот

Слободанка Илиева — Fri, 19 Mar 2021 09:37:49 +0000

Учесниката на натпреварот „Ѕвездите на Гранд“, Вања Кнежевиќ, беше дисквалификувана од споменатата шоу програма, а по големата бура во медиумите што се појави, се огласи и продукцијата:

View this post on Instagram

A post shared by Zvezde Granda (@zvezdegranda)

Шоуто на „Ѕвездите Гранд“ е натпревар со кредибилитет и беспрекорна репутација 17 години, сè додека трае. Соодветно на тоа, нема да толерираме никакви неосновани и невистинити напади врз Гранд продукција, членови на нашето жири и да ја заведуваме јавноста. Правилото што строго го следат сите членови на Гранд продукција и оние кои претендираат да станат дел, е меѓу другото, социјалните мрежи да не се користат заради поттикнување говор на омраза, насилство и несоодветни коментари кои на кој било кој начин го загрозуваат животот на нашите членови, продукција, нашето жири и нивните семејства. Забележете дека во иднина, секој кандидат автоматски ќе биде дисквалификуван, кој од причини на лично незадоволство, опциите „сподели“, „повторно објавува“ и „ретвитува“, ги користи за поддршка и поттикнување на каков било вид насилство, а кои имаат за цел да го загрозат безбедноста на нашето жири “, наведуваат водечките луѓе од продукцијата и додаваат: „Во конкуренцијата и шоуто е дозволен секаков вид вербална комуникација, која служи за прикажување на кандидатите во најдобро светло, а менторите со својот кредибилитет и влијание го посочуваат нивниот квалитет, односно се борат да преминат на следниот круг “. Одлуката за дисквалификација на кандидатката Вања Кнежевиќ ја донесовме откако беше утврдено дека таа заглуви на сите горенаведени и сподели содржина на нејзините социјални мрежи, која исто така повикува на насилство. Забележуваме дека оваа одлука ја донесовме со жалење, бидејќи сме сигурни дека во следните рунди, кандидатот Кнежевиќ би покажал уште подобри резултати “, гласи објавата на Гранд продукција.

Мартинијан Кириловски ја запозна јавноста со неговата „Златокоса“ (ВИДЕО)

Антонио Димитриевски — Tue, 14 Jul 2020 10:17:34 +0000

„Златокоса“ е новата песна која претендира да биде новиот летен хит на последниот победник на „Макфест 2019“, талентираниот македонски пејач Мартинијан Кириловски. Младата ѕвезда на „Гранд“ ја издаде песната за неговата матична куќа „Гранд продукција“, а се' уште се свежи сеќавањата кога тој со своите настапи на „Ѕвездите на Гранд“, ја правеше горда македонската публика која едвај го дочека новиот проект на Мартинијан во вид на песна и видеоспот. Неговата режија како и комплетното авторство го потпишува Даниел Јовески. Особено се симпатични сцените во кои младиот пејач играа со убавата девојка, која е негова „Златокоса“, чија улога во видеото ја игра моделот Елена Ѓоговска. Автор на музиката и аранжманот е Иле Спасев, додека стиховите ги напишале: Даниела и Никола Хаџи- Тоневски. Придружните вокали во песната заедно со Мартинијан ги пее Сара Николовска. Станува збор за песна во брз летен ритам, која несомнено ќе ги освои срцата не само на македонската, туку и на балканската публика со оглед на тоа дека е испеана на српски јазик. https://www.youtube.com/watch?time_continue=41&v=uvBysEZ_xF0&feature=emb_logo

Ќе му се исполни ли сонот? По победата на „Макфест“, Мартинијан Кириловски има високи амбиции

Христина Ѓоргиевска — Sat, 07 Dec 2019 10:02:12 +0000

Мартинијан Кириловски во претходната сезона на регионалното музичко шоу „Ѕвездите на Грнад“ под менторство на Јелена Карлеуша успеа да стигне до самото финале. По завршувањето на музичкото шоу, Мартинијан се посвети на својата музичка кариера, а оваа година тој победи и на „Макфест“ со песната „100 пати на ден“. https://arhiva.vistina.com.mk/megafon/go-otvori-i-zatvori-festivalot-martinijan-kirilovski-e-pobednik-na-makfest/ Деновиве, тој за „Гранд продукција“ ја издаде својата нова песна „Пола света“ која се подготвувала два месеци. Во интервју за „точка.ком.мк“, Мартинијан проговри за својата музичка кариера, своите успеси, за својот приватен живот, но и за своите амбиции. На прашањето дали е заљубен и дали има девојка, Кириловски вели: „Да, во самиот себе. (хахаха...) Се шегувам... Моментално не сум вљубен, единствено што сакам е да сум во присуство на моето семејство, моите другари и пријатели и сите оние кои се трудат да ми пренесат позитивни вибрации. А за вљубување во девојка, тоа си доаѓа кога најмалку ќе очекуваш... Кратко и јасно кажано.. Сè во свое време“. Тој откри дека за пет години се гледа со неколку хитови и успешен концерт во Македонија и Србија, но откри дека има и високи амбиции односно да ја претставува Македонија на „Евровизија“.

„За пет години се гледам како поуспешен музичар и пејач со многу хитови и спотови, како за Македонија, така и за Србија и за целиот Балкан за мојата матична продукција „Гранд Продукција“, чиј ексклузивец сум. Секако во тие 5 години го гледам и мојот прв солистички концерт во Скопје и Белград, како и човек кој што успешно ја претставил Македонија на „Евровизија“, вели Мартинјан за точка.ком.мк

Мартинијан најави дека сега се подготвува нова летна песна која треба да излезе на лето 2020 година.

Ветено – исполнето: Мартинијан Кириловски ја објави првата песна за „Гранд“

Христина Ѓоргиевска — Wed, 04 Dec 2019 07:35:37 +0000

Кумановецот Мартинијан Кириловски имавме прилика да го гледаме во последната сезона на „Ѕвездите на Гранд“ каде што успеа да стигне до самото финале. Според правилата на „Гранд“, кандaтот кој ќе победи во музичкото шоу добива песна од продукција, а останатите добиваат 9 годишен договор со кој ќе може да се рекламираат на „Гранд“ и да учествуваат во емисии. Мартинијан вчера (3.12.2019) ја издаде својата прва песна за „Гранд“ насловена како „Пола света“. Музиката и аранжманот се дело на Иле Спасев, а стиховите ги напишал Огнен Неделковски. Видеото е снимeно во Македонија поточно на автопат Велес- Свети Николе, а во истиот има и неколку кадри од прекрасната Италија. Во „Пола света“, Кириловски пее за својата среќа односно љубена која е далеку, но за која би поминал пола свет за да дојде до неа и повторно да ја љуби, а во видео записот како модел се појавува Марта Димитриевска. Во продолжение слушнете ја новата песна на Мартинијан. За потсетување, Кириловски не победи на „Гранд“, но оваа година победи на „Макфест“ со песната “100пати на ден“.