градски парк – Вистина.мк

Традиционалниот концерт на Филхармонија во Градскиот парк, годинава посветен на Чарли Чаплин

Антонио Димитриевски — Tue, 14 Jun 2022 13:12:11 +0000

Оваа година, традиционалниот концерт на отворено во Градскиот парк му го посветивме на генијалниот Чарли Чаплин, велат од Филхармонија.

На 24 јуни, со почеток во 21 часот, во Градскиот парк, оркестарот на Филхармонија под диригентската палка на Џијан Емин ќе го изведе концертот насловен „Лудориите на Чаплин“.

Оркестарот ќе ја свири музиката од филмот „Детето“ од 1921 година, а паралено ќе оди и проекција на истоимениот филм.

Со својата неверојатната умешност преку превезот на комичното да детектира и презентира различни човечки состојби и емоции, Чарли Чаплин целосно ја трансформираше светската кинематографија. Посебно во жанрот на комедијата на која и даде сосема нова естетска и социјална димензија.

Неговите комедии се сплет од комедија и длабоки емоции, и се фокусираат на важни аспекти од секојдневниот живот. Со други зборови, можеби неговите филмови се смешни бидејќи носи големи чевли и тесно палто, но зад ликот на Скитникот и неговите авантури се крие трагичноста на социјалниот живот на времето во кое биле создадени.

Со таа трагичност, скриена зад превезот на комичното, публиката можела целосно да се идентификува за време на исклучително тешкиот период на Големата депресија во САД.

Таков е и неговиот филм “Детето”. Спој на трагично и комично, на длабоки емоции вешто проткаени во наративот на приказната.

На 6-ти мај: „Скопски градски фестивал VOL. 3“ на „Школка“ во градски парк

Антонио Димитриевски — Tue, 03 May 2022 12:59:47 +0000

Третото издание на „Скопски градски фестивал“ ќе се одржи на „Школка“ во скопскиот градски парк, започнувајќи на 6 мај. На фестивалот со почеток во 20 часот ќе настапи македонскиот музичар Мухамед Ибрахими – гитарист во чиј музички стил и израз доминираат рок, блуз и амбиент звуци, со корени во балканскиот и ориенталниот фолклор. Преку својот настап на СГФ, ќе биде промовиран новиот албум на македонскиот рок состав „Code 369“, насловен „Стадиуми на љубовта“. На скопскиот фестивал ќе настапи и белградскиот ар’ен’би состав „Texas Flood“, предводен од Ненад Златановиќ (Mr. Swagger). „Златановиќ“ настапувал со светски музичари меѓу кои Lance Lopez, Lucky Peterson, Anа Popović, Enrico Crivellar, Ian Siegal, Matt Schofield, Alex Shultz, Big Daddy Wilson и Alto Reed“, велат организаторите „Баги комуникации“. Концертите на 6 мај на Школка ќе бидат бесплатни за публиката. Скопски Градски Фестивал е поддржан од Министерство за култура и Град Скопје.

Никола Наумоски екс шеф на кабинетот на Шилегов, им се потсмеваше на скопската градоначалничка Арсовска и Перо-Камиказа, па овој го испрати на „едно место“: „Тоалети пред се’ – биди така“! (ФОТО)

Антонио Димитриевски — Mon, 03 Jan 2022 09:29:19 +0000

Никола Наумоски, познат како „дете на шарените“ во служба на „комуњарите“, братучед на Радмила Шеќеринска и екс шеф на кабинетот на бившиот градоначалник Петре Шилегов, одново се избламира на социјалните мрежи, по оној неодамнешен срам, кога македонскиот великан Горан Стефановски го нарече „обичен гастрбајтер“. Проблематичниот Никола, кој додека четири години цицаше од градската каса дебела плата и куп бенефиции удобно завален во фотелјата под клима на градоначалничкиот кабинет на Шилегов, дури откако таа фотелја почна да им се лула, почна да крева глава, па овој пат од позиција на „паднат од фотелја“, се дрзна да се потсмева со потезите на новата скопска градионачалничка Данела Арсовска, ставајќи го во контекст еден од предлозите на кандидатот за градионачалник Петар Георгиевски - Камиказа, за поставување на јавни тоалети во Градскиот парк и по кејот на Вардар во Скопје. Откако забележал дена два т.н,. „Тои фора“ се поставени на влезот во паркот и уште дузина други низ него, за разлика од неговото време кога граѓаните вршеа нужда по жбунчиња и грмушки, Никола подбивливо и саркастично, но исо навредлив статус кон Арсовска и особено Георгиевски се огласил со Фејсбук статус: На ова час поскоро реагираше Петар Георгиевски, па рокерот кој е познат како човек „без влакна на јазикот“ во себесвојствен стил му реплицираше на дрскоста на доскорешното градоначалничко „кабинетско шефче“: „Сељобер-Монокотиледонски... Ти друже што ми посакуваш среќен да умрам, а ја пееш мојата песна 'ДИРЛАДА' пред грчката амбасада со распеани скопјани. Да не сакаш да ти ги оставам авторските права, а?! Сега знам дека со Мирко Попов-дијагноза немате пари за бело, па поминавте на дување лепак кој многу брзо ви го суши мозокот. Набрзо тамо кај што ќе одиш, нема да имаш право на користење телефон... Е токму тамо, ти пожелувам долг и среќен живот и по можност да ги прочиташ делата на Горан Стефановски кој за тебе е селски гастарбајтер и маалски националист... Дотогаш јас среќно ќе трчам, ќе возам точак и пливам, ќе напишам уште по некој хит и ќе го чекам твоето 'воскресение'... И да, ако треба,повторно ќе бидам скретничар на возот во кој ти и таквите како тебе ќе се возат, со една цел, никогаш да не се повторите...После Русе ти си наредниот. Биди така. Тоалети пред се“ - му возврати Перо - Камиказа на Никола Наумовски. Дали „бившиот градоначалничко-кабинетски шеф“ ќе има на ова реплика, а Фејсбук преписката ќе добие ново поглавје, останува отворено прашање?! Впрочем, како и дилемата дали најновиот Фејсбук „сликовит статус“ на Камиказа: „Ем, шуто, ем боде“ е доплнение на веќе искажаното кон Наумоски по теркот: „Ти кажувам (пишувам) ќерко, сети се (прочитај) снао“! Фото: Фејсбук принтскрин/Nikola Naumoski/Petar Georgievski - Kamikaza

На 26-ти јули: Концерт на „Архангел“ и Македонска филхармонија во Градски парк – Скопје

Антонио Димитриевски — Sat, 24 Jul 2021 08:30:58 +0000

На 26-ти јули (понеделник) се најавува новото издание на „Филхармонија на отворено“ во Градскиот парк. Во рамки на овој уникатен проект ќе биде изведена музиката на култниот македонски бенд „Архангел“ во автентична оркестрација на Џијан Емин, кој воедно е и диригентот на концертот. Ова е ретка можност да се чујат безвременските песни на еден од најзначајните македонски бендови во изведба на Филхармонија и фронтменот на „Архангел“ – Ристо Вртев. Влезот е слободен, а почетокот е најавен во 21:00 часот. Концертотсе реализира во соработка со Град Скопје.

Водителките Александра Илиевска и Цеце Трајковска на прошетка со бебињата во градски парк – новопечените мајки блескаат по породувањето (фото)

Христина Ѓоргиевска — Thu, 01 Apr 2021 07:36:13 +0000

Водителката Алкесандра Илиевска која на публиката и е позната по кулинарското шоу „Брза кујна“, се породи кон крајот на месец јануари и на свет ја донесе ќерката Сара. Водителката Цеце Трајковска Тодосовска која на публиката е позната по „Утринска на Телма“ се породи на почетокот на март и на свет донесе здраво момче за кое го одбра името Бодан. Двете новопечени мајки уживаат во нивните нови улоги и максимално се посветени на мајчинството. Иако двете водителки на социјалните мрежи споделуваат фотографии од бебињата, тие не го покажаа лиценцето. Овој пат, Цеце и Александра заедно со своите неколку месечни наследници уживаа во топлото и убаво време во градски парк во Скопје. Имено, Цеце на своето „Инстаграм стори“ сподели фотографија на која заедно со своето синче, Александра и нејзината ќеркичка се полнат со витамин Д испружени на зелената трева во паркот. Тие не го покажаа лицето на бебињата, но од насмевките може да се забележи дека двете познати дами блескаат и изгледаат среќно и задоволно. Сигурни сме дека двете тазе мајки имале многу заеднички теми на разговор, споделиле искуство, мислења и по некој совет за нивната нова улога.

Александра Илиевска на прошетка со ќерката низ градски парк – еве како изгледа месец ипол по породувањето (фото)

Христина Ѓоргиевска — Mon, 08 Mar 2021 08:00:48 +0000

Водителката на „Брза кујна“, Александра Илиевска се породи пред месец ипол односно на 23.01.2021. Александра и сопругот Александар за првпат станаа родители, а на нивното мало семејство им се придружи ќеркичката за која го одбраа името Сара. Водителката својата бременост не ја криеше од медиумите, а на социјалните мрежи често позираше со трудничкото стомаче. Откако стана мајка, Александра ужива во својата нова улога и во својата нова љубов – ќеркичката Сара. Семејството Илиевски ужива во секој заеднички момент. Така, беше и викендот зад нас односно петокот кога парот го искористи убавото и топло време да се прошета низ градскиот парк во Скопје. Александра и Александар ја направија првата прошетка низ паркот, а овој момент го овечковечија со заедничка фотографија. -Двa основни елементи потребни за одржување на животот се сонцето и љубовта, напиша Илиевска, покрај фотографијата од ќерката. Потсетуваме, Александра во 2016 година заплива во брачните води со сопругот Александар Илиевски.

Јака женска и во спортско издание: Каролина Гочева беше магнет за погледи возејќи велосипед низ Градски парк (фото)

Слободанка Илиева — Tue, 13 Oct 2020 08:00:45 +0000

Македонското девојче Каролина Гочева се врати од брачниот октомвриски одмор на море во Турција каде заедно со сопругот Михаил беа да поуживаат во топлата есен, солената вода, убавата храна... Но, се што е убаво кратко и трае, па тие се вратија во постуденото Скопје каде е завладеа вистинска есен.

View this post on Instagram

Најубавиот дел од денот 🌅🌴🌊

A post shared by Karolina Goceva (@karolinagocheva) on Oct 1, 2020 at 9:27am PDT

Познато е дека Каролина често оди во родната Битола каде ужива во прошетките на Пелистер, а пак кога е во Скопје таа најчесто сака да се рекреира возејќи велосипед. Иминатиот викенд таа возеше низ Градскиот парк во главниот град, облечена во кежуал гардероба во која како и секогаш изгледаша модерно и впечатливо за туѓите погледи.

View this post on Instagram

Недела е за парк 🚲🍀

A post shared by Karolina Goceva (@karolinagocheva) on Oct 11, 2020 at 9:41am PDT

Веројатно сега по враќањето во Скопје, следна дестинација е Битола каде Каролина често патува за да ги види и да ужива со своите најблиски, особено внуките од нејзината сестра.

Лила во градски парк се појави во издание како од „небо падната“: „Луѓето ме гледаа ко вонземјанин“ (фото)

Слободанка Илиева — Fri, 04 Sep 2020 07:11:29 +0000

Лила Филиповска каде и да се појави, независно дали е во некое несекојдневно издание, таа секогаш го привлекува вниманието на јавноста. Ќе ја одмерат од глава до пети, ќе сакаат да се фотографираат со неа, ќе коментираат... Таа е ултра позната, обожувана од многу фанови, па тоа е сосема нормално. Сепак, Лила дури и денес знае да се поздачуди кога ја гледаат, зпоруваат отако ќе ја одминат. Една таква случка Лила раскажа додека била во градскиот парк за да позира во една од новите тоалети на „Елена Лука“ која таа ги носи го години за снимањата на „Се или нетшто.

View this post on Instagram

Малку е да кажам дека вчера во парк луѓено ме гледаа ко вонземјанин ? Замислете сцена сите во спортски аутфит , кој трча ,кој пешачи , кој одмара а јас во долга хаљина и штикли ?‍♀️ И секако имаше коментари ‘кај тргнала оваа’ ‘е баш е кул , ‘ајде да се сликаме’ ‘ ајде да трчаме ? што би рекол Владо Јаневски “луѓе се нек си прозборат” ? Како и да е со @rolladobolla направивме слики какви што змислувавме а кој сака нека проба а фустанов е од новата колекција на @elenaluka_private ❤️ @elenaluka_official ❤️ Hair & make up @vladimirtrajkovski @ateljevladimirtrajkovski

A post shared by Lila (@lilafilipovska) on Sep 3, 2020 at 4:24am PDT

- Малку е да кажам дека вчера во парк луѓено ме гледаа ко вонземјанин. Замислете сцена сите во спортски аутфит , кој трча ,кој пешачи , кој одмара а јас во долга хаљина и штикли. И секако имаше коментари ‘кај тргнала оваа’ ‘е баш е кул , ‘ајде да се сликаме’ ‘ ајде да трчаме, што би рекол Владо Јаневски “луѓе се нек си прозборат”. Како и да е со „@rolladobolla“ направивме слики какви што змислувавме, а кој сака нека проба, а фустанов е од новата колекција на „Елена Лука“ – напиша Лила во описот на Фотографиите. Инаку, често знае да напише дека си ја сака работата и дека ужива во неа, а тоа е евидентно.

„Љубов и револуција“ со Македонската филхармонија во Градски парк

Антонио Димитриевски — Tue, 11 Jun 2019 10:22:08 +0000

„Љубов и револуција“ е насловен концертот на отворено, што Македонската филхармонија ќе го одржи на 29 јуни во Градски парк во Скопје. Оркестарот ќе изведе популарни теми од сферата на поп, рок и панк музиката, а на репертоарот ќе бидат хитови на „Рејдиохед“, Ник Кејв, „Бисти бојс“, „Продиџи“, „Нирвана“, „Секс пистолс“, „Клеш“, Џими Хендрикс, „Ролинг стоунс“, „Пинк Флојд“, Дејвид Боуви и „Рамштајн“. Аранжманите се на Џијан Емин, кој ќе биде и диригент на концертот. Покрај Оркестарот на Филхармонијата, ќе настапат и хорот „ПроАрс“ под диригентство на Сашо Татарчевски и бенд составен од Александар Поп Христов – гитара, Зоран Костадиновски – гитарa, Иван Бејков – бaс и Гоце Стевковски – тапани.

На 11-ти мај: „Bob Marley Day“ на „Школка“ во Градски парк – Скопје

Антонио Димитриевски — Mon, 06 May 2019 06:30:07 +0000

„Поминаа многу години позади нас, оваа е 17-та година.Од 2003-та, кога беше одржан за првпат, овој настан расте и со својата големина и со својата важност, собирајќи секоја година неколку илјади посетители, вклучувајќи голем број музичари и диџеи кои преку нивната уметност ја пренесуваат универзалната порака на мирот. Доближувајќи ја РЕГЕ МУЗИКАТА и пораката на БОБ МАРЛИ- ONE LOVE, ONE HEART, A WORLD WITHOUT BORDERS до сите луѓе, овој настан е нешто што се памети засекогаш... Сите ние како поединци треба да придонесеме за овој настан, да продолжи да се развива и да прерасне во уште поголем на сечие задоволство.

Сите млади и талентирани бендови кои што свират реге слободно да се пријават за учество на тел. бр, 075 72 86 82 - Charley - или на ФБ. - ЕДНА ПОСЕБНА МОЛБА ДО СИТЕ ШТО ЌЕ ДОЈДАТ ДА ВНИМАВААТ СО ЃУБРЕТО БАРЕМ СВОЕТО ДА СИ ГО ПРИБЕРАТ ПА МАЛЦЕ И ОКОЛУ НИВ . One Love - Една Љубов за Сите“ - порачува организаторот.