Прв Национален саем за храна и пијалоци во сабота во Градскиот парк – Скопје

Антонио Димитриевски — Tue, 08 Nov 2022 10:46:41 +0000

Оваа сабота (12 ноември) во Градскиот парк во Скопје, од 11 до 16 часот ќе се одржи првиот Национален саем за храна и пијалоци насловен со слоганот „Вкуси ја традицијата“. Станува збор за голема манифестација што ќе го претстави она по што нашата земја е позната и надвор од границите: храната од над 200 производители од 40 локални здруженија од целата Македонија, што заеднички ќе ги презентираат македонското земјоделство и гастрономијата. Претставувањето на домашното произвотство на храна и пијалоци значи широка лепеза на производи каде се опфатени сите потсектори од земјоделското произвотство: вино, ракија, ликери, маџун, мед и медни производи, јаболка, природни сокови, органски производи, домашна приготвена храна, млечни производи, јагнешко месо, разни видови домашни слатка, путер од лешник, бадем, кикирики..., потоа, сирење, кашкавал, зимници, масла, тартуфи, сувомеснати производи..., „homemade“ традиционални деликатеси, што имаат за цел да потсетат на традицијата, поврзаноста и мултифункционалноста на храната. На Националниот саем во Градски парк ќе ги видиме и производите на претставниците на Слоу фуд Македонија, кои ја негуваат клаузулата за добра, чиста и правична храна, глобално размислување и локално дејствување. Покрај добрата храна, на „Вкуси ја традицијата“ ќе има и добра музика- ќе настапат групата „Љубојна“ и ди-џеј Мац а влезот е бесплатен. Настанот го организираат Министерство за земјоделство, шумарство и водостопанство и Слоу Фуд Македонија.

Летно „Кино на отворено“ во Градски парк – Скопје

Антонио Димитриевски — Wed, 17 Jul 2019 12:41:28 +0000

МКЦ и кино Милениум ве канат на бесплатни филмски вечери во склоп на #Summerland2019 во Градски парк. На репертоарот ќе се најдат филмовите: „Господ постои, името ѝ е Петрунија“ и „Џган“!

Господ постои, името ѝ е Петрунија/God exists, her name is Petrunya Четврток | 21 часот трејлер: https://www.youtube.com/watch?v=m6v5LGryh-Y ЏГАН Петок | 21:30 часот трејлер: https://www.youtube.com/watch?v=F7dUi6dazkU *Имате bean bags/lotus chairs на располагање, можете да си понесете камперски столчиња, ќебенце за покривање, храна, пијалаци... Се гледаме во парк!

градски парк-скопје – Вистина.мк

Прв Национален саем за храна и пијалоци во сабота во Градскиот парк – Скопје

Летно „Кино на отворено“ во Градски парк – Скопје