градоначалник – Вистина.мк

Заради новогодишниот концерт на Здравко Чолиќ, градоначалникот на Дубровник добил заканувачко писмо: „Ќе го преораме целиот страдун со динамит, а тебе ќе те обесиме на јарбол“ (ФОТО)

Антонио Димитриевски — Tue, 09 Jan 2024 12:27:19 +0000

Градоначалникот на Дубровник Мато Франковиќ на социјалната мрежа Фејсбук објави заканувачки писмо кое го добил поради новогодишниот настап на Здравко Чолиќ во овој туристички центар на Јадранот. Наведено е дека писмото го испратиле хрватските бранители Тигри и 4-та бригада на Хрватска. „Добро утро поздрав од 'бранителите' кои немаа храброст да се потпишат“- напишал Франковиќ и јавно го објавил писмото во кое читко и јасно можат да се прочитаат грозоморните закани. „Кога во 1991 година го браневме Дубровник од четници и Срби, а денес ги каните на Страдун српските пејачи како Здравко Чолиќ и други...“, се вели во писмото, заканувајќи му се на градоначалникот дека целиот „страдун“ ( главното шеталиште) ќе го преораат со динамит, а него ќе го обесат на јарбол среде истиот страдун.

View this post on Instagram

A post shared by Zdravko Čolić (@zdravko.colic)

Фото: Фејсбук/Mato Frankovic/ Инстаграм/zdravko.colic

Со концерт за паметење на групата „Меморија“ заврши битолско културно лето „БитФест“

Антонио Димитриевски — Mon, 05 Sep 2022 12:35:17 +0000

Со концерт за паметење кој го приредија членовите на групата „Меморија“, синоќа во Битола заврши битолското кулурно лето „БитФест“. Во изминатите два и пол месеци на повеќе летни сцени во Битола се одржаа концерти на класична, поп, рок, џез музика, театарски претстави, ликовни изложби, уметнички перформанси, фестивали…

Граѓаните дадоа поддршка на сите манифестации, на 140 настани со повече од 44.000 посетители, 77 денови, 9 фестивали…Почнавме спектакуларно со Каролина Гочева, фасцинантно завршивме со „Меморија“, групата на нашата младост, групата која ја возвишува македонската рок музика, истакна градоначалникот на Општина Битола, Тони Коњановски, на последната фестивалска вечер што се одржа на ракометното игралиште. За време на сите фестивалски денови, во Битола гостуваа уметници и културни работници од Израел, Полска, Чешка, Швајцарија, Турција, Шпанија, Италија, Колумбија, САД, Србија, Полска, Црна Гора, Албанија, Франција…

Министерството за култура им ја повлече донацијата, Сашко Митовски, градоначалник на Крива Паланка демантира: „Аца Лукас е платен од спонзори и не настапува во рамкте на „Џој Фест“

Антонио Димитриевски — Thu, 18 Aug 2022 09:10:09 +0000

Министерството за култура објави дека нема да префрли 153.000 денари на Општина Крива Паланка за организирање на рок фетивалот „Џој Фест“, бидејќи на него ќе настапи Аца Лукас. По оваа вест се јави градоначалникот на Крива Паланка, Сашо Митовски кој вели дека концертот на српскиот фолк пејач не е во рамките на фестивалот, туку е договорен за прославата на Денот на рударите. „Парите од Министерство за култура не се префрлени, само е склучен договор, а настапите на сите учесници на „Џој Фест“ и Аца Лукас веќе се платени од спонзори. Што значи дека Министерство за култура не ни мора да ги префрла, иако, секако дека беа наменети за македонски пејачи. На „Џој Фест“ ќе настапат Каролина Гочева, Бени и„Нон Стоп“, Гоце Саф, „Брас брадарс“ и други, што значи исклучиво македонски пејачи. Но и за нив 153.000 денари од Министерство за култура не се доволни, а тие се веќе исплатени, вели Митовски. „Џој Фест„ е поп-рок фестивал и се роди на иницијатива на група музичари од Крива Паланка, но по неколку години влезе под капата на општината и на него за сите овие години никогаш не учествувал турбо фол пејач. Оттаму и кажувањето на градоначалникот дека концертот на Лукас, кој е закажан за 28-ми овој месец, не е во рамките на „Паланечко културно лето“ и фестивалот, бидејќи „Џој Фест“ со настап на Бени, Каролина и другите пејачи и групи се одржува ден претходно, на 27-ми август. Според него српската турбо фолк ѕвезда ќе настапи исклучиво поради желба на граѓаните, бидејќи во секојдневен разговор со нив тие самите го предложиле српскиот пејач да ги забавува за празникот. „Со парите од Министерство за култура не ни може да се плати Аца Лукас, а искрено и дел од македонските пејачи. Аца Лукас чини 15.000 евра, а од Министерство за култура добивме 153.000 денари (околу 2.500 евра) како кофинансирање за учество на домашни пејачи. Мене навистина ми е жал за ваквата одлука и за недоразбирањето. По оваа информација јас се слушнав со министерката, на која и реков дека не мора да ги исплатат, бидејќи и настапите на домашните изведувачи ќе ги покриеме со спонзори. Општината учествува само со 600.000 денари, а останатите пари за другите манифестации, меѓу кои и концертот на Лукас се од спонзорства. Еве ќе кажам дека за концертот на Аца Лукас еден од поголемите спонзори е и самиот рудник во Крива Паланка, бидејќи, како што реков, неговиот настап е за Денот на рударите, по нивна желба“ - изјави Митовски.

„Домаќински и одговорно“ се работи во општина Босилово: Градоначалникот Ристо Манчев даде отчет за првите 100 дена

Антонио Димитриевски — Thu, 17 Feb 2022 13:31:45 +0000

Потребите, барањата и очекувањата на граѓаните се големи, а нашите реални можности се лимитирани. Ваквата состојба не нѐ демотивира, напротив, дополнително не поттикнува да го вложиме целиот свој капацитет и знаење и неуморно да работиме за остварување на нашата заедничка цел – модерна и економски развиена општина Босилово. Во изминатите сто дена покажавме како се работи домакински и одговорно, посветено, чесно и транспарентно, без предрасуди и поделби, со позитивна енергија и меѓусебно почитување. За сто денa успеавме да реализираме 6 поголеми и поголем број на помали проекти, два проекти се во фаза на изградба, а за два е потпишан договор и се очекува нивна реализација во наредниот период. Конкретно, во општина Босилово, во изминатите сто дена се реализирани следниве поважни проекти:

Асфалтирање на улица во населено место Дрвош во должина од 560 метри
Изградба - асфалтирање на улица, со потпорен ѕид, во населено место Моноспитово, во должина од 650 метри и ширина на коловозот од 4 метри.
Изградба на бунар со пумпна станица, за водоснабдување на населено место Дрвош.
Изградба на пропуст во Иловица во должина од 30 метри.
Чистење на најмалку десетина диви депонии за отпад на териоријата на општина Босилово
Чистење на одводен канал во Босилово и санирање на дел од критичните точки на река Струмица.

Во изминатите сто дена, општина Босилово започна со изградба на повеќенаменско спортско игралиште во Моноспитово и во Робово. Двете повеќенаменски игралишта се финансираат преку средства обезбедени од буџетот на општина Босилово за 2022 година, нивната изградба е во тек, и се очекува во најбрзо време да биде завршена. Покрај наведеното, во изминатите сто дена, во општина Босилово, беа реализирани повеќе помали проекти како што се:

Тампонирање на улици и полски патишта во Петарлинци, Сарај, Старо Балдовци, Босилово, Моноспитово и други
Изградба на септичка јама и одводна мрежа во градинката во Босилово и секако обезбедување на дополнителна опрема и инвентар во градинката
Опремување и уредување на кабинети по природни науки во основното училиште „Кирил и Методиј“ – Иловица.
Реновирање на простории за пензионерите во Турново
Набавено е, преку донација, патничко моторно возило „ Цитроен Ц4“ за потребите на општинската администрација во Босилово, и др.

Онаа што е најважно, патот за развој на општина Босилово постепено, но сигурно се трасира. Во тој контекст важно е да се потенцира дека општина Босилово потпиша Договор за партнерство, со општина Ново Село и Центарот за развој на Југоисточен плански регион со кој договор се предвидува реализација на еден од најкрупните проекти во изминатите години, а тоа е изградба на локалниот пат Бориево – Колешино. Проектирана вредност на инвестицијата е 26.497.310 денари, и овие денови ќе започне постапката за јавна набавка односно тендерирање, а потоа и изградба на наведениот патен правец. Исто така, потпишан е договор со Н. Е амбасадорот на Јапонија, Хиронори Савада со кој што договор Јапонија ќе обезбеди ново возило за собирање смет за општина Босилово во износ од 67.820 евра без ДДВ. Во изминатите сто дена, општина Босилово започна и со реорганизација на локалното комунално претпријатие, каде има значително подобрување на јавната чистота, осветлувањето, замена и одржување на урбаната опрема, одржување на собраќајната инфраструктура, итн. Но, мора да се потенцира дека сеуште има голем простор за подобрување на услугите на комуналното претпријатие. Манчев истакна дека како градоначалник на општина Босилово, улогата на локалната самоуправа, не ја гледа само во изградба на инфраструктурата. Општината. т.е локалната самоуправа според Манчев треба активно да учествува во процесот на градење на општествени вредности. Согласно тоа, општина Босилово, во изминатите сто дена беше партнер, поддржувач и организатор на повеке општествени активности како што се:

Акција за пошумување во која беа засадени 650 дрвца
Крводарителска акција и хуманитарна акција за помош на ранливи групи
Кампања за безбедност во сообраќајот
Турнир во мал фудбал,
Проекција на филмови
Новогодишни настани и манифестации, и др.

Општина Босилово, во изминатите сто дена е отворена за граѓаните, со секојдневни бројни средби. Нашата комуникација со граѓаните не само што ќе продолжи, туку и ќе се интензивира во наредниот период. Во наредниот период продолжуваме со работа, труд и посветеност. Продолжуваме со реализација на проекти. Пред нас се сериозни предизвици. Покрај големите долгови, економската и енергетската криза, пред нас се сериозни предизвици затоа што голем дел од граѓаните на општина Босилово имаат проблеми со водоснабдувањето, затоа што не е изградена канализациона мрежа во ниедно населено место, имаме сериозен проблем со третманот на отпадот, училишните згради се руинирани, имаме многу неасфалтирани улици по населените места, одводните канали се затрупани а полските патишта ископани - истакна Ристо Манчев градоначалник на општина Босилово.

Стевчо Јакимовски: „Веднаш ќе направиме четири нови градинки, ќе ја реконструираме салата ‘Партизан’ и ќе направиме нови паркинг места (ВИДЕО)

Антонио Димитриевски — Tue, 26 Oct 2021 11:13:15 +0000

Кандидатот за градоначалник на општина Карпош и лидер на „ГРОМ“, Стевчо Јакимовски во интервју за Курир.мк, вели дека во општината најголем приоритет во иднина ќе биде сите деца да бидат згрижени во градинка. -Четири нови градинки мораме под итно да направиме и во секоја од постоечките градинки од две до четири занимални да додадеме плус, бидејќи 800 деца ни чекаат упис во градинките. Втор приоритет е решавањето на паркирањето, мораме подземни гаражи, мораме надземни гаражи, по готово во делот на Карпош 1, кај Министерството за економија, овде во Карпош 3, Лептокарија, Порта Влае мораме да ја решиме, вели Јакимовски. Тој додава дека во неговата програма за младите луѓе се вклучени многу проекти, особено за најмладите, да имаат добра заштита, како и давање на стипендии на талентираните ученици и спортисти. -Со моето доаѓање уште во 200-та година, ние сите спортски терени во Карпош ги осветливме, веќе игралиштето во Влае го направиме и со вештачка трева, планираме сите спортски терени да бидат со вештачка трева. Игралиштето Сокол, планираме да го покриеме, детските игралишта исто така ни се приоритет, она што е важно е и кејот на Вардар, уште една велосипедска патека ќе направиме, уште една патека само за трчање исто така ќе направиме. Салата Партизан исто така ќе се реконструира и ќе се стави бесплатно на користење на граѓаните на Карпош, вели Јакимовски. Целото интервју, погледнете го подолу во видеото:

Ристо Манчев – кандидат за градоначалник на општина Босилово од редовите на ВМРО-ДПМНЕ: „Ќе бидам градоначалник кој обединува и применува политика и пракса на еднакви можности“

Антонио Димитриевски — Wed, 08 Sep 2021 08:06:03 +0000

Ристо Манчев по професија е дипломиран економист на Економскиот факултет во Прилеп. Во 2010 година е добитник на стипендија на Министерството за надворешни работи на Италија, по што во 2011 година стекнува Мастер Диплома за Високи Европски Студии на престижниот колеџ Fondazione Collegio Europeo di Parma, а во 2013 година стекнува титула - Магистер по Високи Европски Студии на Facolta di Giurisprodenza di Parma- Italia. Манчев во изминатите години се афирмира како Секретар на Републичкиот совет за безбедност на сообраќајот на патиштата, а покрај тоа работи и како Овластен консултант на Агенција за поддршка на претприемништвото на Република Македонија за изработка на бизнис планови и обезбедување на консултантски услуги за бизнис планирање, маркетинг, истражување на пазарот, финансиско планирање, итн. - Во време кога голем дел од граѓаните заминуваат од Македонија Вие се решивте да се вратите назад. Живеевте во Италија, во Скопје и сега повторно се враќате во родното Босилово, што е денес е своевиден феномен. На што се должи тоа? Во мојата професионална кариера имав можност да живеам и да работам на повеќе места, вклучително и во Италија. Во Италија бев стипендист на Европскиот колеџ во Парма каде добив соодветна диплома, знаење и пракса, а со тоа и можност да работам во повеќе европски земји. Најпрвин сакам да кажам дека завршив постдипломски студии на престижен колеџ каде професори и предавачи беа голем број на меѓународно афирмирани личности, еврокомесари, европратеници, а меѓу нив посебно го издвојувам г.дин Марио Монти поранешен еврокомесар и премиер на Италија. Европската култура, европските вредности и европскиот начин на живот ми се добро познати, но и покрај тоа, сепак решив да се вратам назад во Македонија. Каде и да одам секогаш има нешто што ме влече да се вратам назад. Во душата сум родољуб, овде се чувствувам свој на своето, едноставно овде најслободно го дишам воздухот. Поддржувач сум на демохристијанската идеологијa и моите највисоки животни вредности се семејството, татковината, традицијата и верата. Го сакам родниот крај и сакам да живеам и да творам овде. Тоа е она што ме врати назад во Македонија. - Верувате ли дека можете да ја направите Босилово европска општина, како да се дојде до тоа и што тоа би значело за луѓето и оваа средина вооопшто? Моето животно мото е: „Секој поединец, има обврска да даде личен придонес за развој на општеството и средината во која што живее!“. Тоа е она што ме мотивира да се кандитирам за градоначалник на општина Босилово од редовите на ВМРО-ДПМНЕ. Верувам дека општина Босилово и тоа како може да биде европска општина. За тоа е потребно многу работа, труд и посветеност, но јас сум подготвен максимално да се вложам и да успеам во оваа намера. За да биде Босилово европска општина, покрај големиот број на инфраструктурни проекти кои треба да бидат реализирани, потребно е постепено да се менува и свеста и навиките кај граѓаните, а би рекол пред се’, кај политичарите. Време е да престанат политичките поделби помеѓу граѓаните. Ќе бидам градоначалник кој обединува и ќе применувам политика и пракса на еднакви можности. Едноставно секој граѓанин треба да добие еднакви можности за општествено делување, за вработување, за професионален напредок, за претприемништво и развој на сопствен бизнис, за социјална заштита, итн. Поделбата на граѓаните на привилигирани и потценети, недостатокот на социјален живот и општествената безидејност и апатија е тоа што ги тера младите да ја напуштат државата. Граѓаните се свесни дека ни недостасуваат многу инфраструктурни проекти и дека е потребно време и средства да се реализираат сите инфраструктурни проекти, но во исто време граѓаните сакаат да видат поинаков начин на политичко дејствување, граѓаните сакаат да видат локална самоуправа која е мотивирана, чесна и посветена на работа, сакаат градоначалник кој ќе ги обединува сите и ќе работи за сите, сакаат општествен, културен и социјален живот. Затоа, покрај реализација на инфраструктурни проекти ќе промовираме општествен активизам, организација на културни манифестации, спортски настани, едукативни настани, ќе промовираме еколошки активизам, ќе ја негуваме традицијата. Едноставно мораме да го вратиме духот, вербата и надежта кај младите и тоа е единствен начин да ги задржиме младите во земјата. - За политика е се' уште рано, политичката кампања уште не е започната, може ли да ни кажете нешто повеќе за себе. Кој е всушност Ристо Манчев? Оженет, семеен човек, татко на две деца. Горд сопруг на Љубинка, специјалист доктор - хирург по абдоминална хирургија. Поддржувач сум на демохристијанската идеологијa и семејните вредности. По професија сум дипломиран економист. По завршувањето на високото образование континуирано вложувам и се ангажирам во понатамошен професионален развој и имам завршено постдипломски студии во Италија. Учесник сум на голем број научни и стручни собири, обуки, семинари... во земјата и странство за што поседувам голем број на сертификати и дипломи. Љубител и поддржувач сум на спортот, посебно на фудбалот и ракометот. Исто така поддржувач сум на родовата еднаквост и се залагам за еднакви права и можности помеѓу мажите и жените. Всушност и неможе да биде поинаку кога сопругата е една од малкуте жени хирурзи во државата. Исто така се залагам за социјална еднаквост и онаа што најмногу ми смета е дискриминација и ароганција. - Имате ли претастава како ве доживуваат пријателите, другарите, колегите...? Пријателите и познавачите ме опишуваат како човек кој сака да разговара, да се дружи и да се шегува. И има многу вистина во тоа. Верувам дека со позитивен пристап, со разговор и разбирање може да се решат многу проблеми и да се надминат многу предизвици. - Во изминатите години се афирмиравте и како Секретар на Републичкиот совет за безбедност на сообраќајот на патиштата во Македонија.Зошто и покрај бројните залагања, едукативни кампањи, заострената казнена политика... бројот на сообраќајни несреќи со тешки и фатални последици, е се’ уште голем на патиштата во Македонија? За жал во право сте. И покрај бројните активности, кампањи, едукативни видеа и текстови во медиумите на РСБСП и МВР, сепак процентот на сообраќајни несреќи, тешки повреди и изгубени животи е се’ уште висок, иако мораме да признаеме дека сепак активностите имаа влијание и бројките се намалени, но се уште не се доволни. Кампањите се спорадични, не можат да траат 365 дена во годината, а не можете ни да ги казните сите што не ги почитуваат сообраќајните прописи и закони. Затоа треба систематски да се работи на свеста на луѓето уште од најрана возраст. Уште во основно училиште, каде на децата треба да им се всади свест за однесување во сообраќајот и како пешаци или велосипедисти, а кога ќе потопраснат и како мотоциклисти или сега најновото со електричните тротинети... Однос и почитување на сообраќајните знаци, кон прописите и правилата, кон сопствениот и туѓите животи кога утре ќе созреат и ќе седнат зад управувачот на возилото. Уште од малечки да сфатат дека алкохолот или опијатите, никако не одат заедно со возењето, дека не се зборува или сурфа на мобилен телефон додека се вози, дека вниманието и концентрацијата на возачот треба од првиот до последниот километар да бидат на 100%...и уште многу други нешта. Секако, тука се и родителите кои треба да сфатат дека не треба премногу да ги разгалуваат децата дозволувајќи им „како сакаат“ да се однесуваат со бесни и моќни автомобили или мотори, зашто со тоа не им прават никаква услуга ниту ним, ниту на другите со нив или околу нив, напротив... само ги загрозуваат своите и животите на сите споменати. Од друга страна, треба постојано да се работи и на инфраструктурата за нови или обновени, но и безбедни улици и патшта со уреди ознаки и сигнализација кои се постојано максимално видливи и функционални. Се на се’, безбедноста во сообраќајот е комплексна и на неа треба постојано да се работи. - Верувате ли во Вашата изборна победа и победа на ВМРО-ДПМНЕ на овие локални избори? Да не верував немаше да се кандидирам. Но она во што најмногу верувам и сум убеден дека граѓаните на Босилово ќе знаат да ја препознаат и изборната програма на партајита и моите заложби и предвидените проекти кои ги имам во план да ги реализирам како иден градоначалник на општината. Но, како што реков, заедно со сите граѓани, зеднички да ги решаваме сите нивни проблеми како локална самоуправа која е мотивирана, чесна и посветена на работата, заедно со мене како градоначалник кој сите ќе ги обединува и ќе работи за сите, за подобар и попросперитетен, општествен, културен и социјален живот на општина Босилово.

ВМРО-ДПМНЕ застана зад кандидатурата на Данела Арсовска за градоначалник на Скопје

Антонио Димитриевски — Sun, 29 Aug 2021 13:50:14 +0000

Скопје мора да стане град на сите луѓе. Имавме во предвид дека потребно е да се решение кое ќе може надпартиски да обедини професионалци и компетентни луѓе. Токму затоа ИК, а потоа и ЦК донесе одлука ВМРО-ДПМНЕ да го поддржи идниот градоначалник на Град Скопје, а тоа е Данела Арсовска, кажа лидерот на ВМРО-ДПМНЕ, Христијан Мицкоски на денешната прес-конференција. „Жена која го предводи сојузот на стопснки комори на Македонија. Прогласена е за најдобар женски во деловниот свет во југоисточна Европа. Убеден сум дека го имаме идниот градоначалник на Скопје. Да се обединиме сите околу жената која ќе го креира идниот развој на Скопје. Скопје заслужува силна жена за градоначалник, која ќе ги штити интересите на градот. Убеден сум дека Данела ќе победи во оваа трка најзначајна за Скопје“, кажа Мицкоски.

Иван Јорданов, кандидат на ВМРО-ДПМНЕ за градоначалник на општина Штип: „Ќе бидеме чесни, одговорни и принципиелни… со Штип сите ќе се гордееме“

Антонио Димитриевски — Mon, 23 Aug 2021 20:18:43 +0000

Во изминатов период, односно на претходните локални избори имавме една инфалција на изборни ветувања која ги девалвираше проектите кои се за добробит на граѓаните и развој на нашиот град Штип. Граѓаните комплетно ја имаат изгубено довербата и во политичкиот систем и во кандидатите за градоначалници и затоа мораме најпрво да го промениме пристапот. Мора да биде искрен тој пристап, за да луѓето видат дека ние навистина имаме желба, визија и мотивација да направиме нешто добро за идните генерации. Ова во интервју за Курир.мк го истакна Иван Јорданов, кандидат за градоначалник на општина Штип од редовите на ВМРО-ДПМНЕ.

-Како млад човек и родител имам обврска кон цела генерација млади луѓе кои се иднината да направиме од нашиот град место за живеење со кое сите ќе се гордееме. За да го подобриме животот се опфатени повеќе сегменти- пред се економијата.

Јорданов потенцира дека преку изборната програма која се уште се креира, а е врз база на темелна анализа, испитување на јавното мнение и консултации од врвни експерти, ќе се направи еден исчекор- како да се задржат домашните инвестиции и да се привлечат нови инвестиции кои ќе отворат нови работни места во индустриските зони. Ветува чесна и посветена работа за подобрување на животот за сите сограѓани.

-На Штип му се потребни велосипедски и пешачки патеки, повеќе зеленило, паркови, нови социјални содржини, кино сали, нешто што ќе го окарактеризира Штип како вистински административен економски центар на Источна Македонија… Дивите депонии може да бидат преуредени во нови убави содржини. Не смееме и нема да се расфрламе со нереални ветувања, туку ветуваме чесност, одговорност и принципиелност.

Ќе се инвестира и во спортот и ќе се поддржуваат и спортските клубови, бидејќи според Јорданов, колку и да се инвестира во спортот секогаш е малку и не е доволно. Граѓаните на Штип имаат голема потреба и од довршување на новата Клиничка болница.

-Веќе 5-та година новата зграда на Клиничката болница е во застој, оставена да сведочи за неспособноста на сегашните власти. Апелирам час поскоро да биде завршена… Јас како иден градоначалник би можел да ја презентирам состојбата во која се наоѓа Штип и потребата од довршување на оваа болница, да иницирам средби и да го направам потребниот притисок да конечно се свестат и министрите и премиерот дека ова е прокт од круцијално значење кој мора да биде завршен.

Интервју со Јорданов погледнете го во продолжение.

Перо vs Петре: Перо – „Камиказа“ размислува да се кандидира за скопски градоначалник, а Шилегов уште сега му ги „краде“ идеите? (ФОТО)

Антонио Димитриевски — Fri, 19 Mar 2021 08:48:34 +0000

Чудна професија е тоа политиката... Или подобро речено, бизнис. Порано се велеше: „Нема бизнис како шоубизнис“, ама денес откако со коронапандемијата шоубизнисот го прогласија речиси за „умрено“, политиката царува... Впрочем, царувала отсекогаш, особено кај нас, каде од прв ден е бизнис број еден, што се гледа кај голем број политичири, кој во неа влегоа како „голтари“, а од неа излегоа како милионери! Дали можеби некои од наведените причини или познавајќи го, од чист каприц и инает што горенаведеното е токму така, па сака да покаже дека може и поинаку, една позната скопска фаца или поточно, познат македонски лик кој шоубизнисот го има во малиот џеб, а јавноста многу повеќе го знае токму од полето на културата и уметноста, актерот и музичар, Петар Георгиевски - „Камиказа“ најави дека размислува да влезе во политиката. Не дека и пред него немало такви обиди: Велибор Џаровски - Џаро, Игор Џамбазов, Јове Кекеновски, покојниот фолкер Војо Стојаноски, трагично загинатиот рокер Горан Николовски кој беше градоначалник на град Скопје... Позиција која ја пикира и на која токму познатиот лидер на групата „Меморија“ и сопственик на ивент фирмата „КЛС“ - Перо - „Камиказа“, размислува да се кандидира на престојните локални избори. Деновиве низ скопските кулоари, чаршијата, а и по социјалните мрежи тргна интересна приказна... Дека „Камиказа“ кој ионака е „долг на јазик“ кажувајќи им ја на некои луѓе својата размисла за градоначалничка кандиидатура и идеите кои ги има да ги вментне како проекти во својата програма, преку ноќ стигнале на маса во кабинетот на Петре Шилегов. На актуелниот скопски градоначалник кој има намера да бара и втор мандат од граѓаните му се виделе интересни, па Шилегов уште сега „си се послужил и присвоил“ со некои од наводните идеи на Перо - „Камиказа“. Така, Петар Георгиевски кој меѓудругото последниве години е и успешен маратонец трчајќи ги некои од најпознатите светски маратони во големите градови ширум Европа и светот, предлагал дека би било добра идеја рекреативната стаза покрај кејот на Вардар да се спои по целата нејзина должина без прекини, па македонската престолнина од крај до крај од влез на Скопје до самиот излез, да биде поврзана. И за рекреативно трчање и пешачење, натпревари, велосипедисти, ролање... И види чудо, не минало долго време , а граданочалникот Шилегов тргнал идејата да ја реализира! Наводно, истото важело и за идејата за најавениот трамвај на гуми, трамвај кој наместо по шини се движи по белите линии на патот, кои контролираат стотина сензори. Трамвајот користи гуми и возењето е како со автобус. Долг е 32 метри и висок 3.4 метри. Може да прими 307 патници и се движи со 70 километри на час. Литијум-титаниумските батерии овозможуваат возење долго 25 километри по само 10 минути полнење. Ем ефикасно и брзо, ем чисто и еколошки... А идејата на Перо - „Камиказа“ била неговата линија да води токму покрај стазата по кејот на Вардар, каде би се движел без пречки и не би го забавувал движењето на другите возила во сообраќајот, а би го поврзувал градот од еден до друг крај! Дури и идејата со таканареченото помагање на музичарите со купување на нивни изданија која Шилегов заедно со Радмила Шеќеринска деновиве ја промовираше, Петар Георгиевски - „Камиказа“ тврди дека е инспирирана од него и и неговата објава на социјалните мрежи за изданијата на македонски музички и естрадни уметници и групи кои Музичко-касетната продукција ги издаде во времето на неговото работење на една од раководните функции таму. А сепак не се работи за мала бројка, зашто во прашање се стотина изданија во вид на носачи на звук и слика. Очекувајќи и последното концертно видеоиздание на „Меморија“ од концертот во „Метрополис арена“ да го вклучат, како што „Камиказа“ вели, во „нивната поддршка“, тој ги прозва Шеќеринска и особено Шилегов во својот Фејсбук статус! Дали Петар Георгиевски - „Камиказа“ навистина ќе се реши за градоначалничка кандидатура на Скопје на престојните локални избори, која партија ќе стои зад него или ќе оди како независен „соло“ играч, или ова е само уште една „Донкихотовска борба со ветерници“- те на власта на „вечниот опозиционер“ во стилот: “Сам против сите“, ќе видиме наскоро. Зависи од тоа дали актерот и рокер има навистина серизони намери да вплови во политиката или... „маратонецот (само вербално) го трча почесниот (предизборен) круг“? „Камиказа“ ако е во нешто вешт, тоа е умешното менаџирање на „кревање прашина“, а Петре Шилегов засега молчи. И за наводно „присвоените туѓи идеи“ и за сопствените проекти кои одат во пакет со новата градиначалничка кандидатурата. Адвокатот против актерот, политичарот контра рокерот... Се случи ли тоа, ако не друго, ќе биде барем ... „весело“! Фото: Фејсбук принтскрин/Petar Georgievski - Kamikaza/Петре Шилегов

Бугарите имаат свој, ама и ние имаме наш: Гол се сликал во кампања за градоначалник на Софија, зашто „политиката е порно“

Антонио Димитриевски — Tue, 29 Oct 2019 11:51:25 +0000

Во неделата во соседна Бугарија се одржаа локалните избори. Кандидатот за градоначалник на Софија од Бугарско Национално Обединување, Ѓорѓи Георгиев – Готи, не стана кмет на Софија, но затоа пак стана хит на социјалните мрежи со својата несекојдневна кампања, откако на изборните плакати се фотографираше гол само со тиква в раце, со која го прекрил полниот орган. „Позирав сосема гол, бидејќи нема што да кријам од бугарските гласачи! Многумина ме прашаа зошто сум гол, и зошто баш со тиква во рацете? Затоа што политиката е едно големо порно – појасни кандидатот за градоначалник на Софија од Бугарско Национално Обединување, Ѓорѓи Георгиев – Готи. Арно ама не е само мајка Б'лгарија за во Рипли. И ние си имаме свои надоб(л)удни патриоти. До душа овој нашиот сакал да остане анонимен, а и се' уште не се кандидирал на избори, ама кој да знае... Еве кај се изборите, ќе дојдат за час, а изборната кампања уште и поскоро. До душа македонскиот „Готи“ наместо „земјоделска“ избрал повеќе „салонска“ стратегија. Позата иста, само реквизитот е друг! Голо тело кај обајцата, а тиквата кај бугарскиот кандидат, нашиот ја заменил со перниче во вид на срце и на него 16 - кракото сонце од Кутлеш! Па сега нека види Ганчо, пардон, Готи, кој е поголем патриот?