По пауза од седум месеци, со „Говорна мана“ во МНТ повторно почнуваат претстави

Антонио Димитриевски — Mon, 05 Oct 2020 07:50:47 +0000

По пауза од седум месеци поради коронакризата се отвораат вратите на Македонскиот народен театар (МНТ). Првата претстава што е закажана е „Говорна мана“, на 14 октомври, на Големата сцена од 20 часот. Автор на текстот е Горан Марковиќ, режисер е Драгана Милошевски – Попова, а улогите ги толкуваат: Игор Џамбазов, Сашка Димитровска, Ивица Димитријевиќ, Арна Шијак, Ана Стојановска и Билјана Јовановска/Драгана Левенска. Според репертоарот на МНТ на 16 октомври (петок) повторно е „Говорна мана“, а на 19 октомври е закажан Меѓународниот театарски фестивал Бутринти, проекција на документарниот филм „Идината започнува денес“ (19 часот). До крајот на месецот има уште четири изведби, две на претставата „Кец на десетка“ (20 и 22 октомври, од 20 часот, Голема сцена) и „Брачна игра“, на 27 и 29 октомври исто така во 20 часот. Сите овие претстави претходно се играа на Малата сцена на МНТ. МНТ на својата интернет страница го објави протоколот за работа според препораките на Владата, Министерството за култура и Центарот за јавно здравје Скопје. Поради протоколите и придржување кон сите мерки и поради сериозната ситуација со Ковид 19, во Националниот театар не се прифакаат приватните настани. Што пишува во протоколите? • Според општите правила за реализација на настани треба да се искористат само 30% од капацитетот на салата • Да се оддржува претстава без пауза • Се забранува задржување при влез и излез во фоајето • Зголемување на времетраењето на влез и излез на публиката • Се забранува оддржување на коктели во фоајето на театарот • Претставите треба да траат час до час и половина • Претставите да бидат со мал број на актери и да се оддржува дистанца на сцена • Вентилацијата во објектот е со централен систем за вентилација и поставени се нови филтри,кои ке се менуваат на секои 6 месеци Протокол за публика • Задолжително носење маска на влез и во објектот • Поставување на дезинфекциона бариера за обувки • Поставени и означени места за влез пред билетарата • На самиот влез е поставено дезинфекционо средство • Има јасно и видно истакнато известување за придржување на мерките • Мерење температура на секој посетител • Доколку се покаже температура над 37 с не се пушта да влезе • Влезот е еден по еден во фоајето со максимално придржување на дистанца од 1.5 до 2 метра • На влезните врати за публика во сала има по 1 распоредител и се пушта по 1 посетител (се отвара само една врата за влез во салата ) • Гардеробата е затворена (секој посетител ке мора да си ја земе со себе и да ја стави на местото слободно до него ) • Излезот од сала е на принцип 1 по 1 со максимално придржување на дистанца од 1.5 до 2 метра

Колешка за инспирација: Ана Стојановска ултра секси во долна облека зад завесите на „Говорна мана“ (фото)

Слободанка Илиева — Thu, 24 Oct 2019 07:49:00 +0000

Нема провокација, ако нема игра, а подобро место за игра од театарот не постои. Театарската магија е создадена од актерските „магионичари“ кои и повеќе од добро ја знаат и следат оваа девиза што низ работата ги води во еден друг свет, друг живот, друга личност. Провокација има на сцената од „даските што живот значат“, но и зад истата, каде течат подготовките и владее позитивната трема пред да се крене завесата. Во МНТ од 2017 година се игра претставата „Говорна мана“ која се уште е на репертоар, а во неа улога имаат и Игор Џамбазов и младата талентирана актерка Ана Стојановска. Овој пат и двајцата од зад сцената споделија фотографија на која во фокусот е Ана. Доминанта и ултра секси во црна долна облека, односно костимот од кој се трансформираше како што вели таа во „црна мамба“. А Џамбазов покрај ваква опасна мамба и немаше што многу да каже, покрај вака колешка има инспирација, но му треба и доста концентрација. Инаку, доколку досега не сте ја погледнале, „Говорна мана“ е работена според текстот на современиот автор Горан Марковиќ и во режија на Драгана Милошевска. Дејствието се одвива во театар, во гримиорна на еден актер, првенец, на крајот на неговата кариера. Тој се штити себе си така што ги затвора очите пред општествената реалност и бега во илузиите кои му ги овозможува театарот, се дури одбегнувањето на околностите не го направат невозможно. На спротивната страна е млад човек со кариера која ветува... Се разбира и една актерка. Раскошно напишаните ликови преиспитувајќи ја сопствената морална одговорност не соочуваат со нашите склоности кон прикривањето на одговорноста и соучеството.

говорна мана – Вистина.мк

По пауза од седум месеци, со „Говорна мана“ во МНТ повторно почнуваат претстави

Колешка за инспирација: Ана Стојановска ултра секси во долна облека зад завесите на „Говорна мана“ (фото)