гостивар – Вистина.мк

Македонецот од Грац го освои жирито во „Ѕвездите на Гранд“: Дарко Ѓорѓески е новата ѕвезда што се раѓа? (ВИДЕО)

Антонио Димитриевски — Wed, 07 Dec 2022 08:15:54 +0000

И покрај тоа што веќе извесен период македонските гледачи не ги следат емисиите од новата сезона на „Ѕвездите на Гранд” на ниту еден македонски ТВ канал, тоа не значи дека во истите не се натпреваруваат македонски учесници. Еден од нив е и младиот и талентиран Дарко Ѓорѓески (23) кој веќе пет години работи и живее во Грац, Австрија. “Во Австрија заминав првенствено да студирам. Потекнувам од Гостивар, а работам како DJ, продуцент, инструменталист и пејач со околу 11 години музичко искуство”. Тој меѓудругото открива и дека главен инструмент на факултет му бил тромбонот, па така тој денес е тромбонист, а покрај тоа свири и уште неколку други инструменти. “Пред три години сериозно почнав да се занимавам со продукција, направив мое студио и веќе позади себе имам хит кој сите го знаат “Бог и батина”. Неодамна излезе и песната која што ја снимив во соработка со Гога Секулиќ - “Зла копија” - додава Дарко, кој е еден од нашите македонски учесници во “Ѕвездите на Гранд”. “Искрено имав голем мерак. Како мал секогаш ја гледав таа емисија, а впрочем и нема кој не ја гледал кај нас на Балканот. Во една прилика имав можност да настапам со фолк пејачката Тања Савиќ која ме посоветува без размислување да се пријавам. И ете ја послушав”- раскажал Дарко. Откако го помина првиот круг и веќе е во тимот на Цеца Ражњатовиќ вели дека деталите ќе ги открие дури по вториот круг, каде верува дека ќе биде еден од нашите македонски натпреварувачи. Што се однесува до дочекот на Новата 2023-та година, Дарко вели дека Новата година ќе ја дочека и прослави работно, како и останатите празнични денови, а наскоро ќе се појави и неговата нова песна насловена „Плен“. „Им благодарам на сите на подршката и пораките кои секојдневно ги добивам. Се надевам дека нема да Ве разочарам. Ви посакувам среќни новогодишни и божиќни празници и поминете си убаво каде и да сте”, им посака Дарко на своите фанови преку „Музика24“. Во продолжение, погледнете го настапот на Дарко Ѓорѓески во регионалното музичко ТВ шоу “Ѕвездите на Гранд”, кој можете да го проследите на 01:58:07 (КЛИКНИ ТУКА): Фото: Фејсбук принтскрин/Darko Gjorgjeski Видео: Јутјуб/Zvezde Granda

Младата и талентирана пејачка Тамара Грујевска ќе учествува на најголемиот фестивал “Golden Stars Rain” во Русија

Антонио Димитриевски — Mon, 10 Jan 2022 14:21:33 +0000

Тамара Грујевска е двојче на 11 годишна возраст од Гостивар која потекнува од музичко семејство и важи за талентирана млада пејачка, која со својот неверојатен глас го привлече вниманието на македонската јавност. Ученичка е во основното музичко училиште "Енвер Стафаи" од Гостивар и во музичкото училиште кај Андријана Јаневска отсек- популарни светски жанрови. Тамара пее од 5 годишна возраст и е сериозен светски талент, учесник на повеќе интернационални детски музички фестивали, каде што постигна најголеми успеси и при тоа добива покани за учество на најпрестижните интернационални фестивали и натпревари ширум светот. Од досегашното учество на Фестивали ги издвојуваме Фестивал -"Јаболчиња" со седум свои песни во период од 2015-2019."Златно Славејче" 2017 год.но и многу телевизиски настапи на МРТ и повеќе национални ТВ канали.Има освоено повеќе награди, најпрвин на интернационалниот Фестивал "Езерски бисери" во Струга ќе го освои I место Лауреат од прв степен. На интернационалниот Фестивал "Ѕвездички" - Прилеп освоена е највисока Grand Prix награда. Исто така на интернационалниот Фестивал Little Shells Нови Сад - Србија ќе ја освои највисока Grand Prix награда-Победник во сите категории со нејзината песна "Музиката во мене има дом" за кој има и видео запис. Нејзин идол е Whitney Houston, но и повеќе популарни светски пејачки како што се Celine Dion, Jenifer Hudson, Demi Lovato, Beyonce,Ariana Grande,како и популарните македонски пејачки Андријана Јаневска,Тамара Тодевска, Калиопи и Александра Јанева. Следен настап на Тамара е на најголемиот сестивал "Golden Stars Rain" во Владимир во Русија кој важи за еден од најдобрите и најквалитетни фестивали во светот. Со големо задоволство ја прифати поканата од организаторите на фестивалот да ја претстави Македонија со две песни. Верува дека успешно ќе ја претстави Македонија и во иднина ветува многу настапи, фестивали, натпревари, насекаде во светот. Планира и нови песни и спотови, а желба и е да ја претставува Македонија на детскиот Евросонг и се надева дека еден ден ќе стане позната музичка ѕвезда. Тамара има глас со кој допрва ќе се гордее Македонија.

Татко и е од Дебар, мајка и од Гостивар: Светски познатата музичка ѕвезда е болна и ќе се оперира од синуси!

Антонио Димитриевски — Mon, 10 Aug 2020 11:38:29 +0000

Светски познатата пејачка Бебе Реџа, поради тешка инфекција на синусите, ќе биде оперирана, пренесуваат албанските медиуми. Веста ја објави Реџа, наведувајќи дека повеќе денови не е во добра здравствена состјоба, дека едвај може да дише и има силни главоболки. „Појдов на доктор за инфекцијата на синусите, која не поминува и ми рече дека треба да се оперирам. Поминувам тешки моменти далеку од родителите. Многу сакам да сум до мајка ми“, напиша пејачката. Родителите на Бебе Реџа, чие вистинско име е Блета Реџа, се од Македонија, татко и е од Дебар, а мајка и од Гостивар, кои во САД емигрирале во 80-те години од минатиот век. Родена е на 30 август 1989 година во Бруклин и долго е во светската музичка индустрија.

Таа е и текстописец на многу светски хитови, меѓу кои и “The Monster” на Еминем и Ријана.