„Госпоѓиците од Авињон“ на сцената на Македонската опера и балет

Антонио Димитриевски — Wed, 02 Mar 2022 13:17:34 +0000

Балетската премиера на „Госпоѓиците од Авињон“, балет во девет слики ќе се одржи на 09.03.2022 – 20.00 часот.

Музика: Калиопи Букле

Кореографија и режија: Олга Панго

Либрето и драматургија: Сашо Димоски

Асистенти на кореографот: Горан Божинов, Саша Евтимова

Костимограф: Раде Василев

Сценограф: Валентин Светозарев

Мултимедија и дизајн: Емил Петров

Дизајн на светло: Милчо Александров

Дизајн на шминка: Златица Поповска

Улоги:

Олга Коклова – Александра Мијалкова

Дора Маар – Мими Поп-Алексова Атанасовска

Ева Гуел – Ивана Коцевска

Мари-Терез Валтер – Саша Евтимова

Франсоаз Жило – Христина Наќевска

Поштарот – Мирослав Митрашиновиќ

Слаткарот – Балаж Лашеи

Пријателот – Агим Бафтии

Чевларот – Ендру Кук

Епифанија

Бивајќи загледан во еден свој сон во Пикасовата слика „Госпоѓиците од Авињон“, врз платното слета една мува. Мувата, еднакво љубопитна колку и јас, почна да зуи насекаде по сликата, да прелетува од еден до друг нејзин крај, да ја испитува со кураторска прецизност. За разлика од мене, мувата имаше можност да го допре платното, на нејзината текстура да ги остави своите отпечатоци врз боите и низ формите. Допирајќи ја сликата, мувата одново ја создаваше, зуејќи.

Во тој миг од сонот го скицирав текстот „Госпоѓиците од Авињон‘“ – Сашо Димоски, либретист

Премиера: „Госпоѓиците од Авињон“ на малата сцена во МНТ

Антонио Димитриевски — Wed, 14 Feb 2018 11:35:57 +0000

На 21 февруари на малата сцена во МНТ, во 20 часот, премиерно ќе биде изведена претставата „Госпоѓиците од Авињон“. Оваа праизведба е работена по драмскиот текст на Сашо Димоски, а во режија на Ненад Витанов. Со праизведбата на овој текст, Македонскиот народен театар чествува еден голем јубилеј: сто и десет години откако Пикасовата „Госпоѓиците од Авињон“ за прв пат ја виде светлината на денот и беа поставени првите постулати на Кубизмот. Во претставата играат: Искра Ветерова, Софиа Насевска - Трифуновска, Звездана Ангеловска, Гордана Ендровска, Ана Стојановска и Васил Зафирчев. Композитор на музиката е Калиопи Букле, сценографијата е на Филип Витанов, а костимограф е Тања Кокев. Следната изведба е закажана за 22 февруари (четврток) во 20 часот, а билетите за премиерата и првата реприза се веќе пуштени во продажба на билетарницата на МНТ.

госпоѓиците од авињон – Вистина.мк

„Госпоѓиците од Авињон“ на сцената на Македонската опера и балет

Премиера: „Госпоѓиците од Авињон“ на малата сцена во МНТ