гордан божиновски – Вистина.мк

Јован Јованов по 14 години молк повторно запеа и тоа во дует со Пајак: Ова е најновата ремикс верзија на стариот хит – “Магија” (ВИДЕО)

Антонио Димитриевски — Mon, 11 Dec 2023 10:47:32 +0000

По дваесет и пет години победничката песна на Макфест од 1998 година “Магија”, доби нов, модерен поп звук кој веруваме дека силно ќе допре до публиката и песната ќе продолжи да живее и кај младата популација. По желба на Пајак, Јован после 14 години повторно запеа “ќе ми треба магија“, но овој пат пее дека има дозвола за кола да ја повози девојката, додека пак Пајак се' уште ја нема... За песната е направен нов аранжман и целосно нова продукција од страна на неговиот брат Иван Јованов - Ивајо. Спотот е сниман во Pro Light Studio, во продукција на Урбан Рекордс и добро познатите Гордан Божиновски, Никола Наумовски, а како продуцент на истиот се јавува и самиот Јован. На почеток видеото започнува со снимка од оригиналниот настап на група “Магија” од Макфест, а се појавува и прекрасната Марјана Станојковска во заедничка кореографија со Јован, Илија Карадакоски и балетското студио Eat The Beat. Спотот е веќе промовиран на Јутуб каналот на Урбан Рекордс, а додека пак телевизиската промоција на спотот ќе биде на 13.12 во среда во ТВ магазинот Бекстејџ на Телма ТВ. Погледнете го спотот за “Магија” со песната во ново руво, отпеана како дует помеѓу Пајак и Јован, кој експресно од своето појавувње вреќе високо котира на трендинг листата на јутуб.

Лани дебитираше, годинава блесна на „Макфест 2023“: Марија Спасовска има одлична песна и нескротлив – „Темперамент“ (ВИДЕО)

Антонио Димитриевски — Wed, 25 Oct 2023 10:17:01 +0000

Доколку втората вечер од фестивалот „Макфест 2023“ беше од натпреварувачки карактер, а не ревијален, младата пејачка Марија Спасовска без сомнение ќе освоеше награда... Нејзината песна „Темперамент“ ги исполни и критериумите на познавачите на музиката и очекувањата на публиката, па Марија на крајот од нејзиниот настап доби громогласен аплауз и овации во преполната сала во домот на културата „Ацо Шопов“ во Штип. Денеска, 25.10. 2023 (среда) и официјално беше објавен спотот за песната на сите социјални мрежи и музички плаформи, кој и овојпат го изработи екипата на „Урбан Рекордс“, на чело со Гордан Божиновски. „Мене ми е најважно тоа што на публиката и се допаѓа новата песна. Реакциите се одлични, коментарите исто така. Ќе бидам искрена и ќе кажам: Кога одбирав која песна да ја пријавам на „Макфест“ песната „Темперамент" зазвуче како потенцијален хит и затоа очекувам да биде слушана ... Среќна сум што наиде веднаш на прием кај публиката која ми подели силен аплауз во салата во Штип“ – изјави Спасовска по настапот на „Макфест 2023“. Инаку, Марија не запира тука, таа со својот тим веќе полека работат и на новиот проекот, а до тогаш можете да ја слушате и видите на настапите ширум нашата земја. Во меѓувреме уживајте во видото од нејзиниот макфестовски „Темперамент“.

Едно е сигурно, Пајак и Таско се што прават, прават – „Намерно“ (ВИДЕО)

Антонио Димитриевски — Tue, 19 Sep 2023 06:30:41 +0000

Младиот и талентиран музичар од Охрид, 22-годишниот Христијан Настески – Пајак неодамна ја сними новата песна „Намерно“, овој пат во дует со познатиот македонски рапер Таско. Песната која е снимена за Urban Records е дело на двајцата музичари кои се погрижија за музиката и текстот, додека аранжманот е на Иван Јованов - Ивајо. Ова не е нивна прва соработка, зашто и претходно двајцата трап атисти имаа заеднички дует во 2021 година огледан во темата „Психо“.

Инаку Таско е еден од најпознатите македонски изведувачи на рап и хип-хоп музика и текстописец. Тој започнал да се занимава со музика во 2011 година. Тој годинава стана и семеен човек откаконајпрвин ја ожени најтетовиранатамакедонка - Наташа Неделковска, попозната како Таша Теј, а летово го добија и нивното прво чедо, синчето Лукијан.

Последно што слушавме од Пајак пак беше дуетот со српската пејачка Теодора Џехверовиќ, дует огледан во нивната „Летна авантура“ која ја издадоа во јуни годинава. Заедно со MC Stojan во февруари годинава Пајак го објави хитот „Мала моја“, откако претходно го издаде синглот „Хабиби“, во дует со Антониа Гиговска.

Заедно со Лара Иванова ја надминаа и фантастичната бројка од над 33 милиони прегледи на одличната песна „Bella“, отпена на ланскиот „Макфест 2022“ во Штип.

Младиот трап артист со музика започнал да се занимава уште од негова 6-годишна возраст, а талентот го наследил од неговиот татко кој е поранешен гитарист и љубител на рок музиката. Вели дека инспирација добива од други артисти, љубител е и на многу други стилови на музика, затоа што секоја музика си има своја тема, убавина и порака.

Во продолжение, слушнете ја и погледнете го видео спотот за најновата „Намерно“ за која Таско и Пајак снимија и видеоспот на неколку локации во преубавиот Охрид, во кој покрај нив двајца се појавуваат и неколку згодни млади девојки.

Спотот е одново во режија на „Урбан Рекордс“, односно Гордан Божиновски, Били Д. и Никола Наумовски. Како сето тоа звучи и изгледа, ако досега тоа не сте го направиле, проследете во продолжение:

﻿

Пајак сака да ве запознае со девојката во која е заљубен „до коска“, а таа е ладна како – „Москва“ (ВИДЕО)

Антонио Димитриевски — Fri, 27 May 2022 09:37:01 +0000

Младиот трап артист од Охрид, Христијан Настески попознат под уметничкиот прекар Пајак, во издание на „Урбан рекордс“ ја промовираше својата втора песна во рок од само седум дена. Имено по „Олуја“ на сите платформи беше објавена и „Москва“, песна за која текстот и музиката вообичаено ги напишал амиот Пајак, а аранжманот, миксот и мастерингот и овој пат се дело на Иван Јованов - Iwayo, со тоа што во аранжирањето на темата учествувал и Стефан Николоски. За разлика од претходната „Олуја“, темата „Москва“ не само што е помелодична и попевлива, туку е и визуелизирана со вистинско урбано видео, кое ја следи лириката на стиховите и поентата на текстот на песната. Видеот го продуцирале „Солушн плус“, под дрежисерска палка на Били Д. и Гордан Божиновски. Zад камерата биле одново Били Д. и Никола Nаумовски кој и го уредил спотот, а како извршен продуцент одново е потпишан Гордан Божиновски. Како звучи песната и и изгледа видеото за онаа во која Пајак е заљубен „до коска“, а таа е ладна како - „Москва“ , проследете во продолжение:

Кристи Петров дебитира со „две во едно“ – „Проблем“ и „Име“ (ВИДЕО)

Антонио Димитриевски — Mon, 25 Oct 2021 12:47:12 +0000

Кристијан Кристи Петров е младо момче, трапер од Радовиш по потекло, чие место на живеење е Словенија. Нов артист на македонската сцена кој само што почнува да го завзема своето место под естрадното и клубско небо, покажувајќи што знае, умее и може... И тоа со две песни во едно, одеднаш, насловени „Проблем“ и „Име“. За текстот бил задолжен Тракер, веке познат на македонската сцена, миксот и мастерот ги потпишува исто така веќе проверениот Иван Јованов - Ивајо. Се работи за две песни споени во едно што е актуелно во моментов.„Го избрав тимот на Urban Records. За видеото е доволно да само да го погледнат... Инаку следната недела снимам нов freestyle во студио кај Тракер кој може да го очекувате следниот период. Како што веќе кажав, само што почнувам да покажувам и да се докажувам, ова е само старт“ - вели младиот Кристи. Во очекување на многу новитети и освежување од него на македонската сцена, уживајте во неговото дебитантско „две во едно“ - „Проблем“ и „Име“ визуелизирани од Гордан Божиновски, Били Д, Илија Павлов и Никола Наумовски.

Таско и Лина само во една песна добија – „Сто позива“ (ВИДЕО)

Антонио Димитриевски — Sat, 24 Jul 2021 07:58:08 +0000

Младите македонски артисти Таско и талентираната и харизматична Лина Пејовска претходното лето буквално го запалија балканот со хитот “Неваљала”, која беше една од најслушаните песни со фантастични 13 милиони + прегледи на Јутуб - тврдат од нивната продуцентска куќа „Урбан рекордс“. По точно една година Таско и Лина одново во дует со истиот проверен тим на луѓе ја промовираат новата заедничка песна, „Сто позива” (Сто повици). Песната е во поп стил со стихови на српски јазик, за која музиката и текстот ги напиша Таско, аранжманот е на Aleх on the Beat од Шведска, а миксот и мастерингот се на Иван Јованов – Ивајо. Спотот го изработи нашиот познат режисер Гордан Божиновски во соработка со Били Д, а интересно е да се напомене дека тимот на „Урбан рекордс“ се првите Македонци што снимале во студијата на “IDJ” во Белград. Во спотот се менуваат повеќе интересни стајлинзи за кој се погрижија самиот Таско, за стајлингот на Лина модниот дизајнер Занов, Ива Спасовска-Атеље и Христина Пејовска. Сето тоа во организација на Борис Тасковски и Христина Пејовска. На спотот се работеше доста професионално и ова докажува за веќе големата блискоста на нашата и српската забавно-музичка сцена, каде се снима и соработува заедно и за брзо време публиката може да очекува многу нови заеднички проекти. Таско ексклузивно веќе ја промовираше новата песна при својот настап во еден ноќен клуб во Скопје, а каква беше атмосферата таму , погледнете од исечокот во клипот што самиот го споделил на својот Инстаграм профил:

View this post on Instagram

A post shared by Tasko (@tasko.ur)

Во продолжение проследете како изгледаат и звучат „стоте повици“ на Таско и Лина:

Тамара има нов, овој пат урбан – „Порок“ (ВИДЕО)

Антонио Димитриевски — Sat, 10 Jul 2021 10:10:06 +0000

Македонската поп ѕвезда Тамара Тодевска на Јутуб каналот на „Урбан Рекордс“ ја промовираше новата песна и видеозаписот за неа, насловени “Порок”. До соработка ќе дојде по одлуката на Тамара спотот да го изработи и реализира режисерскиот тим на веројатно најурбаната продукциска куќа во Македонија. Песната е во препознатлив поп стил, но овој пат со примеси на трап. Музиката е на Лазар Цветковски и Тамара, со текст на Тајзи, аранжманот исто така заеднички го направиле Лазар Цветковски и Тамара, додека миксот и мастерингот ги изработил самиот Лазар Цветковски. Спотот го изработиле Били Д. и Гордан Божиновски. Во него како се појавува и моделот Иман Тотиќ, како и орелот Милица. Видеото е снимано во студиски услови во Скопје. За стајлингот на Тамара се погрижил Игор Марков. Оваа е едно мало освежување во веќе изградениот музички стил на Тамара, која секогаш ги следела и музичките и модните трендови. Во продолжение проследете го новиот видеозапис за “Порок “, која навистина изгледа изгледа светски...

Таско и Пајак се двајца во еден – „Психо“ (ВИДЕО)

Антонио Димитриевски — Fri, 23 Apr 2021 12:13:44 +0000

Дует за кој толку многу зборуваа фановите на Таско и Пајак се реализираше со песната “Психо”. Најпопуларни меѓу младите двајцата Киковци, Христијан Тасковски-Таско и Христијан Настески-Пајак, по промоцијата веќе високо котираат на трендинг листата на Јутуб. Песната е во трап стил за која музиката и текстот го напишаа самите Пајак и Таско и одлично се надополнуваат во истата, а додека миксот и мастерингот е на Иван Јованов – Ивајо. Спотот е во режија на Гордан Божиновски, камера Били Д, видео ефекти Никола Наумовски, а сето тоа во организација на Борис Тасковски. Се снимаше во театар комедија каде Пајак глуми Џокер, кој работејќи напорно постанал психо. Пајак и Таско во овој проект звучат како едно, но секој посебно си има свој изграден веќе препознатлив стил. И двајцата ни најавуваат многу нови песни и соработки со наши па и српски артисти. До тогаш уживајте во песната и одличниот спотот за “Психо”. https://www.youtube.com/watch?v=JIWd6xFuV-I

За Пајак таа е – „Срце“… а, срце не можеш да купиш (ВИДЕО)

Антонио Димитриевски — Mon, 15 Feb 2021 13:19:16 +0000

После големиот хит “Бебе” која беше последното баладично издание од младиот и талентиран пејач, Пајак ни подготв и нова, исто така емотивна балада насловена како “Срце”, која симболично беше промовирана на Денот на влубените – “Св Валентин”. Многу емоции во неговите стихови визуелизирани со прекрасен видео запис во кои ќе се пронајдат многумина. Музиката и текстот се на Пајак, аранжманот на Иван Јованов – Ивајо и на СН Микс, мастеринг на Иван Јованов – Ивајо. Додека пак спотот е во режија на Гордан Божиновски. Се снимаше во вила во Маврово и околу Мавровското езеро. Во спотот како негова девојка се појавува прекрасниот модел, синооката Татјана Јанушева. Двојката за која Пајак нема многу од слободното време за да и се посвети и да и даде љубов онолку колку што таа заслужува, како сиже од приказната во песната. Во продолжение новиот видео запис за “Срце”, балада за која се надеваме дека и таа ќе допре како и останатите негови песни, кои за толку кратко време ги освоија срцата на младите, за што говорат енормно големиот број прегледи на Јутјуб. https://www.youtube.com/watch?v=DEgiXTj7IXs&ab_channel=UrbanRecords

Огнен Здравковски – „Љуби ме“ (ВИДЕО)

Антонио Димитриевски — Thu, 06 Aug 2020 12:28:20 +0000

Дека ситуацијата со коронавирусот воопшто не е наивна, говори и тоа што младиот пејач Огнен Здравковски токму на денот на промоција на неговата најнова песна, доби резултат дека е позитивен на Ковид – 19. Тој вели дека не знае како го добил вирусот и покрај тоа што ги почитувал сите мерки и внимавал најмаксимално што може. Но, како што самиот вели, главата горе и ветува дека од оваа борба ќе излезе како голем победник, а особено го мотивира неговата најнова песна „Љуби ме“, која дефинтивно е една од неговите најдобри музички остварувања досега. „Да, вистина е дека сум позитивен на Ковид – 19, но тоа воопшто не ме предомисли токму денес да ја промовирам мојата најнова песна. Животот е непредвидлив, но верувам дека за неколку дена ќе излезам како победник од оваа битка. Искрено не би сакал да се става многу акцент на тоа дека сум позитвен на вирусот. За мене денеска е посебен ден, бидејќи едвај го чекав денов за да ја споделам мојата нова песна, во која многу верувам“ – вели Здравквоски. Како што кажавме, неговата нова песна се вика „Љуби ме“, а овојпат Оги довербата за ова музичко ремек-дело му ја довери на неговиот колега Димитар Андоновски, кој стои како автор на музиката и аранжманот, додека пак текстот го напиша најдобриот текстописец во нашата земја, Магдалена Ена Цветковска. Инаку за новата песна, Огнен сними и одличен видеоспот, во кој покрај него се појавува и убавата Мартина Симоновска, а пак режисер на истиот е добро познатиот Гордан Божиновски. Погледнете и уживајте: https://www.youtube.com/watch?v=LHNY-4eF78c&fbclid=IwAR1QI8Ihuo65l-Bu749lLJyEsB-gLpbQoptyOkZw1kMlT-OclwfzJ6d6DFU&app=desktop