горан стојановски – Вистина.мк

Сите чекаат нова сезона на „Преспав“, но состојбата е вонредна бидејќи инспектор Томе е уапсен (видео)

Слободанка Илиева — Fri, 09 Sep 2022 09:08:29 +0000

Продукцијата „ОХО“ најави дека наскоро ќе започне да се емитува нова македонска серија насловена „Куќен притвор“ која е „spin-off “ серија на најпопуларната ТВ серија „Преспав“. На социјалните мрежи веќе е објавен трејлерот за серијата која ќе се прикажува на Македонската телевизија, а во главна улога е инспектор Томе, односно актерот Горан Стојаноски. Виш иснпектор Томе ќе биде уапсен во пансионот на браќата Бузалевски, но наместо затвор ќе му биде одреден 30 дневен домашен притвор. Покрај Горан Стојаноски, ќе ги гледаме и актерите Сашко Коцев, Зоран Љутков, Денис Абдула, Ирена Ристиќ... Засега не е објавен точниот датум на прикажување, но се очекува тоа да биде наскоро.

View this post on Instagram

A post shared by Куќен притвор (@kukjenpritvor)

фото:Принтскрин Инстаграм/Куќен притвор

Зошто Горан Стојановски е ултрапопуларен на секои 10 години: Кој е инспектор Томе од „Преспав“ и зошто нема ни Фејсбук ни Инстаграм?

Антонио Димитриевски — Sat, 02 Oct 2021 07:48:11 +0000

За него важи правилото дека станува популарен на секои 10 години... ѕвезда на рати! Ќе се појави како некој нов лик, ќе направи „растур систем“, ќе ја освои нацијата со својата нова улога која ќе му донесе енормна популаност и наеднаш преку ноќ ќе исчезне, ќе го снема... И се така до следната улога за „широки народни маси“, која како по некое непишано правило, му доаѓа со секоја следна декада. Или тука некаде.

Горан Стојановски, дипломиран актер на Факултетот за драмски уметности, по потекло од Охрид каде живее и работи, еден од основачите на Охридсскиот театар, директор на центарот за култура во Охрид... Сето ова му стои во биографијата, во официјалното Си –Ви... Ама сепак, по она, „неофицијалното“ е многу попознат и попопуларен – неговите драмски и особено ТВ ликови.

Како оној на началникот Јеротије Пантиќ во новото видување на претставата „Сомнително лице“ на Нушиќ, во неговиот матичен охридски театар, уште додека не беше ниту тетатар, туку само театарска дружина. Сепак, серијалот „К 15“ ќе му ја донесе првата поширока популарност. Заедно со неговиот колега од театарската дружина и другар од детството Климе Новески со своите улоги и извртениот „Македонско - Турски јазик“ во еден момент ќе станат попопуларни и од самите Тошо, Миле и Цацко.

Откако престанаа да се појавуваат во „К 15“, чаршијата наголемо зборуваше дека токму трите лика намерно „се ослободиле“ од охриѓаните, зашто овие им го украле шоуто!? Ликот на „Џемо – Биљбил“ во вестите на шоуто 1+2 и особено соработката со Роберт Саздов од „Куку Леле“ ќе го направи ултрапопуларен лик, кој ќе почане да го препознава и старо и младо на улица. Тој и дел од неговата охридска екипа ги препејаа и хитовите на популарното дуо, со свои комични текстови, од кои публиката „зајдуваше“ од смеење. Снимената касета со песните ( тогаш немаше ЦД –а) во средината на 90-те, се смета за најтиражниот музички производ и апсолутно најпродаваниот носач на звук (плоча, касета, ЦД) на сите времиња во историјата на Македонија, покрај првата касета на „Ристо Бомбата и Кучешка тенија“.

По ликот на „Џемо – Биљбиљ“ следуваат ликот на началникот во театарско хумористичниот ТВ серијал „Штаб“, одново со охридската театарска екипа. Комично-политичка пародија на состојбите во општеството. „Ѓоре – Шнајдерот“ е следниот ТВ лик кој Стојановски ќе го игра, лик кој низ „делењето памет“ преку „ мисли и мудрости од малиот мозок“ на размуабетениот кројач ќе му ја врати „one man show“ популарноста на актерот одржувајќи го меѓу познатите ликови во ТВ етерот. https://www.youtube.com/watch?v=maM531Fpsu8 Минуваат години, во меѓувреме Горан Стојановски станува еден од основачите на Охридскиот театар, подоцна и директор на центарот за култура во Охрид.

2014 година ТВ Алфа го враќа ликот на Џемо-Биљбиљ на екраните, но популарноста не е ниту оддалеку онаква каква што некогаш беше.

Чиновничката работа огледана во директорувањето се повеќе го ограничува и му дозволува да се занимава со актерскат професија, се' додека не се појави ситкомот „Преспав“. Ликот на вишиот околиски инспектор Томе одново ќе му ја воскресне популарноста на актерот чиј лик ќе стане „заштитен знак“, еден вид огледало на работата и однесувањето на државната администрација во македонското општество.

И покрај сета популарност сиве овие години, особено изразена по трите сезони на „Преспав“, Горан Стојановски остнува верен на традиционалните вредности и сопствената етика. Затоа воопшто не ги користи социјалните мрежи, нема ниту Фејсбук ниту Инстаграм профил, зашто смета дека сето тоа нема смисла.

„Нема потреба со некого да се допишувам, кога можам да кренам телефон и да му се јавам и да се договорам да се видиме, ако има што да си кажеме. На фејсбук е едно, а во живо сосема друго“ – ќе изјави во едно свое интервју по ова прашање денес популарниот инспектор Томе. https://www.youtube.com/watch?v=oL-1Uo8k5Qk&t=1s

Актерот Горан Стојановски или Инспектор Томе од „Преспав“ го седнаа на распит (ВИДЕО)

Антонио Димитриевски — Wed, 23 Dec 2020 11:25:07 +0000

За него важи правилото дека е постојано познат и популарен, ама ултрапопуларен станува на секои 10 години… Ќе се појави како некој нов лик, ќе направи бум, ќе ја освои нацијата со својата нова улога која ќе му донесе енормна популаност и наеднаш преку ноќ повторно ќе исчезне, ќе го снема. И се' така, до следното појавување, до следната улога... Главна или споредна сеедно, неа тој секако умее да направи голема... А и таа него?! Последниве години, откако постои хумористичниот ТВ серијал, македонскиот ситком „Преспав“ сите го препознаваат како инспектор Томе. Некои го знаат и од порано како Џемо Биљбиљ, а ние, а и оние што го следат театарот и тетарската уметност во Охрид, го знаеме како актерот Горан Стојановски. Токму тој беше на распит во магазинот од зад сцената, „Бекстејџ“. Да може да одбере кому би му се заблагодарил во животот, кој му е најголемиот страв, без кои три работи не излегува од дома, што мисли за пластичната хирургија, Скопје или Охрид, Лила или Марјана, Цеца или Карлеуша... и уште сто и една работа, што досега не сте ја знаеле за него, дознајте ја од прва рака. Инспекторот ги кажува на соочувањео со камерата и микрофонот, очи в очи со водителката во „магазинот од зад сцената“, во видеораспитот на единствениот “државен службеник“ во пансион „Преспав“! https://www.youtube.com/watch?v=HiFSNDO5XvI

Лекција од инспектор Томе како се лепат казни во време на корона (видео)

Слободанка Илиева — Thu, 09 Apr 2020 07:05:01 +0000

Нема таков што не е засгнат од коронавирусот, а бидејќи социјализација нема, замена е вирутелното дружење. Познато е дека требаше да се снима петтата сезона на македонскиот ситком „Преспав“, но корона стави кочница и „ги затвори вратите“ на пансионот. Марио, Миле и Ула, Тони од обрќањето наречено „ТВ Училница“ се огласија во време на пандемија. Прв беше Марио, потоа Миле, Ула, Талат,Тони, за сега на нацијата да и се обрати и инспектор Томе кој има своја метода во вонредна состојба. -Инспектор Томе секогаш на терен! Строго се контролира дали граѓаните ги почитуваат мерките и дали децата гледаат ТВ Училница. Мислете му ја - пишува во најавата на негпвото обраќање. Погледнете што има да ви каже:

View this post on Instagram

A post shared by Преспав (@pansionprespav) on Apr 8, 2020 at 12:49pm PDT

Во серијата „Преспав“ ја имаше улогата на инспектор Томе, а сега Горан Стојановски откри детали од животот кои сигурно не сте ги знаеле

Христина Ѓоргиевска — Thu, 02 May 2019 07:36:33 +0000

Третата сезона на серијата „Преспав“ ја освои македонската публика. Горан Стојановски во серијата „Преспав“ ја имаше улогата на инспкетор Томе кој имаше задача да го проверува пансионот по одредена пријава и да „напише“ казна.

View this post on Instagram

A post shared by Преспав (@pansionprespav) on Jan 31, 2019 at 10:56am PST

Горан гостуваше емисијата „Бекстејџ“ во рубриката „21 прашање“, а во истата откри детали од неговиот приватен живот кој сигурно не сте ги знаеле. Ние ви оделуваме дел од тие интерсни прашања. На прашањето дали постои нешто од кое се плаши, Горан одговори дека се плаши од настап пред луѓе.

На прашањето да одбере меѓу Скопје и Охрид, тој одговори: „Скопје бидејќи имам многу пријатели и можеш многу бргу да се договориш. Охрид само поради природа и затоа што не можеш да се договориш“ вели Горан. Тој одговори дека неговото прво пијанство било на 17 години кога го славел неговиот 17ти роденден.

На прашањето кога ја изгубил неговата невиност, актерот одговори: „Пред да одам во војска“. На темата за секс на една вечер, актерот вели: „Не мислам на тоа. Што е тоа? Ќе одиш ќе легнеш со некој и утре ќе станеш „оф што направив. Јас знаеш во верувам? Во личност, да ја гушнеш, да се пожалиш“. На прашањето да бира меѓу Лила Филиповска и Марјана Станојковска, тој вели дека ги бира двете, а меѓу Цеца и Карлеуша ја одбра Цеца. Стојановски откри дека плачел на 4 април бидејќи поминале 20 години од смртта на неговата мајка. Инаку, се шпекулира дека ќе има и четврта сезона на серијата „Преспав“, а дали ќе биде така и дали повторно Горан ќе го гледаме како инспектор Томе останува да видиме.

Инспектор Томе од „Преспав“ има свој двојник… во татко му на Боки 13? (ФОТО)

Антонио Димитриевски — Sat, 02 Mar 2019 10:54:04 +0000

Речиси нема човек кој некаде таму или тука близу, нема свој двојник на светот. Иако по физикус идентични можат да бидат само близнаците, па дури до крај ни тие, сепак луѓето си имат свои „копии“ кои помалку или повеќе се верни на оригиналот. Само прашање е кој е оригиналот? Обично, ако сте јавна личност, славен лик, позната фаца, медиумска ѕвезда и слично, луѓето во вашиот лик го препознаваат оригиналот, па доколку наидат на некој друг кој личи на Вас, тој за нив е „копијата“.

Е сега, ликот на актеропт Горан Стојановски некогаш познат како Џемо - „Биљбиљ“, или сега по најново, инспектор Томе од популарната македонска ТВ серија „Преспав“, на сите им е добро познат! Ама на малкумина им е познато дека и тој, како и многумина, има свој двојник. Добро, човекот е нашто малку постар од него, за нијанса повозрасен, ама сепак неодоливо потсетува во ликот на охридскиот актер. И ништо чудно ниту невообичаено не би имало во тоа, доколку и тој не е познат. Или барем, татко на позната личност.

Имено, газда Миле е еден од сопствениците на новата „1ТВ“ и биолошки татко на нејзиниот најекспониран лик, Бојан Јовановски, попознат како Боки 13. Или едноставно кажано, Миле -татко му на Боки, во ликот недоливо потсетува на инспектор Томе, односно актерот Горан Стојановски.

Ех, сега само остана дилемата кој е „копијата“, а кој „оригиналот“, со оглед дека едниот е попознатиот, ама затоа пак ниту другиот не е тотален анонимус, а башка е и повозрасниот, што значи дека прв дошол на овој свет? Миле Јовановски или Горан Стојановски? Газда Миле од „1ТВ“ или инспектор Томе од „Преспав“, не е важно. Важно е дека... ТОЈ е ликот!