горан симјаноски – Вистина.мк

Александра Јанева со музичка посвета до сите манипулатори – „Утрото ќе промени се“ (ВИДЕО)

Антонио Димитриевски — Wed, 31 May 2023 06:30:52 +0000

Доволно храбра да наметне нови стандарди и доволно своја и автентична да влијае на прогресот и трансформацијата на поп кулутрата кај нас. Таа дефинитивно е една од најталентираните и најуникатните женски вокали што некогаш се појавиле на македонската музичка сцена. Нејзиното име е Александра Јанева и токму таа, на јавноста и го претстави своето ново музичко парче кое го носи насловот „Утрото ќе промени се“, а со својот глас и чиста емоција и овој пат никого не остави рамнодушен. Оваа песна беше затворена во фиока повеќе од една година, го чекавме вистинскиот момент за да ја објавиме и еве конечно дојде. „Секој стих од мојата музика е вистинска приказна. 'Утрото ќе промени се' зборува за тоа дека понекогаш е подобро да кажете не и да кажете доста е, затоа што тоа е половина здравје. Ми требаше многу време и храброст да научам да кажам не и да се борам за она што е добро за мене. Затоа што кога ќе го научите тоа, ќе ви биде многу полесно во животот. Барем мене ми е“ - вели Александра. И за овој проект Александра работеше со одбрана екипа. Зад текстот се потпишуваат Драги Величковски - Тајзи и Лазар Цветкоски, музиката е на Александра и Лазар, а видеозаписот го потпишува Горан Симјаноски. Во маестралноста и квалитетите на Александра Јанева досега се имаме уверено многупати. А сигурни сме и дека она што допрва ќе го чуеме од неа ќе биде исто толку добро и емотивно како и се што досега има сработено. Во продолжение слушнете ја „Утрото ќе промени се“, песна за која сме сигурни дека ќе сакате да ја слушате одново и одново.

Теа Трајковска во новата музичка крими приказна едноставно – „Гори“ (ВИДЕО)

Антонио Димитриевски — Tue, 05 Apr 2022 09:50:12 +0000

Црн џип, замаглени стакла, киднапирано момче во багажник, леплива лента преку устата и врзани раце се дел од крими-приказната на познатата пејачка Теа Трајковска. За среќа ова се само кадри од видеоспотот за новата песна со наслов „Гори“. Ова е нејзиното најново музичко остварување, а како за претходните песни, така и за ова, таа се потпишува како автор на текстот, додека пак музиката и аранжманот се дело на нејзиниот долгогодишен соработник, познатиот продуцент Лазар Цветкоски. Теа за првпат соработуваше со младиот и талентиран режисер Горан Симјаноски, а покрај Трајковска, улоги во спотот имаат и Роберта Цветковска (соучесник на Теа) и Филип Самарџиев (жртва). „Гори“ е еден од моите најдраги проекти и песна во која многу верувам и ја сакам уште од денот кога имаше само една строфа, а рефренот го направивме цела година подоцна. Мислам дека со спотот одлично го доловивме „вајбот“ и енергијата на песната, а најзадоволна сум затоа што успеавме да направиме стилска промена со Лазе и покрај седум години работење заедно и многу песни позади нас – вели Теа. Нормално, Теа не запира тука. Таа веќе работи на следниот музички проект, а ако се земе во предвид нејзината музичка историја, факт е дека таа е една од највредните артисти на нашата естрада. Слушнете, погледнете и уживајте:

На Лара Иванова не и е важно – „Кој е сега крив“ (ВИДЕО)

Антонио Димитриевски — Mon, 22 Mar 2021 13:35:56 +0000

Новата музичка надеж во Македонија, Лара Иванова пред помалку од три месеци ја промовираше песната „Некогаш ќе помине“ кој оттогаш, па се до денес е при врвот на топ листите на речиси сите радиостаници. На Јутјуб оваа песна на Лара брои половина милион прегледи, што навистина е бројка за почит и на неа може да подзавидат повеќето нејзини поискусни колеги. Но, сега е време за нешто ново од младата Лара. Таа вчера, недела 21 март 2021 год. на социјалните мрежи ја промовираше својата најнова песна со наслов „Кој е сега крив“? Станува збор за уште една нумера во сличниот „вајб“ како и нејзината претпоследна композиција, но сепак нешто ново и интересно. Се разбира, тимот кој победува не се менува, па така и овојпат како автор на музиката и аранжманот се потпишува Иле Спасев, додека текстот е дело на Робин Зимбаков. Лара вели дека е презадоволна од соработката со Иле и Робин и дека ќе продолжи и понатаму. „По промовирањето на песната ,,Некогаш ќе помине” и прекрасните реакции и пофалби од публиката и медиумите, нѐ обзеде креактивна енергија која ја искористивме да создадеме нови композиции, меѓу кои е и ,,Кој е сега крив’’. Се надевам дека публиката ќе ужива и во оваа нумера и дека ќе ни испрати повторно енергија за да продолжиме да работиме со истото темпо“ - вели младата пејачка. Инаку Лара и за оваа нумера соработуваше со младиот режисер Горан Симјаноски, кој успеа да создаде уште една интересна видеоприказна. Лара и нејзиниот тим уште отсега го најавуваат и следниот проект и тоа повторно за само неколку месеци, а дотогаш слушнете ја и уживајте во нејзината најнова песна и видеото за истата насловени „Кој е сега крив“? https://www.youtube.com/watch?v=KvPqyJbMCEY

Валери избриша сè и стави – „Крај“ (ВИДЕО)

Антонио Димитриевски — Tue, 02 Jul 2019 09:41:23 +0000

Лаунџ-барот „Етаж“ во нејзиниот роден град Велес, беше локацијата каде младата пејачка Валери Димовска деновиве ја промовираше својата нова песна и видео со наслов „Крај“.

Станува збор за авторско дело на самата Валери и нејзиниот веќе редовен соработник и сограѓанин, композиторот, аранжер, текстописец и продуцент Темелко Андреев, со кого заеднички ја потпишува песната, а сето тоа го визуелизирал во музичко видео Горан Симјаноски.

Покрај авторските песни, Валери на сцената е актуелна и со повеќе соработки и гостувања, како што се дуетот со Нешо и соработката со дуото „Сирилик“, а полека го собира и материјалот за нејзиниот прв албум.

Зошто Валери одлучи да избрише сè и да стави „Крај“, дознајте во продолжение.

https://www.youtube.com/watch?v=1a_s251Ug-Q