горан папаз – Вистина.мк

Горан Папаз и Влатко Стефановски музички го овековечија – „Овој момент“ (ВИДЕО)

Антонио Димитриевски — Tue, 24 May 2022 08:28:10 +0000

Саксофонистот Горан Папаз објави нова инструментална тема и видео насловена „Овој момент“, на која како специјален гостин се појавува легендарниот македонски гитарист и композитор, Влатко Стефановски. Аранжманот и продукцијата на песната се на Гоце Симоноски, мастерингот е на Лазар Цветкоски каде во неговото и студиото на Танче Грозданоски е снимена темата, а музиката е на Горан Папаз. Видеото е изработено од страна на нашиот познат режисер и сценарист Гоце Цветановски. „Не можам да опишам со зборови колку ми значи ова парче музика на кое ми гостува човекот кој никого не' оставил рамнодушен со неговото свирење. Бескрајно сум благодарен на маестро Влатко Стефановски и на сите што работеа на овој проект“ - напиша на својот Фејсбук профил Папаз. Во продолжение проследете ја темата „Овој момент“ на Горан Папаз:

Горан Папаз и Даз Флоу заедно во „Знам“ (АУДИО)

Антонио Димитриевски — Thu, 30 May 2019 11:50:46 +0000

Горан Папаз и Даз Флоу (Дарко Иваноски) повторно ги здружија силите во уште една заедничка тема, песна која е насловена – „Знам“!

Папаз се потпишува и како автор на музиката, стиховите се на Дарко, а аранжманот, продукцијата и гитарата се на Танче Гроздановски, со кого Горан го подготви и најавениот заеднички проект, албумот „Елегија“.

„На 19 мај 2011 година ја направив мојата прва песна ’Разбуди се’, на која ми гостуваше моето другарче Даз Флоу. Осум години подоцна си го пронајдов другарчето во Малта и направивме нешто ново за ова лето. Ќе има и трето во иднина, сигурен сум“ - напишал Папаз претставувајќи ја новата песна.

Како звучи сето тоа јас „Знам“, а преслушајте ја па дознајте и Вие: https://www.youtube.com/watch?v=C6j3Mw_iREk

Папата пристигна во Скопје, еве која македонска фолкерка ќе му пее вечер (ФОТО)

Антонио Димитриевски — Tue, 07 May 2019 07:30:58 +0000

Папата пристигна во својата прва официјална посета на Македонија и нејзината метропола, Скопје. Дочекот како што прилега - со сите почести, како и безбедноста - на највисоко ниво! Агендата на движење и активности горе-долу позната, ама сепак има нешто што до сега никој не го знаеше. Кој ќе му свири и пее на високиот и уважен гостин?

Добро, беше познато и веќе објавено дека охридскиот саксофонист Горан Папаз заедно црковната музичка група „Агапе“ ќе му свири на папата Франциск во каточичката црква во Скопје каде ќе се претстават со три композиции.

Арно ама, никој не знаеше или знаеше ама не кажа, кој ќе го забавува папата во вечерните часови, се' додека не се јави таа, македонската фолкерка која во приказните на својот Инстаграм профил ја откри големата тајна.

Токму таа, Сања Сани Гроздановска ќе пее таму каде што вообичаено пее, а таму вечер ќе дошол и папата!

Се разбира, итрата и досетлива Сани ја искористи посетата на папата за да се пошегува правејќи си добра реклама и најава за себе и својот вечерашен настап во познатиот скопски локал каде вообичаено настапува во вторник.

Сите што ќе дојдат, како и секогаш - ќе имаат што да слушнат, а Бога ми и видат. А дали ќе го видат папата? Папата многу веројатно дека нема да дојде на „тезга“ кај Сани, ама затоа таа вешто ја искористи неговата посета за да ги привлече и повика сите други, меѓу кои можеби ќе бидат и некои што денес беа околу папата!

Горан Папаз ќе му свири на папата

Антонио Димитриевски — Mon, 06 May 2019 11:48:23 +0000

Охриѓанецот Горан Папаз ќе свири пред папата Франциск за време на неговата посета на Скопје на 7 мај. На покана од Католичката црква, Папаз ќе биде специјален музички гостин и ќе настапи пред папата. Настанот ќе се одржи во дворот на католичката црква „Пресвето срце Исусово“ околу 14.30 часот, кадешто папата ќе има екуменска и меѓурелигиска средба со младите. Папаз ќе биде гостин на црковната музичка група „Агапе“ и тие ќе се претстават со три композиции. „Ова за мене е огромна чест и награда за целиот досегашен труд“ - вели музичарот.

(АУДИО) Од родителската љубов на Горан Папаз произлезе „Damian“

Слободанка Илиева — Wed, 13 Jun 2018 10:39:16 +0000

Родителството ги буди најубавите чувства во човекот кои за ништо друго на свет не ги доживува. Така е и за младиот саксофонист Горан Папаз кој од своето синче доби инспирација да ја создаде темата насловена „Damian“. Покрај Папаз кој се потпишува како автор, аранжманот и продукцијата се на неговиот колега Гоце Симоновски со кого соработуваа и за „Разбуди се“ која беше објавена пред седум години. Оваа мелодија наедно е неајава за новиот музички проект на саксофонистот кој треба да биде финализиран следната година. Дотогаш, слушнете ја аудио верзијата на „Damian“, од тато Папаз. https://www.youtube.com/watch?v=g59e6Ulv8lw