Горан Мицевски – Кус – Вистина.мк

„Brass Brothers“ со „инструментална експлозија“ ќе ве измрдаат од место со – „Balkan Mayhem“ (ВИДЕО)

Антонио Димитриевски — Fri, 15 Oct 2021 12:21:19 +0000

„Brass Brothers“ се музичка група формирана пред осум години и функционираат како бенд препознатлив по динамичните, живи настапи. Момчињата од бендот се враќаат на македонската музичка сцена со серија од нови синглови од нивниот прв албум. Овие денови тие ја промовираат нивната нова песна „Balkan Mayhem“, која во исто време е и носечка на истоимениот албум. Новото издание е инструментален експлозивен спој на дувачки инструменти со драм ен бејс, Балкан бит и џангл стил олицтворени во нивната фуриозна свирка, фантастично ја доловува силната, набиена атмосфера од живите изведби на еден од најенергичните македонски бендови. Музиката одново ја потпишува Горан Мицевски Кус, додека аранжманот на песната е заедничко дело на Ненад Тодоровски – Todd Haze, Ристе Шандаров и Горан Мицевски Кус. Balkan Mayhem е снимена во студио Алшар во Скопје, додека Микс и Мастеринг се изработени од Пауло ПГ од Бразил. Огромен придонес во музичката реализација на Balkan Mayhem имаат и долгогодишните музички брас соработници на Brass Brothers: Стефан Тасевски – Соло Алт Саксофон, Иван Трајковски – Тенор Саксофон, Илија Мицев – Соло Труба, Стефан Илиев – Труба и Александар Нинич – Туба. Како и останатите музички изданија на Brass Brothers и “Balkan Mayhem” e достапна за преслушување и купување на сите светски дигитални платформи и дигитални музички продавници.

„Brass Brothers“ за рака ве водат низ нивниот музички свет во – „Take My Hand“ (ВИДЕО)

Антонио Димитриевски — Tue, 20 Jul 2021 12:51:18 +0000

Македонскиот бенд „Brass Brothers“ деновиве ги објави својата нова песна и видеозапис „Take my Hand”. Песната ја следи динамичната енергија по која бендот е веќе препознатлив и на светската сцена. „Take my Hand” е уште еден одличен спој на дувачки инструменти и моќни вокали, збогатен со иновативни примеси нa Drum and Bass Liquid Funk. Со позитивната енергија, карактеристична за бендот, песната ни ја пренесува најмоќната порака, дека љубовта е таа што ќе не одржи во овие предизвикувачки времиња. Текстот и музиката ги потпишува Горан Мицевски Кус, додека аранжманот на песната е заедничко дело на Ненад Тодоровски – Todd Haze, Ристе Шандаров и Горан Мицевски Кус. Видео записот е изработен со финансиска поддршка од Република Клуб Ресторан од Кичево, на кој „Brass Brothers“ им изразуваат посебна благодарност. „Take my Hand” е третиот сингл од нивниот авторски албум „Balkan Mayhem” и e достапна за преслушување и купување на сите светски дигитални платформи и дигитални музички продавници. „Brass Brothers“ оваа година издадоа две авторски песни “Inseparable” и “Winner”, кои се најдоа на повеќе странски музички листи.

„Brass Brothers“ ја снимија првата авторска песна во вистинско… „Време – невреме“ (ВИДЕО)

Антонио Димитриевски — Thu, 27 Feb 2020 13:39:05 +0000

Еден од најпопуларните бендови во нашата земја, атракцијата од Битола, „Brass Brothers“ конечно ја израдуваа многубројната публика со своја авторска песна. Песната носи наслов „Време – невреме“ и верувајте, ова е песна која сме сигурни дека ќе ја ставите веднаш на вашата плеј-листа. „Време – невреме“ е песна на која како автори на текстот се потпишуваат Елена Тодосиоска и Дејан Марковски, музиката е на Горан Мицевски – Кус, а аранжманот е на познатиот пејач Димитар Андоновски. Видеото пак го изработија „Concept Production“ од Битола. „На ваше барање, а на наше огромно задоволство ви ја преставуваме нашата прва авторска песна. Последиците од невремето кое го живееме и револтот кој го изразуваме во „Време – невреме“ ,не сакаме да бидат искористени од страна на актуелните политички опции и се оградуваме од истите.Главната порака е : „СО ЉУБОВ ДА ПОБЕДИМЕ” – велат момците од „Brass Brothers“. Тие нема да застанат само на оваа песна. Веќе се подготвува и втората, а дотогаш нив може да ги видите и слушнете буквално во секој град од нашата земја, бидејќи овие момци важат за најдобрите „мајстори“ за забава! Погледнете го спотот и преслушајте ја „Време - невреме“: