горан бреговиќ – Вистина.мк

„Леб и сол“ и Горан Бреговиќ на иста сцена, токму како и некогаш, овој пат во СЦ „Јане Сандански“

Антонио Димитриевски — Wed, 28 Feb 2024 13:50:03 +0000

Во далечната 1977 година Леб и сол и Бијело дугме прв пат застанале на иста сцена, и тоа во Скопје, но не и последен, зашто следувале уште неколку заеднички дружби ширум целата поранешна држава. Сега, после речиси 47 години следува реприза, но не како тогаш на Градски стадион, туку во СЦ „Јане Сандански“, и тоа на големиот славенички концерт на Бреговиќ закажан на 23 март. Во годината кога се одбележуваат јубилејни 50 години од основањето на легендарните Бијело дугме и на само еден ден после прославата на 74. роденден – Горан Бреговиќ, најголемата рок легенда на балканските простори, ќе одржи концерт во Скопје. Славеничкиот концерт е закажан на 23 март во спортскиот центар „Јане Сандански“, а за загревањето на атмосферата на истиот, баш како некогаш ќе бидат задолжени членовите на Леб и сол. 60-минутниот настап на Леб и сол ќе биде своевидно патување низ времето и враќање во далечната 1977 година кога членовите чекајќи го миксањето на деби албумот за ПГП РТБ ја добиле понудата да бидат предгрупа на „бандата“ на Бреговиќ. Овој настап бил исклучително важен за подигањето на самодовербата на членовите на Леб и сол, кои биле дел и од концертите во Сараево, Нови Сад и белградскиот кој бил своевидно испраќање на Бреговиќ во тогашната ЈНА. Бреговиќ во Скопје овој пат доаѓа со својот „Оркестар за свадби и погреби” за, како што вели, заедно со македонската публика онака како што доликува да ги прослави двата убави поводи – роденденот и јубилејот. „Спектаклот нема да изостане и ‘ко не полуди, тај није нормалан’“, вели Брега во својата порака до домашната публика. Влезниците за големиот солистички концерт во Скопје може да се купат преку https://www.kupikartizase.com/ и на сите нивни продажни места, и тоа по цени од 1.200 денари за партерот, 1.800 за фанпитот, сребрените и златните седишта чинат 1.400 и 1.800 денари, додека влезницте за вип делот се 2.500 денари.

Брега донел итна одлука за продажба на луксузниот имот на Босфор

Слободанка Илиева — Wed, 21 Feb 2024 11:54:28 +0000

Музичарот Горан Бреговиќ пред десет години купи луксузна вила во Истанбул. Недвижностите во овој дел на Истанбул чинат околу милион и пол евра, а Бреговиќ за својот платил дури два милиони. Сепак, засега не е познато колку го продал. Имотот, кој бил во сопственост на семејството Бреговиќ, гледа на теснецот што ги дели Европа и Азија од една страна, а шумата од друга.

View this post on Instagram

A post shared by Goran Bregović (@goran_bregovic_official)

- Пред извесно време се зборуваше дека Брега има куќа овде во Истанбул, но моето знаење е друго. Никој од нашите луѓе не поседува недвижен имот во тој дел на Босфорот, па најверојатно го продал својот. Не ги знам деталите, но го знам целото маало. Овде живеам 30 години и би знаел дека се уште има куќа. Сум го сретнал неколку пати со пријатели во ресторани на европскиот брег на Босфор, но последниве години го немам видено овде во Истанбул - истакнува изворот за Информер.рс Да потсетиме, Бреговиќ има куќи и воопшто недвижен имот низ разни крашита - во Белград, Црна Гора, Париз, Загреб, Сараево... Меѓу другото, популарноста на Брага донесе и соработката со Емир Кустурица на филмовите „The Hanging House“, „Arizona Dream“ и „Underground“. фото:Instagram printscreen/ goran_bregovic_official

Горан Бреговиќ со концерт во Скопје ќе го прослави својот 74-ти роденден

Слободанка Илиева — Fri, 16 Feb 2024 12:46:29 +0000

Бреговиќ во Скопје доаѓа со својот „Оркестар за свадби и погреби” за, како што вели, заедно со македонската публика да ги прослави овие два убави поводи – роденденот и јубилејот. Горан Бреговиќ со концерт во Скопје ќе го прослави својот 74-ти роденден Бреговиќ во Скопје доаѓа со својот „Оркестар за свадби и погреби” за, како што вели, заедно со македонската публика да ги прослави овие два убави поводи – роденденот и јубилејот. Во годината кога се одбележуваат јубилејни 50 години од основањето на легендарните Бијело дугме и на само еден ден пред 74. роденден – Горан Бреговиќ, најголемата рок легенда на балканските простори, ќе одржи концерт во Скопје. Славеничкиот концерт е закажан на 23 март во спортскиот центар „Јане Сандански“. Бреговиќ во Скопје доаѓа со својот „Оркестар за свадби и погреби” за, како што вели, заедно со македонската публика да ги прослави овие два убави поводи – роденденот и јубилејот. Бијело дугме е основано во Сараево во 1974 годна со тогашниот вокал Жељко Бебек, тапанарот Ипе Ивандиќ и клавијатуристот Владо Правдиќ. Првиот албум „Кад би био бијело дугме“ им донесе голема популарност поради мешањето на хард рок музиката со балканскиот фолк. Бреговиќ денес живее во Париз и е еден од најпознатите светски музичари. Има настапувано во најпрестижните сали како „Ројал Алберт хол“ и „Карнеги Хол“, а пишува и филмска музика, свет во кој влезе по Бијело Дугме. Особено впечатливи се неговите соработки со Емир Кустурица, а музиката која носи јужнословенски и ромски теми е фузија на популарната музика со традиционалната полифона музика од Балканот, со тангото и дувачките орекстри. „Не носете подароци, вие сте мојот најголем роденденски подарок. Дојдете затоа што спектаклот нема да изостане и да – ‘ко не полуди, тај није нормалан’“, вели Брега во својата порака до македонската публика, која на 23 март ќе има уникатна можност во една вечер да ги слушне најголемите хитови на овој музички гениј. Влезниците за големиот солистички концерт во Скопје може да се купат преку https://www.kupikartizase.com/ и на сите нивни продажни места, и тоа по цени од 1200 денари за партерот, 1800 за фанпитот, сребрените и златните седишта чинат 1400 и 1800 денари, додека влезницте за вип делот се 2500 денари. (МИА)

Тага во семејството на Горан Бреговиќ: Неговата ќерка Уна ја сподели жалната вест (ФОТО)

Антонио Димитриевски — Tue, 19 Dec 2023 13:01:27 +0000

Жал ви тага во семејството на Горан Бреговиќ, фронтменот на „Бијело дугме“. Почина неговата баба, поточно мајката на неговата сопруга Џенана. Информацијата на социјалната мрежа ја сподели Уна Бреговиќ која со потресни зборови се прости од својата мила баба. „Оваа недела, 17 декември, изгубив една од моите најдраги души. Мојата најдобра пријателка, мојот најголем извор на инспирација, мојата прекрасна баба, му го подари на светот последното чукање на срцето. Таа зад себе остави толку заглушувачки ехо на тишина што денес ми е тешко да ги напишам овие зборови“ – напиша таа. „Ти благодарам, Бахрија Шосиќ Суџука, што твојот хумор и харизма, твојата страст за модата и уметноста, твојата детска и дарежлива душа им ги пренесе на другите. Господ да те благослови, да те помилува и да ти ги отвори вратите на ангелите. Што се однесува до мене, ветувам дека ќе продолжам да те правам горда на оваа смртна планета. Те сакам и секогаш ќе те сакам моја кралице, Уна, Нанина Вила“ - напишала Уна.

View this post on Instagram

A post shared by Una Bregovic🫧🪸 (@enfant1digo)

Фото: Инстаграм/goran_bregovic_official/enfant1digo

„Еден месец живееше во мојата куќа!“: Весна Змијанац откри тајна чувана со децении (фото)

Слаѓана Атанасова — Fri, 24 Nov 2023 08:03:59 +0000

Весна Змијанац не крие дека низ годините имала многу додворувачи, а повеќето од нив биле многу богати. Сепак, пејачката ги шокираше сите кога проговори за Горан Бреговиќ. Таа по паузата поради здравствени проблеми се врати на голема врата, а при гостувањето во емисијата „Амиџи шоу“ проговори и за колегите. Имено, во емисијата на Амиџи, Весна коментираше кои се нејзините најдобри момчиња. Така, покрај Здравко Чолиќ Чола, Франо Ласиќ, Владо Калембер, таа го избра и Бреговиќ, а потоа раскажа досега нераскажана приказна и откри дали била и со Брега. - Брега е цар. Никогаш не сме биле заедно. Тој соработуваше на еден албум со мене. Дури и кога дојде од Сараево, живееше во мојата куќа. Потоа му ја дадов мојата куќа на Бежанијска коса и тој остана таму еден месец. Мислам дека бев премногу за него и затоа не му се допаднав - рекла Весна, а сите во студиото останале занемени од нејзиното признание, па продолжила: - Чола е ок, но Брега е Брега. Да ви кажам искрено, Брега е луд тип, но мене лично ми е премногу сладок. Инаку, Весна зборуваше и за неодамнешната интервенција во емисијата и призна дека сега се чувствува добро, но дека внимава на исхраната, дури и ако одвреме навреме зема терапија. Фото: Принтскрин/Instagram/vesna_zmijanac_official

Весна Змијанац откри детали за односот со Горан Бреговиќ: „Му ja дадов цела куќа“

Слободанка Илиева — Wed, 22 Nov 2023 11:10:01 +0000

По паузата поради здравствени проблеми, Весна Змијанац се врати на голема врата, а за време на гостувањето во емисијата „Амиџи шоу“ проговори и за колегите. Таа во рубриката „Или-или“ откри досега непознати детали за врската со Горан Бреговиќ. Задачата беше да се изберат најдобрите момци од поранешна Југославија , а таа без размислување го издвои Брега. Весна уште на почетокот се изјасни и го избра Горан во споредба со еден од најголемите познавачи на тоа време. - По ѓаволите! Затоа што тој е цар! - рече Весна. - Дали некогаш те заведе? - праша Огњен. - Не! Тоа не е! Тој ми ја направи продукцијата на еден албум, соработувавме. Кога дојде од Сараево дојде во Белград, му ја дадов цела куќа на Бежанијска Коса - одговори Весна и продолжи дека го бира Брега. Кога Брега беше „во дуел“ со Здравко Чолиќ, пејачката не се поколеба туку само се насмевна и рече:

View this post on Instagram

A post shared by AmiG Show (@amigshow)

- Тој е премногу сладок! Брега е еден зезнат тип - додаде Весна не штедејќи се воопшто. фото:Instagram/goran_bregovic_official/vesna_zmijanac_official/AmiG Show

Нејзиниот татко има милиони, а таа своите услуги ги наплатува 20 евра: Еве со што се занимава ќерката на Бреговиќ (фото)

Слободанка Илиева — Thu, 16 Nov 2023 10:50:59 +0000

Горан Бреговиќ со децении е во среќен брак со Џенана, некогаш една од најубавите сарајки. Имаат три ќерки - Ема, Лулу и Уна, со кои можат да се гордеат бидејќи сите се успешни во своите професии. Интересно е што сите три се различни религии, кои самите ги избрале. Од родителите го наследиле сето најдобро - добар изглед од мајка, талент од татко. Најстарата, Ема, магистрирала ликовни уметности во Нант, а нејзините дела можевме да ги видиме на изложби во Белград. Средната ќерка Уна (21) избра актерство, додека најмладата Лула, која во мај наполни 19 години, е заинтересирана за модата и дизајнот. Но, ако и се верува на последната објава на Инстаграм, таа изработува нокти. Поточно со цртање на ноктите уметнички. Како што наведува во објавата, таа работи во својот дом (во Париз), а не во салон, па ги „предупреди“ клиентите кои се алергични на мачки да го имаат на ум тоа. Како што гледаме на фотографиите, нејзините нокти се прилично долги и имаат интересни мотиви, па очигледно е вешт мајстор. Ценовникот не е тајна: дизајнирањето на природни нокти чини 20 евра, за гел комплет треба да одвоите од 30 до 40, во зависност од големината, додека целосниот слободен стил чини 45 евра. Лула има и интересен моден стил, а очигледно е љубител на тетоважи. Фотографијата приложена на нејзиниот Инстаграм е секси и провокативна, па оттука ќерката на Брега дополнително станува се поинтересна за јавноста, особено за посилниот пол, ако оваа фотка воопшто е лично нејзина. фото:Инстаграм принтскрин/-chris-jackson-getty-images

Песните од новиот албум на Горан Бреговиќ – „Папокот на светот“ се темелат на верски литургии

Антонио Димитриевски — Sat, 20 May 2023 08:19:31 +0000

Горан Бреговиќ, еден од музичарите со најдолг стаж на овие простори, кој всушност е многу повеќе од тоа. Овој композитор, текстописец, аранжер и продуцент, активен e повеќе од 50 години и стана еден од меѓународно најпознатите композитори од овие простори, а штотуку го најави новиот албум „The Belly Button Of The World“, т.е. „Папокот на светот“. Подеднакво пофален и оспоруван, Бреговиќ стекна невидена слава со „Бијело дугме“, а во вториот дел од кариерата Бреговиќ успеа да се избори за своето место под сонцето на светската сцена во многу жестока меѓународна конкуренција. Со оглед на тоа што не можеше да оди на турнеја за време на пандемијата, Горан ја искористи можноста да сними албум од пет дела, напишан за три соло виолини, симфониски оркестар, секстет од машки гласови и секако за неговиот Бенд за свади и погреби. Со новиот албум, Бреговиќ го спојува креативното јадро на неговото еклектично и вечно неочекувано музичко патување. За албумот дизајнирал три лирски приказни засновани на христијанска, еврејска и муслиманска литургија. Музичките приказни ги изведуваат солисти со меѓународна кариера Мирјана Нешковиќ, Гершон Лејзерсон и Зиед Зуари. Сите песни се напишани, компонирани, аранжмани и продуцирани од Горан Бреговиќ. Листа на песни на „The Belly Button Of The World“: 1 – The Belly Button Of The World (08:46) 2 – A Moment Of Melancholy (04:50) 3 – A Christian Tale (13:14) 4 – A Jewish Tale (11:50) 5 – A Muslim Tale (13:19) Албумот е достапен на онлајн платформите од 19 мај, а во продавниците се очекува да се појави на крајот на месецот.

Горан Бреговиќ е љубовџија и по стари години: Две негови љубовници се степале во хотел во Париз

Антонио Димитриевски — Tue, 21 Mar 2023 10:01:00 +0000

Горан Бреговиќ иако со години е во стабилен брак, доживеа жени да се караат и тепаат за него. Како што дознава„ Курир.рс“, инцидентот се случил во Париз, кога водачот на Оркестарот за свадби и погреби најпрвин имал тајна врска со едната, а потоа и со другата девојка. Со месеци бил во паралелна врска со двете жени. Обете му се допаѓале, секоја на свој начин и не можел да ги остави.

Кога едната дознала за другата настанал хаос, се степале па обезбедувањето во хотелот едвај успеало да ги раздвои. 72 годишниот Брега има имот во Париз каде престојува, а им изнајмува хотел на своите љубовници. Кога за скандалот дознала неговата сопруга, музичарот извесен период не бил во контакт ниту со една од девојките, но кога страстите стивнале, тој одвреме-навреме повторно се гледаал со двете љубовници.

Ален Исламовиќ ја откри причината зошто ја обожава српската престолнина (фото)

Слаѓана Атанасова — Wed, 18 Jan 2023 09:16:09 +0000

Ален Исламовиќ за Стара Нова година им пееше на белграѓани, заедно со Горан Бреговиќ и Тифа. Тој истакнал дека тоа не му било во плановите, но му е драго што е во српската престолнина. Јас сум како Бинго, подарок за Белград, затоа што беа најавени Горан и Тифа, јас имав друга покана, но ми беше откажана, па ми се јави Брега. - Среќна Нова православна година на сите, да се сите живи и здрави и да доаѓате на нашите концерти и во оваа година - рече Исламовиќ и додаде: - Го сакам Белград, тука го отслужив воен рок, ги знам сите улици и плоштади - изјавил пејачот. Фото: Принтскрин/ТВ Пинк