горан алачки – Вистина.мк

Горан Алачки реагираше: „Од загубата на мојата мајка Натка не правете циркусијада од изјави на мои бивши членови на фамилијата Алачки, кои лажно го носат тоа презиме“

Антонио Димитриевски — Thu, 15 Sep 2022 08:48:13 +0000

Познатиот македонски музичар, ценетиот хармоникаш Горан Алачки, пред неколку дена на својот профил на социјалните мрежи, објави дека се упокоила неговата мајка Натка, а неговите роднини и пријатели му упатија зборови со израз на длабоко и искрено сочувство. Поранешната сопруга на Горан Алачки, пејачката Адријана која се прослави и као ТВ водителка со готвачкиот едиторијал „Вкусот н традицијата“, на својот профил на социјалните мрежи, се прости од својата некогашна свекрва и објави заеднички фотографии, на кои се гледа дека се дружеле во ТВ шоуто. „Со голема тага и силна болка ја примив веста за смрта на мојата свекрва, Натка Алачка. Беше борец, силна, одлучна, но тивка и кревка. Беше пример за сопруга, мајка, баба, пријател. Со неа поминав многу долги години од мојот живот, ми беше поткрепа во животните метежи, се радувавме и плачевме заедно и секогаш ќе ми останат сите нејзини совети како една книга оставена во аманет. Беше прекрасна, грижлива и посветена баба на моите деца. Секогаш велеше,, терај си ја работата, јас сум тука”. Сега веќе не си тука, но вечно ќе живееш во нашите срца, спомени и времиња. Твоето име ќе се спомнува, затоа што остави добри дела позади себе. Беше столб во семејството, не дозволуваше ниту една бура да те разниша, секогаш беше со главата горе, горда и достоинствена. Сеуште го паметам мирисот на твоите малешевски зелници, пишии и твоите кадн’ки…никој не знаеше подобро од тебе…ти благодарам за СЕ!!! Летај кај ангелите, светол да ти е патот, почивај барем сега во мир! Лесна ти земја, божествена мајко“ - напиша во прошталниот статус од својата некогашна свекрва, бившата снаа. Но, веднаш потоа Горан Алачки , синот на покојната и бившиот сопруг на Адријана, вчера, ги замоли медиумите да не прават циркус од упокојувањето на неговата мајка, со тоа што објавуваат статуси од негови поранешни членови на семејството. Исто така Горан како што самиот вели, неговата мајка била всушност длабок разочарана од дотичната личност, потоно од нејзината некогашна снаа Андријана. „Почитувани медиуми… Ве молам.. Од загубата на мојата мајка Натка Алачка не правете циркусијада од изјави на мои бивши членови на фамилијата Алачки, кои лажно го носат тоа презиме и го користат во комерцијални цели и прават театар од тоа… Оставете ја мојата мајка да почива во мир и спокој… Мојата мајка последните години од животот, беше длабоко разочарана од таа личност која сега пишува поезија за неа…“ - стои во неговиот пост на Фејсбук“. Инаку Горан Алачки уште во 2019 година реагираше неговата поранешна сопруга Адријана да престане да го користи и како што тогаш рече, злоупотребува презимето Алачки, тврдејќи дека презимето Алачки го користи само заради популарност. „Презимето Алачки не смее никој да го злоупотребува. Време е медиумите да не го употребуваат моето презиме конектирано со мојата бивша сопруга која го користи мојот бренд за медиумска популарност, моето презиме. Нејзиното презиме е Атанасовска. Инаку таа никогаш не била Алачки туку Алачка во сите исправи и во пасошот”…Ви благодарам! – порача тогаш Горан, а наедно ја прозва и поранешната сопруга за корекција на презимето преку јавните гласила и социјалните мрежи. Инаку по нивниот развод љубовниот живот на Андријана во кулоарите , па и некои медиуми се врзуваше за името на сопственикот на еден познат етно комплекс-ресторан во Македонија, додека Горан вплови во љубовна врска со новинарката Марина Дојчиновска. Фото: Фејсбук принтскрин/Goran Alachki/Adrijana Alacki

Пред 4 месеци екс-сопругот Горан ја прозва Адријана дека го користи неговото презиме за популарност, а таа за промената ни да чуе

Слободанка Илиева — Thu, 21 Feb 2019 08:44:58 +0000

Пред четири месеци, поранешниот сопруг на ТВ водителката и пејачка Адријана, хармоникашот, Горан Алачки, во изјава за Свет Австралија упати порака до медиумите, но и неговата поранешна сопруга Адријана која според него презимето Алачки го користи за популарност.

Презимето Алачки не смее никој да го злоупотребува. Време е медиумите да не го употребуваат моето презиме конектирано со мојата бивша сопруга која го користи мојот бренд за медиумска популарност, моето презиме. Нејзиното презиме е Атанасовска. Инаку таа никогаш не била Алачки туку Алачка во сите исправи и во пасош”…Ви благодарам! – порача тогаш Горан, а наедно ја прозва и поранешната сопруга за корекција на презимето преку јавните гласила и социјалните мрежи.

Сепак, такво нешто не се случи. Иако поминаа четири месеци од оваа негова изјава, кај Адријана нештата стојат по старо.

На социјалните мрежи Инстаграм и Фејсбук, Адријана се уште е Алачки, а не Атанасовска.

Инаку, поминаа седум години откако Адријана и Горан се разведоа, а тој сега е во среќна љубовна врска со новинарката Марина Дојчиновска.

Горан Алачки „удри“ по поранешната сопруга Адријана: „Го користи мојот бренд за медиумска популарност“!

Слободанка Илиева — Fri, 19 Oct 2018 07:15:16 +0000

Поминаа седум години откако Горан Алачки и Адријана повеќе не се заедно и ставија крај на бракот од кој имаат две деца и едно внуче. Македонија е доста посмирена кога се во прашање разводите и брачните бури за разлика од оние на познатите во регионот, но ете и кај нас некогаш се случува нешто да отскокне на оваа тема.

View this post on Instagram

A post shared by Adrijana Alacki (@adrijanaalacki) on Sep 9, 2018 at 3:34pm PDT

Имено, во медиумите ТВ водителката и пејачка Адријна е позната како Алачки, а пак нејиниот екс –сопруг Горан одлучи да открие дека тоа воопшто не му се допаѓа, а Адријана го користи презимето за медиумска популарност. Тој во изјава за Свет Австралија вели: “Презимето АЛАЧКИ не смее никој да го злоупотребува. Време е медиумите да не го употребуваат моето презиме конектирано со мојата бивша сопруга која го користи мојот бренд за медиумска популарност, моето презиме. Нејзиното презиме е Атанасовска. Инаку таа никогаш не била АЛАЧКИ туку АЛАЧКА во сите исправи и во пасош”…Ви благодарам! Дали Адријана ќе му возврати на поранешниот сопруг со свој став, останува да видиме.

Горан Алачки и Марина Дојчиновска во љубовна идила: Хармоникашот и водителката разменуваа нежности во Бразил (ФОТО)

Антонио Димитриевски — Wed, 17 Oct 2018 07:19:47 +0000

Маестро Горан Алачки, композитор кој важи за еден од најдобрите школувани македонски хармоникаши. Како во изворниот фолклор, така во новосоздадената песна, но и во класиката, за него нема тајни меѓу дирките на инструментот што се растегнува - хармониката!

Но се чини дека растргнат помеѓу обврските и неговиот приватен живот по разводот со некогаш познатата фолк пејачка, денес најпознатата ТВ готвачка Адријана („Вкусот на традицијата“), со која во брак беа повеќе од 25 години, малку се експонираше себе си во јавноста. Можеби професионално, но приватно ништо се се зборуваше за него и неговиот живот по разделбата со сопругата со која има две деца, од кои ќерката неодамна се породи, па Горан во меѓувреме стана и дедо на прекрасно внуче.

Таа пак, во 90-ите и на почетокот на новиот милениум беше една од најекспонираните македонски ТВ водителки и новинарки на неколку национални и локални телевизи, за потоа да исчезне од ТВ екраните. Но Марина Дојчиновска по премрежјата во својот живот, се појави во животот на разведениот маестро и судбината ги спои неа и него: Марина Дојчиновска и Горан Алачки.

Животот и после разводот секако мора да продолжи, но се чини дека познатата двојка нашле нов пат до среќата, па ако својата љубовна идила на почетокот ја споделувале само со најблиските, сега ја обзнанија преку социјалните мрежи и медиумите.

Очигледно дека нивната љубов е во фаза на „цветање рози“, па моментите на вљубеност и среќа ги покажаа преку постираните фотографии.

Изборот на дестинацијата повеќе од егзотичен, зашто магијата на Бразил, неговите бескрајни песочни плажи, волшебната панорама на Рио, самбата и карневалскиот амбиент го прават ова место латино рај за вљубените.

А Марина и Горан, како вистински латино љубовници од латиноамериканските ТВ серии, разменуваа нежности во секоја можна прилика, на секое место од споменатата дестинација.

Горан вљубен и среќен како во тинејџерските денови, а Марина иако далеку од тинејџерските години, покажа дека се' уште изгледа како да е во нив. Стројна става, вито тело, бисер заби, затегнато лице бело... вистинска дама со лик и стас на млада мома!

Дури и од фотографиите се гледа дека среќата на двата познати македонски лика, од нив извира и блика. Белким овој пат, љубовната романса ќе потрае... Можеби и довека, а зошто да не?!