голден карпет – Вистина.мк

Миро Кацаров од „Златниот тепих“ директно на „Жешко столче“: Од ‘Бекстејџ’ си заминав зашто од некој што е пилот на авион сакаа да ме сведат на шофер на комбе!“ (ВИДЕО)

Антонио Димитриевски — Wed, 27 Dec 2023 07:01:19 +0000

Роден штипјанец, кој веќе две децении живее и работи во македонската престолнина. Пошироката јавност го запозна уште на самите почетоци како водител и новинар на најгледаниот ТВ магазин „Бекстејџ“ во кој беше една од алките на првата екипа. Подоцна замина, за одново да им се врати по нивниот “ривајвал“, каде со Миа Костова беа главните ТВ ликови во ТВ магазинот „од зад сцената“. Но, не издржа долго и овој пат, па желбата за сопствена продукција и своја емисија очигледно беше посилна од „излог на ТВ магазинот“ да се биде само „уште една цигла во Бекстејџ ѕидот“, па Мирослав Кацаров или како што сите го знаат како Миро си замина и набргу застана пред камерите на сопствениот „Златен тепих“ - емисијата која како една од ретките од естрадно - забавен карактер и со такви содржини и ден денес оди во македонскиот телевизиски етер. За „штипјанчето“ во Скопје, за заканите, растежите и падовите во кариерата, за тоа кого никогаш не би поканил во емисија и кој има одбиено да му гостува, дали и колку тазе сопругата Ивана му го сменила животот, како и каде ја запознал, како ја прифатил нејзината ќеркичка од првиот брак која со нив живее и дали работи на семејна принова, за свадбената забава која несомнено била гала, ама дали и „гага“... Како и за многу други помалку познати или сосема незнаени нешта, Миро ја отвора душата пред камерата на Никола Трпковски и неговите „жешки прашања“ на „Жешко-то столче“. Што се' кажа Миро Кацаров, кого се' прозва и во какво беше ставен искушение, проследете од видото во продолжение:

„Голден карпет“ во новата сезона со ново студио и нова екипа: Моника – постарата ќерка на Светлана и Мики Црнокрак е новата водителка во шоуто (ФОТО)

Антонио Димитриевски — Thu, 26 Oct 2023 07:00:44 +0000

Една од најгледаните забавни емисии на „Канал 5“, „Голден карпет“ на 5 ноември, недела во 19 и 30 часот започнува со новата четврта сезона, во која се најавуваат многу позитивни промени како и ексклузивни гости, игри, предизвици и ново студио. Изминативе години во „Голден карпет“ ги гледавме најпопуларните музичари, највлијателни доктори, најуспешните актери, најтрофејните спортисти и најеминентните политичари од Македонија и регионот. Како и до сега Миро Кацаров е домаќин, а друштво и оваа година ќе му прават две дами кои ѝ се добро познати на македонската јавност. Инфлуенсерката Ивана Јанковска останува во тимот, а се приклучува мисицата Моника Црнокрак на која ова ѝ е прво телевизиско искуство. Комичарот и актер Бојан Велевски исто така го засилува тимот со своја рубрика која ќе ја има секоја недела во 19 и 30. Инаку Моника е постарата од двете ќерки на Светлана и Мики Црнокрак, сопственици на најпознатото модно студио кај нас, која наследувајќи ги не само гените за убавина туку и дарот за занимавање со манекенство. Во манекенските води има освоено и неколку титули за убавина. Паралелно со тоа, младата наследничка студираше и на Економскиот факултет при државниот универзитет „Св. Кирил и Методиј“ во Скопје, каде пред две години, поточно во ноември 2021 година дипломираше со чиста 10-ка и себеси, но и на семејството Црнокрак му донесе уште едно признание и голема радост. Останува да го проследиме нејзиното телевизиско деби на „златниот килим“на кој се надеваме дека ќе му даде новаводителска свежина! Фото: Приватна архива

Ведрана Ѓорѓевиќ повеќе не е дел од „Голден карпет“: Водителката си замина, Миро Кацаров најавува нов концепт – манекенки, пејачки, спортистки, инфлуенсерки… во улога на водителки (ФОТО)

Антонио Димитриевски — Tue, 31 Jan 2023 08:33:24 +0000

Она што беше најавено, се случи... Атрактивната Ведрана Ѓорѓевиќ повеќе не е водителка на естрадниот магазин „Голден Карпет“ кој се емитува на Канал 5 телевизија. Водителката си заминала од емисијата поради оправдани причини, е офицалното соопштение на организаторите организаторите. Неофицијално, висината на нејзиниот хонорар почнала да станува проблем, откако во оваа држава спонзорите кои и онака се доволно „исцицани“ од политиката, се помалку се заинтересирани за инвестирање во забавата! Од друга страна информациите говорат дека иако заминува, Ведрана Ѓорѓевиќ брзо ќе се врати на ТВ екраните. Или барем во медиумскиот бизнис, зашто како што наголемо се зборува во естрадно-медиумските кулоари, еден голем мобилен оператор од соседството кој веќе е влезен во Македонија и нуди телекомуникациски и интернет услуги, а наскоро отвора и своја телевизија, па Ведрана ќе биде едно од првите ТВ лица во тој нов голем проект!? Во меѓувреме, таа во една своја изјава вака го искоментира своето заминување од „златнот тепих“: “Дел бев од “G-Carpet” додека траеше договорот на моите спонзори, а тоа е крајот на јануари. Ако имате такви сознанија од неофицијални извори, верувам дека ви било кажано зошто нема да соработуваме повеќе. Не станува збор за некакво недоразбирање со Миро, не знам од каде сето тоа, тоа се само шпекулации. Што се однесува за стартување на нов тв проект, секако тоа не е исклучено, но за сето тоа ќе Ве известам кога ќе дојде време за тоа. Сега главниот фокус ми е снимање на реклами, имам и сопствена продукција и постпродукција va_dventure е нашиот официјален профил на Инстаграм кога можете посетете го истиот и видете со што се занимавам“ – ќе потврди убавата водителка. Во меѓувреме посилната половина од водителското дуо и авторот на проектот, Миро Кацаров не седеше со скрстени раце, но не се ни обиде да и најде постојана замена на Ведрана, туку пристапи кон еден друг концепт. Имено, манекенки, пејачки, спортистки, инфлуенсерки.... во иднина ќе бидат во улога на водителки н „Голден Карпет“! Со нов концепт кој гледачите за прв пат ќе имаат можност да го видат и искусат во Македонија во февруари стартува еден поинаков „Голден Карпет” на Канал 5 телевизија. Концепт кој како што вели организаторот, гарантира забава со најпознатите јавни личности од регионот. По разделбата со Ведрана која го напушта магазиниот, „Голден Карпет“ продолжува со нов уникатен концепт на овие простори - во секоја емисија со нова водителка. „Секоја недела ќе ги замениме улогите со една јавна личност од понежниот пол која ќе ја добие можноста да биде од другата страна на микрофонот и да се испроба во водителскиот свет. Токму затоа секоја недела на Канал 5 телевизија во „Голден Карпет“ заедно со Миро прашањата ќе ги поставува позната личност од македонскиот шоу- бизнис и модниот свет“ - порачуваат од тимот на Кацаров. Оттука се наметнува сомнежот дека сепак гласините за „секнувањето на чешмата“ кога е приливот на спонзорите во прашање е можеби главната причина за заминувањето на водителката? Зашто новиот концепт во себе содржи „гратис водење за една употреба“, што секако мошне ја олеснува финансиската состојба и не го загрозува опстанокот на „Златниот тепих“, кому во поинаква консталација на односите, можеби и му се закануваше негово „завиткување и пакување“... во заборав! Вака, по „Златниот тепих“ и понатаму ќе чекорат познатите, популарни и селебрити фаци... Отсега, само во друштво на Миро Кацаров! Инаку, „Џи - Карпет” започна со емитување во 2020 година, во екот на корона пандемијата, и за овие 3 години стана препознатлив и еден од најгледаните ТВ Магазини со солиден рејтинг во македонскиот етер. Нудеше забава, смеење, ексклузивни приказни, познати фаци за гости и несекојдневни содржини, кои овој пат ќе бидат спакувани во новиот концепт на „Голден Карпет” кој и понатаму ќе се емитува секоја недела во 19:30 часот на Канал 5 телевизија. Фото: Инстаграм принтскрин/vedrana_edrana/miroslavkacarov

Како да ја допрело магично стапче: Милена Антовска на два месеци по породување се појави пред камери во минич, а нозете… (фото)

Слободанка Илиева — Thu, 10 Mar 2022 08:20:57 +0000

Точно на празникот Василица или пред речиси два месеци, ТВ водителката Милена Антовска- Станковска по вторпат се оствари како мајка. Таа на свет донесе уште една ќерка која го доби името Јоана. Иако моментално ги живее едни од најбурните мајчински денови од почетокот на животот на бебето, Милена успеа да најде време и да се организира и среди за да гостува на телевизија кај колегите Миро Кацаров и Ведрана Ѓорѓевиќ во шоуто „Голден карпет“. Многу мајки во постпартум периодот немаат храброст да ја истакнат својата линија, но Милена нема проблем и дилема со тоа, напротив, нејзе како да ја допрело магично стапче...

View this post on Instagram

A post shared by MILENA ANTOVSKA STANKOVSKA♑ (@milena_antovska)

Облечена во елегантно, но секси издание од сако и кусо здолниште кое придонесе да ги покаже долгите и витки нозе. Очигледно нема на себе грам вишок, па самодовербата е на високо ниво, а тоа дека блеска се гледа и од нејзиното лице. Иако неколку месеци не се појавила на телевизија, овој пат уживаше што повторно е пред објктивите, особено што токму во „Голден карпет“ ја откри бременоста со Јоана.

По неколку месечна телевизиска илегала што би рекол мојот драг колега Мирослав Кацаров еве ме како гостинка во „Г Карпет“, на Канал 5 телевизија, Ведрана Ѓорѓевиќ како и секогаш одлични домаќини, а мене ми беше задоволство првото појавување на телевизија после породувањето да биде во нивната емисија, бидејќи токму кај нив и кажав дека сум бремена со Јоана. Гледајте не во недела во 19:30, го најави мама Милена своето гостување.

View this post on Instagram

A post shared by MILENA ANTOVSKA STANKOVSKA♑ (@milena_antovska)

Какви детали ќе открие во неделното издание, а и како тоа успеа на само два месеци по породување да изгледа вака, како се снаоѓа со бебето, но и со првата, сега постара дадичка Лана Марија, останува да проследиме... фото:Инстаграм/Милена Антовска