годишнина од брак – Вистина.мк

Татјана Лазаревска и Сања Лефкова имаа различен повод за славење на ист датум: Едната пејачка ги брои заедничките, другата годините на својот сопруг (ФОТО)

Антонио Димитриевски — Tue, 28 Mar 2023 08:25:22 +0000

Едни велат годините се за броење, зашто во какви времиња живееме на секоја нова треба да и се радуваме, други пак велат дека годините се само бројка, која е апсолутно неважна, зашто поважно е како ги живееш, а не колку ги имаш. Та биле тоа годините кои секој од нас ги слави на денот што го чекаме цела година или годините на заедничко живеење со оној, со кого си го одбрал да векуваш! Токму два такви поводи за славење имаа две наши познати пејачки, на кои заеднички именител не им е само музиката и пеењето, туку и животот надво од родната Македонија. Едната позната фолкерка, другата поп пејачка, но обете пред извесен број години решија да заминат од Македонија на различни страни на светот. Татјана Лазаревска со својот брачен сопатник и колега Новица Василевски пред десеттина години замина на гурбет во далечната Австралија. Естрадно-брачната двојка бргу добро се снајде, па и сега заедно со своите деца живеат таму настапувајќи и веселејќи ги нашите сонародници на свадби, крштевки, за празници, слави, имнедени родендени и разни веселби и други свечености... Но, овој пат токму тие имаа лична причина за славење, поточно Новица кој го славеше својот роденден. Бројки не споменуваме, ама затоа вредно е да се спомене јавната честитка која неговата сакана животна сопатничка Татјана му ја упати преку социјалните мрежи. на неа тој и таа на заедничка фотографија од Австралија на која пејачката испишала: „Среќен роденден љубов моја“! Покрај фотографијата во нејзиниот опис Татјана додала: „Голема е сраќата некој да те запознае и да дели моменти со тебе... Привилегија е да те гледа... Чест е да те сака... И да има личност покај себе како тебе... Среќен роденден Новица Василевски“. И сето тоа го опсипала со емотикони од срценца. Сања Лефкова додека живееше во Македонија имаше неколку забележителни фестивалски настапи и неколку поп хитови, но откако стапи во брак со својот избраник Мики Христов, некогашен скопски угостител, го смени презимето, животот, а и земјата на живеење. Обајцата тргнаа в потрага по сопствената среќе надвор од Македонија, поточно по Европа, за во последно време да се скрасат со своите деца во Германија. Деновиве пејачката и нејзиниот сопруг имаа убав повод за славење... И тоа заеднички... Годишина од нивниот брак. И тоа не било која туку округла бројка - 10 години заедно во брачна заедница. Сања ниту заборави, ниту пропушти да го одбележи за неа важниот јубилеен датум, па меѓуостанатото и јавно тоа го обзнани на својот Фејсбук со посвета на денот и институцијата во која со нејзиниот сакан, засега минаа заедно една деценија. „Од едно искрено пријателство до една ера заедно во љубов и разбирање... Плус две прекрасни дечиња Никола и Лукас... Среќна 10-годишнина... Те сакам“ - споделила пејачката покрај фотографиите со својот брачен сопатник. Два разчлични поводи за славење на ист датум, за различни нешта... Важно е да се убави и секако... Да им се множат годините! Нека им е со среќа! Фото: Инстаграм принтскрин/Tatjana Lazarevska/Sanja Hristova (Lefkova)

Гоца и Раша прославија годишнина од брак: Пејачката испрати емотивна порака (фото)

Слаѓана Атанасова — Wed, 21 Sep 2022 07:28:38 +0000

Пејачката Гоца и тапанарот Раша прославија седум години од брачниот живот. Гоца во оваа прилика ја фотографираше торта во форма на срце и на емотивен начин му ја честиташе годишнината на својот сопруг. - Сакан мој, среќна седма годишнина. Од сè срце ти честитам што ме трпиш сите овие години (вкупно 11). Те сакам – порача Гоца преку социјалните мрежи. Набргу потоа и Раша ја сподели истата објава на својот Инстаграм профил, а неговите следбеници им посакаа среќа, како и да останат заедно „барем пет пати подолго“. Да потсетиме, Тржан и Новаковиќ својата емотивна врска ја започнаа во 2011 година, а се запознаа кога тој дојде на аудиција да биде член на нејзиниот пратечки бенд. За малку ќе добиеше отказ од истиот кога почна да се доближува до пејачката, но како одминуваше времето Гоца се помалку беше имуна на неговото додворување. Парот набрзо се сврши, а потоа стапна на „лудата карпа“ во 2015 година. Тие живеат во хармонична заедница со Лена, ќерката на Тржан од разведениот брак со ветеранот на реалити Иван Маринковиќ. Фото:Принтскрин/Инстаграм/Гоца Тржан/Часлав Вукојичиќ

Бубе Јаневска ретко го покажува сопругот, но сега сподели фотографија со саканиот и имаа посебен повод за славење (фото)

Христина Ѓоргиевска — Wed, 06 Oct 2021 07:36:22 +0000

Водителката Бубе Јаневска - Ивановска важи за една од најзгодните водителки, посебно откако се стави на режим на исхрана според нутриционист и ја доведе својата линија до совршенство. Бубе освен што имаме прилика да ја гледаме на ТВ екраните на Канал 5 телевизија, таа е активна и на „Инстаграм“ каде што понекогаш знае да сподели фотографии кои најчесто се од нејзиното работно место. Неодамна, започна 15-та сезона на утринската програма „Здраво Македонијо“ на Канал 5 телевизија, а Бубе блеска во новото студио. Водителката на својот „Инстаграм“ сподели колаж фотографија на која е таа од 2008 година па досега во студиото на Канал 5. Кога станува збор за приватниоит живот, Бубе не го експонира својот сопруг и ќеркичката, но понекогаш знае да направи исклучок и да објави по некоја фотографија, посебно кога има некој повод. Така беше и овој пат. Имено, Бубе и нејзиниот сопруг Александар годишнина од бракот, поточно кажано 8 години заеднички живот. Јаневска во кусите приказни на „Инстаграм“ објави нежна објава од неа и сопругот. На фотографијата сопругот ја бакнува водителката во чело, а во описот таа напиша: „Ти и јас, 8“, мислејќи на тоа колку години се во брак. За потсетување, венчавката на Буба и Александар се случи пред 8 години, а потоа во животот и добија ќеркичка. Бубе на венчавката беше од елегантните невести во венчаница со едноставен крој кој ја следи линијата на телото, како и едноставно пуштена коса украсена со венче.

Сека Алексиќ славеше 10 години од бракот, а на Вељко му порача: „Само што пончавме“ (фото)

Слободанка Илиева — Mon, 14 Sep 2020 09:12:22 +0000

Српската фолк пејачка Сека Алексиќ и нејзиниот сопруг Вељко Пиjкиќ денес прославија десет години брак. Еден од најхармоничните парови на сцената, кој има два сина, Јаков и Јован, се пофали со мал јубилеј на Инстаграм. „Само што започнавме“, напиша Сека со заедничка фотографија, а потоа ја покажа подарокот што го доби од нејзиниот сопруг.

View this post on Instagram

❤️

A post shared by SEKA ALEKSIĆ (@seka_aleksic) on Sep 12, 2020 at 6:00am PDT

Вељко уште еднаш покажа дека е голем џентлмен, па на својата сопруга и подари скапоцен златен прстен за годишнината, а таа подоцна се пофали со огромен букет цвеќе.

Елена Петреска јавно искажа емоции кон сопругот, а потоа следуваа и грст честитки (фото)

Христина Ѓоргиевска — Mon, 20 Jul 2020 07:11:17 +0000

Македонската пејачка Елена Петреска во 2012 година заплива во брачните води со нејзиниот избраник Андреј Толевски. Поминаа 8 години откако Елена му кажа „да“ на својот сакан и започнаа заеднички живот. Свадбата на тогашниот пар се случи во еден скопски ресторан каде и го склучија и граѓанскиот брак. Од бракот тие ги имаат децата Михаил и Софија, а Петреска ужива во секој момент во со своето семејство. Деновиве, таа пак имаше убава причина за славење и радување. Имено, Елена и Андреј славеа годишнина од брак. Токму по тој повод, Петреска јавно искажа емоции кон својот сакан. На својот „Инстаграм“ таа сподели заедничка фотографија, а во описот напиша: „Јас видов дека си совршен и те засакав. Потоа, видов дека не си совршен и те засакав уште повеќе. Среќна годишнина љубов“. Под објавата се нижеа грст честитки на адреса на Петреска посакувајќи им нивната љубов да трае вечно. Инаку, Елена се повлече од естрадата и Петреска работи во Македонската опера и балет

Еве што Филип Живојиновиќ и подари на Александра за годишнина од бракот (фото)

Христина Ѓоргиевска — Mon, 22 Jun 2020 08:15:53 +0000

Александра Пријовиќ и Филип Живојиновиќ вчера (21.06.2020) прославија две години од бракот. По тој повод мајката на Филип, мајката на Александра, но и Лепа Брена се огласија на социјалните мрежи јавно честитајќи им ја годишнината. Александра и Филип овој ден го одбележаа на свој начин, а Живојиновиќ на својата сопруг и подари букет од цвеќе. Таа со букетот во раце позираше во краток тексас фустан и високи чизми. Потсетуваме, парот минатата година во март го доби синот Александар, а оваа година поради пандемијата не можеа да направат забава по повод првиот роденден.

Сестрата на Цеца славеше 15 годишнина од брак, а еве како пејачката и нејзината ќерка Анастасија им честитаа (фото)

Слободанка Илиева — Fri, 08 Nov 2019 08:08:10 +0000

Цеца Ражнатовиќ и честиташе на сестрата Лидија за годишнината од бракот, а внуката Анастасија и се придружи во честитката. Во краткото видео што го сподели пејачката преку Инстаграм, се гледа како Лидија е во прегратките на сопругот Предраг и заљубени како првиот ден ги гледаат најубавите моменти од заедничкиот живот на големото платно во домот, сеќавајќи се низ што поминале. „Среќно за првите 15 години брак!“ напиша Цеца, која отсекогаш била многу блиска со својата сестра која до неодамна живееше во вилата на Ражнатовиќ. "Ве сакам!" додаде таа. "Тетка и Цоле, среќна 15-годишнина од бракот!" се приклучи Анастасија на честитките. На прославите и убавите моменти кај Ражнатовиќ им нема крај, а за неколку дена ќе се случи и големата свадба на Вељко и Богдана.

Велат дека се разведува, а еве каква фотографија сподели Бекам на годишнината од бракот (фото)

Моника Манасиевска — Thu, 05 Jul 2018 13:50:30 +0000

Гласините кои пред неколку дена како бомба одеканаа во јавноста, по се се чини дека се невистинити. Имено пред неколу денови извор близок до семејството Бекамови, тврдеше дека пред 19- годишнината од брак, парот се разведува. Сепак Бекаови, денеска слават 19 годишнина од брак, а Дејвид на социјалните мрежи и ја честиташе годишнината на својата сопруга Викторија. Тој на својот Инстаграм профил сподели фотографија од нив двајцата и напиша: „19 години...ова време пред 19 години бев облечен во виолетово од глава до пети... Среќна годишнина на најневеројатната сопруга и мајка...Те сакам“, притоа ги тагна и нивните 4 деца, а со оваа објава Бекам ја демантираше веста дека тие се разведуваат. Фотографијата за помалку од 20 минути има 500.000 лајкови, а фановите пресреќни им честитаа.

Ова е премногу за Луна: Слоба и Киа завршија во кревет во хотелска соба (видео)

Христина Ѓоргиевска — Tue, 15 May 2018 08:35:41 +0000

Учесниците во реаланото шоу „Задруга“ вчера славеа годишнина од бракот, па тој повод тие го напуштија реалното шоу. Киа Коцкар и Слоба Радановиќ претходната ноќ ја поминаа во хотел, каде што прославија годишнина од брак. Киа прва отиде во кревет, а потоа и се придружи и Слоба. Меѓутоа, ништо не се случи меѓу нив. Киа си легна на својата, а Слоба на својата страна. А неколку минути подоцна, Слоба под изговор дека му е топло се премести на двоседот каде што и спиеше во текот на ноќата. Погледнете како изгледаше. https://www.dailymotion.com/video/x6jjs8v