Годишна изложба на „Друштвото на ликовни уметници“ од Битола

Антонио Димитриевски — Wed, 14 Jul 2021 08:58:47 +0000

Друштвото на ликовни уметници од Битола вечер ќе ја презентира традиционалната годишна изложба на која љубителите на ликовната уметност ќе може да видат 42 дела од 32 македонски автори. Ликовните дела се изработени во период од 2020 до 2021 година, а според востановената традиција организаторот ќе ја додели и престижната награда „Борислав Траиковски“ за најдобро ликовно остварување. Изложбата ќе биде отворена до 19 јули, а меѓу другите автори, битолчани ќе може да ги погледнат и најновите дела на Илија Кочовски, Панде Петровски, Драган Најденовски, Стефан Малбашиќ, Анастасија Петрова, Дејан Макаријоски….како и на гостите Тони Чатлески, Новица Трајковски, Ѓорги Димитров и Илија Маџаров. Ликовната изложба има продажен карактер и средствата од продадените слики ќе се користат за хуманитарни цели, но и за одржување часови по ликовна уметност за деца и возрасни.

Годишна изложба на ДЛУМ во „Мала Станица“ на која учестуваат 57 автори

Антонио Димитриевски — Tue, 20 Oct 2020 12:42:46 +0000

Годишната изложба на Друштвото на ликовни уметници (ДЛУМ) ќе се отвори вечерва, 20 октомври 2020 година, во 19 часот во објектот „Мала Станица“. На отворањето ќе може да присуствуваат ограничен број посетители, а изложбата ќе биде поставена и ќе може да се види до 30 октомври. На изложбата учествуваат 57 автори, членови на ДЛУМ, кои се претставуваат во категориите сликарство, скулптура, графика и нови медиуми. Наградата за сликарство ја доби Мирослава Микица Трујкановиќ за делото „Молитвеник за сите“, наградата за скулптура - Слободан Милошески за „Запознавајќи се себеси“, а наградата за нови медиуми ѝ припадна на Ана Ивановска за делото „Без здив“. Годишната изложба на ДЛУМ се одржува од 1945 година.

годишна изложба – Вистина.мк

Годишна изложба на „Друштвото на ликовни уметници“ од Битола

Годишна изложба на ДЛУМ во „Мала Станица“ на која учестуваат 57 автори