Гоце Симоноски – Вистина.мк

Горан Папаз и Влатко Стефановски музички го овековечија – „Овој момент“ (ВИДЕО)

Антонио Димитриевски — Tue, 24 May 2022 08:28:10 +0000

Саксофонистот Горан Папаз објави нова инструментална тема и видео насловена „Овој момент“, на која како специјален гостин се појавува легендарниот македонски гитарист и композитор, Влатко Стефановски. Аранжманот и продукцијата на песната се на Гоце Симоноски, мастерингот е на Лазар Цветкоски каде во неговото и студиото на Танче Грозданоски е снимена темата, а музиката е на Горан Папаз. Видеото е изработено од страна на нашиот познат режисер и сценарист Гоце Цветановски. „Не можам да опишам со зборови колку ми значи ова парче музика на кое ми гостува човекот кој никого не' оставил рамнодушен со неговото свирење. Бескрајно сум благодарен на маестро Влатко Стефановски и на сите што работеа на овој проект“ - напиша на својот Фејсбук профил Папаз. Во продолжение проследете ја темата „Овој момент“ на Горан Папаз:

Роберт Вукелиќ и Дејан Станковиќ во љубовен триаголник за летна жешка авантура – “Безобразно” (ВИДЕО)

Антонио Димитриевски — Mon, 27 Jul 2020 11:10:41 +0000

Со потенцијал за да биде вистинско летно музичко освежување на нашата домашна сцена , песната “Безобразно" конечно деновиве добива своја видеопромоција , во која се раскажува интересна приказна за една девојка како блефира и заведува паралелно две момчиња. Приказната има интересен заплет и убави моменти, а што е тоа што е безобразно, ќе дознаете кога ќе го погледнете видеото. „Спотот е сниман уште пред да започне корона епидемијата , но се се одложуваше и конечно се решивме да го пуштиме бидејки летото ќе ни помине . Се снимаше во Охрид во еден од најубавите и најатрактивни хотели - „Лаки“, во македонскиот езерски бисер“ - велат Роберт и Дејан. Текстот е на Дејан и Роберт , музиката и аранжманот се на Гоце Симоноски. За стајлингот на видеото се погрижи добро познатата Викторија Бурсаќ ,која веќе долг период се грижи за многу познати личности на естрадата и шоубизнисот како кај нас така и во соседството. Во видеото женската улога на заводничка и припадна на младата, убава, згодна и атрактивна манекенка, Елена Ѓорговска . „Наскоро може да очекувате и нешто ново, се надеваме дека ќе им се допадне нашата песна на луѓето низ насмевка“ - порачаа Wolf i Deks и ве канат премиерно да го погледнете видеото: https://www.youtube.com/watch?v=pIh7lzH78Zc&feature=share&fbclid=IwAR3sky14P3jhaZO9NygMzSxd1n_UOH1WtigkwyHichw_Z9EgVD0UciliQdo

Стефан Стојановски со љубовна понуда – „Земи го срцево“ (ВИДЕО)

Антонио Димитриевски — Fri, 21 Feb 2020 11:50:14 +0000

Уште едно младо момче на македонската естрада тргна да го бара своето место под ѕвездите. Младиот пејач Стефан Стојановски ја промовираше својата авторска песна „Земи го срцево“, која ја во јавноста ја пласираше со видеоспот. Песната е комплетно авторско дело (текст, музика и аранжман) на Јован Василевски, додека мастерингот го изработиле Гоце Симоноски и Јован Василевски. Видеозаписот на песната во вид на интересна љубовна приказна на двајца млади е реализиран од „Red Central Production“, а режијата на видеотот ја потпишува: Ѓорѓе Богдановски. Директор на фотографија бил Ненад Велковски, додека во спотот, покрај пејачот главната улога на млада љубовна двојка ја имаат двата модели: Никола Милосковски и Камелија Панзевска. Видеото е снимано дел нна Широк Сокак во Битола, дел на снежните падини на Пелистер. Како сето тоа изгледа и звучи, проследете подолу: