Македонската „Ѕвезда на Гранд“, Гоце Бошковски со песна за сите што живеат во – „Искинати спомени“ (ВИДЕО)

Антонио Димитриевски — Mon, 28 Sep 2020 12:08:20 +0000

Прилепчанецот Гоце Бошкобвски - Чоки е еден од оние македонски учесници во најголемото и најпопуларно регионално музичко натпреварување, музичкото талент шоу „Ѕвездите на Гранд“, кои во минатиот циклус оставија најсилен впечаток , а и најдалеку дотуркаа. Годинава Гоце - Чоки е повторно дел од региналната „ѕвездена елита“ со уште посилни амбиции и поголеми надежи дека конечно ќе го допре самиот врв и ќе се вброи меѓу првата лига на „Ѕвездите на Гранд“, како отскочна штица за сериозна кариера и надвор од Македонија. Тој неодамна се пофали дека поминал во следната фаза помина преку социјалните мрежи, истакнувајќи дека го пемостил и 4-иот круг. На патот кон тронот, Гоце не ја запоставува и сопствената кариера во Македонија, па така неодамна ја сними, ја визуелизираше а вчеравечер, недела, 27 септември во етерот ја промовираше својата најнова песна и видеото за неа насловени „Искинати спомени“. Комплетен автор на песната (музика, текст, аранжман) е стариот проверен мајстор, композиторот и продуцент Кристијан Габроски. Видеото кое ја следи фабулата на приказната од текстот во кој по старата добро позната навика: „Одговорот го знам, откако ќе останам сам“ е во режија на Оливер Ангелески, за камерата и монтажата бил задолжен Георгиј Трајкоски, асистент - Горан Попоски, додека за светлото Мартин Милкоски. Во видеоприказната покрај Гоце-Чоки, својата работа одлично си ја завршиле актерите Здравко Стојмиров и Јасмина Јонческа кои впечатливо ја пренеле пораката што ја испраќа песната, која можеби најдобро во својот коментар ја опишал еден од пријателите и следбениците на младиот пејач на социјалните мрежи: „Оваа песна е порака за вљубените кои не си ја искажале својата љубов , во вистинско време , на вистински начин. Доцна сфаќаме дека љубовта е се', а зошто да живееме од спомени во минатото, кога можеме заедно да ги создаваме денес ...“! Порака која Гоце Бошковски - Чоки очигледно со многу љубов и дел од својата душа ја остава во своите „Искинати спомени“, песната и видеото кои можете да ги проследите во продолжение: https://www.youtube.com/watch?v=vUVX6jNoHnY

Гоце Бошкоски – Чоки пее за нејзините „Бескрајни лаги“ (ВИДЕО)

Антонио Димитриевски — Fri, 30 Mar 2018 11:41:53 +0000

Вчеравечер, 29 март, во радиоетерот е пуштена новата песна на прилепскиот пејач Гоце Бошкоски – Чоки, насловена “Бeскрајни лаги”. Гоце потекнува од музичко семејство, па токму неговиот татко, исто така познат прилепски музичар и сопственик на прилепското радио „Чоки 5 ФМ“ - Илија Бошкоски – Чоки е автор на музиката на новата песна на неговциот син, додека текстот е дело на Стеван Костадиновски, а за аранжманот се погрижил Славко Ристески. Снимањето на песната се одвивало во “ProSound Music Studio”.

Ова е уште една музичка тема која претендира да биде хит и логично надоврзување на неговите претходни песни како што се „Ти благодарам“ или „Некој друг“. Инаку Гоце редовно има настапи по прилепските локали и клубови, нао и надвор од Прилеп, а во 2016 година беше еден од македонските преставници кои го минаа првиот круг на регионалното талент шоу „Ѕвездите на Гранд“.

Во продолжение слушнете ја новата песна на Гоце - Чоки, насловена „Бескрајни лаги“: https://www.youtube.com/watch?time_continue=137&v=Zz0QwLpWY4s

гоце бошковски – чоки – Вистина.мк

Македонската „Ѕвезда на Гранд“, Гоце Бошковски со песна за сите што живеат во – „Искинати спомени“ (ВИДЕО)

Гоце Бошкоски – Чоки пее за нејзините „Бескрајни лаги“ (ВИДЕО)