главоболка – Вистина.мк

Многу е важно кога ве боли главата да знаете како да си помогнете

Слободанка Илиева — Fri, 16 Feb 2024 13:20:03 +0000

Попладневните главоболки најчесто се појавуваат кај луѓе кои подолго време седат на стол. Утринските главоболки лесно може да се надминат со помош на одредени намирници, а кога се предизвикани од промена на времето помагаат некои суплементи. Ако се разбудивте со главоболка, почнете го денот со неколку јатки. Во текот на денот продолжете да ги јадете како ужинка. Здравите масти ја олеснуваат тензијата меѓу мускулите и нервите. Попладневните главоболки најчесто се појавуваат кај луѓе кои подолго време седат на стол. Предизвикани се од неприродната положба на телото. Во ваков случај најпрво протегнете се и раздвижете се, ќе забележите подобрување по неколку минути. Стресот од работната недела кулминира во петок, а во сабота веќе ги чувствуваме последиците. Доколку се случи ваква главоболка, пред да посегнете по аналгетик, отспијте околу 30 минути. Бидете мирни, на тој начин го контролирате нивото на кортизол во телото. фото:Freepik извор:курир.мк

Главоболка поради дехидрација: Причини зошто можеме да чувствуваме болка во главата

Слаѓана Атанасова — Mon, 05 Feb 2024 13:26:59 +0000

Доколку сте дел од оние кои никогаш немале главоболка во својот живот, не мора да читате ништо понатаму. Но, останатите многу добро знаат дека главоболките можат многу често да бидат голем проблем во секојдневното нормално функционирање. Секако, постојат лекови кои понекогаш можат да помогнат, но најдобрата стратегија е да се обидете да ја спречите нивната појава. Дехидрација – Ова е најчестата причина за појава на главоболка. Вашето тело содржи повеќе од 60% вода и поради тоа му се потребни големи количини на вода за да може да го одржува тој процент. За избегнување на главоболките од овој вид, возрасните би требало да пијат од 8 до 10 чаши дневно. Имајте на ум дека не сите течности помагаат – кафето и газираните пијалаци имаат дехидрирачки ефект. Лекови против болка – Иронично, но вистинито. Половина од хроничните мигрени (25% од сите главоболки), настануваат како „повратен удар“ предизвикан од преголема употреба на овие лекови. Кофеин – И покрај тоа што кофеинот често помага при главоболките; преголемата употреба на нешто добро во овој случај може да доведе до спротивен ефект. Исто така постои и опасност од ефектот на откажување. Доколку одеднаш прекинете да пиете кафе, ќе имате главоболки сè додека вашето тело не се навикне на недобивање дневна доза. Стрес – Главоболките проследени со тензија во главата, настануваат од физички или емотивен стрес. Причина за еден од најчестите видови на физички стрес е долгото непрекинато седење пред компјутер. За избегнување на овој вид главоболка, обидете се на секој пола саат да станувате, да се истегнувате убаво и да гледате малку во далечина. Емотивниот стрес не е толку лесен за елиминирање. Синуси – Суви или блокирани синуси можат да предизвикуваат чести главоболки. Тие се проследени со длабока и константна болка во делот кај образите, челото и околу носот. Болката се зголемува доколку направите нагло движење со главата. За намалување на овие главоболки зовријте вода во тенџере, застанете над него и неколку минути вдишувајте ја пареата. Покријте се со ќебе или чаршав за да го ограничите движењето на пареата. Доколку секојдневно ја применувате оваа „терапија“, за кратко време ќе забележите позитивни резултати. Низок шеќер во крвта – Овој дисбаланс може многу брзо и лесно да се поправи со внесување на протеини преку исхраната. Одредена храна – Кикириките, чоколадото и црвеното вино содржат амино асид тирамин кој често предизвикува главоболки. Исто така избегнувајте ја и храната што содржи нитрати како што се саламата, хот догот или колбасите. Млечните и житните производи во ретки ситуации исто така можат да бидат причина за појава на главоболки. Промена на време или на надморска височина – Промените во времето како наглото опаѓање на барометарскиот притисок често предизвикуваат главоболка. Дури и посетата на град кој е на поинаква надморска височина од оној во кој дотогаш сте биле може да го има истиот ефект. Хормони – Естрогенот и прогестеронот влијаат на хемикалиите во мозокот кои се поврзани со главоболките. Високото ниво на естроген може да помогне при главоболки, но пониското ниво има сосема спротивен ефект. Изложеност на пушење „од втора рака“ – Чадот од цигарите предизвикува мигрени. Пробајте да ги избегнувате просториите во кои се пуши. Доколку немате таква можност, секогаш имајте ментол бонбони при рака, тие барем на момент ќе го неутрализираат влијанието од чадот. фото: Free Pik Извор: попара

Македонската пејачка наместо со екстра заработка со празнична главоболка: Место бакшиш – апчиња, па за да ја поправи работата, Марија му ја „кидна“ за Германија (ФОТО)

Антонио Димитриевски — Sat, 13 Jan 2024 09:00:02 +0000

На „кралицата на бакшишот“, Марија Луиса Тодоровска, по се изгледа не и испадна математиката за Нова Година!? Или барем така тоа изгледа од она што пејачката на една од своите последни Инстаграм стории го споделила, каде беше многу загрижена. На фотката сајзерот наместо накитен со девизи и денари, полн со таблети и лекови... Оние што се разбираат во фармација велат: Ништо страшно, „битолската фолк грација“ изгледа малку ја стегнале крајниците, зашто меѓу апчињата повеќето се „бонбончиња за лижење“ кога ќе те загребе грлото, па во нив пејачката го побарала спасот кога и подзарипнал гласот. Покрај нив уште некоја парацетамол таблета и уште по нешто за препотување... ама бакшишот го нема никаде? Можеби токму затоа, за да ја надополни заработката и излечи главоболката, Марија му ја „кидна“ за Германија. И тоа правец - Минхен, кај што има мноштво нашинци кои празнично расположени, би требало да и ја поправат работата со заработката на фолкерката. А кога ќе дојдеш со „ситниш“ на Запад, не ти останува ништо друго освен и кафето да го пиеш на улица, по сокаци... До душа, Мариен Плац не е Широк Сокак, ама ако... Во добро друштво кафето и вака е слатко! Но, штом дојде време за вечерниот настап, расположението веднаш се менува и тоа правопропорционално со заработката... Зашто сега сајзерот среде свирка на секоја дирка наместо со лекови, апчиња, таблети, е богато накитен со двоцифрени и троцифрени европски банкноти! Па затоа другиот ден кафето веќе не се пие на улица, туку во голем шопинг мол, каде се чека редица пред ексклузивна продавница, за да се потроши нешто од бакшишот, на некое луксузно парче или скап акцесоар, купен сама себеси на дар! Единствено остана дилемата со таблетите на пејачката оставени среде свирка на сајзерот од почетокот на приказната... Дали сите беа за грло, главоболка, настинка...? Антибиотик како замена за инјекција или сепак меѓу таблетите имаше скриено по некоја и за... контрацепција? Фото: Инстаграм/luisa.todorovska

Зошто не боли глава кога пиеме црвено вино? Научниците дадоа објаснување

Слободанка Илиева — Tue, 21 Nov 2023 13:26:58 +0000

Научниците од Центарот за главоболка на Универзитетот во Калифорнија во Сан Франциско веруваат дека ја пронашле причината за главоболката предизвикана од консумирањето црвено вино, пишува Гардијан. Американските истражувачи објавија дека главоболката е предизвикана од фенолни флавоноиди, соединенија кои се наоѓаат во семките и кората на грозјето кои му даваат боја и вкус на црвеното вино. Нивоата на флавоноиди може да бидат за 10 проценти повисоки во црвените вина отколку во белите вина, открива истражувањето. Кога се пие вино, алкохолот се метаболизира во два чекори – првиот е промената на алкохолот во форма на етанол во ацеталдехид, додека вториот го претвора ацеталдехидот во ацетат. Еден од истражувачите, професорот Ендрју Вотерхаус, спроведе лабораториски истражувања на неколку соединенија на црвено вино. Фланавол кверцетинот, кој се наоѓа исклучиво во црвеното вино, се претвора во различни материи во телото. Еден од нив, кверцетин глукуронид (гликозидно соединение на глукуронска киселина) ги блокира ензимите кои го претвораат ацеталдехидот во ацетат, што предизвикува токсичниот ацеталдехид да се акумулира во телото и да предизвика главоболки, гадење и потење. Научниците се надеваат дека наскоро ќе можат да ја тестираат теоријата во клиничка студија фокусирана на тоа како црвените вина со различни нивоа на кверцетин влијаат на појавата на главоболки или кај почувствителните поединци, мигрената. Сончевите зраци, веруваат истражувачите, го зголемуваат нивото на кверцетин во грозјето, а плодовите што растат изложени на сонце имаат пет пати повисоки нивоа на супстанција во споредба со другите грозје. – Би можело многу да им помогне на луѓето кои консумираат црвено вино да можат да изберат вино што не предизвикува главоболки. Исто така, нашето истражување може да биде корисно за винарите кога го намалуваат кверцетинот во нивното грозје – изјави Морис Левин, директор на центарот. извор:попара.мк

Како да ја ублажите главоболката, а да не земате лекови секогаш?

Слаѓана Атанасова — Thu, 19 Oct 2023 11:52:51 +0000

Мигрената е најчестиот тип на главоболка. Тоа е функционална васкуларна пароксизмална главоболка која се јавува периодично и обично зафаќа половина од главата. Болката е често придружена со гадење, повраќање и визуелни нарушувања. Мигрената погодува голем процент на млади и средовечни луѓе. „Вообичаени предизвикувачи вклучуваат стрес, промени во времето, прескокнување оброци, недостаток на сон, дехидрација и алкохол“, вели Аделен Е. Јан, специјалист за главоболка. Без разлика на вашиот тип, секоја главоболка што се појавува ненадејно, како што е „грмење“, или е поврзана со невролошки симптоми како слабост или вкочанетост на едната страна од телото или е поврзана со висока температура, треба итно да ја процени лекар. Кога станува збор за ублажување на болката, многумина прибегнуваат кон лекови без рецепт. -„Може да се јават главоболки поради прекумерна употреба на лекови доколку некој зема премногу лекови против болки на дневна основа. Главоболката може да се подобри за кратко време, но потоа се враќа кога лекот ќе престане да делува, објаснува д-р Јан. Доброто е што лековите не се единствениот начин за ублажување на главоболката. Имено, постојат многу природни начини. Хидратација Дехидрацијата е една од најчестите причини за главоболка. Моментот кога ќе почувствуваме жед всушност може да значи дека веќе сме дехидрирани. Затоа, треба да пиете околу два литра вода дневно во мали голтки и што почесто. Водата може да ја регулира температурата на телото, како и да доставува хранливи материи до клетките и да направи вашата кожа да изгледа сјајна и младешка. И може да биде корисно за ублажување на мигрена. Сонувајте Сите знаеме дека кога спиеме лошо сме уморни, нерасположени, не функционираме најдобро, не се сеќаваме, ни паѓа имунолошкиот систем и многу повеќе. Лошиот сон може да влијае и на главоболката. Според една студија објавена во списанието Медицина, луѓето со лош квалитет на сон имале поголема веројатност да имаат главоболки. Обидете се да ја промените вашата рутина и да го прилагодите распоредот за спиење за да спиете доволно и да ги намалите главоболките. Исклучете го мобилниот телефон најмалку 30 минути пред спиење и ограничете го внесот на кофеин во текот на денот. Физичка активност Иако вежбањето може да биде последното нешто на ум кога ќе се појави главоболка, малку вежбање може да направи многу добро. Кога се потите, вашето тело ослободува ендорфини, допамин и норепинефрин, кои делуваат како природни лекови против болки и создаваат одговор на телото на болка, објаснува д-р Мишел Олсон, виш клинички професор по спортска медицина на Универзитетот во Монтгомери. Помалку е познато дека физичката активност е уште поефикасна во намалувањето на болката доколку болката е предизвикана од мигрена. Лесната прошетка значително ќе ја намали вашата главоболка. Само бидете храбри, дури и кога ве боли глава – прошетајте. Ќе почувствувате подобрување. Само внимавајте да не претерате бидејќи ако се испотите и се изморите може да постигнете спротивен ефект, уште полоша главоболка. Обидете се секој ден со половина час пешачење како превентивно решение и кратка прошетка на свеж воздух кога ќе почувствувате напад на мигрена. Магнезиум -„Размислете да додадете магнезиум во вашата исхрана. Ова може да помогне во спречување на мигрена, вели д-р Јан. Еден од природните лекови за главоболка е магнезиумот кој може да се добие од храна или да се земе како додаток во исхраната. Магнезиумот е важен минерал кој е потребен за правилно функционирање на одредени системи во телото како што се циркулацијата на крвта, регулирање на шеќерот во крвта, добра спроводливост на нервните импулси. Магнезиумот, во правилни дози, може да ги намали главоболките, особено кај луѓе кои често ги имаат или кај луѓе кои страдаат од мигрена. Храна богата со магнезиум се јаткастите плодови, бананите, семките, тофуто, брокулата и грашокот. Студијата објавена во European Journal of Neurology потврдува дека луѓето кои земале 400 милиграми магнезиум дневно имале 50 отсто помалку главоболки од оние кои не земале. Направете пауза од гледањето на екранот Изложеноста на сина светлина, која драстично се зголеми за време на пандемијата, може да предизвика оштетување на мрежницата со текот на времето и се верува дека придонесува за проблеми со видот, како што е макуларна дегенерација, објаснува офталмологот д-р Кара Хартл. Покрај тоа, може да се појават и главоболки. За да спречите болка, намалете ја употребата на екранот. Ако користите мобилен телефон или компјутер секој ден, а повеќето го користат, искористете ја секоја можност да се повлечете и да се одморите од овие уреди. Правете паузи најмалку на секои 20 минути, пишува Real Simple Извор: Попара.мк

Главоболката ќе престане да ве мачи кога вие ќе престанете да ги правите овие три грешки

Слаѓана Атанасова — Thu, 09 Feb 2023 12:31:45 +0000

Недоволното количество течности, стресот или прекумерното гледање во екраните може да доведат до главоболки. Но, има и други грешки кои ги правиме секој ден, а кои го предизвикуваат овој здравствен проблем без воопшто да го знаеме тоа. Главоболката е досаден, но доста чест проблем, кој може да се појави поради повеќе причини. Неправилно држење на телото Неправилното држење на телото може да предизвика различни проблеми, вклучително и главоболки, бидејќи создава голем притисок на вратот, што може да доведе до главоболки. Предолго седење Доколку во текот на денот поминуваме многу време седејќи без соодветни паузи, притисокот во вратот се влошува, што повторно може да биде причина за главоболки. Ако имате работа која бара од вас да седите поголемиот дел од времето, важно е да станете и да се истегнете малку барем еднаш на секој час. Несоодветна перница Пожелно е да спиеме осум часа дневно, што е една третина од денот, па затоа не е чудно што сонот влијае и на нашето здравје и благосостојба. Ако немаме соодветна перница за поддршка на вашиот врат, тоа може да доведе до главоболки, меѓу другото. Ако имате чести главоболки, размислете за вашиот животен стил и како би можеле да го промените. Доколку и по корекции на однесувањето, сепак се појавуваат главоболки, консултирајте се со вашиот лекар. Извор: Курир.мк

Оваа храна може да ви помогне да ја намалите главоболката

Слободанка Илиева — Fri, 28 Oct 2022 12:00:05 +0000

Многу пренхранбени производи како што се кофеинот, чипсот и некои млечни производи се потенцијални причини за главоболка. Но, постои и огромен број на производи кои можат да ја спречат или ослабат вашата мигрена. Зеленчук Спанаќот, руколата и зелената салата се само некои од зелените намирници со која се намалува појавата на хронични болести вклучувајќи ги и главоболката и мигрената. На пример, спанаќот е богат со витамиите Б2 и Б6 и омега-3 за кои е докажано дека ја ублажуваат мигрената. Јаткасти плодови и семки Кога следниот пат ќе почувствувате главоболка, земете од вашите омилени јаткасти плодови. Постојат докази дека луѓето што патат од главоболка и мигрена имаат недостаток на магнезиум во организмот. Затоа слободно јадете бадеми, индиски ореви, сончоглед, кикирики за да го добиете потребното количество магнезиум. Јајца Една од омилените работи за доручек е всушност и одлично оружје против главоболка. Јајцата се полни со витамин Б2. Две големи јајца содржат 24 проценти од потребата за дневна доза рибофлавин. Интегрални житарици Еден од наједноставните начини како да ја излечите главоболката е редовно да конзумирате интегрални житарици. Познато е дека ниското ниво на шеќер во крвта може да биде причина за мигрена, затоа не ги прескокнувајте оброците. Конзумирајте јачмен, пченица, овес и леб од интегрални житарици. Риба Едно истражување во кое учествуваа луѓе со хронична главоболка, покажа дека со поголемо внесување на омега-3 масните киселини може да се намали појавата на главоболка и да се поправи општата состојба на организмот. извор:курир.мк

Со само еден лист кисела зелка може да ја излечите главоболката

Слаѓана Атанасова — Wed, 07 Sep 2022 12:24:08 +0000

Лековитоста на киселата зелка ја надминува лековитоста на многу познати билки. Сто грама кисела зелка содржи дури 20 мг витамин Ц. Потоа витамин А, фолна киселина, магнезиум, фосфор, калциум, калиум, натриум и протеини. Одличен извор е на витамин Б12, затоа особено се препорачува на вегетаријанци и вегани. Тоа што ја прави киселата зелка различна од сировата се пробиотичните бактерии. Киселата зелка е оригинална ферментирана храна природно богата со пробиотични култури. Поради тоа киселата зелка е многу важна во третманот на болести предизвикани од не рамнотежа на цревната флора, особено по терапија со антибиотик или хемотерапија. Киселата зелка го забрзува заздравувањето на рани, а делува и кај реума и воспаление на вените. Локално, можете да го користите за ублажување од чешањето на кожата поради разни алергиски воспаленија, мали изгореници и убоди од инсекти, особено пчели или оси. На погоденото место ставете ја облогата и завиткајте со завој или газа. Ако имате главоболка, на челото поставете лист од кисела зелка и завиткајте со газа. Луѓето кои консумираат многу кисела зелка се посилни и поотпорни на болести. Поради тоа, киселата зелка особено се препорачува на стари лица, лица со ослабен имунитет и на деца. Извор:Курир.мк

Промената на времето ви создава главоболка? Ако сте метереопат, овие 6 совети можат да ви ги намалат симптомите

Слаѓана Атанасова — Fri, 02 Sep 2022 12:30:22 +0000

Метереопатите се луѓе кои чувствуваат силна главоболка кога има нагли промени на времето. Промената на влажноста на воздухот доведува до промена на атмосферскиот притисок, што предизвикува нагли промени на притисокот во крвните садови и ткивата на нашето тело, кои немаат доволно време да се прилагодат на овие нови промени. Поради ова, многу луѓе доживуваат силна главоболка, некои други исто така доживуваат гадење, нагло зголемување на крвниот притисок, промена на расположението… Луѓето кои често се изложени на стрес се особено чувствителни на временските промени, бидејќи нивните крвни садови се во состојба на постојан спазам поради хормоните на стресот, па многу потешко им е да се прошират или стеснуваат при промена на времето. Еве што може да ви помогне ако имате главоболки како резултат на промената на времето: 1. Туширање Туширањето со топла и ладна вода, наизменично, може да биде корисно. Наизменичната вода со различни температури ја стимулира контракцијата и проширувањето на крвните садови. 2. Интензивна физичка активност Одете на трчање, пливање или брзо одење како една од активностите што ги правите секој ден. Сето ова го зголемува пулсот и протокот на крв, што предизвикува проширување на крвните садови. Протокот на крв се намалува на крајот на тренингот и крвните садови се стеснуваат. 3. Масажа Болката во грбот и вкочанетоста на вратот се чести кај луѓето кои седат поголем дел од денот. Редовната масажа на грбот и вратот може да ве ослободи од болка и напнатост. Покрај тоа, масажата го подобрува протокот на крв во мозокот. 4. Излезете на свеж воздух Поминувајте што е можно повеќе време на отворено, по можност во природа. За време на викендите, обидете се да одите во шума, голем парк или планина, за да навлезете малку на свеж воздух. 5. Внимавајте на исхраната Храната богата со магнезиум им се препорачува на сите кои страдаат од главоболки. Вклучете јаткасти плодови, брокула, грав и зелен зеленчук во вашата исхрана. Покрај тоа, ќе имате корист од храна богата со витамини од групата Б, како јајца, млеко, пивски квасец, лосос, семки, остриги, школки… 6. Одморете се добро Одморот е неопходен за добро функционирање на телото. Обидете се да не го носите стресот дома и слободното време да го поминувате во одмор, со луѓе кои ги сакате и кои ве исполнуваат со позитивна енергија. Поминувајте повеќе време на отворено, на свеж воздух и помалку пред телевизор. Обидете се да си легнете до 11 часот навечер и да спиете најмалку 7 часа.

Само додадете малку сок од лимон во овој пијалок и главоболката ќе исчезне

Слободанка Илиева — Tue, 07 Jun 2022 12:02:19 +0000

Главоболките воопшто не се безопасни. Но, што ако ви кажеме дека можете да се ослободите од нив со вашиот омилен пијалок? Главоболките се случуваат често, но понекогаш е тешко да се знаат вистинските причини. Во зависност од тоа како и до кој степен ќе се појави, може да биде сериозен здравствен проблем. Ако главоболката се појави рано наутро, дефинитивно треба да ја провери лекар бидејќи може да укаже дека се работи за тумор на мозокот, апнеја, многу висок крвен притисок. Исто така, треба да се консултира лекар ако главоболката е придружена со промени во видот, варењето или расположението и ако има напнатост во вратот или раздразливост или ако болката се појави по удар во главата. Во моменти на неподносливи главоболки, голем број луѓе посегнуваат по апчиња. Но, без нив лесно можете да се ослободите од главоболките. Само земете лимон, исцедете го во утринското кафе и испијте го. Направете го ова секој пат кога ќе почувствувате главоболка. Вашето страдање ќе заврши. извор:курир.мк