главен град на тагата – Вистина.мк

За Владо Јаневски сношти Кичево беше „главен град на тагата“: За граѓанската прослава пееше пред 20-ина случајни минувачи (ВИДЕО)

Антонио Димитриевски — Sun, 15 Jul 2018 11:47:33 +0000

Владо Јаневски потврди дека е пејач за секоја власт... и прилика! Од партиски митинзи и изборни кампањи, до политички прослави и журки... Во времето на минатата власт, пред неа, а и за време на владеењето на оваа... Не е важно кој и како владее, важно добро да плаќа. И тоа со наши пари, парите на даночните обврзници, а останатото...

Сепак, видеата направени вчеравечер од еден граѓанин за време на „големата граѓанска прослава“ на владата на СДС, покажува дека едвај 20-ина луѓе го следат настапот на најголемата македонска поп ѕвезда во градот на неговото семејно потекло – Кичево. Дебакл, фијаско, катастрофа… Кичево сношти за Владо Јаневски очигледно беше „главен град на тагата“ !

Дунавка е главна во „Главен град на тагата“ на Владо Јаневски (ВИДЕО)

Антонио Димитриевски — Mon, 09 Jul 2018 10:31:12 +0000

Македонската музичка ѕвезда Владо Јаневски деновиве, пото чно 05.јули, го промовираше спотот за неговата актуелна песна насловена „Главен град на тагата“, авторско дело на Владо, во аранжман на Роберт Билбилов и продукција на Дарко Димитров. Иако песната беше пуштена во радиоетерот уште кон крајот на месец март годинава, дури сега Јаневски реши да и го продолжи животот, освежувајќи ја истата со видеоспот.

Овој пат наместо балада, станува збор за песна со побрз ритам, во веќе препознатливиот стил на Јаневски. „Не ги затворај очите, без нив јас не знам во што да гледам. Некогаш во ноќите ѓавол ме зема, а тебе те нема да ми наполниш душа и да ми ја исцедиш снагата. Кога далеку си мене срцето ми е главен град на тагата“, пее тој во новиот сингл, за кој видеото го изработи „Томато“ продукција, а истотот е снимен на неколку различни локации во Скопје.

Владо останал доследен на својата традиција да не се појавува во своите видеа, па во отсуство на неговиот лик, покрај двете анонимни девојки, главната улога ја има македонската мисица и модел, контроверзната Дунавка Трифуновска...

...која на моменти со своето провокативно издание му дава доза на еротски шмек на видеото.

Во очекување на концертните настапи на Владо Јаневски, како што се на 2 август во Античкиот театар во Охрид, на 17 август во Струмица со бендот во рамките на Струмица опен, на 24 август на Широк сокак во Битола, и секако на есен во ВИП Арената „Борис Трајковски“ во Скопје, погледнете го в идеото за „Главен град на тагата“, во продолжение. https://www.youtube.com/watch?v=ovRrAhQ4osk

За Владо Јаневски срцето е „Главен град на тагата“ (АУДИО)

Антонио Димитриевски — Tue, 27 Mar 2018 10:56:18 +0000

По минатогодишната тема „Последна заблуда“, најголемата машка пејачка ѕвезда во Македонија, единствениот Владо Јаневски деновиве ги израдува своите обожаватели со нова песна насловена „Главен град на тагата“. Популарниот пејач се потпишува и како автор на стиховите и музиката, а аранжманот го направил Роберт Билбилов, додека за продукцијата се погрижил Дарко Димитров.

Овој пат наместо балада, станува збор за песна со побрз ритам, во веќе препознатливиот стил на Јаневски. „Не ги затворај очите, без нив јас не знам во што да гледам. Некогаш во ноќите ѓавол ме зема, а тебе те нема да ми наполниш душа и да ми ја исцедиш снагата. Кога далеку си мене срцето ми е главен град на тагата“, пее тој во новиот сингл, а како звучи сето тоа слушнете во продолжение. https://www.youtube.com/watch?v=MEHi5adUXJw