глад – Вистина.мк

Немојте да ги јадете за појадок: Пет намирници кои ве огладнуваат уште повеќе

Слободанка Илиева — Fri, 23 Feb 2024 13:15:55 +0000

Ако често посегнувате по ужина набрзо по јадење одредена храна, не е се во вашата глава. Некои намирници всушност го зголемуваат вашиот апетит и ве прават погладни. Најчесто такви се намирниците кои се претежно рафинирани јаглехидрати и богати со шеќер, бидејќи често им недостигаат заситени протеини и влакна. Комбинацијата од намирници богати со рафинирани јаглехидрати, а малку влакна и протеини, може да го нарушат нивото на шеќер во крвта, придонесувајќи за ненаситна желба за храна и глад. Наместо да посегнувате по некоја од овие намирници, одлучете се за храна која има хранлива вредност. Слатки пецива Го знаеме искушението да се разбудите гладни и да гледате во слатките пецива на вашата маса додека го пиете првото утринско кафе. Сепак, слатките пецива се едни од најлошите намирници со кои треба да го започнете денот и секако не се комплетен појадок. „Овие печени задоволства се одлични за задоволување на вашето непце, но тие не се супер задоволувачки за вашиот стомак бидејќи само привидно ве заситуваат“. Затоа, наместо овие слатки задоволства, изберете појадок со протеини како што се варени јајца или грчки јогурт за да бидете сити подолго време. Закуски Ќе изедеме грст чипс или переци, па потоа сакаме уште повеќе, а тоа можете да го припишете на солта. Солта ги активира рецепторите во устата и сè е многу повкусно кога е зачинето со сол. Сепак, постои уште една причина зошто копнееме за солена храна. Научниците претпоставуваат дека луѓето копнеат за сол поради можноста солта да го активира ослободувањето на допамин, хормонот кој ни овозможува да чувствуваме среќа. Ова може да оди до недоглед бидејќи солените закуски како чипсот и другите грицки, имаат тенденција да бидат полни со рафинирани јаглехидрати и многу малку влакна, што го забавува варењето, а со тоа и побрзо огладнувате. Бел леб Белиот леб е сличен на кафеавиот ориз по тоа што триците се отстранети од пченичното зрно што се користи за правење леб. Прехранбената индустрија понекогаш оди чекор подалеку и користи калиум бромат или хлор диоксид за да го избели брашното и да ја отстрани секоја природна жолта боја за да го направи побело. Зошто се прави ова? Чисто заради естетика или, со други зборови, само лебот да изгледа поубаво за потрошувачот. Сепак, како резултат на тоа, од лебот се отстранети повеќето хранливи материи и влакна, што не прави малку за да се чувствувате сити. Всушност, едно парче бел леб нуди помалку од еден грам влакна. Слатки житарки Снегулките засладени со шеќер главно се состојат од шеќер. А тоа значи дека тие не содржат ни приближно доволно влакна и протеини, кои обезбедуваат чувство на ситост. Затоа консумирањето на овие видови житарки може да предизвика нагли скокови на шеќерот во крвта, а потоа и опаѓање. Ако сакате да јадете житарки и сакате нешто да ви помогне да ја спречите гладдта и да го одржите нивото на шеќер во крвта постабилно, изберете кутија со повеќе од пет грама влакна по порција. Исто така, поврзете ги вашите житарки со млеко богато со протеини, како млеко од соја или наместо тоа користете грчки јогурт како основа. Помфрит Иако компирот е изненадувачки одличен во предизвикување ситост, тој е значително помалку ефикасен кога е во вид на помфрит. Тоа е затоа што содржи многу рафинирани јаглехидрати и натриум, кои го задоволуваат вкусот, но не и чувството на глад. Без никакви протеини или влакна, ако јадете само помфрит, најверојатно ќе се чувствувате гладни многу брзо откако ќе го изедете. извор:точка.ком.мк

Знаете ли што се случува со телото доколку не јадете цел ден?

Слободанка Илиева — Tue, 29 Aug 2023 12:40:57 +0000

Во светот сѐ попопуларен е т.н. еднодневен или 24-часовен пост. Знаете ли всушност што се случува со телото доколку не јадете цел ден? Во текот на првите осум часа вашето тело ќе продолжи да ја вари вашата последно внесена храна. Вашето тело ќе ја користи складираната гликоза како енергија и ќе продолжи да функционира со надеж дека наскоро ќе јадете нешто. По осум часа без јадење, вашето тело ќе почне да ги користи складираните масти за енергија. Потоа телото ќе продолжи да го прави тоа и во останатиот дел од вашиот 24-часовен пост. Постот којшто трае подолго од 24 часа може да доведе до тоа вашето тело да почне да ги претвора складираните протеини во енергија. Како што пренесува „Healthline“ во текот на тој период дозволено е консумирање само некалориски неутрален напиток, додека по 24 часа лицето слободно може да се врати на вообичаената исхрана. Редовните повремени постови можат да помогнат во подобрување на начинот на којшто вашето тело го разредува холестеролот. Оваа промена во вашиот метаболизам може да помогне во намалување на ризикот од развој на состојби како дијабетес и кардиоваскуларни болести. Може да помогне во намалување на ризикот од болести на коронарните артерии. Редовното 24-часовно постење може да помогне во намалување на Н-оксидот на подолг временски период. Високото ниво на ова соединение се поврзува со болести на коронарните артерии, така што ова може да помогне во намалување на ризиците од истите. Повремениот пост исто така може да ги намали воспаленијата, да го намали ризикот од одредени карциноми, да го намали ризикот од невролошки состојби како што е Паркинсоновата болест. Постојат ли нуспојави или ризици од ова? Честото гладување по 24 часа може да доведе до нуспојава и зголемување на ризикот од одредени компликации. Секогаш разговарајте со својот доктор пред да започнете да го правите постот за да го намалите ризикот од непредвидени здравствени последици. Ова особено важи доколку имате основни здравствени проблеми. Исто така не треба да постите доколку имате нарушувања во исхраната, доколку имате дијабетес тип 1, доколку сте бремени или доите или доколку сте помлади од 18 години, но и доколку закрепнувате од операција. Постот повеќе од два пати седмично може да го зголеми ризикот од срцева аритмија или хипогликемија. извор:курир.мк

Не е убаво да јадете многу навечер, но не легнувајте гладни – еве зошто

Слободанка Илиева — Fri, 28 May 2021 12:20:53 +0000

Иако честопати читаме совети за да не јадеме пред спиење, постојат исклучоци и тоа е кога сте гладни. Во овој случај, не се препорачува да прескокнете оброк, бидејќи чувството на глад може да ве држи будни долго време или да ви го наруши спиењето, па затоа експертите предупредуваат дека не треба да легнувате гладни. Ако можете да се организирате за да обезбедите 7 до 9 часа ноќен сон, тоа е одлична работа, особено ако сте презаситени со обврски. Добриот сон е клучен за враќање на енергијата, што ќе му овозможи на телото да се справи со голема количина на стрес. Но, чувството на глад може да ви го одвлече вниманието од брзото „патување“ во земјата на соништата навечер и спиењето без будење, а недостатокот на сон или периодично слабиот квалитет на сонот само доведува до уште поголем стрес. Промени во расположението Недостатокот на сон може да има негативно влијание врз вашето расположение или, најверојатно, ќе се чувствувате нервозни следниот ден. Но, може да влијае и на фактот дека на вашето тело му недостасуваат јаглехидрати, кои се многу важни во производството на хормонот на среќата – серотонин. Ова може да биде проблем особено ако страдате од анксиозно растројство или клиничка депресија, но одењето во кревет без вечерен оброк никогаш не е паметна одлука. Акумулирање нови килограми Ако мислите дека прескокнувањето вечера ќе доведе до губење на вишок килограми, размислете уште еднаш. Имено, експертите велат дека така само може да добиете нови килограми. Како прво, недостаток на енергија за телото да може да функционира ноќе може да доведе до забавување на метаболизмот, а забавениот метаболизам го забавува слабеењето. Повторно, недостатокот на сон нѐ прави нервозни и незаситни, што доведува до прејадување и – зголемување на телесната тежина. Бидете сигурни дека јадете здрава вечера пред да одите во кревет. Но, ова треба да се направи најмалку два до три часа пред спиење, за да се избегнат проблеми. Имено, доцна вечера може да предизвика металоиди, рефлукс и други проблеми со варењето на храната. извор:курир.мк

Што е емоционален глад и како да го „заситите“ еднаш засекогаш?

Христина Ѓоргиевска — Wed, 06 Feb 2019 12:55:29 +0000

Дали ви е познато она чувство кога и по неколку пати на ден го отворате фрижидерот, без воопшто да сте гладни? Едни од најголемите противници на нашата витка линија се стресот и досадата, кои пак, нè водат кон храната. Така, наместо 5 здрави оброци во текот на денот, ние имаме 7 нездрави. Овој феномен, со кој секоја жена барем еднаш во својот живот се соочува, се нарекува емоционален глад и има свои симптоми кои мора да се препознаат навреме, со цел да се заштитите од несаканите последици. Иако звучи чудно, сепак луѓето најретко јадат кога се навистина гладни. Многу често ќе забележите дека тие јадат затоа што им досадно, затоа што се под стрес или затоа што едноставно не знаат што друго да направат. Колкупати сте гледале серија или филм јадејќи чипс или пуканки, а колкупати без? Сето ова се припишува на емоционалното прејадување, кое води кон голем број несакани килограми. Не за џабе се вели дека е подобро да се спречи отколку да се лечи. Навистина е важно да препознаете зошто сте посакале да грицкате, дали навистина сте гладни или само ви е здодевно. За вашето здравје, како и за физичкиот изглед, важно е да знаете кога сте навистина гладни, а кога треба едноставно да си кажете дека е доволно. Емоционалното прејадување често се случува во неуспешните периоди од нашиот живот. Најчесто се поврзува со благата депресија, по раскинување или отказ од работа, но може да биде и како последица на некои неуспешни настани, по кои се „наградуваме“ со вкусна, но нездрава храна. Стресните ситуации предизвикуваат потреба за блага храна, која во тој момент, барем на кратко, нè прави среќни и ни го оттргнува вниманието од вистинскиот проблем што нè мачи. Ваквото однесување без сомнение е тоа што ни носи несакани вишок килограми. Па, како да му ставите крај на овој проблем? Кога ќе чувствувате желба за храна, застанете и размислете кога последен пат сте јаделе и дали сте навистина гладни. Доколку сфатите дека станува збор за „лажна глад“, одложете го оброкот за некој час. Можеби во тој момент ќе почувствувате мала нервоза, но ако ја пронајдете соодветната обврска за да си ги одвлечете мислите од храната, проблемот брзо ќе замине. Уште еден начин на кој можете да се справите со овој проблем, е однапред да ги испланирате оброците и времето во кое ќе јадете. Така точно ќе знаете кога чувствувате емоционален глад, а кога вистински, бидејќи ќе знаете точно кога и што треба да јадете. извор: пулс24