Ѓоко Танески – Вистина.мк

Ѓоко Танески прави пресврт во кариерата со – „Една љубов имам“ (ВИДЕО)

Антонио Димитриевски — Mon, 25 Nov 2019 11:50:59 +0000

Македонскиот поп-рок пејач Ѓоко Танески реши да направи пресврт во кариерата по теркот на Каролина Гочева и нејзиното „Македонско девојче“. Имено, тој ја промоивираше новата песна насловена „Една љубов имам“ со која познатиот охриѓанец прави пресврт во начинот на музицирањето и својата изведба, па од поп-рок водите запливува во еден сосема поинако стил, подруг жанр кој може да се нарече етно-поп со фолк примеси, а на моменти и џез елементи. „Една љубов имам“ е всушност првата песна од внајавениот ваков проект кој треба да биде заокружен со албум во овој стил во текот на наредната 2020 година. Пилот песната е на истот композитор кој работеше и со Каролина, талентираниот битолчанец Николче Мицевски, кој го направил и аранжманот, додека стиховите ги напишал самиот Танески. Зад видеото пак стои сограѓанинот на Ѓоко, проверениот режисер на видеоспотови Даниел Јовески од Охрид каде и е сниман спотот на неколку различни локации. Преслушајте ја „Една љубов имам“ и проследете го видеото во кои покрај пејачот главните улоги ги толкуваат моделите Марис Жолен и Мартин Нацевски, песна со која стартува новото поглавје во музичката кариера на Ѓоко Танески.

Ѓоко „Фиш“ Танески на денот на АРМ, среде настап занеме како риба: Ја имаше силата, ама му го снема гласот! (ВИДЕО)

Антонио Димитриевски — Mon, 19 Aug 2019 07:47:46 +0000

Некои непредвидени работи им се случуваат и на најдобрите вокали! А за таков барем важи охриѓанецот Ѓоко Танески, кој имаше свој настап во програмата по повод годинешното одбележување на Денот на АРМ во Охрид.

Ѓоко како учесник во културно-забавната и музичка програма почна да ја пее неговата евровизиска песна „Јас ја имам силата“ од 2010 во Норвешка, ама овој пат на плејбек. Иако важи за врвен вокал, Ѓоко на настапот за армијата дојде баеги засипнат, па наместо во живо со бенд или на матрица, пееше врз плејбекот.

А техника како техника, на жештината знае да прегрее, па да затаи... како и што се случи. Плејбекот застана, ама не и Ѓоко со пеењето, ама само додека можеше да пее... Зашто песната не е едноставна и лесна за изведба, па кога дојдоа на ред да се пејат восоките регистри и тонови, пејачот „зариба“ или поточно го изгуби гласот, па Ѓоко „Фиш“ Танески занеме како риба!

Но, како и риба на суво, продолжи да се бори со засипнатиот глас и да пее и без музика на суво, па дури и го рапуваше делот што го изведува раперот Били - „Ѕвер“... До душа повеќе шепотејќи, ама сепак... Ѓоко не се откажа! За среќа, плејбекот бргу се врати, а Танески продолжи да ја пее песната преку матрицата, машки до крај! https://www.youtube.com/watch?v=43GEhlcOxhw&feature=youtu.be&fbclid=IwAR3G4-Np53-w4QLqbym0SBJi-XG6zWcFPfOs7GvCdKWkbfuR5AYBuLM3koM

Ѓоко Танески призна дека е… „Тој што во срце те носи“ (ВИДЕО)

Антонио Димитриевски — Wed, 03 Apr 2019 11:01:34 +0000

Еден од најмоќните македонски машки поп вокали, охриѓанецот Ѓоко Танески има нова песна. Тој е од оние кои не се познати по својата хиперпродукција, но затоа е познат по вонсерискиот глас, одличните песни и фантастачните журки и атмосфера што ги прави на неговите настапи.

Овој пат Ѓоко ја промовира неговата нова тема, која всушност е моќна балада, насловена „Тој што во срце те носи“. Музиката и аранжманот се на Дамјан Лазаров, некогашниот член на тинејџерската атракција од крајот на 90-ите, групата „Магија“. Емотивните стиховите за песната пак, ги напишала Ана Пандевска, а целата приказна е визуелно стокмена во видеозаписот снимен на повеќе локации крај брегот на Охридското езеро, градот Охрид, неговата околина, како и на еден сплав на изворите на Свети Наум.

Зад видеото стои продукцијата „Крстевски ентертејмент“, а во спотот покрај пејачот главните улоги ги имаат и двата млади модели: Анета Спиревска и Синиша Стојаноски.

Таневски уште еднаш покажува како на најдобар начин своите емоции умее да ги изрази преку моќната, но чувствствителна вокална експресија, која му е најсилниот адут во изведбата на неговите песни.

Како сето тоа звучи отпеано од него, а пресликано во видеоприказната во која е интегриран дел од убавините на Охрид и Охридското езеро, проследете во продолжение: https://www.youtube.com/watch?v=jOOnkSEuCYY

Жељко Самарџиќ направи трансформација до непрепознатливот, а еве кој македонски пејач се реши на истото (фото)

Слободанка Илиева — Tue, 05 Mar 2019 09:21:13 +0000

Долгите бради веќе неколку години се актуелен тренд кај мажите. На едни брзо им минува меракот, па по некое време ги бричат, но оние другите ги растат до таа мера што стануваат непрепознатливи во ликот. Таков пример е српскиот пејач Жељко Самарџиќ кој драстично се промени, а многумина речиси и не го препознаваат се дедека не се идентификува.

Таков случај имаме и кај нас од познатите на македонската естрада. Момците од „Некст Тајм“, Тајзи, Мартин Мила, но од сите најдрастична разлика има кај охриѓанецот Ѓоко Танески.

Неодамна го видовме на сцената на „Златна бубамара“, а и од фотографиите на социјалните мрежи може да се види дека Ѓоко е како нов.

Мора да признаеме дека ваквиот изглед одлично му прилега, а штом подолго време го негува, веројатно и самиот си се допаднал и решил да остане доследен на трендот бидејќи брадата му е се поголема.

Ѓоко Танески објави фотографија од факултет: Македонскиот пејач се пофали со новиот успех

Христина Ѓоргиевска — Wed, 25 Jul 2018 07:02:34 +0000

Образованието е важна алатка за успех во сопствениот живот и еден важно оружје за подобар успех. Многу од регионалните јавни личности имаат успешна музичка кариера која ќе остане запишана во историјата, но не можат да се пофалат со некое образование. Додека пак други имаат и музичка кариера, а може да се пофалат со факултет, а некои дури и со два. Македонскиот пејач Ѓоко Таневски покрај тоа што има убава музичка кариера, тој посветува време и на напредувањето на полето на образованието. Така, Ѓоко на својот Фејсбук се пофали дека ги бранел тезите за обработка на магистарскиот труд. Пред четиричлена комисија Ѓоко ги бранеше тезите на Факултетот за туризам и менаџмент. Пејачот објави на Фејсбук објави неколку фотографии од просторијата каде штого бранел магистарскиот труд, а честитки доби од неговите пријатели.

фото: Фејсбук

Ѓоко Танески заглавен во полавите на Халкидики ја повикал Весна-Бејби да дојде да му го препаркира автомобилот (ФОТО)

Антонио Димитриевски — Thu, 28 Jun 2018 06:26:46 +0000

Македонската актерка и водителка Весна - Бејби Петрушевска дефинитивно по многу нешта е оригинална. Бидејќи само нејзе и се случуваат најневообичаените работи во животот, Бејби реши да биде подготвена на се, за ништо повеќе да не може да ја изненади, па ниту есенските временски прилики среде лето! Затоа таа во новиот автомобил за разлика од сите други, покрај неопходната опрема како сајла или јаже за влечење, триаголник, сет за прва помош и останатите задолжителни работи, „незадолжително“ си носи и есенско-зимски чизми.

Некој ќе рече, какво е времето и паметно направила. Арно ама вакваиот потег на Бејби не ќе да е само заради дождливото време.

Па сите знаете каде и како паркира, па затоа чизмите и тоа како и се потребни... До душа како е Вардар надојден, не дај Боже и нуркачкото одело ќе и биде малку!

Но, чизмите не и се само за во Скопје. Чаршијата веќе почна да тера шега, дека пејачот Ѓоко „Лајк а фиш“ Танески, кој вчера објави фотографии од поплавите во северна Грција каде и самиот е заглавен на Халкидики, и се јавил и ја повикал Весна - Бејби како експерт за амфибиско возење, да дојде да му го препаркира автомобилот!

Сергеј Ќетковиќ на Божик во Охрид

Антонио Димитриевски — Thu, 04 Jan 2018 11:52:30 +0000

Црногорската суперѕвезда Сергеј Ќетковиќ на Божик ќе одржи спектакуларен концерт во Охрид, во рамките на проектот „Од 20 до 20 сите во Охрид“, кој започна на 20 декември и ќе трае до 20 јануари. „Погледи у тами“, „Пола мога свијета“, „Ако те није“, „Само ме загрли“ и сите други големи хитови на неповторливиот шармер во живо за охриѓани и гостите. Како загревање на атмосферата и гаранција за незаборавна вечер, со своите најголеми хитови ќе се претстави и нашиот Ѓоко Танески и диџеј Реџи Рулс. Концертот ќе се одржи на плоштадот во Охрид, со почеток од 19.00 часот.