гинисов рекорд – Вистина.мк

Филмот „Барби“ со заработка од над една милијарда долари

Riste Zdravkov — Mon, 07 Aug 2023 07:45:20 +0000

Филмот постави рекорд за Грета Гервиг, која стана прва режисерка која ја надмина границата од милијарда долари заработка. Дистрибутерите на филмот велат дека тој ги надминал нивните „најоптимистички предвидувања“. Филмот „Барби“ по само две и пол недели прикажувања во кината ширум светот, донесе заработка од над 1 милијарда долари (повеќе од 900 милиони евра), соопшти „Ворнер Брос Пикчрс“. Според продукциската фирма, само во САД и Канада досега се продадени билети во вредност од 549 милиони долари, а од почетокот на прикажувањето на филмот на 21 јули во светот се продадени билети во вредност од 572,1 милиони долари. „Како шефови на дистрибуција, ние не остануваме толку често без зборови поради изведба на некој филм, но Барбилион ги надмина дури и нашите најоптимистички предвидувања“, велат Џеф Голдстајн и Ендру Крипс, кои се задолжени за домашната и меѓународната дистрибуција на филмот. Продажбата е потврдена и од фирмата за медиумска анализа Комскор. Главниот конкурент на „Барби“ во последните две недели, биографскиот филм за Опенхајмер на Кристофер Нолан, во меѓувреме собра 228,6 милиони долари дома и 552,9 милиони долари на глобално ниво, што го прави филм со најголема заработка меѓу филмовите кои се само за возрасни. Филмот „Барби“ постави рекорд за режисерката и косценарист Грета Гервиг, со што таа стана првата соло режисерка која ја надмина границата од 1 милијарда долари заработка. Други режисерки ја имаат надминато оваа граница, но како корежисерки.

Гинисов рекорд: Американец уловил 2.645 риби за 24 часа (видео)

Слободанка Илиева — Tue, 15 Sep 2020 11:45:54 +0000

Професионален риболовец од американската сојузна држава Илиноис, неофицијално, го подобрил сопствениот Гинисов рекорд. Имено, тој фатил 2.645 риби во време од 24 часа. Џеф Колоџински е познат по прекарот „Маратонец“. Неговиот официјално признат Гинисов рекорд е 2.172 риби уловени за 24 часа, во 2019 година. Според Колоџински, дека доказите од неговиот нов обид за рекорд ќе бидат обезбедени за разгледување од Гинисовата книга на рекорди. Рибарот се надева дека и неговото ново достигнување ќе добие официјално признание. Со новиот подвиг, рибарот собира средства за фондацијата „Риболов за живот“. Тој се надева дека ќе се соберат барем 20.000 американски долари за добротворни цели. (МИА)

Оваа тинејџерка од Индија ја има најдолгата коса на светот (видео)

Слободанка Илиева — Wed, 22 Jan 2020 13:30:11 +0000

Една девојка од Индија, ја чува својата титула на тинејџерка со најдолга коса на светот повеќе од една деценија. Признанието е резултат на нејзиното лошо искуство со шишање во фризерски салон. Ниланши Пател од малиот град Модас, во државата Гујарат, која има 17 години, останува сопственик на Гинисовиот рекорд во должина на коса. Во 2018-та година, нејзината коса била долга 154 сантиметри, а сега останува „на престолот“ со должина од дури 190 сантиметри. Нејзиниот горд татко рекол дека поради таквиот рекорд, неговото единствено дете станало прво локална славна личност, а потоа и меѓународно.

View this post on Instagram

A post shared by Guinness World Records (@guinnessworldrecords) on Jan 6, 2019 at 10:14am PST

Ниланши изјавила дека 11 години не посетувала фризер, бидејќи имала негативно искуство со фризер. Еден неуспех за неа претставувал траума. -На шестгодишна возраст, бев во салонот и не ми се допадна фризурата, тоа ми донесе нервоза. Моите родители го прифатија мојот став и јасно им е дека мојата коса е дел од мојот шарм, рекла тинејџерката со најдолга коса во светот. Инаку, Ниланши мора да носи чевли со високи потпетици ако не сака нејзината коса да ја допре земјата, што може да биде многу незгодно.

View this post on Instagram

A post shared by Guinness World Records (@guinnessworldrecords) on Jan 16, 2020 at 2:03pm PST

Исто така, таа мора да ја „затегне“ косата додека плива, затоа што ако не го стори тоа има многу проблеми.