гинеколог – Вистина.мк

Жени, никогаш не правете ги овие работи кога одите на гинеколог – тоа ги “излудува“ докторите

Слаѓана Атанасова — Mon, 30 Jan 2023 14:00:17 +0000

Многу жени од некоја необјаснива причина го одложуваат одењето на гинеколог и со тоа можат да го загрозат своето здравје. Сепак, важно е да знаете дека редовните прегледи и отворената дискусија со специјалист за женско здравје може да ви го спасат животот. Затоа гинеколозите решиле да ги скршат табуата и брутално искрено да им кажат на жените дека немаат од што да се срамат кога ќе дојдат во ординација бидејќи сето тоа го виделе претходно. Еве 5 работи што не ги сакаат гинеколозите кај своите пациенти. 1. „Извинете, не сум се избричила“ Не ни е грижа за интимната фризура. Имаме малку време да се концентрираме на прегледот и навистина не ни е гајле што жените се неизбричени. Особено ако нивните нозе се неизбричени. Немаме никаква врска со тоа и тоа навистина не е тема на која треба да го трошиме нашето драгоцено време. 2. Прескокнување на прегледи поради менструација Менструацијата не е причина да не дојдете на преглед. Денешните пап тестови го дозволуваат тестот и за време на циклусот. 3. Воспоставување дијагноза Секоја жена добро го познава своето тело, но кога се работи за секрети и други проблеми, многу жени сами си поставуваат дијагноза, што може да има лоши последици. 4. Заборавете да ги споменете лековите што ги земате Ниту еден гинеколог не сака пациентка која е неодговорна за своето здравје и заборава да ја спомене оваа важна информација. 5. Доаѓање на преглед само кога има проблем Некои жени одат на гинеколог само кога ќе забележат проблем, а потоа често е предоцна. Многу е важно пациентот да ја разбере важноста на редовниот преглед. Извор: Курир.мк

„Не ми треба гинеколот, зачувана ми е“: Гоца Божиновска изненади со изјавата за својата интима

Слободанка Илиева — Tue, 06 Dec 2022 11:45:36 +0000

Приватниот живот на Гоца Божиновска отсекогаш бил изложен на јавноста, особено кога беше во врска со композиторот Раде Вучковиќ, со кој ја има ќерката Јелена, а потоа и со нејзиниот покоен сопруг Зоран Шијан, со кој ги има Мирко и Бојана. Имено, Божиновска тврди дека долго време е сингл, а сега откри зошто како и нејзината колешка Снежана Ѓуришиќ не заведувала гинеколог. - Таа најде гинеколог, а мене најмалку ми треба гинеколог. Ми треба главен лекар. Некој невролог, да ми го реши проблемот во главата. Јас сум добра само во гинеколошки работи – изјавила пејачката и додала.

View this post on Instagram

A post shared by Goca Bozinovska (@goca_bozinovska_official)

-Таа работа не истрошена, ја чувам во гаража, добро сочувана. Ниту одам на ботокс, ниту прицврстувам нешто. Како да се замрзнав. Генетиката е чудо – рекла Гоца. На прашањето каков маж би ја освоил, Божиновска откри: - Не, жената по правило оди кај сопругот, а кога сум кај мене не знам што треба да биде, само некој слепец кој нема каде да оди. После толку години се разумив - рече Божиновска. фото:е-stock/Инстаграм

Ништо од венчавката на Снежана Ѓуришиќ со српскиот гинеколог: „Граници постојат и јас нема да ги преминам“

Слободанка Илиева — Wed, 31 Mar 2021 07:43:29 +0000

Пејачката Снежана Ѓуришиќ со години е во љубовна врска со гинекологот Вања Милошевиќ, но парот не планира да оди пред олтарот. За нивната венчавка се шпекулираше подолго време, па пејачката, иако не сакаше да зборува за нејзиниот приватен живот, одлучи да стави крај на гласините. Снежана вели дека хартијата не е важна за неа и за нејзиното момче, и тоа е причината зошто таа засега нема да се мажи.

View this post on Instagram

A post shared by Snezana.Djurisic (@snezana.djurisic_)

- Тоа е мојата приватност. Јасно ми е дека и двајцата сме јавни личности, но има граници и нема да ги преминувам. Ние сме возрасни, успешни луѓе, функционираме хармонично и мислам дека тоа е поважно од хартијата - рече Снежана за „Свет“, коментирајќи ги озборувањата за нејзината врска со Вања.

„Бремените жени ретко прашуваат за оргазам и секс“

Слободанка Илиева — Wed, 10 Mar 2021 14:45:04 +0000

Гинекологот др. Јасенка Грујиќ вели дека здравите бремени жени немаат причина да избегнуваат секс, но идните мајки ретко го поставуваат прашањето како да уживаат во текот на бременоста. Кај здрави бремени жени, сексуалниот однос не е ниту опасен, ниту штетен за фетусот. Сексот за време на бременоста е нормален, пенетрацијата и движењата карактеристични за сексуалниот однос не можат да му наштетат на фетусот кај здрави бремени жени, бидејќи е заштитен од матката, амнионската течност и мускулите на абдоминалниот ѕид и не треба да се избегнуваат. Сепак, исклучително е важно да се воспостави отворена комуникација со гинекологот. Должност на секој гинеколог е да обезбеди информации за сексуални односи во бременоста, обидувајќи се да избегне митови за штетноста на односот кај здрави бремени жени. И јасно е дека секој гинеколог мора да ги препознае ризиците што можат да бидат поврзани со продолжување на сексуалните активности во бременоста, но и да дијагностицира состојби кога не се препорачува сексуален однос, вели гинекологот др. Јасенка Грујиќ Корачин. Се разбира, во бременост со компликации, на пример, кога постои закана од спонтан абортус или предвремено породување, во случај на плацента правиеја, како и во воспалителни процеси, треба да се избегнува сексуален однос. Секоја бремена жена која има каков било воспалителен процес или сексуално пренослива болест или е изложена на ризик да добие, треба да се воздржува од секс без оглед на фазата на бременоста – вели гинекологот. Таа додава дека дефинитивно треба да се пријави на преглед во случај на болка, т.е. контракција, во случај на зголемено празнење и испуштање на непријатен мирис, и секако во случај на крварење. И, ова важи подеднакво за сите периоди на бременост – нагласува таа. Во други случаи, сексот не треба да се избегнува, ниту, пак, треба да се стравува од безбедноста на фетусот. Ова е, за жал, една од клучните причини зошто идните мајки малку ги занемаруваат сексуалните односи. Имено, хормоналните промени во бременоста, промените во ткивата на гениталиите и чувствителноста на градите кај некои жени може да предизвикаат зголемена сексуална возбуда и потреба за оргазам, додека кај некои слабее сексуалната желба. Истражувањата покажуваат дека како што напредува бременоста, фреквенцијата на сексуални односи станува сè помала. Така, податоците покажуваат дека до крајот на 36-та недела од бременоста, околу 72 проценти од паровите имаат секс помалку од еднаш неделно. Сексуалната желба е изгубена, но причината често е тоа што партнерите се плашат да не му наштетат на плодот – вели лекарката. Затоа, во подоцнежните фази на бременоста, треба да се вложи малку труд и добра волја во внимателно избор на позиција за време на сексуален однос, удобна за партнерот, најчесто при избегнување на „мисионерската позиција“. Во подоцнежната бременост, оргазмот, но и пенетрацијата, можат да предизвикаат безопасни контракции и треба да бидете подготвени за тоа – вели соговорничката. За оргазам, на пример, ниту една бремена жена никогаш не ме прашала за жал. Се чини дека многу жени се претвораат во инкубатори и ги запоставуваат сопствените потреби и желби, недоволно свесни дека само задоволна, ментално стабилна мајка може да биде добра мајка – предупредува гинекологот др. Јасенка Грујиќ. извор:попара.мк

Познатата манекенка објави фотографија од гинеколошки преглед и испрати моќна порака (фото)

Христина Ѓоргиевска — Tue, 30 Jun 2020 08:25:40 +0000

Поранешната манекенка Криси Тајген неодамна ги отстрани силиконите од градите, а сега се фотографираше додека беше на гинеколошоки преглед и упати моќна порака на сите жени. Имено, Кристи објави фотографија од ординацијата сакајаќи да ги потсети жените за редовните гинколошки прегледи. „Не заборавајте редовно да правите ПАП тест и преглед на градите, иако на светот му се ближи крајот“ , пишува манекенката. На објавата таа позира прекриена со хартиен пешкир, а на лицето има маска која е обавезна при излегувањето од домот во Калифорнија.

12 совети од познат гинеколог за најдоброто сексуално искуство

Христина Ѓоргиевска — Mon, 16 Mar 2020 13:15:20 +0000

Д-р Кристијан Нортруп е познат гинеколог и авторка на неколку бестселери, меѓу кои и „Женското тело, женска мудрост“ и таа меѓу другото, тврди дека, без оглед на вашата возраст, можете да го доживеете најдобриот секс следејќи ги нејзините 12 совети. Заборавете на Кегеловите вежби и обидете се со овие: 1. Фокусирајте се на вашето уживање. Без разлика дали уживате во сексот со партнерот или сами, најважно е да се поврзете со вашата виталност и да уживате во искуството. 2. Барајте го она што го сакате. Сфатете дека вашето уживање е важно и немојте да се задоволувате со партнер кој не ги почитува вашите потреби. 3. Одвојте време колку што ви е потребно. Престанете да гледате на часовникот и препуштете му се на задоволството. Уживајте во секој момент и не грижете се за тоа колку време ви е потребно за да се загреете или да го достигнете врвот на возбудата. 4. Запомнете дека оргазмот започнува со првото затегнување на вашиот пубококсигеален мускул. Не обидувајте се да „постигнете“ што било. 5. Користете доволно лубрикант. Кога сте доволно возбудени и крвта добро ви циркулира, слузницата се задебелува, но ако ова ви е проблем, можете да си помогнете со лубриканти. Гинекологот предлага лубриканти што го содржат растението „puerari mirificu“. Естрогенските кремови исто така може да ја задебелат вагинална слузница. 6. Направете го дното на вашата карлица флексибилно и функционално. Наместо да ја користите старата Кегелова техника за затегнување на мускулите, активирајте ги сите карлични мускули, за повеќе да уживате во сексуалниот однос и да спречите урогенитална инконтиненција. Ако станувате и седнувате 32 пати на ден додека сте на работното место, тоа може да ви помогне. 7. Запознајте ја вашата еротска женска анатомија, ценете ја и изразете ѝ љубов. Вашата еротска анатомија е прекрасен подарок! Запознајте ја и откријте како можете да ја стимулирате таа област. 8. Одржувајте го оптимално ниво на витамин Д во организмот. Соодветното ниво на витамин Д може да спречи вознемиреност и депресија, вообичаените непријатели на либидото. Можете да внесете витамин Д преку изложеност на сонце или со додатоци во исхраната. 9. Спијте доволно. Повеќето жени имаат потреба од осум до десет часа сон за да функционираат оптимално. Сонот ве обновува на клеточно ниво. Ви овозможува да се ослободите од насобраните хормони на стрес кои предизвикуваат воспалителни процеси што ѝ претходат на болеста. 10. Разбудете ги центрите за карлична енергија. Вашата прва чакра е центар на кондалинската енергија и во неа ја доживувате вашата животна сила. Втората чакра е вашиот втор енергетски центар и може да стане бавен и блокиран доколку имате нерешени емотивни проблеми во врска со сексот, парите и моќта. Ослободете се од гневот, повреденоста и стравот и пополнете ги долните чакри со енергија, вклучувајќи активности што ги активираат колковите. 11. Најдете нов партнер или станете нова партнерка. Кога ја доживувате вашата пријатна сексуалност и се впуштате во самозадоволување, станувате уште повеќе посакувани. Подобриот секс започнува од вас. 12. Свесно внесете спиритуалност во својот сексуален живот. Запалете мирисливи свеќи, пуштете убава музика и бидете божица чие телесно задоволство е каналот за исцелување на светот. извор: Кафепауза

Тој знае што и како треба да прави: Снежана Ѓуришиќ прозбори за момчето гинеколог!

Христина Ѓоргиевска — Wed, 06 Jun 2018 08:32:28 +0000

Откако и го освои срцето, Снежана Ѓуришиќ не се разделува од белградскиот гинеколог, без разлика дали се во земјата или надвор од границите на Србија. Гласините дека е во врска со помладо момче не и пречат, а вели дека Вања го нашла во вистински момент, па годините не и значат. „Јас не сум ловец. Отсекогаш бев дама и жена која ја освојуваат. Вања е господин интелектуалец, знае што и како треба да прави. Јас сум во генерацијата не жените кои не трчаат по мажите, туку тие ме освојуваат. На сите колешки и жени им посакувам по еден Вања, изјави пејачката за „Блиц“ и додава дека не и пречи што добила и маж и гинеколог. „Не сакам да зборувам за тоа, само ќе кажам: Среќна сум со Вања“.

Таа потенцираше дека не размислува за брак, дека двајцата се реализирани луѓе и таков потпис не им треба.

Десет работи кои вашиот гинеколог би сакал да ги знаете

Моника Манасиевска — Thu, 31 May 2018 09:59:46 +0000

Колку добро го познавате своето тело? За колку прашања поврзани со интимното здравје не сте добиле одговор? Сега имате можност да ги откриете одговорите на 14-те најчести женски прашања, кои вашиот гинеколог би сакал да ги знаете. 1. Колку често треба да се прави ПАП тестот? Точен одговор: Еднаш годишно ПАП тестот се прави преку брис земен од површината на грлото на матката. Ако се воочат нормални клетки, тогаш треба да го правите еднаш годишно, но доколку лекарот ви пронајде атипични клетки, потребни се понатамошни испитувања кои ќе ви ја дадат потребната дијагноза. Со чести прегледи имате поголема можност да ги откриете сите заболувања и инфекции на самиот почеток, па така, дури и ракот на грлото на матката е 100% излечив ако се открие на време. 2. Кога треба да се направи тест за ХПВ? Точен одговор: Ако резултатите од ПАП тестот не се уредни Денес се смета дека поголем број од жените имале контакт со ХПВ вирусот, но само 3 до 10 проценти од нив го задржале вирусот. Останатите успеале да создадат антитела и така да го елиминираат заболувањето во наредните 2 години. Ако вирусот опстојува подолги години во телото, може да доведе до рак на грлото на матката. Тоа најчесто се случува кај лицата заразени со високо ризичните типови. Познати се околу 120 типови, од кои 40 се преносливи по пат на секс. 3. Кога е најдобро да се направи ПАП тест? Точен одговор: Било кога, освен во периодот на менструалното крвавење и ден-два пред и по него. Порано препораките беа врзани со средината на циклусот, затоа што тогаш брисот е најчист, но заради усовршувањето на техниките, денес тоа не игра голема улога. Ако жената која прави ПАП тест нема никакви симптоми и болки, а се најде неуреден ПАП брис, веројатноста за нејзино оздравување е високо, дури до 92%. Но, ако дојде заради тоа што има крвавење или непријатно чувство околу интимната зона, тој успех опаѓа на 66%. 4. Кои промени на кожата се поврзани со бразилската депилација? Точен одговор: Подраснати влакненца, груба кожа, промена на бојата на кожата Веќе подолго време се коментира дали бразилската депилација е мода или хигиена. Некои гинеколози предлагаат да се одржува уредна интимна зона, но сепак се против целосното отстранување на влакната. 5. По колку дена се чувствува подобрување кога жената се лечи од засилен секрет? Точен одговор: 4 дена По 4 дена се чувствуваат првите подобрувања. Чувството на пецкање, чешање и засилен секрет се намалува, а ако и понатаму продолжат непријатните појави, веројатно се работи за бактериска вагиноза. Бактериската вагиноза се појавува како намалена отпорност и повлекување на вагиналната флора, промената на киселоста, па така бројот на габи и микроби расте. 6. Колку пати треба да се повтори кандидата за детално да се испита? Точен одговор: По четвртиот пат или по две појавувања во пократок временски период, односно во1 месец Ако кандидата е честа појава, тоа значи дека нешто не е во ред со имунитетот и потребно е испитување на целокупното здравје. Во лечењето и испитувањето задолжително се вклучува и партнерот. 7. Каде се чувствува болката која е поврзана со здравјето на јајниците? Точен одговор: Во долниот дел од карлицата, во ниво на колковите Јајниците се мали органи со големина на бадем кои се наоѓаат во малата карлица, лево и десно од матката. Болката во тој предел може да биде предизвикан од јајниците, заради можно воспаление, тумори или цисти. Најчесто овие болки се појавуваат заради бенигни цисти на јајниците, кои се честа појава и најчесто не побаруваат посебни терапии. Само во 5% од сите регистрирани се работи за сериозни тумори и цисти, кои најчесто се појавуваат кај повозрасни жени. 8. Што е нормално во текот на менструацијата? Точен одговор: Секоја болка (дури и умерената), силното или неправилното крварење не е нормална појава. Нормалната менструација не би требало да ви предизвикува никакви мачнини. Болката за време на менструацијата може да се појави кај некои жени, додека крварењето мора да е умерено затоа што ако е посилно, треба да го проверите ткивото на матката. Неправилните крварења се оние кои траат подолго од 10 дена, оние кои се јавуваат на 21 ден или паузата помеѓу нив трае 35 дена. 9. Кои се главните причини за карциномот на вулвата? Точен одговор: Пушењето Пушењето се наведува како една од најголемите опасности, а покрај него ХПВ инфекцијата е еден од причинителите. Промената на бојата, чешањето и раните на кожата се знак дека се случува нешто што не е нормално. 10. На кој начин менструацијата се менува по 30-та година? Точен одговор: Станува полесна По 30-35 години нивото на естроген опаѓа, а со тоа и менструациите стануваат помалку обилни. Прескокнувањето на циклусот во овој период може да укажува и на прерана менопауза или некое друго заболување, како што е намалувањето на работата на тироидната жлезда.

Гинеколозите откриваат: Најлошите работи што жените ги прават за време на преглед

Слободанка Илиева — Fri, 16 Feb 2018 11:03:59 +0000

Женските репродуктивни органи се навистина неверојатни, а жените треба подобро да се грижат за нивното здравје. Токму поради ова е важно да посетувате гинеколог барем еднаш годишно. Дури и ако ви е срам да ги покажете приватните делови на професионалец, имајте на ум дека не постои нешто што гинеколозите го немаат видено. Сепак, нивната работа не е лесна, па погледнете ги 11-те работи кои гинеколозите навистина ги мразат.

1. Откажување на прегледот поради менструација

Гинеколозите се зафатени луѓе и тие се навикнати да гледаат менструална крв. Повеќе им одговара да дојдете со менструација отколку да ги оставите со празен термин во последен момент.

2. Постојано молење од негова/нејзина страна да се спуштите подолу

Гинеколозите не можат да ве прегледаат оддалеку. Колку и да не сакате, тие мора да ви се доближат за да проверат дали сè е во ред.

3. Доаѓање на преглед со партнерот

Нема ништо сексуално во прегледот од гинеколог. Па, зошто би го носеле и вашиот партнер? Гинекологот може да се чувствува навистина непријатно.

4. Користење Гугл за дијагноза

Без разлика кои се вашите симптоми, ако сте се консултирале со Гугл голема е веројатноста дека станува збор за смртоносна болест. Па, немојте да му кажувате на гинекологот што сте прочитале на Интернет.

5. Криење на проблеми со менструацијата

Додека ПМС-от е честа појава кај многу жени, ако вашите симптоми ви го отежнуваат денот, кажете му на гинекологот. Тој ќе ви помогне полесно да се справите со овие денови од месецот.

6. Криење на желбата за женски доктор

Гинеколозите разбираат дека некои жени сакаат да бидат прегледани од женски доктор. Сè што треба да направите е да кажете.

7. Недоволна лична хигиена

Вагината можеби е орган кој самиот се чисти, но тоа не значи дека треба да ја оставите така. Ако имате влакненца, секогаш нека бидат чисти. И уште поважно, носете чиста долна облека.

8. Прескокнување на проверките за рак на матка

Не е тајна дека ракот на матката се развива бавно, па регуларните тестови можат да спасат живот. Кога жените почнуваат да покажуваат физички симптоми, тогаш е предоцна за лекување.

9. Криење на симптомите од гинекологот

Дури и ако мислите дека необичниот исцедок не е причина за паника, најдобро е да му кажете на гинекологот. Сепак, станува збор за вашето здравје.

10. Ненадејно прекинување на пилулите за контрацепција

Ако методот на контрацепција не ви одговара, важно е да му кажете на гинекологот за да можете да разговарате за вашите опции. Прекинувањето на контрацепцијата без да користите друг метод за заштита води до несакана бременост.

11. Сомневање во довербата

Дури и ако новиот гинеколог е пријател на вашиот пријател, никогаш немојте да се сомневате во неговата доверба. Медицинските лица се обврзани со закон да ги чуваат вашите информации во тајност. извор:кафепауза.мк