гимнастика – Вистина.мк

Пејачката ужива на Сејшелите, од каде им испрати „влажен поздав“ на пријателите: Џехва разголена во жешки пози што ги можат само виртуози (ФОТО)

Антонио Димитриевски — Mon, 24 Apr 2023 11:37:04 +0000

Пејачката Теодора Џехверовиќ по аферата со аудио снимката која осамна на ТикТок на која наводно се слуша нејзиното стенкање и страсно еротско „офкање“ при „чин на пеглање“, набрзина ги спакува куферите, ја напушти Србија и замина на егзотична локација - сончевите Сејшелски острови или едноставно привремено се „отсели“ на Сејшели.

View this post on Instagram

A post shared by ᏆᎬᎾᎠᎾᏒᎪ (@teodoradzehverovic)

Теодора редовно се рекламира на Инстаграм, па така и оттаму со своите провокативни фотографии се обиде да ја заташка аферата со тоа што реши целосно да ги воодушеви своите следбеници со нови разголени фотографии, но и необични пози.

View this post on Instagram

A post shared by ᏆᎬᎾᎠᎾᏒᎪ (@teodoradzehverovic)

Многумина не знаеја дека пејачката е толку жешка колку и Сејшелите, кои се идеална локација за да го покаже сиот свој телесен раскош доведен до совршенство со редовен тренинг и здрава исхрана... А веројатно и нешто повеќе од тоа, ако навистина снимката на ТикТок е веродостојна?! Во мини бикини со истурени секси облини, Џехва во необични пози кои ги можат само вистинските виртуози... И во гимнатсиката и во еротиката...

View this post on Instagram

A post shared by ᏆᎬᎾᎠᎾᏒᎪ (@teodoradzehverovic)

Иако со неа се само снаата Адријана Кадар, нејзиниот брат Сава и нејзиниот шминкер, судејќи по фотографиите од одморот, позите што Џехва ги демонстрира од зајдисонце до раните утра, нудат невидена возбуда... Небаре пејачката е излезена од книгите за „Камасутра“. Како и да е, Џехва ужива за сите пари на Сејшелите, од каде им испрати „влажен поздав“ на пријателите... Фото: Инстаграм принтскрин/teodoradzehverovic

Настапуваат во Германија, а сонуваат Македонија да ја претставуваат на Олимпијада: Илина и Ева Соколовски тренираат и кога треба да одморат

Антонио Димитриевски — Wed, 27 Jul 2022 12:29:53 +0000

Сезоната заврши, натпреварите по ритмичка гимнастика во Германија на државо ниво завршија, а нашите девјчиња Илина и Ева Соколовски и покрај пандемиската година и тешките услови за работа, со успех се збогуваа од оваа сезона, а од есен не само Илина(16) , туку се очекува и Ева (12) да настапува во Бундес лигата. Македонските девојчиња веќе пристигнаа во Скопје на летен одмор, но и тука не мируваат, туку секој ден тренираат во ОУ „Гоце Делчев“ во населбата Илинден. Велат нема застанување, бидејќи во новата сезона ги очекуваат многу потешки натпревари и нови медаљи да и донесат на Германија, иако се натпреваруваат со македонски пасош. Илина, која поради големиот талент не се натпреварува со нејзината, помлада категорија, туку со сениорите и цела година на републичките натпревари се закитуваше со медали. -Настапував со поголеми од мене, една од натпреварувачките имаше 30 години и оваа година и е последна сезона. Јас бев пред неа два пати иако таа уште од мала мене ми беше идол. За да дојдеш во финале мора неколку пати да се победи на републичко ниво, а јас неколку пати во текот на сезоната победував. Во републиката каде живеам со семејството, во Северна Рајна Вествалија јас немам конкуренција. А Бундес лигата, каде е веќе три години, почнува на почетокот на октомври и затоа сега не смее да се престане со тренирање, вели Илина. Таа е веќе препознатлива, помали дечиња од неа веќе сакаат да се сликаат со неа и ја сметаат за идол. А поради таленот многу од нејзините конкурентки и имаат страв, а некои и пружаат рака за успехот. За разлика од неа Ева настапува во малите групи, но она што е интересно е дека таа на натпреварите речиси и да не останува без медали, а поради талентот добила покана и таа од новата сезона да почне да се натпреварува во Бундес лига во нејзината јуниорска категорија. -Кога ќе се вратиме во Германија ќе одиме на тренинг и од тој тренинг, на крајот на август ќе се одлучи со кои вежби ќе се натпреваруваме во Бундес, вели Ева. Илина и Ева летниот распуст го поминуваат си тренирање и тоа секој ден се на линија со тренерите. Но, тоа не им е тешко и на двете паралелно да нижат успеси и на училиште. -Кога се сака се наоѓа време. И двете сме свесни дека овој спорт трае до одредена возрасна граница, па така неминовно е да си имаме професија, кога ќе престанеме професионално да се занимаваме со ритмичка гимнастика. Но, и покрај тоа и на двете сон ни е да се натпреваруваме на Олимпијада, велат Илина и Ева. Уште подобро е, велат и двете, ако ја претставуваат Македонија на овој најголем спортски натпревар.

Илина Соколовска – македонско девојче, шампионка на германска земја (ФОТО)

Антонио Димитриевски — Tue, 15 Dec 2020 08:45:09 +0000

Малата Илина Соколовска (14) е пример за уште една успешна македонска приказна надвор од границите на државата. Таа со нејзиното семејство живее во германскиот град Билефелд, каде ова талентирано македонско девојче ниже успеси за Германија, но сонува еден ден македонското знаме да го вее на Олимпијада. И ако се погледнат нејзините досегашни успеси во ритмичка гимнастика, несомнено дека овој сон лесно може да и се оствари. По неполна деценија занимавање со овој спорт, нејзиниот дом е преполн со пехари, кои минатата година и го отворија патот да почне да се натпреварува и во Бундес лигата. И таман почна се' да се одвива како што треба, се случи корона пандемијата, која го застана животот во целиот свет. Но, Илина и покрај стопирањето на натпреварите не застанува. Нејзиниот живот продолжи со тренирање, за да биде подготвена, кога повторно животот ќе се врати во нормала и ќе почнат натпреварите. „Од февруари до октомври немавме никаков настап. Цела година чекав да се натпреваруваме. Пред десеттина дена се случи еден клупски натпревар, убаво беше, но откажаа многу клубови од Бундес првата и втора лига. Мојот клуб учествуваше, запазувајќи ги сите протоколи за заштита. Мојот клуб се вика СГ Гутерслох- Билефелд, и клубски се натреварувавме. Секој сам танцуваше и на крај со вкупно 80 поени како клуб го освоивме петтото место. Имаше посилни клубови од нас, се натреваруваат на интернационално ниво. Требаше и деновиве да има уште еден натпревар, но поради короната и тој е откажан“ - вели Илина, која пред неколку години на интернационален натпревар во Украина ја освои титулата „принцеза“, освојувајќи најмногу поени. Иако нема натпревари Илина, како и нејзината помала сестра Ева (10), која исто така е гимнастичарка, продолжија да тренираат. Додека беше топло времето тренирале во природа, но сега тренинзите ги прават дома, секој ден по неколку часа. „Многу ни е тешко што не можеме да спортуваме. Сестра ми Ева дури и плачеше бидејќи за следните четири недели се откажани тренинзите и затоа ќе тренираме дома, во дневната соба, бидејќи надвор е веќе студено. Од март до јуни вежбавме така, малку дома, малку надвор. Кога не ослободија многу се израдувавме дека ќе продолжиме со натпреварите, но ете пак не затворија. Сега само одиме на училиште,цело време со маски и со постојано отворени прозорци и врати. На часови седиме со јакни, капи, шалови или ќебе врз себе. Напорно е ама мора да се издржи. Одам во деветто одделени и најдобра сум во класот. Паралелно вежбам и учам. Обврските со спортот и натпреварите не ми пречет на училишниот успех. А имам време и за другарките. Секогаш прво е учењето, па потоа дружењето“ - вели Илина. Сонот на секој спортист, па и на Илина е успех и само успех. Но најголем сон и е да ја однесе Македонија на Олимпијада, кој ако продолжи со трофеите, како и до сега, секако дека ќе и се оствари. Иако таа се натпреварува за Германија, сепак, засега го има само македонскиот пасош, па оттаму и надежта дека еден ден ќе ја однесе својата татковина на најголемото спортско натпреварување. „Јас отсекогаш сонувам да одам на Олимпијада и се надевам дека ќе успеам. Сега се натпреварувам со многу силни гимнастичарки, кои се постари од мене. Но, тоа ми е мотивација повеќе. Да бидам уште подобра. Кога бев мала, уште во градинка ги гледав девојчиња како вежбаат и гледав колку убави фустанчиња имааат. Така го засакав овој спорт. А потоа, кога почнав да вежбам и да се натпреварувам и да редам успеси уште повеќе почнав да го сакам. Засега имам над осум натпреварувачки фустани, кои веќе ми се мали. Сите од клубот одиме кај една жена која е од Русија и по наша желба ни ги прави“ - вели македонската шампионка на германско тло. „Пред компјутер сум само кога морам. Кога е потребно од училиште. Затоа сакам да им порачам на моите врсници да си размислат дали тоа ќе им помогне во животот и каков успех ке имаат ако по цел ден седат пред комјутер и затворени дома. Јас најмногу сакам биологија и хемија. Мислам дека кога ќе престанам професионално да се занимавам со гимнастика тоа ќе ми биде животна преокупација, можеби и професија. Сега по 3-4 часа дневно вежбам, после училиште прво јадам, па пишувам домашна и потоа тренирам. Па пак продолжувам со домашното и потоа одморам. Сакам и јазици, покрај македонскиот и германскиот јас паралелно ги учам и англискиот и францускиот. За се' се наоѓа време“ - вели таа. До минатата година Илина едвај чекаше да дојде лето, за да дојде во Скопје. И додека беше тука на одмор, таа постојано тренираше. „Ми се доаѓа во Скопје многу. Цела година чекав да дојде летото и многу ми беше жал што летово не можевме да дојдеме. А многу сакав кај баба и дедо, кај Нате братучетка ми, кај стрина и чичо. Сакам да ги видам сите, но место тоа, сега комуницираме само по телефон. Се надевам дека до следното лето ќе се вратиме во нормала и се' ќе биде како порано“ - вели со надеж Илина, македонската шампионка која ниже успеси на германска земја.

Камасутра фискултура: Марија Шерифовиќ вежбаше по дома заедно со нејзинoто куче, а песот, всушност се обиде „да вежба“ нешто друго… врз неа! (ВИДЕО)

Антонио Димитриевски — Thu, 16 Apr 2020 08:48:22 +0000

Со оглед на тоа што беше надвор од својата земја, на Марија Шерифовиќ и е одреден карантин од 28 дена по враќањето во Србија. Пејачката сега седи дома во изолација, каде друштво и прави нејзиниот домашен миленик, песот Хак. „Уживам со моето куче Хак. Сега правиме сè што пропуштивме со текот на годините. Се борам со здодевноста со добри серии. Сите ние имаме за цел да издржиме за сето ова да трае што е можно пократко, а тоа е можно само ако сме совесни и одговорни“ - изјави Марија, па се фрли на вежбање утринска гимнастика, како дел од своите секојдневни карантински активности. „Во здраво тело - здрав дух“, а за телото да не „зарѓа“, треба да се одржува, па макар и по дома. Тоа пејачката добро го знае, па затоа секое утро има нова тура фискултура. И таман Марија соодветно се намести, па така легната на подот почна да прави склекови, ете ти го нејзиниот домашен љубимец, кој радосно дотрча до неа, како да не ја видел со векови. И додека таа се мачеше на мускули да се крева горе-долу, на Хаг исто така почна да му се крева, ама кучешкиот адреналин. Откако по се' изгледа му проработи животинскиот инстикт, за малку ќе предизвикаше конфликт... Помеѓу миленикот и газдарицата, секако! Зашто, додека Марија вежбаше, песот начека прилика и... за малку да направи неприлика. Впрочем, не е тој виновен... Така изолирани и затворени, на кому до што му дошло... На газдарицата во раните утра до нова гимнастичка тура, а на кучето до... „камасутра фискултура!“

View this post on Instagram

Moj psa i ja. Vezbamo. ????

A post shared by Marija Serifovic (@serifovic) on Apr 15, 2020 at 9:38am PDT

Сестрите Илина и Ева Соколовски завршија со уште по едно злато

Слободанка Илиева — Thu, 21 Jun 2018 09:04:44 +0000

Македонските спортски амбасадорки Илина и Ева Соколовски сезоната на натпреварите во ритмичка гимнастика ја завршија со уште по едно злато. И двете на натпреварите минатата недела го освоија првото место во републичкиот натпревар во Германија и сега заслужено заминуваат на одмор во Скопје, родниот крај на нивните родители. Илина викендот победи на последниот летен натпревар што се одржа во градот Минтер, Германија, и го освои пехарот од 21 натпреварувачка, колку што учествуваат во групата до 12 години. Таа има 11 години, но заради талентот и знаењето цела година се натпреварува со поголема група.

Овој пехар доага веднаш по првиот интернационален, кој се одржа на почетокот на месецот во Украина, каде исто така го освои златото и беше прогласена за- принцеза на Украина. Ева, пак, која има 9 години во нејзионата група исто така го освои златото. Таа годинава имаше шест натпревари во Германија и на сите шест го освои првото место. Илина и Ева се гордост на Германија, иако се уште настапуваат со македонски пасош.