германија – Вистина.мк

Уште едно злато и бронза: Победничката мисија во ритмичка гимнастика на Илина и Ева Соколовски во Германија продолжува

Антонио Димитриевски — Wed, 21 Feb 2024 13:02:32 +0000

Илина и Ева Соколовски се македонска спортска гордост, а тој епитет заслужено го добија, бидејќи скоро една деценија носат само металји во ритмичка гимнастика во Германија. Доказ за тоа дека Македонија навистина треба да се гордее со нив е и последниот натпревар каде Илина освои злато, а Ева бронза. Овој викенд Илина и Ева се натпреварува во Верл, во Северна Вествалија на натпреварот Gaumeisterschaften 2024, кој е турнир со традиција. Иако имаа силна конкуренција, сепак, Илина(17) освои првото место, додека Ева(14) го освои третото место . Но, и двете немаат време да се израдуваат на медалјите, бидејќи нивната победничка мисија продолжува понатаму, на интернационални натпревари. Илина овој турнир го мета како згревње, бидејќи идната недела заминува на еден од најголемите турнири по ритмичка гимнастика во Естонија, додека Ева на овој турнир ги комплетираше новите кореографи со кои ќе настапи на јуниорскто Балканско првество по ритмичка гимнастика кое ќе се одржи во Босна. Двете на овие интернационални натпревари ќе ја претставуваат Македонија. Освен тоа Илина со голема помош од Макдонската федерација за гимнастка на чело со претседателот Љупчо Арнаудов, ќе ја преставува Македонија на Европско првенство по ритмичка гимнастика во сениорска конкуренција, кое ке се одржи во од 20-26 мај во Будимпешта. -Заминувам за Естонија свесна е дека ќе се натпреварувам со елитата по ритмичка гимнастика. Посакувам секако, но не окекувам да се случи нешто поголемо. Сакам само да си измерам силите со најдобрите со моите нови кореографии и едноставно да ми биде подготовка за настап на Европското првенство во Будимпешта, вели Илина. Овие две македонски сонца со родителите живеат и растат во Германија. Иако се со македонски пасош Германија се гордее што ги има, бидејќи и двете нижат само успеси, а Илина и поради резултатите и поради талентот веќе се натпреварува во Бундес лига. Од минатата година Илина и Ева почнаа да ја претставуваат Македонија на интернационални натпревари. Нивниот сон е еден ден да ги бранат боите на македонското знаме на Олимпијата.

Македонската пејачка наместо со екстра заработка со празнична главоболка: Место бакшиш – апчиња, па за да ја поправи работата, Марија му ја „кидна“ за Германија (ФОТО)

Антонио Димитриевски — Sat, 13 Jan 2024 09:00:02 +0000

На „кралицата на бакшишот“, Марија Луиса Тодоровска, по се изгледа не и испадна математиката за Нова Година!? Или барем така тоа изгледа од она што пејачката на една од своите последни Инстаграм стории го споделила, каде беше многу загрижена. На фотката сајзерот наместо накитен со девизи и денари, полн со таблети и лекови... Оние што се разбираат во фармација велат: Ништо страшно, „битолската фолк грација“ изгледа малку ја стегнале крајниците, зашто меѓу апчињата повеќето се „бонбончиња за лижење“ кога ќе те загребе грлото, па во нив пејачката го побарала спасот кога и подзарипнал гласот. Покрај нив уште некоја парацетамол таблета и уште по нешто за препотување... ама бакшишот го нема никаде? Можеби токму затоа, за да ја надополни заработката и излечи главоболката, Марија му ја „кидна“ за Германија. И тоа правец - Минхен, кај што има мноштво нашинци кои празнично расположени, би требало да и ја поправат работата со заработката на фолкерката. А кога ќе дојдеш со „ситниш“ на Запад, не ти останува ништо друго освен и кафето да го пиеш на улица, по сокаци... До душа, Мариен Плац не е Широк Сокак, ама ако... Во добро друштво кафето и вака е слатко! Но, штом дојде време за вечерниот настап, расположението веднаш се менува и тоа правопропорционално со заработката... Зашто сега сајзерот среде свирка на секоја дирка наместо со лекови, апчиња, таблети, е богато накитен со двоцифрени и троцифрени европски банкноти! Па затоа другиот ден кафето веќе не се пие на улица, туку во голем шопинг мол, каде се чека редица пред ексклузивна продавница, за да се потроши нешто од бакшишот, на некое луксузно парче или скап акцесоар, купен сама себеси на дар! Единствено остана дилемата со таблетите на пејачката оставени среде свирка на сајзерот од почетокот на приказната... Дали сите беа за грло, главоболка, настинка...? Антибиотик како замена за инјекција или сепак меѓу таблетите имаше скриено по некоја и за... контрацепција? Фото: Инстаграм/luisa.todorovska

Македонските музичари Александар Петрески и Тина Русева кои живеат во Германија, имаат своја песна за прекрасниот – „Божиќен ден“ (ВИДЕО)

Антонио Димитриевски — Fri, 05 Jan 2024 11:51:36 +0000

Двајцата музичари, Александар Петрески и Тина Русева ја промовираа својата најнова песна „Божиќен ден“, токму како што доликува за овој пеиод од годината. Инспирацијата за создавањето на оваа божиќна песна доаѓа од книгата со трите зајачиња. „Дојдов до идеја да ја напишам оваа божиќна детска песна, во која e даден поглед на среќата која децата ја чувствуваат за божиќните празници или како што се вели, најубавото време во годината. Но дали секое дете исто ја чувствува таа среќа? „На овој прекрасен ден, делиме се’, „Божиќен ден“, носи среќи две волшебни сни, подари ги…“ Јас ја поделив среќата со Тина и таа навистина стана двојна. Со задоволство Ви ја претставувам мојата авторска песна „Божиќен ден“ - вели Александар Петрески. Како што открива тој, музиката е одамна компонирана и создадена, таа претставува стара но оргинална идеја. Додека неговиот син бил бебе, тој често му ја свирел. „Во моментот кога бев на пат сам да ја довршам новата божиќна песна, сосем случајно ја открив Тина Русева, Македонка од Струмица, која живее во Германија во моја близина. Таа е огромен млад вокален талент и професионалец, кој внесе волшебство во оваа песна. Мојата цел е да оставам препознатливост и музика која ќе трае. Посакувам што поголемо слушање и ширење позитивна и божиќна енергија. За сите деца и за сите возрасни! Сподели ја песната за двојна среќа“ - вели овој македонски музичар кој живее и работи во Германија. Инаку, музиката, текстот, аранжманот, продукцијата и мастерингот на песната се на Александар Петрески, кој заедно со Тина Русева ги пее и вокалите. Александар се погрижи и за видео продукцијата и видео- записот на неговата нова песна која можете да ја проследите во продолжение.

На богата свадба во Германија да пее и жнее се собра кремот на српската естрада, од Цеца до Ацо Пејовиќ, а меѓу нив и нашата пејачка со „златно грло“ (фото)

Слободанка Илиева — Sat, 11 Nov 2023 08:30:02 +0000

Големите музички имиња се се’ почести гости и на големи, мега свадбени веселби на домаќини со подлабок џеб што може да ги исплатат бараните хонорари од суми со многу нули. Една таква свадба се случи викендов во Берлин- Германија каде на сцена за да ги весели гостите и младите, се собра кремот на српската естрада. Цеца Ражнатовиќ, Саша Матиќ, Ацо Пејовиќ, хармоникашот Аца Софронијевиќ и сигурно уште многу други кои камерата од објевените видеа не успеа да ги сними. Покрај музичкиот дел, на свадбата имаше дури и водители, а таа улога им припадна на Милан Калиниќ и Душица Јаковљевиќ, кои како и музичарите си фатија ултра квалитетна тезга. Сето ова успеавме да го видиме преку стори објавите на пејачката која ја нарекуваат македонскиот славеј или пејачката со златно грло, Анета Љуманковска за повеќето попозната како Анета „Молика“. Најзиниот дел за „стори“ објави беше густо нареден со куси видеа, а за загревање почна со објавата пред настап и тоа како е облечена во принт кошула и црно кожно макси здолниште, како и селфи со водителката Јаковљевиќ. Новитетот на неа не остана незабележан – новата фризура која се решила да ја смени со пократка коса. Откако ни презентираше како се дотера битолската дама, следеше и да се покаже вокално на спомената веселба. Откако си го отпеа својот дел, односно го одработи бараното, си седна на масата за музичарите, ги слушаше, уживаше и снимаше своите српски колеги, Цеца Ражнатовиќ, Ацо Пејовиќ, Саша Матиќ... Се пееше, јадеше, пиеше и секако богато се жнееше. Атета е докажано еден од најдобрите вокали на македонската музичка сцена, а младите, односно домаќините на свадбата очигледно дека го сакале најдоброто за големиот ден. За Анета полн џеб и секако реклама плус заедно со музичкиот фолк крем на Балканот. фото:инстаграм принтскрин/Анета Љуманковска

Прија полна со енергија: Пејачаката излезе пред публиката и заигра со боси нозе (видео)

Слаѓана Атанасова — Mon, 06 Nov 2023 08:16:00 +0000

Пејачката Александра Пријовиќ направи имаше настап во Германија каде атмосферата во еден клуб ја доведе до врв. Прија ги изведе своите хитови, но и песните на колегите, а публиката, судејќи по видеата кои се појавија на Тикток и Инстаграм, одлично се забавувала во текот на целата вечер.

@brko225 #stuttgart #viral #viralvideo #fyppppppppppppppppppppppp #virale #flashclubpforzheim #србија🇷🇸 #aleksandraprijovic❤️ #aleksandraprijovic ♬ original sound - Brko

Таа на сцената се појавила во тесен, црн фустан, со гол грб и шлицови кај нозете и доби цела низа комплименти за нејзиниот изглед. Александра била расположена, па играла во ритамот на музиката пред фановите. Таа во еден момент понесена од енергијата во клубот дури ги соблече и високите потпетици, а сите овие моменти завршија на социјалните мрежи. Пејачката добила и подароци од обожавателите, букет цвеќе, што целосно ја воодушевило.

@ascic_v1004 Dame i gospodo,Aleksandra Prijović!🫶🏼 #fypシ #aleksandraprijovic #pforzheim #balkan ♬ original sound - Valentina Aščić

Фото: Принтскрин/Инстаграм/Тик Ток

„Кога падна на Пирина“ ечеше на финале во Германија: Илина Соколовска со нови успеси по ритмичка гимнастика

Антонио Димитриевски — Thu, 29 Jun 2023 05:10:24 +0000

Гимнастичарката Илина Соколовска настапи на големото германско финале по ритмичка гимнастика, што се одржа во Вестербург - Германија, рамо до рамо со искусни спортистки, а и двата дена додека се натпреваруваше на финалето ечеше познатата македонска патриотска песна песната „Кога падна на Пирина“. Илина иако има само 16 години, сепак, поради нејзиниот талент, веќе неколку години се натпреварува и освојува медали во Бундес лигата, а сега се натпреваруваше со гимнастичарки над 20 години и го освои седмото место. Во финалето дел се само најдобрите гимнастичарки од републичките натпревари во Германија, но, за жал, како што вели таа, иако е германско финале најголемиот дел од натпреварувачките биле од Украина и Русија. - Сите натпеварувачки беа од бившите советски републики, но највеќе од Украина. Поради војната многу гимнатичарки заземаа место во германските клубови со што гимнастиката веќе е на повисоко ниво на квалитет. Јас иако имам 16 години, сепак, настапив во сениорска конкуренција. Бев најмала во првиот настап, а настапив со топка и кореографијата со македонската песна „Кога паднав на Пирина“ и добив висока оценка од судите, вели Илина и додава: - Презадоволна сум, бев во конкуренција за првите три места. Следниот ден настапив со истата кореографија, бидејки дибив големи бодови од претходниот ден, но од судите бев изненадена, бидејќи добив четири поени помалку. Но, тоа е во спортот. Не сум разочарана, напротив задоволна сум и со овој успех. Бидејќи успех е да учествуваш во финале со најдобрите 15. Не е едноставно треба многу работа. Секој ден од 3-4 часа тренинг, некогаш и саботи, а понекогаш и до шест часа на ден. Но, трудот и напорот се исплатеа, дојдов до посакуваниот резултат, вели Илина. Паралелно со ова Илина се подготвува и за Европското првенство, кое ќе се одржи во Будимпешта. Илина за прв пат ќе ја претставува Македонија. – Ми се оствари сонот да ја претставувам Македонија на интернационален наптревар, да го развеам македонското знаме на големи натпревари, изјави претходно таа.

Марија Груевска на турска купка среде Германија: На распеаната битолчанка турскиот амам и е тамам (ФОТО)

Антонио Димитриевски — Sat, 24 Jun 2023 07:19:29 +0000

Во регионалното музичко шоу „Ѕвездите на Гранд“ досега поминале многу македонски кандидати, но ако треба да издвоиме еден повпечатлив, тогаш тоа е битолчанката Марија Груевска. Таа покрај шокантниот стајлинг на настапите и бројните модно-сценски изненадувања, имаше и одлични вокални интерпретации. По завршувањето на сезоната на „Ѕвездите на Гранд“ во која учествуваше, пејачката минатото лето се омажи за своето момче Синиша Стојаноски, а на веселбата присуствуваа околу 600 гости. Недолго потоа, направи уште еден голем чекор во животот кога Марија реши дефинитивно да ја напушти Македонија и се отсели неколку илјади километри од татковината, на запад во Германија, каде сега живее. Иако никогаш официјално не го оставила пеењето, кај Марија нема ништо ново... Ниту на музички план, ниту мна животен, кога е барем проширувањето на семејството во прашање. До душа таа неодамна најави две нови песни чие снимање беше во фаза на реализација. „Снимам две нови песни кои се надевам дека ќе успеам да ги завршам и да ги објавам до почетокот на летото. Нетрпелива сум публиката да ги слушне, но од друга страна сакам се да подготвам темелно како и секогаш“ - изјави неодамна Марија, но до сега ништо ново не слушнавме. Затоа пак Марија и тоа како знае да ужива во животот и неговите убавини, особено ако за тоа има можности, а по се изгледа дека Германија почна да и годи и прија, колку и да изјавуваше дека таму не и се допаѓа: „Се преселив во Германија, но да бидам искрена, не ми се допаѓа таму. Во последно време размислувам да се вратам назад, бидејќи Балканот е најдобар“. Арно ама, по се изгледа распеаната битолчанка се премислила, па нашла начин како да си го исполни времето и ужива во дадените можности. Дека е тоа така, покажуваат најновите споделени фотографии на пејачката, на кои се гледа дека на Марија топлата купка во турскиот амам и е тамам! Имено, Марија ужива во еден бањски спа ресорт во Германија, каде опуштањето во турската бања ги надмина нејзините очекувања. Најпрвин полевање со топла купка сосе сите ритуали, а потоа опуштено уживање за комплетна релаксација. „Ритуалите во амамот траат околу еден час. Но, ако сакате да останете подолго, само легнете на каменот и уживајте” - напишала пејачката во описот на фотографиите на кои се гледа дека топлата купка во турскиот амам на Марија и е навистина тамам! Фото: Инстаграм принтскрин/marija_gruevskaa

Носеа медали за Германија, а сега тоа го прават за Македонија: Илина и Ева македонското знаме ќе го веат и низ Европа

Антонио Димитриевски — Sat, 03 Jun 2023 10:59:14 +0000

Нашите девојчиња Илина и Ева Соколовски повторно редат успеси, а најубавото е што ќе се натпреваруваат под македонско знаме на интернационални натпревари по ритмичка гимнастика. Илина и Ева со родителите живеат во Германија, и сите досегашни нивни успеси, златни, сребрени и бронзени медали што ги освојуваа, ги освојуваа за Германија иако и двете се со македонски пасош. Но, овој пат и за двете задоволството е поголемо, бидејќи, како што велат, ќе ги бранат боите на татковината. Илина се квалификуваше за големото германско финале во ритмичка гимнастика, односно Германскиот куп, кој ќе се одржи на 10 јуни, додека нејзината сестра Ева прв пат ќе ја претставува Македонија на интернационален натпревар, кој ќе се одржи на 15 овој септември во Будва. -Германскиот куп ќе се одржи за 10 дена во градот Вестербург и ова ми е четврти пат што се натпреварувам во финалето, каде секогаш земаат учество топ 15 најдобри гимнастичарки во Германија. Пред две недели се натпреварував во полуфиналето во градот Хепенхаим, во сениорската категорија, каде што настапија 32 натпреварувачки со врвен квалитет. Настапив со три кореографии, топка, чуневи и лента и едноставно тргна се како што треба. Бев перфектна во трите кореогафии, со што се квалификував во големото германско финале или Германскиот куп во ритмичка гимнастика, рече Илина и ги откри плановите: -Во план ми се уште четири интернационални натпревари оваа и следната година. Натпреварите ќе бидат во Полска, Италија, Германија и Португалија. Сите овие натпревари ќе ми бидат како еден вид подготовка за Европското првенство на кое за прв пат ќе ја претставувам Македонија, вели Илина. Но, успеси во оваа дисциплина не реди само Илина, туку и нејзината сестра Ева(13). Ева, по големите успеси во Германија, за првпат ќе настапи на интернационален натпревар, каде ќе ја претставува Македонија. -Интернационалниот натпревар по ритмичка гимнастика ќе се одржи на 15 септември во Будва. Ќе се натпреварувам под македонско знаме и задоволството е глемо. Но, голема е и одговорноста, да направам се што можам достојно да ја претставам Македонија. Па прв пат ја претставувам Македонија и ќе навистина ќе дадам се од себе за да направам што подобри резултати и да ја претставам татковината во најдобро светло, вели Ева.

Македонија е мала, но големи сме во срцето и успесите: Злато и бронза во ритмичка гимнастика за Ева и Илина Соколовски во Германија

Антонио Димитриевски — Wed, 05 Apr 2023 10:54:14 +0000

Македонските девојчиња Илина(16) и Ева(13) донесоа злато и бронза за Германија. Двете сестри Македонки, кои живеат во Германија, го освоија првото, односно третото место на турнирот по ритмичка гимнастика во републичките наптревари и своите витрини ги закитија со по уште еден пехар. Успехот е поголем што Илина и Ева со нивните години се натпреваруваат во поголемите класи. Ева, која има 13 се натпреваруваше во класа до 15 годишна возраст, на турнирот во германското градче Падерборн и по четврти пат го освои првото место. Додека Илина, која има 16 години на турнирот во Бохум го освои третото место. Токму поради овој голем успех дветге се квалифицира во шолуфиналето на Германија кое ќе се одржи на 29 и30 овој месец во Хефенхајм. Илина, која веќе има и интернационална кариера се натпреварува во сениорската класа, но за разлики од изминатите години сега конкуренцијата е многу посилна, а тоа и дава мотив повеќе да реди успеси. -Ми предизвикува задоволство да се натпреварувам во ваква силна конкуренција. Велам силна е конкуренцијата, бидејки многу гимнастичарки од Украина и Русија поради проблемите во своите дрзави ги потполнија германските клубови. Веќе неколку години ја следам мојата конкуренција, тоа се гимнастичарки поголеми по возраст од мене. Тие некогаш беа мои идоли, а сега ќе треба да ги мерам моите вештини со нив. Знам дека ова за мене е нешто ново, нешто што бара многу труд, но не се плашам. Знам дека ние доаѓаме од малата Македонија, но сме големи во срцето и успесите. Затоа не се плашам, ни рече Илина, која ќе ја претставува Македонија на евроското првенство во гимнастика. -Откако одлучив да ги бранам бите на нашата татковуна не застаувам. Тренирам по шест пати во неделата, а по четири часа преку викендит, но некогаш се случува и по шест часа. И не ми е тешко ништо, напротив, се правам со голема желба, во најдобро светло да ја претставам Македонија, рече Илина.

Контроверзната македонска „Ѕвезда на Гранд“ повеќе не живее во Македонија: Марија Груевска се пресели во Германија, ама таму не и се допаѓа, па размислува да се врати назад (ФОТО)

Антонио Димитриевски — Wed, 29 Mar 2023 08:43:35 +0000

Последните неколку месеци за поранешната учесничка во „Ѕвездите на Гранд“, битолчанката Марија Груевска беа многу посебни, но и малку турбулентни. Освен што му се заколна на вечна љубов на својот избраник Синиша, пејачката направи уште еден голем чекор во животот. На општо изненадување Марија реши дефинитивно да ја напушти Македонија и се отсели неколку илјади километри од татковината.

View this post on Instagram

A post shared by 🎙 MARIJA GRUEVSKA 🎙 (@marija_gruevskaa)

„Се преселив во Германија, но да бидам искрена, не ми се допаѓа таму. Во последно време размислувам да се вратам назад, бидејќи Балканот е најдобар. Таму сум навикната, но и сите ми се таму“ - изјавила за Гранд, иако не сакала да ги открие причините за заминувањето во „туѓина - јабана“, односно дали преселбата во друга земја била од финансиски или некакви други причини?! Затоа многумина беа загрижени дека Груевски ќе го „обеси микрофонот на клин“, но како што потврди самата, тоа никогаш нема да се случи, бидејќи музиката е нејзината најголема љубов покрај нејзините најблиски. „Снимам две нови песни кои се надевам дека ќе успеам да ги завршам и да ги објавам до почетокот на летото. Нетрпелива сум публиката да ги слушне, но од друга страна сакам се да подготвам темелно како и секогаш. Во секој случај, ако нешто се промени во меѓувреме, веднаш ќе ве известам“- низ насмевка се пошегува Марија, а откривајќи дали нешто се променило откако е во брак? „Не, се' уште не!“ - одговорила пејачката одново низ насмевка, веројатно алудирајќи на проширувањето на семејството. Да потсетиме, Марија Груевска пред да донесе одлука да ја напушти Македонија го кажа судбоносното „да“ на својот избраник Синиша и приреди гала свадбена прослава која траеше неверојатни седумдесет и два часа. Марија и Синиша свадбата ја направија со сите адети, според сите традиционални македонски обичаи, па слично како во надалеку познатата Галичка свадба и овде го имаше традиционалното бричење на зетот, одење по невеста, склучување на граѓински и црковен брак, како и забава која како што најавија, траеше цели три дена. „Генерално, најсилен впечаток ми оставија колегите и пријателите, без кои прославата немаше да биде толку совршена, но и самата свадбена декорација, бидејќи се' се одвиваше на отворено и во природа. Немавме ограничувања, славевме до мугри. Почнавме во петокот, дремнавме малку и продолживме до неделата“ – изјави Марија во таа прилика. За песните сме речиси сигурни дека насккоро ќе ги промовира, дали наскоро ќе се врати во Македонија и покрај тоа што за неа германија не е то-тоа, тешко дека може да поверуваме, а за проширувањето на семејството... Е, тоа веќе зависи од неа, нејзиниот брачен партнер и секако... од Божјата волја! Фото: Вистина - архива/Инстаграм принтскрин/marija_gruevskaa