газда – Вистина.мк

Ќерката на Жељко Митровиќ – газдата на „ТВ Пинк“, по втор пат се вери за својот свршеник: Кристина овој пат му кажа „да“ на рускиот милијардер

Антонио Димитриевски — Wed, 27 Sep 2023 10:54:14 +0000

Ќерката на сопственикот на Телевизија Пинк, Жељко Митровиќ, Кристина Митровиќ денеска се сврши. Имено, Кристина Митровиќ веќе еднаш ја раскина свршувачката со своето момче Илија, кој е милијардер од Русија, но набргу тие се смириле. Кристина радосната вест од втор обид, сега ја сподели со своите следбеници на Инстаграм. Таа покажа прескап дијамантски прстен и напиша дека му кажала „да“ на идниот сопруг. Инаку ќерката на Жељко Митровиќ и милијардерот Илија се запознале за време на нивното школување во Англија. Зетот на Митровиќ важи за еден од најмладите милијардери во светот. Има приватни авиони, возачи, обезбедување, многу скапи автомобили... Инаку Илија оддамна ја навикна неговата српска избраничка да биде опсипана со скапи подароци по разни поводи. Така за нејзиниот 22-ри роденден наследничката на Митровиќ од својот свршеник добила и Шанел чанта, дијамантски прстен на познатиот бренд „Cartier “, чија цена се движи до 20.000 евра... Како и ланче со приврзок од истиот бренд кој чини неколку илјади евра. Фото: Инстаграм/sixchick

Зоки – Фаци влезе во најпознатиот скопски секс шоп да пазари, па ги помеша „играчките“: Она што најмногу „го запали“, всушност е за… гаснење! (ВИДЕО)

Антонио Димитриевски — Sat, 11 Mar 2023 08:34:21 +0000

Зоран Василевски во јавноста многу попознат како Зоки - Фаци... Прекар што го доби по насловот на некогаш неговата популарна ТВ емисија. Контроверзен по многу нешта, пред се' по тоа што она што го има на ум, многу не му ја мисли јавно да го каже кога дава изјави или да „му го плесне“ в лице на соговорникот, кога води интервјуа и разговори. Неговата сексуална определба со која со години наназад вешто кокетира исто така постојано е дискутабилна, а одвреме-навреме доаѓа во фокусот на јавноста откако ќе излезе некој муабет во чаршијата или новинарските кулоари за него, ќе осамне некоја фотографија или клипче на мобилните телефони... За него може да зборуваaт се' и сешто, но факт е едно нешто: Зоран Василевски - Фаци како естраден новинар е еден од оние кои најмногу ги познаваат работите, одлично си ја владеа професијата и секогаш кога ќе се впуштат во работа, таа е перфектно завршена. Еден од оние кој прв го ползуваше стилот и силата на таблоидното новинарство и жолтиот печат во Македонија, а со самото тоа многумина од тотални анонимуси ги претворил во профлирани естрадни ѕвезди. До душа поединци од неговите искрени написи и прилози ги „болело глава“, имале проблеми и недоразбирања дома, врската, бракот или кариерата им виселе на конец заради објавеното или обзнаненото... Но, тоа е веќе друга тема за полемика. Нешто заради кое многупата Зоки Фаци вербално бил напаѓан, добивал непристојни предлози, чудни понуди, бизарни закани, а во неколку наврати и физички се обиделе да се пресметаат со него. Како и да е, Фаци е се', само обичен не. По последното Интернет подкаст шоу со „несреќниот“ Лазаров, Фаци се сетил дека нешто му недостасува, па решен да се поднови тргна во шопинг? Или чисто онака, само во прошетка, како што на пример жените шетаат по излози, така и тој навратил кај старите пријатели од најпознатиот скопски секс шоп, лоциран во центарот на македонската престолнина. Кај старите пријатели Фаци дочекан како добредојден гостин и муштерија, па откако пријателски се поздравија со газдата, Зоки тргна да разгледа што има ново на полиците. Случајно или не застана покрај онаа чија палета производи најчесто ја купуваат дамите, арно ама... Палетата новитети како и секогаш разновидна и раскошна, а патем истата збогатена и со нови американски модели од различни парчиња и величини... Арно ама, пребирливиот Фаци откако внимателно ја разгледа понудата око му фати еден „чуден“ позамашен црвен модел со некакво дополнително црево на себе!? „Ееее... Овој го сакам“ - му посочи со показалецот Фаци на газда Горан, кој онака зачуден, му падна малку незгодно, ама виде - не виде, мораше муштеријата да го соочи со вистината: „Абе Зоки, тоа е противпожарен апарат... За гаснење пожар“ - го разочара газдата Фаци, кој очигледно ги ги помешал „играчките“, зашто на што најмногу „го запали“, всушност е за... гаснење! Се разбира, сето ова само како смешка, како пародија на еден стар виц, кој во стилот на некогашниот хумор од „К15“, Зоки-Фаци и газда Горан го визуелизирле во скеч. Чисто онака за да ја насмеат публиката, односно Инстаграм следбениците... Патем и за да ги изрекламираат производите, на необичен инфлуенсерки начин. Е сега, тоа што некои велат дека во секоја шега има половина вистина...?

View this post on Instagram

A post shared by Zoran Vasilevski FACI (@zokifaci)

Фото: Инстаграм принтскрин/zokifaci

Тој е сопственик на 32 недвижнини: Брега живее луксузен живот, а еве што велат соседите за него

Слободанка Илиева — Mon, 07 Nov 2022 10:20:28 +0000

Горан Бреговиќ поседува две вили во елитната белградска населба Сењак. Додека едниот го изнајмува, во другиот дом музичарот останува кога е во Белград, а како што пренесуваат медиумите, во изминатата година музичарот купил уште два имоти кои моментално се во фаза на уредување, пренесува Курир.рс - Ја издава куќата за која ме прашувате, не живее во неа, но неодамна купи уште две вили во близина, двете во Сењак. Не знам точно каде се, но се шпекулира дека веќе почнал со работа и реновира една од нив. Колку што слушнав, на покривот ќе изградат огромен базен, но деталите навистина не ги знам – изјавил соговорникот замедиумот. Една од вилите на Бреговиќ во Сењак наводно е целосно обезбедена со висока камена ограда и видео надзор. Се пишуваше дека планирал да изгради музичко студио во оваа зграда, но тоа се уште не се случило.

View this post on Instagram

A post shared by Goran Bregović (@goran_bregovic_official)

Првиот сосед на прославениот газда на „Бело дугме“ откри дека го видел само еднаш во четири години, но дека неговата вила е секогаш полна. Тој рече дека Горан го користи тој имот за изнајмување и дека таму се снимаат многу филмови, серии, спотови и рекламни кампањи. Очигледно, според зборовите на еден случаен минувач, во соседството се зборува дека цената на еден ден снимање во неговата куќа сега чини 5.000 евра. На огромниот имот има прекрасна куќа од тули со големи прозорци каде што Бреговиќ го поминува времето кога е во Белград. Сепак, како што тврди „Курир“, во објектот имало луѓе, кучето лаело, но никој не сакал да ја отвори вратата од домот на Брега. Внатре во дворот се паркирани два автомобили и скутер, а соседите рекле дека повремено го гледаат музичарот и дека се однесува „како секој нормален човек“.

View this post on Instagram

A post shared by Goran Bregović (@goran_bregovic_official)

- Често го гледаме размислувајќи колку долго останува тука. Тој е главно на моторот секогаш кога времето е суво. Тој е нормален човек кој оди во продавница исто како и сите други, но дефинитивно е атракција каде и да се појави - рекла една млада госпоѓа, а работничка во блиската бакалница ги потврдила нејзините зборови: - Брега доаѓа кај нас кога е во Белград. Ги купува основните животни потреби, па на сите ни треба леб. Луѓето сакаат кога го гледаат овде, секогаш имаат прашање, нешто дофрлаат, но тој нема проблем со тоа. Одговора на сите, низ насмевка. фото:Инстаграм/принтскрин

Во време на криза момчето на Антониа Гиговска станал газда во Белград? (фото)

Слободанка Илиева — Fri, 19 Feb 2021 07:19:05 +0000

Во домашните медиуми деновиве се пишуваше дека младата пејачка Антониа Гиговска и нејзиното момче и колега, Иван Јованов, Денот на вљубените го поминале во Белград. За тоа сведочеа и фотографиите кои ги објавија на Инстаграм, а дополнително се појавија и гласини дека Иван убаво се подновил со тоа што наводно си купил стан во Белград и станал газда на недвижнина во главниот град на Србија.

View this post on Instagram

A post shared by Jovanov Ivan (@jovanov_ivan)

Прилог на тоа беше фотографијата на Антонија која позира наводно токму во новото гнездо на саканиот. Иван не чекаше многу, па деновиве на својот профил објави фотографија од Белград со која потврди дека навистина бил таму, а дали се пошегува со коментарот дека си купил стан или не, најдобро знае самиот.

View this post on Instagram

A post shared by ANTONIA GIGOVSKA (@antoniagigovskaa)

-По купувањето на станот во Белград- лабаво, напиша Иван во описот, а следбениците веднаш му честитаа во коментари.

View this post on Instagram

A post shared by Jovanov Ivan (@jovanov_ivan)

Музичката естрада е во длабока криза поради мерките од корона пандемијата, но Иван барем навидум според коментарите - „може да си дозволи или...“ Дали ова значи дека ќе почесто ќе биде на српска адреса, а можеби и планира нешто повеќе во музичката кариера надвор од Македонија, останува времето да покаже.

Какво куче, таков пасош… за газдата?

Антонио Димитриевски — Thu, 01 Oct 2020 12:01:37 +0000

На социјалните мрежи денес човек може се' и сешто да сретне! Од огласи и продажба, до мудри мисли од „малиот мозок“ и чудни пораки и постови. Еден таков предизвика лавина од урнебесни коментари и смеење, зашто „ваков бисер“ ретко се чита. Одговорот е само еден од мноштвото хумористични, меѓу кои доминираше и еден „пикантен“ коментар: „Абе брат, види вака, и ја на море иам е*ено еден куп Бугарки шо ги имаат сите документи, па пак бугарски пасош не ми дадоа“!

Угостителите пред „клиничка смрт“, естрадата едвај дише „на шкрги“: Еј каф(е)ано, да Бог да се отворила… (ФОТО)

Антонио Димитриевски — Wed, 13 May 2020 07:53:10 +0000

Корона пандемијата од корен ни го смени, а на некои речиси им го уништи животот... Погодени сме сите... По здравјето, социјалниот живот, по џебот... Меѓу најпогодените туристичките работници, угостителите и секако естрадата. Дејностите им ги затворија, работата им ја забранија уште првиот ден па се' до ден денес, ги оставија на милост и немилост, да се снаоѓа кој како знае и умее. И сега, кога пандемијата наводно почна да попушта, а мерките почнаа да ги олабавуваат, за некои дејности абер се нема, па никако „да им тргне работата“. Освен срамежливи најави деке ќе биде, од оваа, па од идната недела, па од... кој знае кога? А почнаа да се отвора се'... Моловите, фризерниците, берберниците, козметичките салони, автошколите, библиотеките, дури и казината и обложувалниците... Се', само кафеаните се' уште - НЕ! А, како што е добро познато, а на социјалните мрежи потврдено : „Нема кафеана - нема мир“! Не, не е во прашање „Пијана револуција“, туку трезна потреба за социјализација, дружење, опуштање и релаксација на народот. А како кафуле, бар, ресторан, меана... со еден збор кафеана, на овој бели свет - друго место нема! Особено на Балканот! Освен тоа, не само за кафеана, туку и од кафеаната живее и егзистира еден куп народ. Од газдите и нивните фамилии, готвачи, садомијачки, шанкери, келнери, хигиеничарки, обезбедување... преку сите оние индустрии и трговци чии продукти кафеаната ги троши во вид на набавена стока (роба)... Од скара, преку салата, до ракија... И се' што оди со нив пред и потоа! За свадбите подобро и да не зборуваме. Зашто се' што кажавме и повеќе од тоа, помножете го со дво, па и троцифрени бројки! За кафеаната не се врзани само газдите, персоналот и гостите, туку кафеаната живот и значи и на естрадата. Цела „армија“ музичари, свирачи, пејачи, пејачки, изнајмувачи на озвучувања и светло, естрадни менаџери, а со тоа и композитори, текстописци, продуценти, режисери, костимографи, кореографи, фризери, шминкери... и уште еден куп други најважни „споредни - а главни“ дејности и професии, зависат и на некој начин живеат преку естрадата, исто така од кафеаната! Здружението на естрадни уметници на Македонија ЗЕУМ праќа алармантни пораки и до Владата и до јавноста: „Имаме колеги кои се егзистенцијално загрозени“! Музичарите, пејачите, естрадните уметници воопшто и кафанџиите губат здив... И едните и другите едвај „дишат на шкрги“... https://arhiva.vistina.com.mk/megafon/zdruzenieto-na-estradni-umetnici-imame-kolegi-koi-se-egzistencijalno-zagrozeni/ Најпластичен пример се наизглед шеговитите, а всушност загрозувачко вистинити „повици за помош“ на некои од познатите естрадни уметници, на социјалните мрежи, по последната одлука на Владата и Комисијата за заразни болести угостителските објекти и понатаму да останат под клуч! Фолкерката Сања Сани Гроздановска е една од од оние на која кафеаната живот и значи, зашто е една од најбараните пејачки во скопските локали, па одлуката вака ја искоментира. Трајче Толевски од фолк групата „Скопски боеми“ има двоен проблем: Ем музичар, ем угостител, короната од газда го доведе на „просјачки стап“. Шеговито, ама во секоја шега велат има „половина вистина“, па, ако работите вака потрајат и онаа- втората половина „од вистината“ - ќе стане едно цело. Или поточно, егзистенцијална катастрофа! Деновиве чешитиот музичар и скопски угостител, сподели шеговит статус на социјалните мрежи кој можеби најпластично и најсликовито ја опишува состојбата на естрадните уметници. Колку корона пандемијата ги погоди, уназади, речиси им ги уништи кариерите и голата егзистенција. Можеби денес изгледа смешно, ама не дај Боже, утре може да биде вистинито... Угостителите се пред „клиничка смрт“, естрадата едвај дише „на шкрги“, затоа и едните и другите како и целиот народ поскауваат... Еј каф(е)ано, да Бог да се отворила! https://www.youtube.com/watch?v=zBgNUQiuze8

Не само Цеца чека внуче: И газдата на “Пинк“ – Жељко Митровиќ ќе стане дедо (ФОТО)

Антонио Димитриевски — Tue, 12 May 2020 11:55:44 +0000

Газдата на „розовата телевизија“, Жељко Митровиќ, во емисијата „Хит Твит“, се осврна на фактот дека не само Цеца Ражнатовиќ наскоро ќе стане баба, па откри дека и тој набрзо ќе стане дедо, зашто неговиот син Александар ќе стане татко. Александар е синот на Митровиќ од првиот брак, кој го доби со пејачката Соња Митровиќ - Хани. Подоцна се разведе и се ожени со сегашната сопруга Милица, со која ја има ќерката Кристина.

Властите најавија отворање на локалите, музичарот и угостител Трајче Толевски го најави новото мени на својата кафеана: Штом помине забраната ќе посакате менито да го „грицнете“ повеќе од храната (ВИДЕО)

Антонио Димитриевски — Sat, 09 May 2020 09:30:38 +0000

Корона пандемијата наводно почнала да стивнува, па властите полека почнаа да ги олабавуваат мерките. Меѓудругото, најавија скорешно отворање на угостителските локали, кои ќе мораат да работат по новите „здравствено-угостителски“ протоколи, кои до душа, ниту се комплетно донесени, ниту целосно им се јасни ни на оние кои ги носат, а камо ли на оние кои треба да ги спроведуваат! Како и да е, „што дошло - ќе се трга“ - велат старите, па познатиот македонски музичар, член на групата „Скопски боеми“ и скопски угостител Трајче Толевски, навреме почна да си ја подготвува за работа својата кафеана -„Камин Кама“. Покрај задолжителната дезинфекција, реорганизација на просторот, новите цени... потребно е и ново мени! За функционирање според новите „кафеанско-здравствени протоколи“ итриот Трајче, познат ем како голем мераклија и уште поголем шегаџија, решил да најде начин во новонастанатите услови на отежнато функционирање, како „ем волкот да биде сит, ем овците да бидат на број“... Или во превод, ем гостите задоволни, ем газдата „во новото време“ да не е многу посиромашен во заработката од порано! Просторот и квадратурата на кафеанта играат улога - ама не пресудна! Дали Трајче ќе го примени српскиот параван модел да „спојување“ на масите... ...Или скандинавскиот стакларник за двајца, сеедно. Тука не лежи ќарот! И тогаш на музичарот му падна генијална идеја... Дека „зајакот лежи“ во менито... Тука е тајната на изборот, вкусот и заработката... А вакво мени, какво што има намера да воведе газда Трајче, нема никој... Не само во Скопје, туку нема во цела Македонија. Ем подвижно, ем привлечно, ем примамливо и возбудливо, ем на пропишаната дистанца... И што е најважно, гостинот нема „да падне на га*от“ од цените, туку со широко ококорени очи и „падната вилица“ ќе гледа во него... Во менито, та цената колкава и да е! Зашто само кај газда Трајче и менито и цените се испишани на... На келнерката! Па, штом ги отворат кафеаните и помине забраната, први ќе посакате менито да го „грицнете“ повеќе и од храната...

Пејачката Марија Ана Смиљаниќ крвнички претепана: Газдата на локалот во кој настапувала ја претепал пред очите на гостите!

Антонио Димитриевски — Thu, 15 Nov 2018 11:02:59 +0000

Пејачката Марија Ана Смиљаниќ и поранешна учесничка во реалното шоу „Задруга“ честопати настапувал во еден белградскиот клуб, во кој пејачката таму повеќе не се појавува. Пред неколку дена извор близок до пејачката открил дека газдата на клубот во кој таа редовно пеела, физички ја претепал пред сите, а таа веднаш го пријавила во полиција.

„Видов дека еден од гостите и го грабна микрофонот од раце додека пееше, а потоа таа се симна од бината и му се пожали на газдата. И додека разговараа, тој во еден момент, пред сите почнаа крвнички да ја удира, по што Марија Ана веднаш го напушти клубот и веројатно отиде во полициска станица. Тоа изгледаше ужасно и многу понижувачки за неа“ - рече изворот кој бил очевидец на настанот, но инсистирал на анонимност.

Марија Ана се јави на нејзиниот профил на Инстаграм и потврди дека сопственикот на клубот физички ја нападнал. Таа напишала дека дотичниот и удирал шлаканици пред сите и дека наскоро ќе бидат обелоденети повеќе детали за неговото насилство врз неа.

И се врати на старата љубов, ама не ја заборави ниту првата: Коки, колку ве плаќа газдата за настап…?

Антонио Димитриевски — Thu, 30 Nov 2017 11:45:30 +0000

Коки Јанков, познатиот музичар од некогашното легендарно дуо „Дуле и Коки“, откако по смртта на Дуле најпрвин ја оформи групата „Тајфата“, деновиве реши повторно да и се врати на старата љубов - угостителството! Имено, тој пред извесен број години заедно со Дуле го држеше познатиот скопски ресторан „Балканика“, па како искуството во оваа област не му недостига, пред неполна седмица реши да го отвори својот ресторан „Кригла“, лоциран веднаш до Владата на Република Македонија.

Таму на своите гости Коки и неговиот персонал и нудат оригинална штипска пастрмајлија, разни домашни пити и други домашни специјалитети.

Но, покрај добрата храна и пијалок, брзата услуга и пристапните цени, гурманите се и љубители на убав амбиент кој го надополнува и убава музика.

Затоа газда Коки реши за овој сегмент од угостителството, сам да се погрижи! Така, атмосферата во неговиот локал за почеток ќе ја збогатат звуците на „Тајфата“, со познати песни од богатиот репертоар на нивни изведби! Или со други зборови, Кои реши да биде ем стопан, ем музичар во сопствениот локал!

Мудро, нема што! Единствено останува нејасно, како ли ќе одговори на прашањето: „Коки, колку ве плаќа газдата за настап во Кригла?“