Галеника – Вистина.мк

„Chymoral S“ на Галеника – новиот домашен сојузник за општо здравје

Дејан Донев — Wed, 21 Feb 2024 09:45:29 +0000

Препознатлива, а сепак нова и помоќна комбинација од три ензими подготви фармацевтската компанија Галеника во новиот „Chymoral S“. Состојките во препаратот се докажани во повеќе намени: воспаление на синусите, ринитис, инфекции за слузницата, горнореспираторни инфекции, артритиси, отоци или хематом по повреда, скршеница или по операција, како и по вадење заби. Производителот Галеника на македонскиот пазар го препознаваме по богатата палета на производи кои се докажале со повеќедецениска ефикасна примена и задоволни корисници, но и по посветеноста да ја унапреди понудата согласно современите потреби на потрошувачите. „Chymoral S“ е унапреден наследник на веќе препознатливиот Chymoral кој повеќе од пет децении успешно го издржа тестот на времето како сојузник на домашната аптека со широка примена и ефикасност. Новиот производ е применлив во повеќе области оториноларингологија, стоматологија, физијатрија, ортопедија и ревматологија како и во општата пракса при различни воспалителни состојби. Ова се должи на единствената комбинација на моќните три протеолитички ензими трипсин, хемотрипсин и серапептаза, кои имаат клучна улога во повеќе процеси во телото - разградувањето на протеините, олеснување на поправката на ткивото и намалување на воспаленијата. Трите ензими во „Chymoral®S“ имаат научно докажано дејство за подобрување нарушен проток на крв и лимфни течности, и како ефективен третман при отоци и крвни подливи и други отоци на мускулите, дава забележителни резултати и при отоци околу устата, вилицата или јазикот, при заздравување а скршеници или постоперативни терапии, третирање на артритис, како и во случај на горнореспираторни инфекции, ринити и синуситиси. Широкиот спектар на употреба се должи на антиинфламаторно, антиоксидативно, антиинфективно и муколитичко дејство „Chymoral S“, што го прави и исклучително важен при третман на инфекции на респираторен систем, воспалителни процеси на дишни патишта, густ бронхијален секрет, отежнато искашлување. Комбинацијата од трите ензими во Chymoral S овозможува брзо дејство и го намалува времетраењето на лекувањето. Односно, во случај на лечење на воспалителен процес, најдобри и најбрзи резултати се постигнуваат со комбиниран терапевтски третман со лекови за лечење на воспалението, кортикостероиди и протеолитички ензими, со што се овозможува синергистичко дејство. Впрочем ензимите трипсин и хемотрипсин ефикасно го намалуваат воспалението и го забрзуваат просецот на заздравување на ткивото кај пациенти после хируршки интервенции, други повреди или изгореници. Ензимите помагаат да се намалат и болките. Третиот ензим, серапептазата го дополнува дејството на трипсин и химотрипсин со своите антиинфламаторни карактеристики. „Chymoral S“ директно ги намалува отокот и густината на секретот при горнореспираторни заболувања. Односно, значително ги олеснува симптомите и справувањето со самата настинка или инфекција и го олеснува искашлувањето. Со тоа значително го намалува времетраењето на болеста. Производот се комбинира со антибиотска терапија и ја подобрува пенетрацијата на антибиотикот до заболеното или воспалено ткиво. Како додаток во исхраната, „Chymoral S“ не се издава на рецепт и достапен е во аптеките, каде совет за користење може да побарате од фармацевтот или да се посоветувате со матичниот доктор. Таблетката се пие исклучиво на празен желудник, 1 час пред оброк и не е наменет за деца помлади од 12 години. Овој препарат е само уште една нишка во посветеноста на Галеника кон корисникот и здравјето. Трајниот врвен квалитет на фармацевтските производи, надополнет со иновативни технологии се потврдува како сигурна и цврста основа за меѓународниот раст на Галеника како фармацевтски лидер во регионот и на европските пазари. Компанијата речиси осум децении е присутна на нашиот пазар и ужива оправдана доверба кај повеќе генерации корисници. Насочена да одговори на современите потреби на пазарот и потребите на пациентите и потрошувачите, компанијата инвестира во збогатување на производното портфолио со производи и од новата генерација лекови.

Витамини и минереали за повеќе насмевки и забава во зима

Дејан Донев — Tue, 19 Dec 2023 12:02:42 +0000

Здравата исхрана и редовната физичка активност треба да бидат дел од сечие секојдневие, тие помагаат да се одржи способноста на телото да одговори на секоја закана соодветно. Но дали е тоа доволно? Недостатокот на витамини и минерали може да доведе до намалување на перформансите на одбранбениот систем, а како да бидеме сигурни дека телото ги добива сите потребни хранливи состојки за оптимална функција на имунитетот? Не постои универзално решение кое ќе даде резултат кај секој. Некому му се потребни комплексни комбинации од витамини и минерали, а некому му е доволно во дневната рутина да додаде комплекс од витамини B. Во која група спаѓате вие?

Детето пребира храна, преземете контрола

Секој понекогаш пребира некоја храна, но кај децата и тинејџерите тоа е ритуал кој може да зависи од вкусот на јадењето или едноставно од бојата на состојките во чинијата. Многу од нив имаат листа на намирници за кои не сакаат да направат компромис и воопшто не ги внесуваат во исхраната. Повеќето витамински производи имаат примамлив вкус и мирис, па генерално сите ги прифаќаат. Витаминските сирупи им помагаат на родителите да имаат подобра контрола врз нутритивната вредност на храната која децата ја јадат. Здрави деца значи и насмеано семејство. Oligovit витаминскиот сируп за деца на Галеника е комбинација од повеќе витамини и тоа: витамин А, витамин D3, витамин Е, витамин B1, витамин B2, витамин B6, витамин C, ниацин и пантоненска киселина. Генерално, комбинацијата на витамини и на минерали, кога е наменета за возрасни можат да го спасат денот и да не ве напушти чувството на благосостојба. Микронутриентите во витамините и минералите се одговорни за реакцијата на нашиот имунолошки одговор. Односно, ги спречуваат патогените да се размножуваат. Всушност можат да влијаат на намалување и олеснување на симптомите преку поддршката која ја дава на имунолошкиот систем. Ако ви е потребен добар мултивитамин, Олиговит е достапен и за возрасни, а во портфолиото на овој бренд има голем избор на комбинации од витамини и минерали наменети за жени, трудници, мажи и лица кои интензивно вежбаат. За возрасни Олиговит е комбинација од 10 витамини А, D3, Е, B1, B2, B6, B12, C, ниацин, пантоненска киселина и 10 најпотребни минерали – калциум, железо, јод, цинк, флуорид, молибден, бакар, манган, магнезиум и хром. Галеника е еден од најголемите фармацевтски производители во регионот кој со децении се вложува за подигање на нивото на грижата за здравјето, како и на превентивата. Компанијата ја согледува важноста од подигање на свесноста кај луѓето за влијанието на здравата исхрана и редовното движење врз здравјето, но ја препознава и потребата од висококвалитетни производи со микронутриенти кои може да помогнат во зголемување на севкупното ниво на енергија на поединецот.

Не можете без кафе, а сепак ви недостига енергија

Комбинацијата на витамини B може значајно да влијае на енергетската состојба на секој човек, особено ако има навики кои ја намалуваат можноста телото да ги апсорбира витамините B. Не мора да станува збор за лоши навики, едноставно и утринското кафе или чаша алкохол може да влијае на нивото на витамин B или на витамин C во телото. Овие витамини се растворливи во вода, а кафето е диуретик кој го забрзува исфрлањето на течности од организмот а со тоа и на витамините кои се неопходни за метаболички процеси во телото. Една од комбинациите на витамини B, која е препознатлива на пазарот затоа што се произведува од 1955 година, е производот на Галеника кој во македонските аптеки може да се набави без рецепт. Спојот на повеќе витамини B, кои се неопходни за телото и може да се внесат и во форма на таблетки, обезбедува поддршка на нервниот систем, но и на имунитетот, како и на општата енергетска состојба на поединецот. Недостаток на B комплекс може да доведе и до анемија, мускулна слабост, интестинални проблеми, оштетување на нервите, нарушување на видот и други состојби. Секој од витамините B има различна улога во телото. B1 или тиамин му помага на телото да создаде енергија, а влијае и врз работата на нервниот систем, срцето и другите мускули. B3 или ниацин е добар за нервниот систем, циркулацијата на крвта и го намалува нивото на лош холестерол. B5 или пантотенска киселина е значаен за одржување на здрава кожа. B6 или пиридоксин помага при разградувањето на протеините и го одржува здравјето на нервниот систем. B12 или кобаламин влијае на апетитот и помага во превенцијата од анемија.

Не кратете на сонот, ниту на прошетките

Имунитетот е мошне комплексна појава за која секојдневно се дознаваат нови работи. Но, она што е добро познато и докажано е дека за јак имунитет потребни се сон и физичка активност. Не мора да одите во фитнес центри или да трчате. Секојдневната прошетка или рекреативно искачување ќе донесат подеднакво бенефити за телото како и здравата исхрана. За крај, може да се каже дека добриот избор на суплемент со правилна и здрава исхрана заедно ќе работат да се зајакне имунитетот и подобри нивото на енергија и благосостојба на поединецот. Физичката активност, пак, има бенефити, но е и нераскинливо поврзана со потребата од минерали и витамини да обезбедат енергија за телото. Затоа погрижете се да обезбедите минерали и витамини со кои ќе го затворите кругот и украсите со насмевки од целото семејство.

Дали настинките сега се посилни од пред пандемијата?

Дејан Донев — Mon, 27 Feb 2023 12:04:26 +0000

Бројот на заболени од грип според официјалните податоци се намалува, ама настинките не попуштаат. Температурните промени со минус степени во утринските часови влијаат настинките полесно да се шират. Впрочем настинките се карактеристични за овој период од годината, како и на пролет, кога надворешните температури вообичаено варираат во текот на денот и ноќта. Доколку во минатото не им посветувавме многу внимание на настинката, она што сега повеќето ги збунува, е зошто оваа сезона нејзините симптоми се посилни и полоши од пред пандемијата. Како што објаснуваат и матични доктори, повеќето заборавивме како изгледаат настинките, па последнава зима само наизглед личи дека искуството и симптомите се полоши од претходно. Особено што и поради мерките за заштита од претходните години, сега веројатноста повеќето да се соочат најмалку еднаш со настинка е повисока од претходните години. Симптоми на настинката наликуваат на оние на грипот или други слични вируси, но се послаби. Најчесто болните се жалат на затнат нос, кивање, кашлање, но не е исклучена можноста да има и болки во телото и мускулите, малаксаност, па и слабо зголемена температура. Стандардни совети кога ќе се појави настинка се повеќе течности, супи, овошје..., но кога болниот сака да си помогне со користење на лек без рецепт и решава да побара совет од фармацевт тогаш секако една од преферираните опции е комбинација на ибупрофен и псеудоефедрин. Оваа комбинација се користи за ублажување на симптомите на затнат нос, главоболка, болка, воспаление, зголемена температура и други симптоми на настинка и грип. Псеудоефедринот кој е деконгестив помага да се намали отокот во носната слузница а со тоа ја намалува затнатоста во носот. Додека пак ибупрофенот е нестероиден антиинфламаторен лек кој ја намалува болката и главоболката а исто така ја намалува и зголемената температура и знаците на воспаление. Токму оваа комбинација се содржи во брендот Дефринол на фармацевтскиот гигант Галеника во форма на таблети за возрасни и сируп за деца над 6 години. Производителот Галеника е регионален фармацевтски гигант, чии производи повеќе од седум децении може да се набават во секоја аптека во Македонија. Грижата за здравјето на луѓето е само дел од фокусот на компанијата, која е посветена и инвестира во квалитетни и современи производи кои одговараат на барањата на модерното живеење на секој поединец.

Половина деценија стратешко партнерство меѓу бразилскиот фармацевтски лидер EMS и Галеника во функција на здравјето во регионот

Дејан Донев — Fri, 09 Dec 2022 11:42:52 +0000

Регионалниот фармацевтски гигант Галеника веќе половина деценија стратешки соработува со најголемата фармацевтска компанија во Бразил, EMS, обезбедувајќи развој и унапредување на портфолиото на производи во корист на здравјето на сите во регионот. EMS е најголемата фармацевтска компанија во Бразил и една од најголемите во Латинска Америка и е дел од бразилската NC Групација (Grupo NC, www.gruponc.net.br). Откако кон крајот на 2017 година Галеника стана дел од NC Групацијата, се отвори патот за Галеника да стане регионален лидер со амбиции да продолжи да расте и да се шири и на други меѓународни пазари. Основата на купопродажбата беше стратешкото партнерство помеѓу Галеника и EMS, а како резултат на тоа, бразилскиот фармацевтски лидер EMS доби за партнер регионален фармацевтски гигант со голем потенцијал, долга традиција и многу силен бренд кој ужива доверба. Од друга страна, Галеника во компанијата EMS доби партнер, кој претставува извор за трансфер на знаење и технологија на производи од најновата генерација на генерички лекови. EMS е основана во 1964 година и е водечка фармацевтска компанија во Бразил, каде поседува 4 производствени фабрики, а во една од фабриките е сместен Центарот за истражување и развој, еден од најмодерните во Латинска Америка. EMS е на чело на бразилскиот фармацевтски пазар 16 последователни години и ги извезува своите производи во 55 земји. Тоа е првата бразилска компанија која почна со извоз на лекови во Европа. Во Италија, компанијата ја поседува истражувачката лабораторија Monte Research. EMS континуирано инвестира во инфраструктура и истражување и постојано ја проширува својата производна линија која се состои од лекови на рецепт, генерички лекови, брендирани лекови и лекови без рецепт (ОТЦ) и лекови за болничка употреба. По купопродажбата, Галеника континуирано бележи значително проширување на портфолиото на производи, раст на регионалните пазари во Босна и Херцеговина, Црна Гора, Македонија и Албанија и успешно работи на 15 меѓународни пазари во Европа, Блискиот Исток и Африка, а отворени се и канцеларии во Унгарија, Хрватска и Словенија. Исто така, важно е да се напомене дека трансферот на технологија на најновата генерација на генерички лекови се реализира преку стратешко партнерство на Одделот за развој на Галеника со нејзината сестринска компанија EMS. Докажан регионален лидер, Галеника планира да го продолжи трендот на интернационализација на својот бизнис на меѓународните пазари, и притоа да остане „Посветени на луѓето, верни на здравјето“.

Весел почеток на есента со детската забава од Галеника

Дејан Донев — Fri, 30 Sep 2022 11:57:35 +0000

Детскиот џагор ја разубави забавата на Галеника во Градскиот парк во Скопје, каде на Школка се собраа стотици граѓани да и кажат „Здраво“ на есента. Топлите први денови од есента беа причина Скопјани во голем број да одговорат на поканата за една голема детска забава, а како сите се забавуваат е најдобро да ја разгледате галеријата со фотографии. Најмладите со воодушевување ги посетија кошето со мини ликовна колонија каде редеа колажи и го цртаат „Здравко – здрав како лав“, додека пред ракометниот гол се натпреваруваа идните ракометни таленти. Особено голем интерес привлече македонскиот шампион во решавање Рубикова коцка Ѓорѓи Чешмеџиевски кои ги воодушеви децата со брзите потези додека ги подредуваше боите на магичната коцка, а некои од момчињата се обидоа да покажат и сопствените вештини. Додека најмалите се фотографираа или снимаа видеа за спомен, за добра музика се погрижи DJ Mats и аплаузи мамеа и авторските музички хитови на Пајак и Антониа Гиговска.

Пробиотик за здрав стомак и силен имунитет

Дејан Донев — Mon, 29 Aug 2022 09:42:54 +0000

Пробиотикот се наметна како неопходна поддршка за здрав стомак, но и за одржување на имунитетот, откако секојдневно сме се почесто под притисок од случувања врз кои немаме влијание. Редовна физичка активност, доволно течности и здрава и разновидна исхрана, се првите препораки за здрав систем на варење и имунитет, но понекогаш тоа не е доволно. Посегнуваме по пробиотикот прво преку млечните производи, а потоа кога е потребно и како суплемент, затоа што независно дали сте дома или патувате со автомобил, автобус или авион, вознемирениот стомак е непријатен аларм дека гастроинтестиналниот систем бара внимание и нега. Особено во текот на летото кога појавата на дијареја или гадење ги тревожи и децата и родителите. Впрочем, најмладите се особено чувствителни на промената на просторот и храната како за време на годишните одмори, така и со почетокот на школската година. А, вознемирениот стомак е знак дека забавните мигови може порано да завршат. Првата помош по која посегнуваме кога ќе се појават проблемите со варењето, може да биде и одлична превентива за секој чувствителен стомак. Затоа и педијатрите во некои случаи препорачуваат со пробиотик да се почне пред да се појави стресот, барем во случаи кога може да се планира. Како на пример патувањето каде може да се сретнете и со егзотична храна. Препораката е веднаш да се стартува со пробиотик и кога се користи антибиотик. Но што е пробиотикот, во која храна е присутен и како да се избере од богатата понуда во аптеките? Според Светската здравствена организација (СЗО) пробиотиците се дефинирани како: живи организми кои кога се внесени во соодветни количини даваат бенефити за организмот. Пробиотикот е најчесто комбинација од живи бактерии како Saccharomyces boulardii, Lactobacillus acidophilus, Lactobacillus rhamnosus, Bifidobacterium lactis и други различни соеви. Тоа се таканаречени добри бактерии кои живеат во цревата и помагаат за правилно варење на храната, но и нормално функционирање на имунолошкиот систем. Пробиотиците ги има во млечните производи – кефир, јогурт или кисело млеко, но храната најчесто не е доволно и на системот за варење му е потребна дополнителна поддршка со добри бактерии. Во регионалниот фармацевтски гигант Галеника препорачуваат во овие случаи да водите според потребите на телото, како и возраста. Линијата пробиотици на Галеника вклучува повеќе производи наменети за возрасните и децата, и тоа Flonivin Plus, Flonivin Boulardii, Flonivin Forte, Flonivin Baby I Flonivin Kids Immuno, развиени соогласно барањата или потребите на луѓето. Може пробиотикот да се комбинира и со други состојки кои придонесуваат телото подобро да го искористи потенцијалот на добрите бактерии, но кои истото така помагаат и за подобар одговор на имунолошкиот систем. Меѓу овие состојки ги среќаваме инулинот (пребиотик кој го поттикнува развојот на добрите бактерии), потоа цинкот, како и витамин Ц. Во други случаи покрај овие состојки може да има и комбинација на два типа на добри бактерии Saccharomyces boulardii и Bifidobacterium bifidum, како и цинк, кои заеднички придонесуваат за надминување на симптомите карактеристични за синдромот на иритабилно црево. Односно, пробиотикот ги надвладува лошите бактерии и помага да се одржи здравата цревна микрофлора. Фармацевтскиот производител Галеника, кој во последниве години ја зацврстува својата улога и позиција во регионов, е препознатлив бренд на македонскиот пазар. Довербата меѓу потрошувачите се потпира на препознатливата посветеност и квалитетот што фармацевтскиот гигант го преточува во своите производи веќе 77 години. Од 2017 година Галеника е дел од NC Групацијата, која ја вклучува EMS, најголемата фармацевтска компанија во Бразил и една од најголемите фармацевтски компании во цела Латинска Америка. Промената внесе и нови инвестиции и начин на менаџирање кои ја трансформираа Галеника во регионален лидер кој одговора на современите барања на потрошувачиите со иновативни процеси.

Галеника ја освои регионалната награда „Digital Cup Awards“ за најдобра дигитална ребрендинг кампања

Дејан Донев — Thu, 09 Jun 2022 13:22:57 +0000

На неодамна одржаната конференција Social Media Summit во Сараево, Галеника ја освои „Digital Cup Awards“ наградата во категорија – најдобра кампања на годината за ребрендирање. „Digital Cup Awards“ е стручна награда која се доделува на компании и брендови за најквалитетна и најпрофесионална дигитална кампања во изминатата година. Натпреварот е од регионален карактер и учествуваа 67 компании од сите земји во Адриатик регионот. Се доделија 20 награди во различни категории, додека стручното жири, составено од експерти во регионот во областа на дигиталниот маркетинг, на Галеника и ја додели наградата „НАЈДОБАР РЕБРЕНДИНГ НА ГОДИНАТА“, по детална анализа на кампањата од сите учесници во оваа категорија.

„Да бидете препознаени како најдобар во некоја категорија покажува колку добро ја работиме својата работа и ни дава поттик да продолжиме најдобро и најквалитетно, затоа што нашите потрошувачи тоа го заслужуваат. Регионалната награда за најдобра дигитална кампања зборува за тоа колку Галеника, како компанија, има своја модерна работна визија. Новиот визуелен идентитет на компанијата дојде по инвестицискиот и трансформацискиот циклус кој е реализиран претходните години, а кој резултираше со модернизација на компанијата и дигитализација на работењето. Со ова, во врска со ребрендинг кампањата која ја реализиравме, имавме цел да ја смениме перцепцијата кај потрошувачите и да воведеме нов визуелен идентитет како показател за иновативниот правец по кој се движи компанијата“, вели Наид Губалевиќ, менаџер за Босна и Херцеговина во компанијата Галеника.

Галеника ја реализираше ребрендинг кампањата под слоганот „Посветени на луѓето, верни на здравјето“ во средината на 2021 година. Кампањата имаше цел да воведе нов визуелен идентитет преку боите кои симболизираат вредност на компанијата и уште повеќе ја рефлектираат нејзината мисија и посветеност на здравјето и одговорното работење. * * * Фармацевтската компанија Галеника е основана 1945 година. Кон крајот на 2017 година, стана дел од NC Групацијата (www.gruponc.net.br), која ја опфаќа и ЕМС – најголемата фармацевтска компанија во Бразил и една од најголемите фармацевтски компании во цела Латинска Америка. Галеника е на второ место по пазарно учество во Србија, а произведува генерички лекови, диететски суплементи, козметички производи и медицински средства. Стратегијата на Групата е развој на Галеника како модерна и флексибилна компанија, фокусирана на истражување и развој, која константно работи на унапредување на своите производи за унапредување на здравјето и квалитетот на живот, на задоволство на клиентите.

Раст на производството и збогатување на портфолиото на производи на фармацевтската компанија Галеника

Дејан Донев — Wed, 02 Mar 2022 11:44:57 +0000

Компанијата Галеника, дел од бразилската NC групација, во 2021 година значајно го збогати портфолиото со производи, постигна раст во Србија и на регионалните пазари и продолжи со модернизација во работењето. На пазарот во Србија, Галеника оствари раст на продажбата од 13 проценти во однос на 2020 година, додека на другите регионални пазари (Северна Македонија, Босна и Херцеговина и Црна Гора), растот на продажбата е дури 33 проценти. Во Србија и регионот, регистриран е 31 производ, додека 29 веќе се пуштени во продажба. Во 2021 година, Галеника оствари раст на производството од 9% во однос на 2020 година. Освен во регионот, Галеника успешно работи на 13 меѓународни пазари во Европа, Блискиот исток и Африка, каде го зголеми извозот за 14%, додека на ЕУ пазарот успешно регистрираше 19 производи. Институтот за истражување и развој на Галеника, во стратешко партнерство со сестринската компанија од Бразил – EMS, работи на трансфер на технологија за пет производи од новата генерација генерички лекови. Успешно е завршен трансферот на технологија за 2 производи, додека останатите 3 се очекува да бидат завршени до крајот на април годинава.

„Галеника зазема стабилна пазарна позиција за што придонесува бескомпромисната посветеност кон квалитетот и ширење на портфолиото на производи во согласност со современите потреби на потрошувачите. Нашите клучни двигатели за стекнување деловна вредност вклучуваат вложувања, дигитализација и модернизација, како и обезбедување поддршка од заедницата во која работиме. Минатата година ја обележа и интернационализацијата на работењето со значаен раст во регионот и на меѓународните пазари. Меѓународното работење е област каде ќе продолжиме да се развиваме и во текот на 2022 година“, вели Рикардо Виан Маркес, генерален директор на компанијата Галеника.

Продолжува и процесот на дигитализација на компанијата. На патот да стане „интелигентна компанија“, Галеника во 2021 година ја имплементираше SAP Analytics Cloud – најнапредната платформа која комбинира деловна интелигенција (business inteligence), напредна и предиктивна аналитика и можност за планирање во интегрирано деловно опкружување. Покрај фокусот на континуитетот на производството и снабдувањето, како и безбедноста на вработените, Галеника во 2021 година започна и нов инвестициски циклус со фокус на заштита на животната средина и зголемување на енергетската ефикасност. * * * Фармацевтската компанија Галеника е основана во 1945 година. При крајот на 2017 година стана дел од NC Grupe (www.gruponc.net.br), која ја опфаќа и EMS – најголемата фармацевтска компанија во Бразил и една од најголемите фармацевтски компании во цела Латинска Америка. Галеника е на второ место по пазарно учество во Србија, а произведува генерички лекови, диетални суплементи, козметички производи и медицински средства. Стратегијата на Групата е да ја развива Галеника како модерна и флексибилна компанија, фокусирана на истражување и развој, која константно работи на унапредување на своите производи за унапредување на здравјето и квалитетот на животот, на задоволство на корисниците.

И тимот на фармацевтски гигант Галеника трчаше низ Скопје

Дејан Донев — Wed, 06 Oct 2021 11:44:26 +0000

Со тимот на Галеника, учесници на 17 издание на Скопскиот маратон трчавме и разговаравме за здравствените придобивките од трчањето и маратоните. Стартот за здрава и енергична заедница се рекреативните спортови, а можноста да има услови граѓаните да ги почувствуваат придобивките од рекреативното спортување, се впрочем придобивки за целата заедница. Врвот на едно вакво рекреативно спортување, викендов, се случи во Скопје. Со над 6000 тркачи учесници во најголемото случување, по 17 – пат се, одржа Скопскиот маратон и годинава во трките се приклучи и тимот на , српскиот фармацевтски гигант Галеника. Под слоганот „Посветени на луѓето, верни на здравјето“ на маратонот учествуваа вработените од македонското претставништво, гости од дирекцијата во Србија и нивни пријатели.

„Нашиот главен бизнис е да одговориме на потребите на заедницата од аспект да ја одржиме нејзината добросостојба. Физичката активност е еден од стожерите за здрава заедница, односно здрав граѓанин, а трчањето е една од најпопуларните рекреативни спортови. Сепак, тука сме како тим, преку кој градиме и социјални врски кои помагаат да се зајакне и нашиот тим на вработени, но и да бидеме дел од една активна заедница која ужива во рекреација е и среќна заедница. Впрочем и заедницата преку физичката активност на поединците полесно ги гледа резултатите или придобивките од рекреативното спортување, како што се менталната, емотивната и социјалната благосостојба“, вели Даниел Јаневски, генерален директор во Галеника, Северна Македонија.

Придобивките од рекреативното спортување се многу, како за заедницата, така и за индивидуалецот, кој пред се има здравствени придобивки. Посебно за трчањето може да се сложиме дека последните 10-тина години е еден од најактуелните рекреации во Скопје. Се трча на Кеј, на Водно, се посетува секоја локација каде има услови за трчање. А оние кои еднаш ќе почнат, ги набројуваат сличните здравствени бенефити: поцврсти мускули, подобра кардиоваскуларна кондиција, поцврсти коски бидејќи е вежба во која секој носи тежина (сопствената), согорува повеќе калории од она што ќе го изеде и се разбира, помага да се одржи здрава тежина. Сите овие придобивки се рефлектираат врз една среќна и здрава индивидуа, со поголема самопочит и самодоверба. Расте и чувството за креативност, а уривајќи ги личните рекорди расте и чувството за достигнување. Покрај забавата, личноста чувствува и поголемо задоволство и намалување на стресот. Трчањето маратон, исто така, создава упорност, истрајност и волја за успех и фокус да се стигне до целта. Има и една друга страна на рекреативните спортови, а тоа е дека позитивно влијаат врз животната средина. Особено трчањето, затоа што целата заедница мора да придонесе да креира физички услови за спортување. Затоа, не губете ниту една минута. Направете нешто ЗАБАВНО, искористете ги можностите за рекреативно трчање, затоа што и придобивките се бесконечни!

Галеника со нов изглед што ја рефлектира трансформацијата во модерна компанија ориентирана кон иднината

Дејан Донев — Wed, 21 Jul 2021 10:21:54 +0000

Едeн од најпрепознатливите брендови во регионалниот фармацевтски бизнис, Галеника во мај го промовираше новиот визуелен идентитет, во согласност со модерната деловна визија на компанијата. Новиот изглед ги одразува трансформациите и инвестициите низ кои помина Галеника од 2017 година, кога стана дел од бразилската Групација НЦ, во која спаѓа и ЕМС - една од најголемите фармацевтски компании во Латинска Америка Фармацевтската компанија „Галеника“ со нов изглед ги прославува 76. години успешен бизнис во служба на здравјето со производство на продукти и лекови што се значајни за животот. Еден од најпрепознатливите брендови во регионалниот фармацевтски бизнис минатиот месец лансираше нов визуелен идентитет, во согласност со модерната деловна визија на компанијата. Новиот изглед ги одразува трансформациите и инвестициите низ кои помина Галеника од 2017 година, кога стана дел од бразилската Групација НЦ, која ја вклучува и ЕМС - најголемата фармацевтска компанија во Бразил и една од најголемите фармацевтски компании во Латинска Америка. Групацијата НЦ во аквизицијата на Галеника виде можност за вистинско стратешко партнерство што за бразилскиот инвеститор ќе го отвори европскиот пазар. Возобновувајќи се како регионален лидер кој обезбедува фармацевтски производи дизајнирани за подобрување на квалитетот на животот, во последните две години Галеника мина низ интензивен период на инвестиции и трансформации. Врз основа на традиционалните позитивни вредности на доверба и квалитет, што ја прават Галеника препознатлива во регионот, новиот бразилски стратешки партнер инвестираше во модернизација на компанијата, носејќи иновации на српскиот пазар и во регионот. Во првиот квартал од 2021 година, во споредба со истиот период во 2020 година, Галеника го зголеми извозот во земјите од регионот - Македонија, Босна и Херцеговина и Црна Гора за 147%. Исто така, во соработка со својата сестринска компанија од Бразил - ЕМС, Институтот за истражување и развој на Галеника работи на трансфер на технологија за уште четири производи од поновата генерација на генерички лекови. Иновативниот начин на размислување бараше промена на визуелниот идентитет на компанијата на начин што ќе ја рефлектира новата модерна Галеника со многу силни вредности како што се интегритет, страст, храброст и одговорност. Новите бои на логото се сина, зелена и розова, а сите заедно прикажуваат дека Галеника е посветена на луѓето и верна на здравјето.

„Сината ја претставува традицијата и посветеноста, истрајноста, квалитетот ... наследство кое го негуваме и со кое се гордееме. Зелената е боја на природата, безбедноста и е симбол на здравјето, здравиот раст на кој сме фокусирани, додека розовата е боја на грижата и љубовта, но и на солидарноста. Ова е круната на иновациите што беа донесени во Галеника преку разни и значителни инвестиции во новото производство, деловните стандарди, развојот на вработените, растот на портфолиото, заштитата и одржливост на животната средина, дигиталната трансформација, како и во корпоративните односи и кампањите за производи. Во 2018 година Галеника беше 4-та компанија според уделот на фармацевтски пазар во Србија, а заклучно со 2019 година, Галеника има стабилна втора позиција. Во исто време Галеника останува посветена на луѓето и верна на здравјето “, вели Даниел Јаневски, генерален директор во Галеника, Северна Македонија.

Галеника почна да го применува новото лого на производи што се присутни на македонскиот пазар. Но, воведувањето на логото на пазарот, според генералниот директор Јаневски ќе биде долг процес спроведен во Агенцијата за лекови и медицински помагала - МАЛМЕД. На македонскиот пазар, Галеника е присутна со различни генерички лекови на рецепт, додатоци во исхраната и козметика, кои се етаблирани како познати брендови, а во блиска иднина се планираат и лансирања на нови производи.