фритата – Вистина.мк

Фритата од тиквички посипана со пармезан: Италијанско јадење за 15 минути, послужете ја топла со кисело млеко

Слаѓана Атанасова — Tue, 13 Jun 2023 12:08:28 +0000

Ако сакате тиквички во различни сорти, тогаш оваа комбинација сигурно ќе ве воодушеви. Тиквичките најчесто се пржат или прават мусака, а сега ви пренесуваме рецепт за француски омлет. Совршениот спој на вкусови е направен од тиквички, сирење и јајца кои се спојуваат во рерната, ослободуваат сок и прават да добиете лесен, здрав, но и исклучително вкусен оброк. Направете сочна и ароматична фритата, печете ја во рерна и послужете со јогурт или кисело млеко. Најдобро е да се јаде додека е уште топла! Состојки: 3 тиквички 4 чешниња лук 7 јајца 4 супени лажици растително масло 150 гр пармезан сирење 1 кромид 2 лажици босилек Подготовка: Кромидот и лукот ситно исечкајте ги, а тиквичките исечкајте ги на тенки прстени. На две лажици растително масло пропржете го кромидот, а потоа додадете ги лукот и тиквичките – сè динстајте уште 3 до 5 минути. Изматете ги јајцата со сечканиот босилек и половина од ренданиот пармезан. Со оваа смеса прелијте ги тиквичките. Сето тоа се става во огноотпорен сад за печење, намачкан со преостанатото масло, а одозгора се посипува пармезан. Печете 10-15 минути на 200 степени.Уживајте! Извор: Курир.мк

Рецепт за вкусна италијанска фритата: Здрав оброк кој ќе го засити целото семејство

Слободанка Илиева — Wed, 20 Apr 2022 12:30:16 +0000

Фритата е италијанско јадење кое потсетува на омлет или кајгана. Таа од неа се разликува по тоа што, освен јајцата, во фритатата може да додадете буквално сè од зеленчук, зачини и млечни производи. Ова јадење е прекрасен сојузник кога ви е потребен брз, вкусен и заситен појадок кој ќе го израдува цело семејство. Состојки: - 10 јајца; - 400 грама свеж спанаќ; - 200 грама младо сирење; - Млад кромид; - 2 домати; - 1 главица кромид; - Сол и бибер; - Зачини по вкус; - Масло за јадење. Подготовка: Загрејте ја тавата, додадете малку масло за јадење и ставете го ситно исечканиот кромид да прокрчка додека не омекне. За тоа време, изматете ги јајцата, додадете спанаќ, сирење, сол, бибер, зачини по вкус и кромидот, па сето тоа заедно помешајте го. Вратете ја целата смеса во тавата, а на врвот распоредете го исечканиот домат и младиот кромид. Поклопете ја тавата и оставете тоа да се пече околу пет минути додека смесата од јајца не почне да се стврднува на краевите. Во претходно загреана рерна на 200 степени Целзиусови ставете ја фритатата пет минути. Младиот кромид исечкајте го, распоредете го низ целата фритата. Исечете ја на триаголници, па уживајте во јадењето. извор:точка.ком.мк

Подобро од мусака: Фритата со компири и мелено месо

Слободанка Илиева — Fri, 10 Jan 2020 11:19:43 +0000

Направете компир фритата со мелено месо.

СОСТОЈКИ: 250 гр. мелено месо 2 главици кромид 300 гр. компир 8 јајца 200 гр. пармезан масло, сол и бибер ПОДГОТОВКА: Се вари компирот со лушпа, па се лупи и сече на кругови. Се става на тава на шпорет масло, се пржи меленото месо со сол и бибер. Се кршат јајцата и се додаваат на кромидоо заедно со пармезан и зачини. Се мати се убаво. Се ставаат врз прженото мелено месо компири, па смесата од јајца. Се става на рерна на 200 степени 10 минути да се запече. Готви со љубов и уживај во храната извор:готви.мк